Хэрэглэх заавар
ЭМИЙН БЭЛДМЭЛИЙГ ЭМЧИЛГЭЭНД ХЭРЭГЛЭХ ЗААВАР
Дилакса®
Dilaxa®
Худалдааны нэршил: Дилакса
Олон улсын ерөнхий нэршил: целекоксиб
Эмийн хэлбэр: капсул
Найрлага:
100 мг/200 мг 1 капсул нь дараах агууламжтай:
o Идэвхтэй бодис: Целекоксиб 100,00 мг/200,00 мг
o Туслах бодис: лактозын моногидрат, натрийн лауринсульфат, повидон-К30, натрийн кроскармеллоз, магнийн стеарат.
Хатуу желатинан капсул № 3:
o Их бие: титаны диоксид (E171), желатин
o Таглаа: титаны диоксид (E171), желатин
Хатуу желатинан капсул № 1:
o Их бие: титаны диоксид (E171), будагч төмрийн шар исэл (E172), желатин
o Таглаа: титаны оксид (E171), будагч төмрийн шар исэл (E172), желатин
Ерөнхий шинж:
o 100 мг капсул. Хатуу желатинан капсул № 3 цагаан өнгөтэй (Их бие болон таглаа). Капсулын агуулагдахуун – цагаан буюу бараг цагаан өнгөтэй мөхлөгдсөн нунтаг .
o 200 мг капсул. Хатуу желатинан капсул № 1 хүрэн-шаргал өнгөтэй (Их бие болон таглаа). Капсулын агуулагдахуун – цагаан буюу бараг цагаан өнгөтэй мөхлөгдсөн нунтаг.
Эмийн эмчилгээний бүлэг: стероид бус үрэвслийн эсрэг бэлдмэл
АТС код: M01AH01
Фармакологийн шинж чанар
Фармакодинамик:
o Целекоксиб нь үрэвслийн эсрэг, өвдөлт намдаах болон халуун бууруулах үйлчилгээтэй бөгөөд үүнийг үндсэндээ циклооксигеназ-2(ЦОГ-2)-ийг дарангуйлан үрэвсэл үүсгэгч простагландины(Pg) үүсэлтийг хориглосонтой холбоотой хэмээн тооцдог.
o Үрэвслийн улмаас ЦОГ-2 үүсэлт өдөөгдөн простагландиний нийлэгжилт болон хуримтлал үүсгэснээр, юуны түрүүнд простагландин E2 нь үрэвслийн илрэлийг хүндрүүлдэг байна (хаван болон өвдөлт).
o Целекоксиб нь эмчилгээний тунгаараа хүний бие мах бодод ЦОГ-1-ийг мэдэгдэхүйцээр дарангуйлдаггүй бөгөөд ЦОГ-1-ийн идэвхжилтийн улмаас нийлэгжих простагландиний концентраци болон мөн түүнчлэн ЦОГ-1-тэй холбоотой болон эд, юуны түрүүнд ходоод, гэдэс болон тромбоцитат явагдах физиологийн хэвийн үйл ажиллагаанд нөлөөлдөггүй байна.
Бөөрний үйл ажиллагаанд үзүүлэх нөлөө:
o Целекоксиб нь бөөрөөр ялгарах PgE2 6-кето-PGF1 (простациклиний метаболит) хэмжээг багасгадаг боловч харин сийвэнгийн тромбоксин В2-ийн концентраци болон бөөрөөр ялгарах 11-дегидро-TxB2, тромбоксаны метаболит-д (хоёулаа ЦОГ-1-ийн бүтээгдэхүүнүүд) нөлөөлдөггүй байна.
o Целекоксиб нь өндөр настан болон бөөрний архаг дутмагшилтай (БАД) өвчтөнүүдэд түүдгэнцэрийн шүүлтийн хурдыг бууруулдаггүй бөгөөд натрийн ялгаралтыг түр зуур багасгадаг болно.
o Артриттай өвчтөнүүдэд захын хаван үүсэлт, артерийн гипертензи болон зүрхний дутмагшил илрэх давтамж нь ЦОГ-1 болон ЦОГ-2-той хамааралтай идэвхжилтийг дарангуйлах нөлөө үзүүлэх ЦОГ-г сонгомол бус дарангуйлагчидтай харьцуулж болохуйц байв.
o Шээс хөөх эмээр эмчлэгдэж буй өвчтөнүүдэд илүү илэрхий үйлдэл үзүүлдэг болох нь харагдсан байна.
o Түүнчлэн артерийн даралт ихсэлт болон зүрхний дутмагшил үүсэх давтамжийн ихсэлт ажиглагдаагүй, харин захын хаван нь хөнгөн зэргийнх байсан бөгөөд өөрөө эдгэрч байжээ.
Фармакокинетик
Шимэгдэлт:
o Өлөн үед хэрэглэхэд целекоксиб нь сайн шимэгддэг бөгөөд хэрэглэснээс хойш 2-3 цагийн дараа цусны сийвэнд оргил концентрацидаа (Cmax) хүрдэг байна.
o Целекоксибыг 200 мг-аар хэрэглэсний дараах цусны сийвэнгийн Cmax нь концентраци нь 705 нг/мл байдаг.
o Целекоксибийн үнэмлэхүй биохүрэхүй нь судлагдаагүй байна.
o Cmax болон <<концентраци-хугацааны>> муруйн доорх талбай нь (AUC) ойролцоогоор 200мг хүртэлх тунгаар өдөрт 2 удаа хэрэглэх эмчилгээний тунгийн хүрээнд хэрэглэж буй тунтай пропорциональ байдаг бөгөөд целекоксибыг илүү өндөр тунгаар хэрэглэхэд Cmax болон AUC-ийн ихсэлтийн зэрэг нь илүү бага пропорционалаар явагддаг.
Хоол хүнс идэхийн нөлөө:
Целекоксибыг өөх тостой хүнстэй зэрэг хэрэглэх нь Cmax-д хүрэх хугацааг ойролцоогоор 4 цагаар болон шимэгдэлтийг 20% хүртэл ихэсгэдэг байна.
Тархалт:
o Целекоксибийн цусны сийвэнгийн уурагтай холбогдох түвшин нь түүний концентрациас хамаарахгүй бөгөөд ойролцоогоор 97% байдаг.
o Целекоксиб нь цусны эритроцитуудтай холбогддоггүй байна.
o Целекоксиб нь цус тархины хоригоор нэвтэрдэг болно.
