ОРОСЫН ХОЛБООНЫ УЛСЫН ЭРҮҮЛ МЭНДИЙН ЯАМ

ЭМИЙН БОДИСЫГ ЭМЧИЛГЭЭНД ХЭРЭГЛЭХ ЗААВАР

Бетаклав®

Betaklav®

Регистрийн дугаар

Худалдааны нэр:Бетаклав®

Олон улсын нэршил эсвэл бүлгийн нэршил: амоксициллин + [клавулановын хүчил]

Эмийн хэлбэр: шахмал, нимгэн бүрхүүлээр хучигдсан

Найрлага

• Нимгэн бүрхүүлээр хучигдсан нэг шахмалд 500 мг +125 мг / 875 мг + 125 мг:
• Цөм
• Идэвхитэй бодисууд:

• Амоксициллины тригидрат 573,892 мг / 1004,310 мг, энэ нь амоксициллины  500,000 мг / 875,000 мг-тай тэнцүү.
• Калийн клавуланат + микрокристаллан целлюлоз (1:1) 303,834 мг / 303,834 мг, энэ нь калийн клавуланат 151,915мг / 151,915 мг-тай болон клавулановын хүчил 125,000 / 125,000 мг-тай тэнцүү.
• Туслах бодис: микрокристаллан целлюлоз, магнийн стеарат, коллоидон кремнийн диоксид, натрийн карбоксимерилкрахмал
• Нимгэн бүрхүүл:цагаан опадрай Y-1-7000*
• *Цагаан опадрай Y-1-7000:  гипромеллоз 5 cP(E464), титан диоксид (E171), макрогол- 400

Харагдах байдал

• Шахмал 500 мг + 125 мг:

• Капсулан хэлбэртэй шахмал, цагаан эсвэл бараг цагаан бүрхүүлээр бүрхэгдсэн, нэг талдаа <<I 06>> гэсэн сийлбэртэй.

• Шахмал 875 мг + 125 мг:

• Капсулан хэлбэртэй шахмал, цагаан эсвэл бараг цагаанбүрхүүлээр бүрхэгдсэн, нэг талдаа << I 07>> гэсэн сийлбэртэй.

Фармако-эмчилгээний бүлэг: Антибиотик-хагас синтетик, пенициллин + бета лактамаз ингибитор

Код АТХ:J01CR02

Фармакологийн шинж чанар

Фармакодинамик

• Үйлдлийн механизм

• Амоксициллин – Грам эерэг ба Грам сөрөг нянгийн эсрэг, өргөн хүрээний хагас синтетик антибиотик.  Амоксициллин нь бета-лактамазийн нөлөөгөөр идэвхгүй болдог учраас энэхүү ферментийг нийлэгжүүлдэг микроорганизмуудад нөлөөлдөггүй байна.
• Клавулановын хүчил- бүтцээрээ пенициллинтай төстбета-лактамазын ингибитор, пенициллин болон цефалоспоринд тэсвэртэй нянд илэрдэг бета-лактамазын өргөн хүрээний идэвхийг дарангуйлах чадвартай. Клавулановын хүчил нь дийлэнхдээ нянгийн тэсвэртэй байдлыг бүрдүүлдэг плазмидын бета-лактамазын эсрэг хангалттай идэвхийг агуулах боловч клавулановын хүчлээр дарангуйлагддаггүй хромосомын бета-лактамаз I хэлбэрийн эсрэг идэвхгүй юм.
• Бетаклав нь клавулановын хүчлийг агуулснаар амоксициллиныг бета-лактамаз ферментээр устгагдахаас сэргийлэх бөгөөд энэ нь түүний нянгийн эсрэг хүрээг өргөжүүлдэг байна.
• in vitroнөхцөлд амоксициллиний клавулоны хүчилтэй хавсрахад гарах идэвхийг нянгийн бүлгээр харуулвал:

Грам эерэг аэроб

Бациллус антракус

Энтерококк фецалис

Листериа моноцитогенезис

Нокардиа астеройд

Идээт стрептококк^1,2

Агалакти стрептококк^1,2

Стрептококкууд (Бусад бета-цус задлагч стрептококк)^1,2

Алтлаг стафилококк (метициллинд мэдрэг)¹

Сапрофит стафилококк (метициллинд мэдрэг)

Коагулазо сөрөг стафилококкууд (метициллинд мэдрэг)

Грам эерэг анаэроб

Клостридууд

Пептококкуснигер

Пептострептококк магнус

Пептострептококк микрос

Пептострептококкууд

Грам сөрөг аэроб

Бордетелла пертуссис

Гемофилус инфлуэнза¹

Хеликобактер пилори

Моракселла катаралис¹

Нейсериа гонорея

Пастурелла мультоцида

Вибрио холерия

Грам сөрөг анаэроб

Бактероид фражилис

Бактероидууд

Капноцитофагууд

Эйкенеллакорроденс

Фюзобактериум неклеатум

Фюзобактерууд

Порфиромоназууд

Превотеллууд

Бусад

Боррелиа бургдорфери

Лептоспира иктериогеморрагие

Трепонема паллидум

Амоксициллин ба клавулановын хүчлийн хавсарсан нэгдэлд тэсвэртэй байх магадлалтай бактерууд

