Эм, эмийн үнийн мэдээллийн сан

Галмагель Хөвмөл (Galmagel Suspension)

(1,5г Алмагат)

Найрлага 1 уутанд (15мл) агуулагдана.

Алмагат 1,5г

Дүрслэл

Цагаан өнгөтэй хөвмөл.

Хэрэглэх заалт

Ходоодны хүчиллэгийг саармагжуулахаас гадна дараах өвчнийг намдаана: ходоод-дээрх гэдэсний шархлаа, ходоодны үрэвсэл, хүчиллэг ихсэх, цээж хорсох, дотор муухайрах, бөөлжих, ходоод өвдөх, ходоод улаан хоолойн сөөргөө.

Хэрэглэх арга, тун

Насанд хүрэгсэд ба 12-с дээш насны хүүхэд: Алмагатыг 1-1,5г-р хоногт 3 удаа хооллосноос хойш 30 минутаас 1 цагийн дараа хэрэглэнэ.

Ходоод-дээрх гэдэсний хүнд хэлбэрийн шархлаа: 1 уут бэлдмэлийг хоногт 4 удаа, унтахын өмнө эсвэл хооллосноос хойш 1-2 цагийн дараа хэрэглэнэ. Шаардлагатай үед унтахаас өмнө дахин 1 тунг хэрэглэж болно.

Болгоомжлол

Уг бэлдмэлийг дараах өвчтөнд хэрэглэж болохгүй.

Уг бэлдмэлд эсвэл бэлдмэлийн найрлага дахь бүрэлдэхүүн хэсгүүдэд хэт мэдрэгшлийн өгүүлэмжтэй хүмүүс
Альцгеймерийн өвчтэй өвчтөн
Шамбарамтай өвчтөн
Шингэн хуримтлагдсан хавантай өвчтөн
Эклампсийн урьдал үед байгаа өвчтөн
Суулгалт илэрч буй өвчтөн
Оношлогдоогүй хоол боловсруулах замын цус алдалттай өвчтөн

Дараах бэлдмэлтэй уг бэлдмэлийг хамт хэрэглэж болохгүй.

Тетрациклины бүлгийн антибиотик (хамт хэрэглэж байгаа үед шимэгдэлтийг нь дарангуйлж болно.)

Дараах хүмүүс уг бэлдмэлийг хэрэглэхээсээ өмнө эмч, шүдний эмч, эм зүйчид хандаж зөвлөгөө авах хэрэгтэй.

Өөр эм хэрэглэж байгаа өвчтөн: хамт хэрэглэж байгаа эмийн шимэгдэлт болон ялгаралт нь уг эмийн шингээх нөлөө эсвэл хоол боловсруулах зам дахь биеийн шингэний рН-ийн ихсэлтээр өөрчлөгдөж болно. Иймээс болгоомжтой хэрэглэнэ.

Стероид бус үрэвслийн эсрэг эм, шархлааны эсрэг эм, хуруувчин цэцгийн бэлдмэл, хлорпромазин, лансопразол, преднизолон, пенициллин, хинолинууд, төмөр (Fe): шимэгдэлт нь багасаж болох тул 2-3 цагийн зайтай хэрэглэнэ.
Салицилын хүчил: бөөрний ялгаралтыг ихэсгэнэ.

Бөөрний дутагдал: Магни ба хөнгөн цагааны ион нь удаан хугацаагаар бөөрөнд хуримтлагдаж болно. Бөөрний хүнд хэлбэрийн дуьагдалтай өвчтөнд хэрэглэхгүй.
Биеийн байдал сул дорой хүмүүс,фосфор бага хоолны дэглэм барьж буй хүмүүс, хоол боловсруулах үйл ажиллагааны болон шимэгдэлтийн алдагдалтай хүмүүс: уг бэлдмэлийн хөнгөн цагааны давс нь фосфорын шимэгдэлтийг багасгадаг учир удаан хугацаагаар хэрэглэх нь цусан дахь фосфатын агууламжийг багасгах ба ясны эрдэсжилтийг өөрчилж болно.
Өндөр настан
Цустай бөөлжих, баас хар гарах зэрэг хоол боловсруулах замын цус алдалтын шинж илэрч буй хүмүүс
Жирэмсэн ба жирэмсэн байж болзошгүй эмэгтэйчүүд, хөхүүл эмэгтэйчүүд

Дараах тохиолдолд эмч, шүдний эмч, эм зүйчтэй зөвлөнө. Хэрэв боломжтой бол зөвлөлдөхдөө уг хавсралтыг авч яваарай.

Хоол боловсруулах систем: уг эмйг хэрэглэх үед суулгалт эсвэл өтгөн хаталт тохиолдож болно.
Хэрэв хэрэглэснээс хойш 2 долоо хоногийн дараа сайжрал илрэхгүй бол

Хэрэглээнд зориулсан анхааруулга

Эмчийн бичсэн тун ба хэрэглэх аргыг сайн баримтлан хэрэглэнэ.
Хүүхдэд хэрэглэж байгаа үед түүнийг эцэг эх эх, асран хамгаалагчийн хяналтан дор хэрэглэнэ.

Хадгалалттай холбоотой болгоомжлол

Хүүхэд хүрэхээргүй газар хадгална.
Эмийг үйлдвэрийн савлагаанаас нь гаргаж өөр саванд хадгалах нь эмийг буруу хэрэглэснээс осол гарах эсвэл бэлдмэлийн чанар муудах шалтгаан болж болно.
Нарны гэрэл тусахгүй, бага чийгшилтэй, сэрүүн газар хадгална.

Хадгалалт ба хүчинтэй хугацаа