Хувиралт:
o Целекоксиб нь үндсэндээ цитохром Р450 (CYP) CYP2С9 изоферментийн оролцоотойгоор элгэнд гидроксилжих, исэлдэх ба заримдаг глюкуронжих замаар хувирдаг («Бусад эмийн бодистой харилцан нөлөөлөл» хэсгийг харна уу). Үүссэн метаболит бүтээгдэхүүн нь ЦОГ-1 ба ЦОГ-2-ийн хувьд эм судлалын идэвхигүй байдаг.
o CYP2С9 изоферментийн идэвхижилт нь CYP2С9 изоферментийн полиморфизмд гомозигот байдалтай удамшлын полиморфизмтэй өвчтөнүүдэд буурсан байх ба уг байдал нь фермэнтүүдийн идэвхийг бууруулахад хүргэдэг.
Ялгаралт:
o Целекоксиб нь гэдэс ба бөөрөөр метаболит хэлбэрээр (гэдсээр 57%, бөөрөөр 27%), нийт хэрэглэсэн тунгийн 1%-аас бага нь өөрчлөгдөөгүй хэлбэрээр гадагшилна.
o Давтан хэрэглэсэн тохиолдолд хагас ялгаралтын хугацаа (T1/2) нь 8-12 цаг, харин клиренс нь ойролцоогоор 500мл/мин байдаг.
o Давтан хэрэглэсэн тохиолдолд цусны сийвэн дэх тогтвортой концентрацидаа 5 дахь хоногтоо хүрнэ.
o Фармакокинетикийн үндсэн үзүүлэлтүүдийн (AUC, Сmax, Т1/2) хэлбэлзэл ойролцоогоор 30% байдаг.
o Эрүүл залуу хүмүүст концентрацийн тогтворжилттой нөхцөлд тархалтын дундаж эзэлхүүн 500л/70кг байдаг бөгөөд энэ нь целекоксиб эдэд өргөн хүрээгээр тархдаг болохыг гэрчилж байна.
Зарим тусгай бүлгийн өвчтөнүүдийн фармакокинетик
Өндөр настай өвчтөнүүдэд:
o 65-аас дээш настай өвчтөнүүдэд Cmax ба AUC үзүүлэлтүүд 1.5-2 дахин ихэссэн байдал ажиглагддаг ба энэ нь дийлэнхи тохиолдолд наснаас бус биеийн жингийн өөрчлөлтөөс хамаардаг байна (Ер нь л өндөр настай өвчтөнүүд залуу хүмүүстэй харьцуулахад биеийн дундаж жин нь нилээд бага байдаг ба ижил нөхцөлд хэрэглэхэд өндөр настай өвчтөнд целекоксибын тогтвортой концентраци илүү өндөр үүсдэг байна). Яг энэ шалтгаанаар өндөр настай эмэгтэй хүмүүст эрчүүдтэй харьцуулахад цусны сийвэнд целекоксибийн концентраци ерөнхийдөө илүү өндөр байдаг болох нь тэмдэглэгдсэн.
o Фармакокинетикийн уг онцлог нь ерөнхийдөө эмийн тунг тусгайлан зохируулах шаардлага үүсгэдэггүй байна. Гэсэн хэдий ч 50 кг-аас бага жинтэй өндөр настай өвчтөнд тунг зөвшөөрөгдсөн хамгийн бага тунгаас эхлэх нь зүйтэй.
Арьсны өнгө:
Негр хүмүүст европ хүмүүстэй харьцуулахад целекоксибийн AUC нь ойролцоогоор 40%-аар илүү байна. Үүний шалтгаан нь тодорхойгүй байгаа тул негр хүмүүст зөвлөдөг тунгийн хамгийн бага хэмжээнээс эхлэх хэрэгтэйг зөвлөпөг.
Элэгний үйл ажиллагааны дутмагшил:
o Целекоксибийн концентраци нь элэгний дутагдлын хөнгөн зэрэгтэй (Чайлд-Пью ангиллаар А зэрэгтэй) өвчтөнүүдэд бага зэрэг өөрчлөгддөг байна.
o Харин элэгний дутагдлын дунд зэрэгтэй (Чайлд-Пью ангиллаар В зэрэгтэй) өвчтөнүүдэд цусны сийвэн дэх целекоксибийн концентраци нь бараг 2 дахин ихэсч болзошгүй.
Бөөрний үйл ажиллагааны дутмагшил:
o Насны өөрчлөлттэй холбоотой түүдгэнцрийн фильтрацийн хурд нь (СКФ) > 65 мл/мин/1.73 м2 болсон ба түүдгэнцрийн фильтрацийн хурд нь 35-60 мл/мин/1.73 м2-тай тэнцүү өвчтөнүүдэд целекоксибийн фармакокинетик өөрчлөгддөггүй байна.
o Сийвэнгийн креатининий концентраци (буюу креатининий клиренс (КК)) хэмжээ ба целекоксибийн концентрацийн хооронд магадтай хамаарал байхгүй.
o Целекоксиб нь үндсэндээ элгэнд идэвхигүй метаболит болох замаар гадагшилдаг тул бөөрний дутагдлын хүнд зэрэг нь целекоксибийн клиренсэд нөлөөлөхгүй гэж таамагладаг байна.
Хэрэглэх заалт:
o Остеоартроз, ревматоид артрит ба анкилозит спондилитийн шинж тэмдгийн эмчилгээ,
o Өвдөлт намдаах зорилгоор (нурууны өвдөлт, яс-булчингийн өвдөлт, мэс заслын дараах өвдөлт ба бусад төрлийн өвдөлтүүд),
o Сарын тэмдгийн үеийн өвдөлт.