Грам сөрөг аэробууд

Эшерихи коли¹

Клебсиелла окситока

Клебсиеллапневмони¹

Клебсиеллууд

Протеус мирабилис

Протеусвулгарис

Протеусууд

Салмонеллууд

Шигеллүүд

Грам эерэг аэробууд

Коринебактерууд

Энтерококк фэциум

Стрептококкус пневмони ^1,2

Вириданс бүлгийн стрептококк

Амоксициллин болон клавулановын хүчлийн хавсарсан нэгдэлд байгалийн  тэсвэрлэг чанартайнянгууд

Грам сөрөг аэробууд

Ацинебактерууд

Цитробактер фреунди

Энтеробактерууд

Хафния алвей

Легионелла пневмофилла

Морганелла моргани

Провиденсууд

Псевдомонас

Серратия

Стенотрофомонас мальтофилия

Иерсиния энтероколитик

Бусад

Хламиди пневмони

Хламиди пситакки

Хламидууд

Коксиелла бюрнетти

Микоплазмууд

¹ – Дараах нянгуудад амоксициллин ба клавулановын хүчлийн идэвхийг эмнэлзүйн судалгаанд харуулсан байна.

²–Эдгээр нянгийн омгууд нь  бета-лактамазыг үүсгэдэггүй. Амоксициллиныг дангаар хэрэглэхэд үзүүлэх идэвх нь амоксициллин ба клавулановын хүчлийн хавсарсан нэгдэлд үзүүлэх идэвхтэй төстэй байна.

Фармакокинетик

• Шимэгдэлт

• Бетаклав®-ын идэвхтэй хоёр бодис болох амоксициллин ба клавулановын хүчил нь хоёулаа хэрэглэсний дараа ходоод гэдэсний замаас хурдан, бүрэн гүйцэд шимэгдэнэ. Бетаклав®-ын идэвхтэй бодисын нийлэгжилт нь хоол идэхийн өмнө хэрэглэхэд хамгийн тохиромжтой.
• Доор амоксициллин ба клавулановын хүчлийгэрүүл, сайн дурын хүмүүс өлөн үедээ хэрэглэсэн судалгааны фармакокинетикийн үзүүлэлтүүдийг харуулсан байна.

• 1 шахмал бүтээгдэхүүн, амоксициллин ба клавулановын хүчлийг агуулсан, 500мг + 125мг (625мг)
• 500мг амоксициллин
• 125мг клавулановын хүчил
• 2 шахмал бүтээгдэхүүн, амоксициллин ба клавулановын хүчлийг агуулсан, 875мг + 125мг (1000мг)

Үндсэн фармакокинетикийн үзүүлэлтүүд

C_max– цусны сийвэн дэх дээд концентраци

T_Max – цусны сийвэн дэхдээд концентрацид хүрэх хугацаа

AUC – муруйн доод талбай <<концентраци-хугацаа>>

T_1/2 – хагас задралын хугацаа

• Хувиралт

• Амоксициллин ба клавулановын хүчлийн хавсарсан нэгдлийг хураагуур судсаар хэрэглэх үед амоксициллин болон клавулановын хүчлийн эмчилгээний концентрац нь биеийн эдүүд болон эд хоорондын шингэнд тодорхойлогдоно(цөсний хүүдий, хэвлийн хөндийн эдэд, арьс, өөхөн болон булчинлаг эдүүдэд, хавлийн ба цээжний гялтан хальсны шингэнд, цөс, гадагшилсан идээнд )
• Амоксициллин ба клавулановын хүчил нь цусны сийвэн дэх уургуудтай холбогдох чадвар сул. Хийгдсэн судалгаанаас үзэхэд цусны сийвэнгийн уургуудтай нийт клавулановын хүчлийн 25 %, нийт амоксициллины 18 % нь цусны сийвэнд холбогдсон байна.
• Амьтанд хийгдсэн судалгаанаас үзэхэд ямар нэгэн эрхтэнд Бетаклав® бүтээгдэхүүний нөөцлөлт-кумуляциилрээгүй байна. Амоксициллин нь пенициллинтэй адил хөхний сүүнд нэвтэрдэг байна. Түүнчлэн клавулановын хүчлийн үлдэгдэл ул мөр хөхний сүүнд мөн ажиглагддаг байна. Хэт мэдрэгшил, суулгалт эсвэл амны хөндийн салс бүрхүүлийн мөөгөнцөр үүсэх магадлалыг эс тооцвол хөхөөр бойжиж буй хүүхдүүдийн эрүүл мэндэд үзүүлэх амоксициллин ба клавулановын хүчлийн өөр сөрөг нөлөө мэдэгдээгүй байна.
• Амьтны нөхөн үржихүйн үйл ажиллагааны судалгаанаас амоксициллин ба клавулановын хүчил нь эхэсийнбарьерыгнэвтэлдэг болох нь тогтоогдсон байна. Гэвч урагт ямар нэгэн сөрөг нөлөө үзүүлээгүй байна.

