Эм, эмийн үнийн мэдээллийн сан

Жороор олгох эм

Хэрэглэх заавар

ББ-С тарилга (Фурсултиамин гидрохлорид, ампул), BB-S Injection (Fursultiamine HCL, ampoule)
Фурсултиамин гидрохлорид тарилга, Fursultiamine Hydrochloride Injection
Витамин В1, Vitamin B1 Injection

※ Хүүхэд хүрэхгүй газарт хадгална.

※ Хүчинтэй хугацаа нь дууссан эмийг хэрэглэж болохгүй.

Ерөнхий шинж:

Өнгөгүй, үнэргүй ба бага зэрэг гашуун амттай бөгөөд бор туншилд савлагдсан тунгалаг уусмал.

Найрлага (1мл-т агуулагдах агууламж)

Үндсэн үйлчлэгч бодис:
- Фурсултиамины гидрохлорид (KP): 5.46мг (5мг Фурсултиаминтай тэнцэхүйц),
Туслах бодис:
- Глюкоз, тарилгын ус.

Хэрэглэх заалт:

Витамин В1-ийн дутагдлын эмчилгээ болон урьчилан сэргийлэлт;
Витамин В1-ийн хэрэгцээ их боловч хоол хүнсээр хангалттай авч чадахгүй байгаа тохиолдол (хэрэгцээ их өвчнүүд, гипертироидизм, жирэмсэн эмэгтэй,хөхүүл эх, ачаалал ихтэй биеийн хүчний ажил гэх мэт);
Вернекийн энцефалопати;
Бериберигээс үүдэлтэй зүрхний эмгэг;
Витамин В1-ийн дутагдал болон бодисын солилцооны өөрчлөлтөөс үүдэлтэй дараах шинж тэмдгүүд:

1) Мэдрэлийн өвдөлт (невральги);

2) Булчингийн өвдөлт, үе мөчний өвдөлт (артральги);

3) Захын мэдрэлийн үрэвсэл, захын мэдрэлийн саажилт;

4) Миокардийн бодисын солилцооны эмгэгшил;

5) Өтгөн хатах зэрэг ходоод-гэдэсний эмгэгшилүүд;

6) Мэс ажилбарын дараах гэдэсний саажилт.

Витамин В1-ийн дутагдал болон бодисын солилцооны өөрчлөлтөөс шалтгаалсан хэмээн таамаглагдаж буй дээрх шинж тэмдгүүдийн үед 1 сар хэрэглэхэд үр дүнгүй гараагүй тохиолдолд хэрэглэхээ зогсооно.

Тун ба хэрэглэх арга:

Насанд хүрэгсдэд Фурсултиаминыг өдөрт 5~100мг тунгаар 0.9% натрийн хлоридын уусмалаар шингэлж венийн судсанд аажим тарина.
Өвчтөний нас болон шинж тэмдгийг харгалзан үзсний үндсэнд тунг зохицуулж болно.

Хэрэглээний болгоомжлол

Анхааруулга:

Туншилийг онгойлгох үед шилний үйрмэг уусмалд орж сөрөг урвал үүсгэж болзошгүй. Иймдшилний үйрмэг гаргахгүй байх хэрэгтэй.
Ялангуяа хүүхэд болон өндөр настанд хэрэглэхдээ анхаарах хэрэгтэй. (Зөвхөн туншилтэй тарилгын хувьд).

2. Дараах хүмүүст хэрэглэхийг хориглоно. Үүнд:

Тус эм эсвэл найрлагад орсон аль нэгэн бодист хэт мэдрэгшилтийн өгүүлэмжтэй өвчтөнүүд.

3. Дараах тохиолдолд болгоомжтой хэрэглэнэ. Үүнд:

Эмийн бэлдмэлд хэт мэдрэгшилтийн өгүүлэмжтэй өвчтөнүүд

4. Гаж нөлөө

Ноцтой гаж нөлөө:

Ховор тохиолдолд шок үүсгэх тул өвтөнг сайтар хянах хэрэгтэй.
Хэрэв цусны даралт буурах, цээжээр өвдөх буюу амьсгал давчдах шинж тэмдгүүд илэрвэл эмчилгээг даруй зогсоож, зохих эмчилгээг хийх хэрэгтэй.

Бусад гаж нөлөө:

Хэт мэдрэгшилтийн урвал: ховор тохиолдолд тууралт гарах зэрэг хэт мэдрэгшилтийн үүсч болох ба илэрсэн даруйд эмчилгээг зогсоох хэрэгтэй.
Хоол боловсруулах системийн талаас: ховор тохиолдолд дотор муухайрах, бөөлжих, хэл үрэвсэх, хааяа суулгах.
Бусад: хааяа толгой өвдөх, олон удаа шээх.

5. Хэрэглэх үеийн болгоомжлол:

Судсаар тарихад судас даган өвдөж болзошгүй тул тарилгын хурд аль болох аажим удаан байх шаардлагатай.
Хэрэглээд үлдсэн тарилгын уусмалыг хэрэглэж болохгүй, учир нь үлдсэн уусмал нь бактериар бохирдсон байж болзошгүй.
Туншилийг нээх: Зүсэх цэг бүхий туншилийг туншилийн толгойн хэсэгт байх тэмдгийн эсрэг чиглэлд (доош чиглүүлэн) түлхэж нээнэ.