Хориглох заалт:
o Целекоксиб ба түүнд агуулагдах бусад аль нэгэн бодист хэт мэдрэгшилт,
o Сульфонамидад хэт мэдрэгшилттэй болох нь өмнө нь тогтоогдсон тохиолдол,
o Гуурсан хоолойн багтраа, хамрын ба хамар дайврын полипын дахилтат хэлбэр зэрэг нь ацетилсалицилын хүчил эсвэл ҮЭСББ зэрэг ЦОГ-2-ийг дарангуйлагч бусад бэлдмэлийг хэрэглэх хориглох заалттай (түүний дотор өгүүлэмжтэй) хавсарсан тохиолдлууд,
o Гол судас-титэм судасны шунтын хагалгааны дараах байдал,
o Ходоод ба дээд гэдэсний салст бүрхэвчийн идэвхтэй хэлбэрийн шархлаа буюу ходоод ба дээд гэдэсний шархлаат өвчин, тэдгээрийн сэдрэлийн үе буюу ходоод-гэдэсний цус алдалт,
o Гэдэсний үрэвсэлт өвчнүүдийн (Кроны өвчин, шархлаат колит) сэдрэлийн үе,
- Зүрхний архаг дутмагшил (NYHA ангиллаар үйл ажиллагааны ангилал II-IV),
o Эмнэлзүйгээр батлагдсан зүрхний цусан хангамж дутагдлын өвчин болон захын артерийн ба тархины судасны эмгэгүүдийн хүнд хэлбэрийн үе шат,
o Геморраги хэлбэрийн тархинд цус харвалт,
o Субарахноидаль цус харвалт,
o Жирэмслэлт ба хөхөөр хооллох үе(«Жирэмсэн ба хөхөөр хооллох үеийн хэрэглээ хэсгийг харна уу»),
- Элэгний хүнд хэлбэрийн дутмагшил (Чайлд-Пью ангиллаар С анги) (хэрэглэсэн туршлага байхгүй),
o Бөөрний хүнд хэлбэрийн дутмагшил (КК 30 мл/мин-аас бага), гиперкалиеми-д хүргэж буй бөөрний даамжралтат эмгэгүүд (хэрэглэсэн туршлага байхгүй),
o 18 нас хүртэл (хэрэглэсэн туршлага байхгүй).
- Лактозыг үл тэсвэржилт, лактазын дутагдал эсвэл глюкоз-галактозын мальабсорбцийн хамшинж ( Дилакса® бэлдмэл нь лактоз агуулдаг).
Болгоомжтой хэрэглэх нь:
o Ходоод-гэдэсний замын өвчнүүд (ходоод ба дээд гэдэсний шархлаат өвчин, шархлаат колит, Кроны өвчин, цус алдсан өгүүлэмжтэй),
o Helicobacter pylori халдвартай,
o дигоксинтой хамт антикоагулянт бэлдмэл (жишээ нь, варфарин), антиагрегант (жишээ нь, ацетилсалицилийн хүчил, клопидогрел), глюкокортикоид (жишээ нь, преднизолон), шээс хөөх бэлдмэл, серотониний эргэн хамагдалтыг сонгомлоор дарангуйлагч бэлдмэлүүд (жишээ нь, циталопрам, флуоксетин, пароксетин, сертралин), CYP2С9 изоферментын дарангуйлагч хэрэглэж байгаа,
o удаан метаболизаторуудын улмаас буюу тэгж таамаглагдаж буй өвчтөнүүд, шингэн хоригдох ба хавагнах эмгэгтэй, элэгний үйл ажиллагааны дутагдлын дунд зэрэгтэй өвчтөнүүд («Тусгай заавар» хэсгийг харна уу),
o элэгний эмгэгийн өгүүлэмжтэй, элэгний порфири,
o Бөөрний үйл ажиллагааны алдагдалтай (КК 30-60 мл/мин),
o Эргэлдэх цусны хэмжээ эрс багассан тохиолдлууд (ялангуяа хагалгааны дараах байдал),
o Зүрх судасны эмгэгүүд, артерийн даралт ихсэлт («Тусгай анхааруулга» хэсэгт үзнэ үү),
o Тархины судасны эмгэгүүд,
o Дислипидеми/Гиперлипидеми, чихрийн шижин,
o Захын артерийн судасны эмгэг,
o ҮЭСББ-ийг удаан хэрэглэсэн байдал, хүнд өвчнүүд, өндөр настай өвчтөн (ялангуяа жин багатай, шээс хөөх бэлдмэл хэрэглэж байгаа), тамхи татах, сүрьеэ, архинд донтох зэрэг эмгэгүүдийн үед болгоомжтой хэрэглэх ёстой.
Жирэмсэн ба хөхүүл үеийн хэрэглээ:
o Целекоксибийг жирэмсэн үед хэрхэн хэрэглэх талаар хангалттай мэдээлэл байхгүй байна.
o Жирэмсэн үед Дилакса® хэрэглэх эрсдэл тогтоогдоогүй тул үгүйсгэх боломжгүй байна.
o Целекоксибийг оруулаад ҮЭСББ-г хэрэглэх үед зарим эмэгтэйчүүдийн өндгөвчинд өөрчлөлт орж болзошгүй ба энэ нь жирэмсэн ба нөхөн үржихүйн үеийн хүндрэлийн шалтгаан болох боломжтой юм. Жирэмслэхээр төлөвлөж буй эмэгтэйчүүд ба үргүйдлийн шалтгаанаар үзүүлж буй эмэгтэйчүүдэд целекоксибийг оруулаад ҮЭСББ хэрэглэсэн эсэхийг тодруулах шаардлагатай.
o Целекоксиб нь Pg-ийн синтезийг дарангуйлдаг бүлгийн бэлдмэл тул жирэмсэн үед ялангуяа жирэмсний сүүлийн 3 сард хэрэглэхэд умайн агшилтын сулрал ба артерийн цорго цагаас өмнө хаагдахад хүргэж болно. Pg-ийн синтезийг дарангуйлдаг бүлгийн бэлдмэлүүдийг жирэмсний эхний үед хэрэглэхэд жирэмслэлтийн явцад сөрөг нөлөө үзүүлж болзошгүй юм.
o Целекоксиб нь хөхний сүүгээр ялгардаг гэсэн цөөн хязгаарлагдмал хүрээнд хийгдсэн тоо баримт байна. Судалгаагаар целекоксиб нь хөхний сүүгээр маш бага хэмжээгээр ялгардаг болохыг тогтоожээ. Гэсэн хэдий ч хөхүүл хүүхдэд үзүүлж болох гаж нөлөөг бодолцон эсвэл хөхөөр хооллолтыг зогсоох эсвэл эхэд целекоксиб хэрэглэхийг зогсоох шийдвэрийг Дилакса® бэлдмэлийг эхэд хэрэглэх шаардлагаас шалтгаалан гаргах хэрэгтэй.
Хэрэглэх арга ба тун хэмжээ:
o Хоолноос хамаарахгүйгээр усаар даруулж зажлахгүй ууж хэрэглэнэ.
o Тунг ихэсгэх эсвэл удаан хугацаагаар хэрэглэх тохиолдолд зүрх судасны талаас гарах гаж нөлөө ихсэх тул Дилакса®-г хамгийн бага идэвхит тунгаар хамгийн боломжит богино хугацаагаар хэрэглэнэ.
o Удаан хугацаагаар хэрэглэх зөвшөөрөгдсөн хоногийн хамгийн дээд тун нь 400 мг байна.