• Бодисын солилцоо

• Амоксициллины эхний тунгийн 10-25 % нь идэвхгүй метаболит хэлбэрээр бөөрөөр ялгардаг байна (пенициллоевын хүчил).
• Клавулановын хүчил нь эрчимтэй бодисын солилцоонд орж улмаар 2,5-дигидро-4-(2-гидроксиэтил)-5-оксо-1H-пиррол-3-карбоны хүчил ба 1-амино-4-гидрокси-бутан-2-она болж нүүрсхүчлийн диоксид хэлбэрээр бөөр, ходоод гэдэсний зам ба амьсгалаар хүртэл ялгардаг байна.

• Ялгаралт

• Бусад пенициллинтэй адилаар амоксициллин нь гол төлөв бөөрөөр ялгарна. Харин клавулановын хүчил нь бөөрний болон бөөрний бус замаар ялгарна. Бэлдмэлийг хэрэглэсний дараа эхний 6 цагийн дотор барагцаалбал амоксициллины 60-70%, клавулановын хүчлийн 40-65% нь өөрчлөгдөөгүй хэлбэрээр бөөрөөр ялгардаг байна.
• Пробенецидыг нэгэн зэрэг хэрэглэхэд амоксициллины ялгарлыг удаашруулах боловч клавулөновын хүчлийн ялгарал хэвийн байдаг байна (Бусад эмийн бодистой харилцан үйлчлэл хэсгийг харна уу)

Хэрэглэх заалт

• Амоксициллин ба клавулановын хүчлийн хавсарсан нэгдлийг дараах байрлалтай нянгийн халдварыг эмчлэх заалтаар  мэдрэг нянгуудад хэрэглэнэ:

• Амьсгалын дээд замын халдвар (Чих хамар хоолойн эмгэг орно), жишээлбэл, дийлэнхи  тохиолдолд стрептококк пневмони, гемофилус инфлюэнза, моракселла катаралис ба идээт стрептококкоор үүсгэгддэг гүйлсэн булчирхайн дахилтатүрэвсэл, хамрын дайврын үрэвсэл, дунд чихний үрэвсэл
• Амьсгалын доод замын халдвар, жишээлбэл, дийлэнхи  тохиолдолд стрептококк пневмони, гемофилус инфлюэнза, моракселла катаралисаар үүсгэгддэг архаг бронхитын сэдрэл, уушигны хатгалгаа, бронхопневмони
• Шээс, бэлгийн замын халдвар, жишээлбэл, дийлэнхи  тохиолдолд Энтеробактерийн бүлэг(ихэвчлэн Эшерихи коли), Стафилококк сапрофитикус, Энтерококкийн бүлгийн хэвшинжүүдээр үүсгэгдсэн давсагний үрэвсэл, шээлэйн үрэвсэл, бөөрний үрэвсэл, эм бэлэг эрхтний үрэвсэл, мөн түүнчлэн Нейссерия гонорейгаар үүсгэгдсэн гонорей
• Арьс болон зөөлөн эдийн халдвар, дийлэнхи тохиолдолд алтлаг стафилококк, идээт стафилококк ба бактеройдуудаар^# үүсгэгддэг
• Яс болон үений халдвар, жишээлбэл, алтлаг стафилококкоор үүсгэгдсэн ясны идээт үрэвсэл, шаардлагатай тохиолдолд удаан хугацааны эмчилгээ хийх боломжтой.
• Шүд, эрүүний ясны халдвар, жишээлбэл, периодонтит, шүд, эрүүний ясны халдварын шалтгаантай дээд эрүүний синусит,  шүдний хүнд явцтай идээт буглааа целлюлит болж тархах
• Бусад хавсарсан халдварууд (жишээлбэл, жирэмслэлт тасалсны дараах үжил, төрөлтийн дараах үжил, хэвлий доторх үжил) үе шаттай эмчилгээний нэг хэсэг болж болно.

• ^# Тухайн бүлгийн зарим нянгууд нь бета-лактамазыг үүсгэдэг учраас амоксициллинд мэдрэг биш болдог байна (<<Фармакологийн үйлдэл>> бүлгээс харна уу)
• Амоксициллин нь Бетаклав®-ын идэвхтэй бодисуудын нэг учраас амоксициллинд мэдрэг нянгаар үүсгэгдсэн халдварыг уг бүтээгдэхүүнээр эмчлэх боломжтой.Мөн түүнчлэн Бетаклав® бүтээгдэхүүн нь амоксициллинд мэдрэг нянгаар үүсгэгдсэн хавсарсан халдварын үед болон бета-лактамаз үүсгэдэг, амоксициллин ба клавулановын хүчлийн хавсарсан нэгдэлд мэдрэг нянгуудын халдварын эмчилгээнд хэрэглэх боломжтой.
• Амоксициллин ба клавулановын хүчлийн хавсарсан нэгдэлд үзүүлэх нянгийн мэдрэг байдал нь газарзүйн байршил, хугацаанаас хамааран харилцан адилгүй байна. Иймд боломжтой тохиолдолд тухайн газрын нянгийн мэдрэг байдлыг анхаарч үзэх ёстой. Шаардлагатай тохиолдолд нянгийн дээж цуглуулах болон нянгийн мэдрэг байдлын шинжилгээг хийх хэрэгтэй.

