Хэрэглэх заавар
Бэлдмэлийн хэрэглэгчдэд зориулсан заавар.
AMOXICILLIN CAPSULE, 250mg
Амоксициллин, капсул, 250мг
Улсын бүртгэлийн дугаар: F071112JP01717
Найрлага: Капсул бүрд 250мг амоксициллин тригидрат агуулагдана.
Эм судлалын үйлдэл:
Амоксициллин бол пенициллиназад тэсвэртэй пенициллин юм. Амоксициллин нь Грам сөрөг болон Грам эерэг нянгийн эсрэг өргөн хүрээт бактерцид үйлдэлтэй.
Хэрэглэх заалт:
Түүнд мэдрэг пенициллиназ үүсгэдэггүй нянгаар үүсгэгдсэн дараах халдваруудын үед хэрэглэнэ. Үүнд:
- Гүйлсэн булчирхайн үрэвсэл, гуурсан хоолойн үрэвсэл, уушгины хатгалгаа,
- Дунд чихний үрэвсэл,
- Бөөрний тэвшинцэрийн үрэвсэл, давсагны үрэвсэл, шээсний сүвний үрэвсэл,
- Арьсны идээт үрэвсэл, тариг, мундас,
- Заг хүйтэн,
- Өвөрмөц бус үүсгэгчээр үүссэн шээсний сүвний үрэвсэл,
- Гэдэсний халдварт хижгийн халууралт,
- Ходоод-гэдэсний үрэвсэл зэрэг болно.
Хориглох заалт:
- Пенициллинууд буюу цефалоспорины бүлгийн аль нэгэн бэлдмэлд харшилтай өвчтөн,
- Халдварт мононуклеозтой Амоксициллин хэрэглэхэд арьсанд тууралт гарсан өвчтөн, тунгалагийн булчирхайн лейкеми болон аллопуринол эмчилгээтэй гиперурикемитэй өвчтөнд арьсанд тууралт гарах эрсдэл ихэсдэг болно.
Тун ба хэрэглэх арга:
Амоксициллины насанд хүрэгчдийн хоногийн дундаж тун нь 750мг-1,5гр байдаг.
Насанд хүрэгсдэд 250мг (1 x 250мг капсул буюу 250мг/5мл суспензээс 5мл) тунгаар өдөрт 3 удаа хэрэглэнэ.
- 100мл суспензэд 57мл ус нэмээд нунтагийг бүрэн уустал сэгсрээд хэрэглэнэ.
- 2-10 насны хүүхдэд: 125мг (125мг/5мл суспензээс 5мл) тунгаар өдөрт 3 удаа хэрэглэнэ.
- 6 сартайгаас 2 настай хүүхдэд: 125мг (125мг/5мл суспензээс 5мл) тунгаар өдөрт 3 удаа хэрэглэнэ.
- 0-6 сартай хүүхдэд: 62,5мг (125мг/5мл суспензээс 2,5мл) тунгаар өдөрт 3 удаа хэрэглэнэ.
Гаж нөлөө ба тусгай анхааруулга:
- Суулгах, дотор муухайрах болон бөөлжих зэрэг ходоод-гэдэсний замын хямралууд олонтоо тохиолдоно.
- Арьс загатнан тууралт гарах, арьс улайх болон чонон хөрвөс гарах зэрэг харшлын урвалууд илэрч болох юм.
- Хүнд хэлбэрийн анафилаксийн урвал илэрвэл амокициллин хэрэглэхээ зогсоон адреналин, кортикостероидууд болон гистамины эсрэг эмүүд хэрэглэх нь зүйтэй.
- Амоксициллин эмчилгээний үед товруут тууралт гарч болох бөгөөд тэр нь эмчилгээг зогсоосны дараа хэдэн өдрийн дотор арилдаг.
- Бүдүүн гэдэсний хуурамч бүрхүүлт үрэвсэл үүсч байсан нь бүртгэгдсэн.
Хадгалах нөхцөл:
- Сэрүүн (25°C-ээс дээшгүй хэмд), хуурай газарт хадгална. Гэрэл болон чийгшилтээс хамгаалж, ХҮҮХЭД ХҮРЭХГҮЙ ГАЗАРТ ХАДГАЛНА.
Хадгалах хугацаа: 3 жил.
Үйлдвэрлэгч:
North China Pharmaceutical Group Formulation Co., Ltd.
No. 6 East Heping Road, Huayao East Street, Shijiazhuang, Hebei, P. R. of China