Остеоартрозын шинж тэмдгийн эмчилгээнд:
200 мг хоногийн тунг нэг дор буюу эсвэл хоёр хувааж хэрэглэнэ.
Ревматойд артритийн шинж тэмдгийн эмчилгээнд:
100 мг эсвэл 200 мг-аар хоногт хоёр удаа хэрэглэнэ.
Анкилозот спондилоартритийн шинж тэмдгийн эмчилгээнд:
o 200 мг хоногийн тунг нэг дор буюу эсвэл хоёр хувааж хэрэглэнэ.
o Зарим өвчтөнд хоногт 400 мг-аар хэрэглэхэд үр дүнтэй байдал ажиглагдсан.
Анхдагч дисменоррей ба өвдөлт намдаах эмчилгээнд:
o Эхлэх тун нь 400 мг байхыг зөвлөдөг бөгөөд цаашид шаардлагатай бол эхний өдөр 200 мг нэмэлт тунг өгнө.
o Дараах өдрүүдэд шаардлагатай тохиолдолд 200 мг тунгаар хоногт хоёр удаа хэрэглэнэ.
Өндөр настай өвчтөнүүдэд:
Ерөнхийдөө тунг зохицуулах шаардалагагүй. Гэхдээ 50 кг-аас бага жинтэй өвчтөнд зөвшөөрөгдсөн хамгийн бага тунгаас эхлэх шаардлагатай.
Элэгний үйл ажиллагааны алдагдалтай өвчтөнүүдэд:
o Элэгний дутмагшилын хөнгөн зэргийн үед (Чайлд-Пью ангиллаар А ангилал) тун зохицуулалт шаардлагагүй.
o Элэгний дутмагшилын дунд зэргийн (Чайлд-Пью ангиллаар В ангилал) үед анхны зөвшөөрөгдсөн тунг хоёр дахин багасгах шаардлагатай.
o Элэгний дутагдлын хүнд зэргийн (Чайлд-Пью ангиллаар С ангилал) үед уг бэлдмэлийг хэрэглэсэн туршлага байхгүй («Хориглох заалт» хэсгийг харна уу).
Бөөрний үйл ажиллагааны алдагдал:
o Бөөрний дутмагшилын хөнгөн ба дунд зэргийн үед тунг зохицуулах шаардлагагүй.
o Бөөрний дутмагшилын хүнд зэргийн үед уг бэлдмэлийг хэрэглэсэн туршлага байхгүй («Тусгай анхааруулга», «Хориглох заалт» хэсгийг харна уу).
Флуканазолтой хамт хэрэглэх нь:
o Флуконазол (CYP2C9 изоферментийг дарангуйлагч) ба Дилакса® бэлдмэлийг хамт хэрэглэх үед анхны зөвшөөрөгдсөн тунг хоёр дахин багасгах шаардлагатай.
o CYP2C9 изоферментийг дарангуйлагч бусад эмүүдтэй хамт хэрэглэхдээ анхаарал болгоомжтой байх хэрэгтэй.
CYP2C9 изоферментийн субстратыг хувиргалт удааширсан үед:
o Удаан метаболизатор бүхий өвчтөн буюу тийм байж болзошгүй өвчтөнүүдэд Дилакса® бэлдмэлийг болгоомжтой хэрэглэх шаардлагатай. Эдгээр өвчтөнүүдэд целекоксиб нь цусны сийвэнд их концентрациар хуримтлагдах боломжтой юм. Иймд дээрх өвчтөнүүдэд ердийн зөвлөдөг тунг хоёр дахин багасган хэрэглэх шаардалагатай.
Гаж нөлөө
ДЭМБ-ийн эмийн гаж нөлөө үүсэлтийн давтамжийн ангилал:
o Маш түгээмэл: ≥ 1/10
o Түгээмэл: ≥ 1/100 - < 1/10
o Түгээмэл бус: ≥ 1/1000 - < 1/100
o Ховор: ≥ 1/10000 - < 1/1000
o Маш ховор: < 1/10000
o Давтамж тодорхойгүй: одоогийн байгаа мэдээллээр давтамжийг
тодорхойлох боломжгүй.
Зүрх судасны тогтолцооны талаас:
o Түгээмэл: захын хаван, артерийн даралт ихсэх, даралт ихсэлт гүнзгийрэхийг оруулаад;
o Түгээмэл бус: «халуун оргих», зүрх дэлсэх;
o Ховор: зүрхний архаг дутмагшил, хэм алдагдал, зүрх дэлсэх, ишемийн цус харвалт, зүрхний шигдээс.
Ходоод гэдэсний тогтолцооны талаас:
o Түгээмэл: хэвлийн өвдөлт, суулгалт, диспепси, гэдэс дүүрэлт, бөөлжилт;
o Түгээмэл бус: шүдний өвчин (шүд авсны дараах буйл орчмийн үрэвсэл- альвеолит);
o Ховор: ходоод ба дээд гэдэсний шарх, улаан хоолойн шархлаа;
o Маш ховор: гэдэс цооролт, нойр булчирхайн үрэвлсэл.
Мэдрэлийн тогтолцооны талаас:
o Түгээмэл: толгой эргэх, нойргүйдэх;
o Түгээмэл бус: тайван бус болох, булчингийн тонус ихсэлт, нойрмоглох;
o Ховор: ухаан будангуйрах (психоз).
Бөөр, шээс ялгаруулах тогтолцооны талаас:
Түгээмэл: шээсний замын халдвар.
Амьсгалын тогтолцооны талаас:
o Түгээмэл: бронхит, ханиалгалт, синусит, амьсгалын дээд замын үрэвсэл;
o Түгээмэл бус: фарингит, ринит.
Арьсны талаас:
o Түгээмэл: арьс загатнах (түүний дотор бүх биеийг хамарсан), арьсны тууралт;
o Түгээмэл бус: чонон хөрвөс, хамраас цус гарах;
o Ховор: үс халцрах.
Цусны тогтолцооны талаас:
o Түгээмэл бус: цус багадалт;
o Ховор: ялтсан эс цөөрөх-тромбоцитопени.
Мэдрэх эрхтэний талаас:
Түгээмэл бус: чих шуугих, хараа бүүдийх.
Лабораторийн үзүүлэлтүүд:
Түгээмэл бус: «элэгний» ферментүүдийн идэвхжилт ихсэх (тухайлбал, аланинаминотрасфераз ба аспартатаминотрансфераз ихсэх).