Хориглох заалт

• Асуумжинд амоксициллин, клавулановын хүчил, бүтээгдэхүүний  найрлаган дахь бусад бодис, бета-лактамын антибиотикт (тухайлбал, пенициллин, цефалоспорин) хэт мэдрэг тохиолдол
• Өмнө нь амоксициллин ба клавулановын хүчлийн хавсарсан бэлдмэлийг хэрэглэхэд шарлалт үүсч байсан эсвэл элэгний үйл ажиллагаа алдагдсан тохиолдол
• 12 нас хүртэлх хүүхдэд эсвэл биеийн жин 40кг-аас бага тохиолдолд
• Бөөрний үйл ажиллагааны хүнд алдагдал (креатининий клиренс < 30мл-мин)(тун 875 мг + 125 мг)

Болгоомжлол

• Бетаклав® бүтээгдэхүүнийг элэгний үйл ажиллагааны алдагдалтай өвчтөнд анхаарал сэрэмжтэйгээр хэрэглэх нь зүйтэй.

Жирэмсэн болон хөхүүл үед хэрэглэх

Жирэмсэн үед

• Амьтанд хийгдсэн нөхөн үржихүйн үйлийн судалгаанаас үзэхэд амаар болон тарилга хэлбэрээр амоксициллин ба клавулановын хүчлийн хавсарсан бэлдмэлийг хэрэглэхэд урагт ямар нэгэн гаж нөлөө үзүүлээгүй байна.
• Хугацаанаас өмнө ургийн бүрхүүлийн задрал болсон эмэгтэйчүүдэд хийгдсэн цөөн судалгаанд урьдчилан сэргийлэх эмчилгээ нь нярайд энтероколит үүсэх эрсдлийг ихэсгэдэг байж болзошгүй гэжээ. Бусад бүх эмийн бэлдмэлүүдийн адил Бетаклав®-ыг хэрэглэхэд үзүүлэх эерэг нөлөө нь урагт гарч болох сөрөг нөлөөнөөс давах тохиолдлоос бусад тохиолдолджирэмсэн үед хэрэглэхгүй байх нь зүйтэй.

Хөхүүл үед

• Хөхүүл үед Бетаклав бүтээгдэхүүнийг ашиглаж болно. Гэхдээ энэхүү бүтээгдэхүүний идэвхтэй бодисууд хөхний сүүнд нэвтэрдэгтэй холбоотойгоор хэт мэдрэгшил, суулгалт эсвэл амны салст бүрхүүлд мөөгөнцөр үүсэхийг эс тооцвол хөхүүл хүүхдэд өөр сөрөг нөлөө үзүүлээгүй байна. Хэрвээ хөхүүл үед ямар нэгэн таагүй шинж тэмдэг илэрвэл хөхөөр хооллохоо зогсоох нь зүйтэй.

Хэрэглэх арга ба тун

Ууж хэрэглэх

• Эмийн тунг өвчтөний нас, биеийн жин, бөөрний үйл ажиллагаа болон халдварын хүнд, хөнгөний байдлаас шалтгаалан тухайн тохиолдол болгоны онцлогийг харгалзан тогтооно.
• Ходоод гэдэсний замын талаас гарч болох ямар өөрчлөлтийг бууруулах болон шимэгдэлтийг дэмжихийн тулд эмийн бэлдмэлийг хоол идэхийн өмнө хэрэглэх нь зүйтэй.
• Нянгийн эсрэг эмчилгээний хамгийн доод хугацаа нь 5 өдөр байна.
• Эмнэлзүйн шалтгаангүйгээр эмчилгээ 14 өдрөөс хэтрэх ёсгүй.
• Шаардлагатай үед шат дараалсан эмчилгээ хийх боломжтой (эхлээд хураагуур судсанд амоксициллин болон клавулановын хүчлийг агуулах эмийн бэлдмэлийг тарьж дараа нь ууж хэрэглэх)
• Насанд хүрэгсэд ба 12-с дээш настай эсвэл биеийн жин 40кг-с их хүүхэд

• 500мг + 125мг 1 шахмалыг хоногт 3 удаа
• 875мг + 125мг 1 шахмалыг хоногт 2 удаа

Онцгой бүлгийн өвчтөнүүд

• 12-с доош насны эсвэл биеийн жин 40кг-с доош жинтэй хүүхэд
• Амоксициллин болон клавулановын хүчлийг агуулах эмийн өөр хэлбэрийг ашиглахыг зөвлөж байна.

