Эм, эмийн үнийн мэдээллийн сан

Rx Жороор олгох бэлдмэл

VITAPLEX Injection/ ВИТАПЛЕКС тарилгын уусмал

НАЙРЛАГА: 500 мл савлагаанд:

Идэвхит бодис:

Декстроз........................................................................................25г

Д-пантенол....................................................................................250 мг

Аскорбины хүчил.........................................................................500 мг

Тиамин гидрохлорид....................................................................125 мг

Рибофлавин (Рибофлавин фосфатын давс)................................25 мг

Никотинамид.................................................................................625 мг

Пиридоксин гидрохлорид.............................................................25 мг

Туслах бодис: Монотиоглицерол, Эдетат динатри, Л-цистейн гидрохлорид, Натрийн гидрохлорид, Давсны хүчил, Тарианы ус.

ЭМ СУДЛАЛ

Фармакодинамик:

Пантенол нь Пантотений хүчлийн спиртэн аналог бөгөөд уламжлал ёсоор В төрлийн витамин хэмээн тооцдог. Энэ нь конэзим А-ын бүрэлдэхүүнд ордог ба нүүрс-ус, өөх-тос, уургийн нийлэгжилтэнд чухал үүрэг гүйцэтгэнэ.
Аскорбины хүчил нь усанд уусдаг витамин бөгөөд коллаген ба эс завсрын эдийн нийлэгжилтэнд оролцдог. Аскорбины хүчлийн дутагдал нь чийг бам өвчний шалтгаан болно.
Никотинамид нь усанд уусдаг, В бүлгийн витамин бөгөөд Никотинамид Аденин Мононуклеотид ба Никотинамид Аденин Динкулеотид болж хувирдаг. Эдгээр конэнзимууд нь эсийн исэлдэн ангижрах урвалд оролцдог. Никотинамидын дутагдал нь Пеллаграгийн хам шинжид хүргэнэ.
Рибофлавины натрийн фосфат нь усанд уусдаг, В бүлгийн витамин бөгөөд биед орсныхоо дараа флавин мононуклеотид ба флаьин аденин динуклеотид болж хувирна. Эдгээр нь исэлдэн ангижрах процесст оролцоно. Рибофлавины дутагдал нь рибофлавинозист хүргэнэ.
Пиридоксин гидрохлорид нь усанд уусдаг витамин бөгөөд амин хүчлийн солилцоо, мөн нүүр-ус, өөх-тосны солилцоонд оролцоно. Мөн гемоглобины үүсэлтэнд оролцоно. Пиридоксины дутагдал нь замын мэдрэлийн үрэвсэл, хүүхдийн ТМС-д нөлөөлнө.
Тиамин нь усанд уусддаг витамин бөгөөд нүүрс-усны солилцоонд чухал үүрэгтэй. Тиамины дутагдал нь Бери-Бери хам шинжид хүргэнэ.

Фармакокинетик

Шимэгдэлт: Венийн судсанд тарьж хэрэглэх тул түргэн шимэгдэнэ.
Тархалт: Бие махбодийн бүх эдэд тархана.
Хувиралт:

Пантенол нь Пантотены хүчил болж хувирах бөгөөд Пантотены хүчил нь хүний биед хувирахгүйгээр биеэс ялгарна.

Тиамин гидрохлорид: Пиримидин ба Тиамин хэлбэрээр шээсээр ялгарна.

Рибофлавин натрийн фосфат нь хувираагүй хэлбэрээр шээсээр ялгарна.

Никотинамид нь N-метилникотиамид болж хувирах ба цаашид N-метил-2-пиридон-5-карбоксамид болж хувирна.

Пиридоксин гидрохлорид нь 4-пиридоксины хүчил бол задарна.

Аскорбины хүчил нь аскорбат-2-сульфат ба оксалийн хүчил болж хувирна.

Ялгаралт: Бэлдмэлийн найрлага дахь бодисууд шээсээр ялгарна.

Эмийн хэлбэр: Тарилгын уусмал.
Хэрэглэх арга: Венийн судсанд дуслаар тарьна.
Хэрэглэх заалт: Витамин В ба витамин С-г нөхөх
Хэрэглэх тун: Бэлдмэл нь венийн судсанд дуслаар тарих, 500-1000 мл-р савлагдсан шингэн бөгөөд нэг минутанд 8 мл хэмжээтэй судсанд орохоор тооцож тарьна. Шаардлагатай бол тунг нэмэгдүүлж болно.
Анхааруулга: Венийн судсанд аажим тарьна. Уусмал тунгалаг биш бол хэрэглэж болохгүй. Уусмалыг задласан даруйд хэрэглэх ба дахин хэрэглэхгүй. Жирэмсэн болон хөхүүл эмэгтэйчүүдэд болгоомжтой хэрэглэнэ үү.
Хориглох заалт: Бэлдмэлийн найрлага дахь бодист хэт мэдрэг бол хэрэглэхгүй.
Гаж нөлөө: Тиаминыг судсаар хэрэглэсэнтэй холбоотой харшлын хэт мэдрэгших урвал илэрсэн нь бүртгэгдсэн байна. Бэлдмэл хэрэглэх үед гаж нөлөө илэрвэл эмчид мэдэгдэнэ үү.
Эмийн харилцан үйлчлэл: Пиридоксин нь Паркинсоны өвчний эмчилгээнд хэрэглэх Леводопагийн үйлдлийг бууруулж болзошгүй. Энэхүү бэлдмэл нь БериБери, Пеллагра, Чийг бам, Рибофлавин, Пиридоксины дутагдалын эхний сонголт биш юм.
Тун хэтрэлт: Усанд уусдаг витамин нь шээсээр ялгардаг. Тун хэтэрсэн тохиолдолд бэлдмэл хэрэглэхээ зогсооно.
САВЛАГАА: 500 мл, шилэн флакон.
Хадгалалт: 30⁰ихгүй хэмд хадгална.
Хүчинтэй хугацаа: үйлдвэрлэгдсэнээс хойш 24 сар. Хугацаа хэтэрсэн бэлдмэлийг хэрэглэхгүй.