Харшилын урвалууд:
o Ховор: ангионевротик хаван;
o Маш ховор: цэврүүт тууралт (арьсны цэврүүт үрэвсэл).
Бусад:
Түгээмэл бус: харшлын өвчин сэдрэх (хэт мэдрэгшилт), томуу төст хамшинж, санамсаргүй гэмтэл, нүүр хавагнах.
Зах зээлийн дараах ажиглалтаар
Харшилын урвал:
Маш ховор: анафилакси (анафилаксийн урвал).
Мэдрэлийн тогтолцооны талаас:
o Ховор: хий үзэгдэл илрэх (галлюцинаци);
o Маш ховор: тархинд цус харвах, асептик менингит, амтлах мэдрэхүй алдагдах, үнэрлэх мэдрэхүй алдагдах.
Мэдрэх эрхтэний талаас:
Түгээмэл бус: конъюнктивит.
Зүрх-судасны тогтолцооны талаас:
o Ховор: уушигны артерийн тромбоэмболи;
o Маш ховор: васкулит.
Хоол боловсруулах тогтолцооны талаас:
o Ховор: ходоод-гэдэсний замаас цус алдах, элэгний үрэвсэл;
o Маш ховор: элэгний дутагдал, цахилгаан (фульминант) гепатит, элэгний үхжилт («Тусгай анхааруулга», «Элэгний үйл ажиллагаанд нөлөөлөх нь» хэсгийг харна уу), холестаз, холестатик гепатит, шарлалт.
Арьсны талаас:
o Ховор: гэрэлд мэдрэгших урвал;
o Маш ховор: Стивенс-Жонсоний хамшинж, олон хэлбэрт улайлт, хучуур эдийн хорт үхжилт, эозинофили ба системийн шинж тэмдгүүдтэй хавсарсан эмийн хамааралт тууралт (DRESS буюу хэт мэдрэгшилтийн хамшинж), цочмог тархмал экзантематоз пустулез, зулгаралтат дерматит.
Шээс ялгаруулах тогтолцооны талаас:
o Ховор: бөөрний цочмог дутмагшил («Тусгай анхааруулга», «Бөөрний үйл ажиллагаанд нөлөөлөх нь» хэсгийг харна уу), цусанд натри багасах;
o Маш ховор: бөөрний завсарын эдийн үрэвсэл, нефротик хамшинж, бөөрний үйл ажиллагааны бага зэргийн алдагдал.
Нөхөн үржихүйн тогтолцооны талаас:
o Ховор: сарын тэмдэгийн орчил алдагдах;
o Давтамж тодорхойгүй: эмэгтэйчүүдэд үр тогтох чадвар буурах* («Жирэмсэн ба хөхүүл үед хэрэглэх нь» хэсгийг харна уу).
Бусад:
Түгээмэл бус: цээжээр өвдөх.
* Жирэмслэхээр төлөвлөж буй эмэгтэйчүүд нь судалгаанаас хасагдсан тул давтамжид ороогүй.
Тун хэтрэлт:
o Тун хэтрэлтийн талаарх эмнэлзүйн мэдээлэл хязгаарлагдмал байна.
o Нэг удаа 1200мг тунгаар ба олон удаагийн тунгаар буюу 1200 мг хүртэл тунгаар хоногт хоёр удаа удаан хугацаагаар хэрэглэхэд эмнэлзүйн ач холбогдол бүхий гаж нөлөө ажиглагдаагүй байна.
o Тун хэтрэлтийг таамаглаж буй тохиолдолд дэмжих эмчилгээг хийх нь зүйтэй.
o Целекоксиб нь цусны сийвэнгийн уургуудтай их хэмжээгээр (97%) холбогдох тул диализ хийх нь үр дүнгүй хэмээн тооцож болно.
Бусад эмийн бэлдмэлүүдтай харилцан нөлөөлөл:
o “in vitro” судалгаагаар, целекоксиб нь CYP2D6 изоферментийн субстрат болдоггүй ч гэсэн түүний идэвхижлийг дарангуйлдаг байна. Ийм учраас “in vivo” нөхцөлд хувиралт нь CYP2D6 изоферментээс шалтгаалдаг бэлдмэлүүдтэй харилцан нөлөөлөлд орох магадлалтай юм.
o Варфарин ба бусад антикоагулянтууд: зэрэг хэрэглэсэн тохиолдолд протромбиний хугацаа уртасч болзошгүй.
Флуконазол, кетоконазол:
o 200 мг флуконазолыг хоногт 1 удаа зэрэг хэрэглсэн тохиолдолд целекоксибийн цусны сийвэн дэх концентраци 2 дахин ихэсдэг байна. Уг нөлөө нь целекоксибийн метаболизм CYP2C9 изоферментийн нөлөөгөөр флуконазолоор дарангуйлагдсантай холбоотой. Флуконазол (ингибитор изофермента CYP2C9) хэрэглэж буй өвчтөнүүдэд целекоксибийн тунг хоёр дахин багасгах шаардлагатай («Хэрэглэх арга ба тун» хэсгийг харна уу).
o Кетоконазол (ингибитор изофермент CYP3A4) нь целекоксибийн метаболизмд эмнэлзүйн ач холбогдолтой нөлөө үзүүлдэггүй байна.
Декстрометорфан и метопролол:
Целекоксибийг 200мг тунгаар хамт хэрэглэхэд декстрометорфан ба метопрололын концентраци (CYP2D6 изоферментын субстрат) дээрх дарааллаар 2.6 ба 1.5 дахин ихэсдэг болох нь ажиглагджээ. Энэ нь CYP2D6 изоферментын субстратын метаболизм нь CYP2D6 изоферментын өөрийнх нь идэвхижилт целекоксибоор дарангуйлагдсантай холбоотойгоор мөн дарангуйлагддаг байна
Метотрексат:
Целекоксиб ба метотрексатыг хамт хэрэглэхэд эмнэлзүйн ач холбогдол бүхий харилцан нөлөөлөл ажиглагдаагүй байна.