Ахмад настай өвчтөнүүд

• Тунг өөрчлөх шаардлагагүй. Зөвхөн бөөрний үйл ажиллагааны алдагдалтай ахмад настнуудад тунг тохируулах нь зүйтэй.(Бөөрний үйлийн алдагдалтай насанд хүрэгсдэд зориулсан тунг харна уу)

Бөөрний үйл ажиллагааны алдагдалтай өвтөнүүд

• Тун нь амоксициллинийг өгч болох дээд тун ба креатиний клиренсэд (КК) үндэслэгдэнэ.

Гемодиализд байгаа өвчтөнүүд

• Тун нь амоксициллины өгч болох дээд тунд үндэслэнэ.
• 500мг + 125мг 1 шахмалыг 24 цагт 2 удаа хэрэглэх
• Диализ хийх үед нэмэлтээр 1 тун (1 шахмалыг) болон диализын төгсгөлд дахин нэг тунг (сийвэн дэх амоксициллины болон клавулановын хүчлийн концентрацийн бууралтыг засахын тулд) өгнө.
• 875мг + 125мг шахмалыг зөвхөн КК > 30 мл/мин-тай өвчтөнд хэрэглэх нь зүйтэй ба уг тохиолдолд тунг бууруулах шаардлагагүй. Ихэнх тохиолдолд боломж гарвал парентерал эмчигээг сонгох нь зүйтэй.

Элэгний үйл ажиллагааны алдагдалтай өвчтөнүүд

• Эмчилгээг анхаарал болгоомжтой хийх бөгөөд элэгний үйл ажиллагааг тогтмол хянах шаардлагатай.
• Эдгээр өвчтөнүүдэд зөвлөсөн тунгийн горимийг өөрчлөхөд өгөгдөл хангалтгүй байна.

Гаж нөлөө

• Бэлдмэлийг хэрэглэхэд гарч болох тааламжгүй хариу урвалыг эрхтэн тогтолцооны гэмтэл ба тохиолдох давтамжтай уялдуулан тооцоолсон байна. Тохиолдох давтамж нь дараах байдлаар тогтооно: хэт олон(≥1/10), олон(≥1/100 болон < 1/10), олон бус (≥1/1000 болон < 1/100), ховор (≥ 1/10000 болон <1/1000), хэт ховор (< 1/10000, тусдаа тохиолдлыг хамааруулан). Давтамжийн ангилал нь эмийн бэлдмэлийн эмнэлзүйн судалгаа ба бүртгэлийн дараах ажиглалтад үндэслэгдсэн болно.

Тааламжгүй хариу урвалын тохиолдох давтамж

Халдварт болон шимэгчийн шалтгаант эмгэгүүд:

• Маш түгээмэл:

• арьс болон салст бүрхүүлийн мөөгөнцөр

Цус болон тунгалгийн тогтолцооны талын өөрчлөлт:

• Ховор:

• Лейкопени-аажим засагдах(нейтропениг хамааруулан)
• Тромбоцитопени-аажим засагдах

• Маш ховор:

• агранулоцитоз-аажим засагдах  
• цус задралын цус багадалт
• цусны урсалт
• протромбины хурд уртсах
• цус багадалт
• эозинофили
• тромбоцитоз

Дархлааны тогтолцооны өөрчлөлт:

• Маш ховор: ангионевротик хаван, анафилактик хариу урвал, ийлдсийн эмгэгтэй төстэй синдром, харшлын васкулит.

Мэдрэлийн тогтолцооны гэмтэл:

• Цөөвтөр:

• толгой эргэх
• толгой өвдөх

• Маш ховор:

• хэт идэвхжил
• таталтууд (таталт нь бөөрний үйл ажиллагааны алдагдалтай өвчтөнүүдэд илэрч болох бөгөөд эмийн бэлдмэлийг өндөр тунгаар хэрэглэж буй өвчтөнүүдэд тохиолдох боломжтой)
• нойргүйдэл
• сэтгэл хөөрөл
• айдас
• зан байдал өөрчлөгдөх.

Ходоод гэдэсний замын өөрчлөлт:

Насанд хүрэгсэд

• Маш түгээмэл:

• суулгалт

• Түгээмэл:

• дотор муухайрах
• бөөлжих

Хүүхэд

• Түгээмэл:

• Суулгалт
• дотор муухайрах
• бөөлжих

Бүх хүн ам

• Дотор муухай оргих нь дийлэнхдээ эмийн бэлдмэлийг өндөр тунгаар хэрэглэсэнтэй холбоотой байсан. Хэрвээ эмийн бэлдмэлийг хоолны дараа хэрэглэх үед ходоод гэдэсний замын талаас тааламжгүй хариу урвал илэрвэл үүнийг эмийг бэлдмэл Бетаклавыг хоол идэхийн өмнө хэрэглэснээр арилгаж болно.
• Цөөвтөр:

• хоолны шингэц буурах

• Маш ховор:

• антибиотикоос хамааралт колит (псевдомембранан колит болон цусархаг колитыг хамааруулан)(Онцгой заалтууд хэсгийг харна уу)
•  хар <<үслэг>> хэл
• ходоодны үрэвсэл
• амны салстын үрэвсэл.

