РИБОКСИН 2%- 5МЛ (тариа)

ИНОЗИН (INOSINI)

Эмийн худалдааны болон олон улсын нэр:

Инозин

Эмийн хэлбэр:

Тун шилтэй тарилгын уусмал

Эмийн найрлага, тун хэмжээ:

• Инозин                              0,1; 0,2 г
• Тарилгын нэрмэл ус        2 мл хүртэл

Үйлдэл:

       Рибоксин нь пурины уламжлал бөгөөд АТФ-ын урьдал бодис. Тэрээр Кребсийн цагирагийн ферментүүдийн биоидэвхийг ихэсгэх, нуклеотидуудын нийлэгжилтийг идэвхжүүлэх, зүрхний булчингийн бодисын солилцоонд сайнаар нөлөөлж зүрхний булчингийн цусан хангамжийг сайжруулах зэрэг үйлдэл үзүүлнэ.

Хоногийн хэрэгцээ:

 Рибоксиныг хоногт 0,6- 2,4г тунгаар хоолны өмнө ууна. Эхний өдрүүдэд хоногт 0,6- 0,8г (0,2г- аар өдөрт 3- 4 удаа)- аар хэрэглэж зохимж сайн байвал тунг 2- 3 өдөрт 1,2 г (0,4 г- аар өдөрт 3 удаа)- 2,4 г хүртэл ихэсгэнэ. Ээлж эмчилгээ 4 долоо хоногоос 1,5- 3 сар хүртэл үргэлжилнэ. Урокопропорфирийн үед хоногт 0,8 г (0,2 г –аар 4 удаа)- аар өдөр бүр 1- 3 сар хэрэглэнэ. Рибоксиныг урсгалаар буюу дуслаар судсанд тарина. Эмчилгээг 200 мг (2%- ийн 10 мл)- аар өдөрт 1 удаа, дараа нь зохимж сайн байвал 400мг (2%-ийн 20 мл) хүртэл ихэсгэж өдөрт 1-2 удаа тарина.  Эмчилгээ 10-15 өдөр үргэлжилнэ. Зүрхний хэмнэл ба дамжуулалтын цочимог өөрчлөлтийн үед нэг удаа 200- 400мг (2%- ийн 10- 20 мл)- аар хэрэглэнэ. Дуслаар  тарих бэлдмэлийг натрийн хлоридын изотоник уусмал буюу 5%- ийн глюкозын 250 мл хүртэл уусмалд шингэлнэ.

Хэрэглэх заалт:

Зүрхний булчингийн цусан хангамжийн дутагдал, зүрхний шигдээсээр өвчилж байсан хүмүүс, миокардиодистрофи, зүрхний гликозидээс шалтгаалсан аритми, элэгний цирроз, гепатит, урокопропорфири зэрэгт тус тус хэрэглэнэ.

Хэрэглэх арга:

Эмчилгээг 200 мг (2%- ийн 10 мл)- аар өдөрт 1 удаа, дараа нь зохимж сайн байвал 400 мг (2%- ийн 20 мл) хүртэл ихэсгэж өдөрт 1- 2 удаа тарина.  Эмчилгээ 10- 15 өдөр үргэлжилнэ. Зүрхний хэмнэл ба дамжуулалтын цочимог өөрчлөлтийн үед нэг удаа 200- 400мг (2%-ийн 10- 20 мл)- аар хэрэглэнэ. Дуслаар  тарих бэлдмэлийг натрийн хлоридын изотоник уусмал буюу 5%- ийн глюкозын 250 мл хүртэл уусмалд шингэлнэ.

Гаж нөлөө:

Арьс улайх, загатнах, хааяа цусанд шээсний хүчлийн концентраци ихсэнэ. Их тунгаар удаан хугацаагаар хэрэглэвэл тулай өвчин сэдэрч болзошгүй.

Хориглох заалт:

Бэлдмэлд хэт мэдрэг хүмүүс хэрэглэхийг цээрлэнэ.

Эмийн сангаас олгох нөхцөл:

 Эмийн жороор олгоно.

Хүчинтэй хугацаа:

• Үйлдвэрлэгдсэнээс хойш 2 жил хүртэл хадгална.
• Хадгалах хугацаа дууссан бэлдмэлийг хэрэглэж болохгүй.

Хадгалах нөхцөл ба анхааруулга:

• Гэрлээс хамгаалж сэрүүн газарт хадгална.
• Хүүхэд хүрэхгүй газарт хадгална.

Савлалт:

• 2%- ийн 5, 10 мл- ийн тун шил.
• 1 х 10  ширхэг бүхий картон хайрцагт савлана.