Даралт бууруулах эмүүд, Ангиотензинийг хувиргагч ферментийн дарангуйлагч (АХФ)/ангиотензин II рецепторын антагонист(АРА II), шээс хөөх эмүүд ба бета-адренорецепторыг хориглогч бэлдмэлүүд:
o Pg синтезийг дарангуйлснаар даралт бууруулах эмүүдийн нөлөөг бууруулах боломжтой ба түүний дотор Ангиотензинийг хувиргагч ферментийн дарангуйлагч ба/буюу ангиотензин II рецепторын антагонист(АРА II), шээс хөөх эмүүд ба бета-адрен рецепторын хориглогч бэлдмэлүүдийн нөлөөг ч мөн бууруулах боломжтой.
o Целекоксибийг Ангиотензинийг хувиргагч ферментийн дарангуйлагч, ангиотензин II рецепторын антагонист(АРА II), шээс хөөх эмүүд ба бета-адренорецепторыг хориглогч бэлдмэлүүдтэй хамт хэрэглэхдээ уг нөлөөллийг тооцох шаардлагатай. Харин лизиноприлийн артерийн даралт буулгах үйлдэлд фармакодинамикийн онцгой харилцан нөлөөлөл ажиглагдаагүй байна.
o Өндөр настай өвчтөнүүдэд, шингэн алдалттай (түүний дотор шээс хөөх эмчилгээ хийлгэж байгаа үед) буюу тохиолдолд эсвэл бөөрний үйл ажиллагааны алдагдалтай өвчтөнүүдэд ЦОГ-2-г сонгомлоор саатуулагч ҮЭСББ-ийг Ангиотензинийг хувиргагч ферментийг дарангуйлагч, ангиотензин II рецепторын антагонист(АРА II) ба шээс хөөх эмүүдтэй хамт хэрэглэхэд бөөрний үйл ажиллагааг улам алдагдуулж улмаар бөөрний цочмог дутмагшилд хүргэж болзошгүй.
o Дийлэнхи тохиолдолд дээрх нөлөөнүүд нь эргэж хэвийн болох боломжтой. Үүнтэй холбоотойгоор дээрх эмийн бэлдмэлүүдийг хамт хэрэглэхдээ анхаарал болгоомжтой байх хэрэгтэй. Дээрх эмүүдийн хамт хэрэглэхийн өмнө шингэн сэлбэлт хийж дараа нь Дилакса® эмчилгээг эхлэх нь зүйтэй. Түүнээс гадна бөөрний үйл ажиллагааг эмчилгээний эхэнд ба бэлдмэлүүдийг хавсран хэрэглэх үедээ тодорхой давтамжтай хянах шаардлагатай.
Циклоспорин:
ҮЭСББ нь бөөрний Pg-ний нийлэгжилтэнд нөлөөлдөг болохыг тооцвол циклоспоринтой хамт хэрэглэхэд бөөр хордуулах нөлөөний эрсдэлийг нь ихэсгэх магадлалтай.
Шээс хөөх бэлдмэлүүд:
ҮЭСББ нь зарим өвчтөнд фуросемид ба тиазидын шээсээр натри хөөх нөлөөг бөөрний Pg-ний нийлэгжилтэнд нөлөөлснөөр бууруулах боломжтой. Иймд целекоксибийг хамт хэрэглэхдээ уг нөлөөг бодолцох хэрэгтэй.
Жирэмслэлтээс хамгаалах ууж хэрэглэдэг эмүүд:
Целекоксиб нь хавсарсан найрлагатай жирэмслэлтээс хамгаалах бэлдмэлүүд (1мг норэтистерон/35мкг этинилэстрадиол) бэлдмэлийн фармакокинетикт эмнэлзүйн ач холбогдол бүрхий нөлөө үзүүлдэггүй байна.
Литий:
o Целекоксидийг 200 мг тунгаар хоногт 2 удаа ба литийн давсыг 450 мг тунгаар хоногт 2 удаа хамт хэрэглэхэд цусны сийвэн дэх литийн давсны концентраци ойролцоогоор 17%-аар ихэсдэг болох нь ажиглагджээ.
o Литийн бэлдмэл хэрэглэж буй өвчтөнүүдэд целекоксибийг хэрэглэх ба хэрэглээг зогсоохдоо сайтар хянаж байх шаардлагатай.
Бусад ҮЭСББ:
Бусад ҮЭСББ-ийг целекоксибтай хамт хэрэглэхээс зайлсхийх нь зүйтэй (ацетилсалицилын хүчил агуулаагүй) (гаж нөлөө үүсэх эрсдэл нэмэгдэх тул).
Бусад бэлдмэлүүд:
o Целекоксиб ба антацидууд (магни/хөнгөнцагааны гидроксид), омепразол, глибенкламид, фенитоин ба толбутамидтай эмнэлзүйн ач холбогдол бүхий харилцан нөлөөлөл ажиглагдаагүй байна.
o Целекоксиб нь бага тунгаар ацетилсалицилийн хүчлийн антиагрегант үйлдэлд нөлөө үзүүлдэггүй байна. Целекоксиб нь ялтсан эсэд антиагрегант нөлөө үзүүлдэггүй тул зүрх судасны өвчнөөс урьдчилан сэргийлэх зорилгоор ацетилсалицилийн хүчлийг орлож чадахгүй.
o Эрүүл сайн дурынханд ҮЭСББ нь дигоксиний фармакокинетикт нөлөөлдөггүй. Гэсэн хэдий ч дигоксин ба индометацин, ибупрофенийг өвчтөнүүдэд хамт хэрэглэхэд дигоксиний цусан дахь концентраци ихсэж байгаа нь ажиглагдсан байна. Иймд цусны сийвэнд дигоксиний концентрацийг ихэсгэдэг бусад бэлдмэлүүдтэй хамт хэрэглэхдээ анхаарах хэрэгтэй.
o Целекоксиб ба дигоксиний харилцан нөлөөллийн талаарх мэдээлэл үгүй байна. Целекоксибийн зүрх судасны тогтолцоонд нөлөөлдөг бусад нөлөөг бодолцон дигоксинтой хамт хэрэглэхдээ анхаарал болгоомжтой байх шаардлагатай. Энэ тохиолдолд гаж нөлөөг маш анхааралтай хянаж байх шаарлагатай.
o Целекоксиб нь гол төлөв элгэнд CYP2C9 изоферментийн нөлөөгөөр хувирдаг. Мөн түүнчлэн барбитуратууд нь CYP2C9 изоферментийн индуктор болдог тул целекоксибтай хамт хэрэглэхэд цусны сийвэн дэх целекоксибийн концентрацийг нь бууруулдаг байна.
Тусгай анхааруулга:
Дилакса® бэлдмэл нь халуун бууруулах нөлөөтэй тул халдварыг оношлох халууралтын ач холбогдлыг бууруулах боломжтой.