Элэг болон цөс дамжуулах замын өөрчлөлт

• Цөөвтөр:

• аспартатаминотрансфераз болон/эсвэл аланиламинотрансфераз (АСТ болон/эсвэл АЛТ)-ийн идэвх бага зэрэг ихсэх. Энэхүү хариу урвал нь бета-лактамын антибиотик эмчилгээнд орж буй өвчтөнүүдэд ажиглагдах боловч түүний эмнэлзүйн ач холбогдол нь тодорхойгүй байна.

• Маш ховор:

• Элэгний үрэвсэл болон цөс зогсонгишилийн шарлалт (энэхүү хариу урвал нь өөр пенициллиний бүлгийн антибиотик болон цефалоспорин эмчилгээнд орж буй өвчтөнүүдэд ажиглагдана), билирубин болон шүлтлэг фофатазын концентраци ихсэх.
• Элэгний талын тааламжгүй хариу урвал нь гол төлөв эрэгтэйчүүд болон ахмад настанд ажиглагдаж байсан бөгөөд эмчилгээний хугацаатай хамааралтай байх боломжтой. Энэхүү тааламжгүй урвал нь хүүхдэд маш ховор ажиглагдана.
• Дээрх шинж тэмдгүүд нь ерөнхийдөө эмчилгээний явцад болон эмчилгээний төгсгөлд ажиглагдах боловч зарим тохиолдолд эмчилгээ дууссаны дараа хэд долоо хоногийн турш ч ажиглагдахгүй байх боломжтой. Тааламжгүй урвал нь дийлэнхи тохиолдолд эргэн хэвийн байдалд орох боломжтой. Элэгний талын тааламжгүй урвал нь хүнд байх боломжтой боловч маш цөөн тохиолдолд үхэлд хүргэсэн тухай мэдээлэгджээ. Эдгээр тохиолдолд өвчтөнүүд маш хүнд элэгний эмгэг өмнө нь оношлогдсон эсвэл элэг гэмтээх өөр эмчилгээ хамт хийлгэж байсан тохиолдлууд байсан байна.

Арьс болон арьсан доорх эдийн өөрчлөлт:

• Цөөвтөр:

• арьсны тууралт
• загатнаа
• харшлын тууралт

• Ховор:

• олон хэлбэрт эритема

• Маш ховор:

• Стивенс-Джонсоны хамшинж
• хордлогот эпидермал үхжил
• арьсны үрэвсэл
• цочмог тархалтат тууралтат пустулёз

• Давтамж тодорхойгүй:

• эозинофилтэй болон системийн илрэлтэй эмийн тууралт(DRESS-синдром)

Бөөр болон шээс дамжуулах замын өөрчлөлт

• Маш ховор:бөөрний завсар эдийн үрэвсэл,  кристалури (Тун хэтрүүлэх хэсгийг харна уу), цустай шээх.

Тун хэтрүүлэлт

Шинж тэмдэг

• Ходоод гэдэсний замын шинж тэмдэг блоон ус, эрдсийн тэнцвэрийн алдагдал ажиглагдах боломжтой. Зарим тохиолдолд бөөрний дутагдалд хүргэх амоксициллинан кристаллури бичигдсэн байна. (Онцгой заалт хэсгийг харна уу).
• Бөөрний үйл ажиллагааны алдагдалтай өвчтөнүүд болон эмийн бэлдмэлийг их тунгаар хэрэглэж буй өвчтөнүүдэд таталтууд ажиглагдах боломжтой.

Эмчилгээ

• Ходоод гэдэсний замын шинж тэмдгүүд – ус, эрдсийн тэнцвэрийг хэвийн байдалд оруулахад онцгой анхаарал хандуулан шинж тэмдгийн эмчилгээ хийнэ. Амоксициллин болон клавулановын хүчлийг цусны урсгалаас гемодиализ хийн гадагшлуулж болно.
• Хордлогын төвд 51 хүүхдийн оролцоотой хийгдсэн нэгэн судалгааны үр дүнд амоксициллинийг 250 мг/кг-аас бага тунгаар хэрэглэхэд эмнэлзүйн ач холбогдолтой шинж тэмдэг ажиглагдаагүй бөгөөд ходоод угаах шаардлага гараагүй байна.

Бусад эмийн бодистой харилцан үйлчлэл:

• Эмийн бэлдмэл Бетаклав® болон пробенецидийг нэг зэрэг хэрэглэхийг хориглоно.
• Пробенецид нь амоксициллиний сувган ялгарлыг бууруулдаг учраас эмийн бэлдмэл Бетаклав болон пробенецидийг нэгэн зэрэг хэрэглэснээр  амоксициллиний цусан дахь концентраци болон персистенцийг ихэсгэх нөхцлийг бүрдүүлэх боломжтой боловч клавулановын хүчлийнхувьд нөлөө үзүүлдэггүй байна.
• Аллопуринол болон амоксициллинийг нэгэн зэрэг хэрэглэх нь арьсны хэт мэдрэгшлийн урвал үүсэх эрсдэлийг ихэсгэдэг байна. Одоо цагт амоксициллин болон клавулановын хүчлийн хавсарсан бэлдмэлийг аллопуринолтай нэгэн зэрэг хэрэглэсэн гэх мэдээлэл байхгүй байна.
• Пенициллин нь метотрексатын сувгийн ялгарлыг нь удаашруулах нөлөөтэй учраас метатрексатыг Бетаклавтай нэгэн зэрэг хэрэглэх нь метатрексатын хоруу чанарыг  ихэсгэх боломжтой байна.
• Бусад нянгийн эсрэг бэлдмэлүүдийн адил Бетаклав® нь гэдэсний нянд нөлөөлөн ходоод гэдэсний замаас эстрогений шимэгдэлтийг багасгах тул жирэмслэлтээс хамгаалах бэлдмэлийн нөлөө буурах боломжтой.
• Хэвлэлд аценокумарол эсвэл варфарин болон амоксициллинийг нэгэн зэрэг хэрэглэсэн өвчтөнүүдэд улс хоорондын хэвийн харилцаа(УХХХ) ихсэх ховор тохиолдол бичигдсэн байна. Эмийн бэлдмэл Бетаклавыг антикоагулянтуудтай нэгэн зэрэг хэрэглэх зайлсгүй шаардлагатай үед протромбины хугацаа эсвэл УХХХ-г Бетаклавыг өгөх эсвэл хэрэглэхээ болих үед дотор хэрэглэх антикоагулянтуудын тунг засах шаардлага гарж болох учир маш анхааралтай хянж байх шаардлагатай.
• Микофенолат мофетил хэрэглэж буй өвчтөнүүдэд амоксициллинийг клавулоны хүчилтэй хамт хэрэглэж эхлэх үед идэвхтэй метаболитийн – микофенолоны хүчил дараагийн тунг хэрэглэхийн өмнө эмийн бэлдмэлд 50% концентраци буурах нь  ажиглагдсан байна. Энэхүү өгөгдсөн концентрацийн өөрчлөлт нь микофенолоны хүчлийн экзопозицид гарах ерөнхий өөрчлөлтөд нөлөөлж чадахгүй байна.