Зүрх судасны тогтолцоонд үзүүлэх нөлөө:
o Целекоксиб нь бусад коксибуудын адилаар тромб үүсэх, зүрхний шигдээс ба харвалт зэрэг нас баралтад хүргэх эрсдэлтэй зүрх судасны тогтолцооны талын ноцтой хүндрэл үүсэх эрсдэлийг нэмэгдүүлэх боломжтой. Эдгээр эрсдэл үүсэх нь эмийн тунг ихэсгэх, удаан хугацаагаар хэрэглэхэд болон зүрх судасны тогтолцооны эмгэгтэй эсвэл уг эмгэг үүсэх эрсдэлт хүчин зүйлстэй өвчтөнүүдэд ихэсдэг байна. Иймд эдгээр урвалуудын эсрдэл үүсэлтийг багасгах зорилгоор Дилакса® бэлдмэлийг хамгийн боломжит бага тунгаар боломжит богино хугацаагаар (эмчлэгч эмчийн заалтаар) хэрэглэх нь зүйтэй. Эмчлэгч эмч ба өвчтөн өмнө нь зүрх судасны талаас үйл ажиллагааны өөрчлөлт үгүй байсан ч дээрх эрсдэл гарч болзошгүй болохыг тооцоолох хэрэгтэй. Өвчтөнүүд зүрх судасны талаас гарч болох эрсдлийн талаар мэдээлэл авч шинж тэмдэг илэрсэн тохиолдолд ямар арга хэмжээ авах талаар мэдээлэлтэй байх ёстой.
o ҮЭСББ(ЦОГ-2-г сонгомлоор саатуулагч)-ийг аорт-титмийн шунтын хагалгааны дараа өвчтөнд өвдөлт намдаах зорилгоор хэрэглэхэд эхний 10-14 хоногт шигдээс дахих болон тархины цусан хангамжийн өөрчлөлт үүсэх давтамж нэмэгдэж болзошгүй.
o Целекоксиб нь ялтсан эсэд антиагрегант нөлөө үзүүлэхгүй тул түүнийг тромбоэмболи үүсэхээс урьдчилан сэргийлэх зорилгоор ацетилсалицилийн хүчлийг орлуулан хэрэглэх боломжгүй юм. Мөн ийм учраас тромбэмболийн хүндрэл үүсэх эрсдэлтэй өвчтөнүүдэд антиагрегант эмчилгээг (жишээ нь:, ацетилсалицилийн хүчил) зогсоож болохгүй.
o Бусад бүх ҮЭСББ-ийн адилаар целекоксиб нь артерийн даралтыг ихэсгэх тул зүрх судасны талын хүндрэлийн шалтгаан болж болзошгүй. Бусад ҮЭСББ-ийн нэгэн адилаар целекоксибийг артерийн даралт ихсэлттэй өвчтөнүүдэд болгоомжтой хэрэглэх шаардлагатай. Эмчилгээний эхэн ба эмчилгээний үед артерийн даралтыг хянаж байх шаардлагатай.
Хоол боловсруулах тогтолцоонд үзүүлэх нөлөө:
o Целекоксиб хэрэглэж буй өвчтөнүүдэд ходоод гэдэсний замын (ХГЗ) цус алдалт, шархлаа үүсэх, цооролт маш ховор тохиолддог байна. Эдгээр хүндрэл үүсэх эрсдэл нь өндөр настай, зүрх судасны талын эмгэгтэй ацетилсалицилын хүчил зэрэг хэрэглэж буй хүмүүст ба өгүүлэмждээ ходоод гэдэсний замын шарх, үрэвсэл, цус алдалт тохиолдож байсан өвчтөнүүдэд илүү өндөр байна.
o Ходоод гэдэсний замаас цус алдах бусад эрсдэлт хүчин зүйлс нь глюкокортикостероид ба антикоагулянтыг уухаар хэрэглэж буй өвчтөнүүд эсвэл ҮЭСББ-ийг удаан хугацаагаар хэрэглэх, тамхи татах, архи уух зэрэг болно. Өөрсдөө аяндаа мэдээлсэн мэдээллээс үзвэл амь нас эрсэдсэн хүнд зэргийн гаж нөлөө нь өндөр настай эсвэл бие султай хүмүүст илүүтэй тохиолдсон тухай тэмдэглэгдсэн байна.
Варфарин ба бусад антикоагулянтуудтай хамт хэрэглэх нь:
o ҮЭСББ-ийг ууж хэрэглэдэг антикоагулянтуултай хамт хэрэглэхэд цус алдах эрсдэл нь ихэсдэг. Иймд эдгээр эмүүдийг хамт хэрэглэхдээ анхаарал болгоомжтой байх нь зүйтэй.
o Уухаар хэрэглэдэг антикоагулянтуудад варфарин, кумарины уламжлалын антикоагулянт ба шууд үйлчилгээтэй ууж хэрэглэдэг антикоагулянтууд орно (жишээ нь: апиксабан, дабигатран ба ривароксабан). Целекоксиб ба варфарин буюу түүнтэй аналог бэлдмэлүүдийг хамт хэрэглэж байсан өвчтөнд хүнд хэлбэрийн цус алдалт илэрсэн (тэдгээрээс зарим нь үхлээр төгссөн) талаар бичигдсэн байдаг. Дилакса® бэлдмэлийн нөлөөгөөр протромбиний хугацаа уртасдаг тул түүний тунг өөрчлөх, эмчилгээг эхлэх үедээ цус бүлэгнэлтийн шинжилгээг хийж хянаж байх шаардлагатай.
Шингэн хуримтлагдах ба хавагнах:
o Pg синтезийг дарангуйлдаг бусад эмийн адилаар Дилакса®, бэлдмэлийг хэрэглэж буй өвчтөнүүдэд шингэн хуримтлагдах ба хавагнах шинж илэрч болох тул эдгээр шинжүүдийн улмаас биеийн байдал нь муудах эсвэл эдгээр шинж үүсэх бэлэн байдалтай өвчтөнүүдэд болгоомжтой хэрэглэнэ.
o Өгүүлэмждээ зүрх судасны дутагдал ба артерийн даралт ихсэлттэй өвчтөнүүд нь онцгой хяналтын дор эмчилгээг хийлгэнэ.
Бөөрний үйл ажиллагаанд нөлөөлөх нь:
o ҮЭСББ түүн дотроо целекоксиб нь бөөрний үйл ажиллагаанд хортой нөлөө үзүүлж болно. Бусад ҮЭСББ-тэй харьцуулахад целекоксиб нь илүү хортой нөлөө үзүүлдэггүй болох нь тогтоогджээ.
o Дилакса®, бэлдмэлийг зүрхний дутагдалтай, элэгний үйл ажиллагааны алдагдалтай, шээс хөөх эмүүд, АКФ-, сатуулагч ба АРА II хэрэглэж буй, өндөр настай өвчтөнүүдэд анхаарал болгоомжтой хэрэглэнэ. Тийм өвчтөнүүдийн бөөрний үйл ажиллагааг сайтар хянаж байх шардлагатай. Ийм тохиолдолд шингэн сэлбэлт хийсний дараа Дилакса® бэлдмэлийн эмчилгээг хийж эхлэх нь зүйтэй.
Элэгний үйл ажиллагаанд үзүүлэх нөлөө:
o Дилакса® бэлдмэлийг элэгний үйл ажиллагааны хүнд зэргийн алдагдалтай (Чайлд-Пью ангиллаар С ангилал) өвчтөнүүдэд хэрэглэхгүй. Элэгний үйл ажиллагааны дунд зэргийн алдагдалтай (Чайлд-Пью ангиллаар В ангилал) өвчтөнүүдэд Дилакса® бэлдмэлийг хамгийн боломжит бага тунгаар, анхаарал болгоомжтой хэрэглэнэ.
o Ховор тохиолдолд нас элэгний үйл ажиллагааны хүнд зэргийн элэгний дутагдал, цахилгаан (фульминант) гепатит (заримдаа үхлээр төгсдөг), элэгний үхжилт, элэгний болон бөөрний дутагдал (заримдаа үхлээр төгсөх буюу элэг шилжүүлэн суулгах шаарлага гардаг) үүсдэг байна. Эдгээр хүнд урвалууд нь целекоксибийн эмчилгээг эхэлснээс 1 сарын дараа үүссэн байна.
o Элэгний үйл ажиллагааны алдагдлын шинж тэмдэг илэрсэн эсвэл лабораторийн шинжилгээгээр элэгний үйл ажиллагааны өөрчлөлт илэрсэн өвчтөнүүд Дилакса® бэлдмэлийн эмчилгээний үед хүнд зэргийн урвалууд элэгний талаас илрэх боломтой тул онцгой нарийн хяналтанд байх шаардлагатай.
Анафилаксийн урвалууд:
Дилакса® бэлдмэлийг хэрэглэх үед анафилаксийн урвал үүссэн тохиолдол бүртгэгдсэн байна.
Арьсны талаас гарах ноцтой урвалууд:
o Целекоксибийг хэрэглэх үед арьсны талаас эксфолиатив дерматит, Стивенс-Жонсоны хамшинж ба хучуур эдийн хорт үхжилт зэрэг зарим тохиолдолд үхэлд хүргэсэн хүнд өөрчлөлтүүд маш ховор ховор боловч тохиолдсон байна. Эдгээр хүнд өөрчлөлтүүд нь дийлэнхи тохиолдолд эмчилгээ эхлэх үед, эмчилгээний эхний сар дотор тохиолдсон байна.
o Арьсаар тууралт гарах, салстаар өөрчлөлт илрэх, бусад хэт мэдрэгшилийн шинж илэрмэгц Дилакса® бэлдмэлийг хэрэглэхээ зогсоох шаардлагатай.
Глюкокортикоид эмчилгээ:
Глюкокортикостероид дутлын эмчилгээний үед глюкокортикоид эмчилгээг Дилакса® бэлдмэлээр сольж болохгүй.
CYP2D6 изоферментийн үйл ажиллагаа дарангуйлагдах:
o Целекоксиб нь CYP2D6 изоферментийн үйл ажиллагааг бага зэрэг дарангуйлдаг болох нь тогтоогдсон байдаг. Иймд Целекоксиб эмчилгээг эхлэх үед CYP2D6 изоферментээр метаболизмд ордог бэлдмэлүүдийн тунг багасгаад эмчилгээ дууссаны дараа тунг дахин нэмэх хэрэгтэй («Бусад эмийн бэлдмэлтэй харилцан үйлчлэл» хэсгийг харна уу).
Туслах бодисийн талаарх тусгай мэдээлэл:
Дилакса® бэлдмэл нь лактоз агуулдаг тул лактоз-д тэсвэргүй, лактаз дуталтай, эсвэл глюкоз-лактозын мальабсорбцитай өвчтөнүүдэд хориглох заалттай.
Тээврийн хэрэгсэл жолоодох, машин механизмтай ажиллах чадварт үзүүлэх нөлөө:
Дилакса® бэлдмэл нь толгой эргэх ба бусад дараах үүргийг гүйцэтгэхэд нөлөөлж болохуйц гаж нөлөө үзүүлж болзошгүй тул тээврийн хэрэгсэл жолоодох, бусад онцгой анхаарал, сэтгэц-хөдөлгөөний хурд шаардсан хэрэгсэлтэй ажиллах, үйлдэл хийх үедээ онцгой болгоомжтой хандах шаардлагатай.
Эмийн хэлбэр:
o Капсул, 100 мг, 200 мг.
o ПВХ ба хөнгөнцагаан фольга бүхий блистерт 10 капсулаар савлагдана
o Цаасан хайрцагтаа 1, 2, 3, 4, 5, 6, 9 буюу 10 блистер нь хэрэглэх заавар хавсаргагдан савлагдана.
Хадгалах нөхцөл:
o 25°С-с дээшгүй хэмд, өөрийн савлагаанд нь хадгална.
o Хүүхэд хүрэхгүй газарт хадгална.
Хүчинтэй хугацаа:
o 2 жил.
o Хүчинтэй хугацаа дууссан бэлдмэлийг хэрэглэж болохгүй.
Эмийн сангаас олгох нөхцөл:
Эмчийн жороор олгоно.
Бүртгэлийн гэрчилгээг эзэмшигч хууль эрхийн этгээд ба хаяг:
ООО «КРКА-РУС», 143500, Россия, Московская обл., г. Истра, ул. Московская, д. 50
Үйлдвэрлэгч:
АО «КРКА, д.д., Ново место», Шмарьешка цеста 6, 8501 Ново место, Словения
Хэрэглэгчдийн санал хүсэлтийг хүлээн авагчийн нэр ба байгууллагын хаяг:
ООО «КРКА-РУС», 125212, г. Москва, Головинское шоссе, дом 5, корпус 1
Тел.: (495) 981-10-95, факс: (495) 981-10-91
Фирмийн төлөөлөгч: Т. В. Тамкович
Normal 0 false false false EN-US X-NONE MN-MONG-CN