Тусгай анхааруулга

• Бетаклав®-ыг хэрэглэхийн өмнө пенициллин, цефалоспоринд эсвэл бусад бодист өвчтөнд харшил, хэт мэдрэгшлийн урвал үүсч байсан эсэхийг хамааруулан дэлгэрэнгүй асуумж цуглуулах шаардлагатай.
• Пенициллинийг хэрэглэх үед зарим цөөн тохиолдолд үхэлд хүргэх хэт мэдрэгшил (анафилактоид болон арьсны тааламжгүй хүнд урвалуудыг хамааруулан)ажиглагдсан тухай бичигдсэн байдаг. Энэхүү хариу урвал үүсэх магадлал нь анамнездээ пенициллинд хэм мэдрэгшлийн урвал үзүүлдэг гэсэн өвчтөнүүдэд маш өндөр байна. Хэт мэдрэгшлийн урвал үүссэн тохиолдолд эмийн бэлдмэл Бетаклавын эмчилгээг зогсоох шаардлагатай бөгөөд тохиромжтой альтернатив эмчилгээг эхлэх хэрэгтэй. Хүнд хэлбэрийн гаждал цохиулалтын урвал үүссэн тохиолдолд өвчтөнд эпинефринийг яаралтай хийх нь зүйтэй. Мөн түүнчлэн хүчилтөрөгч эмчилгээ, хураагуур судсанд глюкокортикостероидуудыг хийх болон интубацийг хамааруулан амьсгалын замын чөлөөт байдлыг хангах шаардлага гарах боломжтой.
• Арьсны хэт мэдрэгшлийн урвал үүссэн тохиолдолд эмийн бэлдмэл Бетаклавыг нэн яаралтай зогсоох шаардлагатай.
• Халдварт мононуклеоз үүссэн гэж таамаглаж буй үед энэхүү эмгэгтэй өвчтөнүүдэд амоксициллин нь улаан бурхан төст тууралт үүсгэж оношлогоог хүндрүүлдэг учир эмийн бодис Бетаклавыг хэрэглэхгүй байх нь зүйтэй.
• Эмийн бэлдмэл Бетаклавыг удаан хугацаагаар хэрэглэх нь мэдрэг бус нянгуудын хэт үржилд хүргэх боломжтой.
• Антибиотик хэрэглэх үед хүндийн зэрэг нь хөнгөнөөс амь насанд аюултай хүртэл хэлбэлзэж болохпсевдомембранозон колит үүсэх тохиолдол бүртгэгдсэн байна. Тиймээс суулгалттай өвчтөнүүдэд антибиотик хэрэглэх үе эсвэл хэрэглэсний дараах үед псевдомембранозон колит үүсэх боломжийг санах хэрэгтэй. Хэрвээ суулгалт удаан эсвэл өвөрмөц шинжтэй эсвэл өвчтөн гэдсэндээ спазм мэдэрч буй тохиолдолд эмчилгээг нэн даруй зогсоон өвчтөнг шинжлэх шаардлагатай.
• Ерөнхийдөө эмийн бэлдмэл Бетаклав® нь пенициллиний адил гаж нөлөө багатай бэлдмэл юм. Бетаклав®-ыг удаан хугацаанд эмчилгээнд хэрэглэх явцадбөөр, элэг болон цусны үйл ажиллагааг тодорхой давтамжтай үнэлэхийг зөвлөж байна.
• Амоксициллин болон клавулановын хүчлийн хавсарсан бэлдмэлийг хэрэглэж буй шууд бус (ууж хэрэглэх) антикоагулянттай хамт өвчтөнүүдэд хэрэглэхэд ховор тохиолдолд протромбиний хугацаа(УХХХ ихсэх) ихэссэн хэмээн яригдаж байсан байна. Шууд бус (ууж хэрэглэх) антикоагулянтуудыг амоксициллин болон клавулановын хүчлийн хавсарсан бэлдмэлтэй зэрэг хэрэглэх үед цусны үзүүлэлтүүдийг хянах шаардлагатай. Дотор хэрэглэх антикоагулянтуудын зайлшгүй шаардлагатай үйлчилгээг дэмжихийн тулд тэдний тунг тохируулах шаардлагатай байж болзошгүй. Бөөрний үйл ажиллагааны алдагдалтай өвчтөнүүдэд эмийн бэлдмэл Бетаклавын тунг үйл ажиллагааны алдагдалтай (“Хэрэглэх арга барил болон тун” хэсгийн “бөөрний үйл ажиллагааны алдагдалтай өвчтөнүүд” -ийг харна уу) уялдуулан бууруулах нь зүйтэй.
• Шээсний гарц нь буурсан ихэвчлэн парентерал эмчилгээнд орж буй өвчтөнүүдэд ховор тохиолдолд кристаллури ажиглагддаг байна. Амоксициллиний өндөр тунг авч буй үед амоксициллиний талст үүсэх магадлалыг багасгахын тулд хангалттай хэмжээний шингэн хэрэглэн диурезийг хангалттай хэмжээнд дэмжих нь зүйтэй. (тунг хэтрүүлэн хэрэглэх хэсгийг харна уу)
• Эмийн бэлдмэл Бетаклавыг ууж хэрэглэх нь шээсэнд өндөр хэмжээний амоксициллинийг агуулах шалтгаан болдог учир шээсэнд глюкоз тодорхойлох шинжилгээнд хуурамч эерэг хариу (жишээлбэл Бенедиктын проб, Фелингийн проб) гарах магадлалтай байна. Энэхүү тохиолдолд шээсэнд глюкоз тодорхойлох глюкозооксидаз аргыг ашиглах нь зүйтэй.
• Клавулановын хүчил нь иммуноглобулин G болон альбуминыг эритроцитийн мембрантай өвөрмөц бус холбоо үүсгэн Кумбсын сорилд хуурамч эерэг хариу гарах магадлалтай байна.

Буруу, зохисгүй хэрэглээ ба эмийн хамаарал

• Эмийн бэлдмэл Бетаклавыг ашиглах үед эмийн хамаарал, дасал болон эйфори урвал ажиглагдаагүй байна.

Автомашин жолоодох болон машин техниктэй ажиллах чадварт бэлдмэлийн үзүүлэх нөлөө:

• Эмийн бэлдмэл Бетаклав нь толгой эргэх шинж тэмдэг үүсгэдэг учир өвчтөнүүдэд тээврийн хэрэгсэл жолоодох эсвэл хөдөлдөг механизмтай ажиллах үедээ анхааралтай байхыг сануулах шаардлагатай.

Савлалт:

• Бүрхүүлээр бүрхэгдсэн шахмал, 500мг + 125мг

Хадгалах нөхцөл:

• 25^оС-ээс дээшгүй температурт (стриптэй үед)
• Оригинал савлалттай нь 25^оС-ээс дээшгүй температурт (блистертэй үед)
• Хүүхэд хүрэхээргүй газар хадгалах

Хүчинтэй хугацаа:

• 3 жил(стриптэй үед)
• 2 жил(блистертай үед)
• Хугацаа нь дууссан эмийн бодисийг хэрэглэхийг хориглоно.

Олгох нөхцөл:

• Жорын дагуу олгоно.