**Дахин хянасан: 2015 оны 7 сар (хэсэг:Бүтээгдэхүүний тодорхойлолтын хэсэг зэрэгт засварлаж, хянасан 13 дахь хувилбар)

* Дахин хянасан: 2013 оны 12 сар (хэсэг. )

                                     ИДЭВХТЭЙ D₃ - АМИНДЭМИЙН БЭЛДМЭЛ

*АЛЬФАКАЛЬЦИДОЛ 0.25мкг БҮРЭЭС “ТОВА”

*АЛЬФАКАЛЬЦИДОЛ 0.5мкг БҮРЭЭС “ТОВА”

*АЛЬФАКАЛЬЦИДОЛ 1мкг БҮРЭЭС “ТОВА”

                                            (Альфакальцидол бүрээс)

ACTIVATED VITAMIN-D₃ PREPARATION

*ALFACALCIDOL CAPSULES 0.25µg “TOWA”

*ALFACALCIDOL CAPSULES 0.5µg “TOWA”

*ALFACALCIDOL CAPSULES 1µg “TOWA”

(Alfacalcidol Capsules)

Хадгалах нөхцөл:

 Тасалгааны хэмд, гэрлээс

 хамгаалж хадгална.

Хүчинтэй хугацаа:

 Савлагаа, шошго дээр

 тэмдэглэсэн.

ЭМИЙН НАЙРЛАГА БА ЕРӨНХИЙ ШИНЖ

ХЭРЭГЛЭХЗЗ ХЭРЭГЛЭХ ЗААЛТ

• Ясны сийрэгжилт.
• Дараах эмгэгүүдийн үеийн Д аминдэмийн солилцооны эмгэгийн шинж тэмдгүүдийн (гипокальцеми, таталт (tetany), ясны өвдөлт, ясны эмгэгүүд г.м.) эмчилгээнд хэрэглэнэ. Үүнд:

Бөөрний архаг дутагдал, гипопаратиреоидизм, Д аминдэмд үл мэдрэг рахит, яс зөөлрөх (osteomalacia).

ТУН БА ХЭРЭГЛЭХ АРГА

Эмийн бүтээгдэхүүний тунг цусан дахь кальцийн түвшинг нарийн хяналж тохируулах хэрэгтэй.  

• Ясны сийрэгжилт, бөөрний архаг дутагдал.

Насанд хүрэгчид альфакальцидолыг 0.5-1.0мкг тунгаар өдөрт нэг удаа ууж хэрэглэнэ.

Тунг өвчтөний нас болон шинж тэмдгийг харгалзан тохируулж болно.

• Гипопаратиреоидизм болон Д аминдэмийн солилцооны  эмгэгт хүргэдэг бусад өвчин.

Насанд хүрэгчид альфакальцидолыг 1.0-4.0 мкг тунгаар өдөрт нэг удаа ууж хэрэглэнэ.

Тунг өвчний төрөл, өвчтөний нас болон шинж тэмдгийг харгалзан тохируулж болно.

   [Хүүхдийн тун]

Хүүхдэд ясны сийрэгжилтийн эмчилгээний үед альфакальцидолыг 0.01-0.03 мкг/кг тунгаар өдөрт нэг удаа, бусад өвчний үед 0.05-0.1мкг/кг-аар өдөрт нэг удаа ууж хэрэглэнэ.Тунг өвчин болон өвчтөний шинж тэмдгээс хамааран тохируулж болно.

БОЛГООМЖЛОЛ

1. Онцгой анхааруулга

 1)Тун хэтрэлтээс урьдчилан сэргийлэхийн тулд өвчтөний цусан дахь кальцийн түвшинг эмийн бүтээгдэхүүнийг хэрэглэж байх үед ойр ойрхон  шинжлэх шаардлагатай. Тунг цусан дахь кальцийн түвшинг хэвийн хязгаарт барихын тулд тохируулах боломжтой.

 2)Хэрвээ гиперкальцеми үүссэн бол эмийн хэрэглээг нэн даруй зогсоох хэрэгтэй. Эмийн хэрэглээг зогсоосны дараа эмчилгээг цусан дахь кальци хэвийн түвшинд хүрсний дараа дахин үргэлжлүүлж болно.  

2. Эмийн харилцан нөлөөлөл

Хамт хэрэглэх үед анхаарах зүйлс: (Альфакальцидол бүрээсийг дараах эмүүдтэй хамт болгоомжтой хэрэглэнэ.)

3. Гаж нөлөө

Гаж нөлөөний тохиолдлыг илэрхийлсэн эмийн хэрэглээний судалгаа, нийлүүлэлтийн дараах тандалт судалгаа хийгдээгүй.

1. Эмнэл зүйд илэрч болох гаж нөлөө (давтамж  

тодорхойгүй)

  (1) Бөөрний архаг дутагдал: Цусан дахь кальцийн хэмжээ ихэссэнтэй холбоотой бөөрний архаг дутагдал үүсч болзошгүй. Өвчтөнүүдийн цусан дахь кальцийн түвшин болон бөөрний үйл ажиллагааг сайтар шалгаж байх хэрэгтэй. Хэрвээ ямар нэгэн өөрчлөлт илэрвэл эмийн хэрэглээг зогсоох зэрэг шаардлагатай арга хэмжээг авах хэрэгтэй.

 (2) Элэгний үйл ажиллагааны алдагдал ба

   шарлалт:

    АсАТ (GOT), АлАТ (GPT), эсвэл ШФ(Al-P)-ын ихсэлтээр илрэх элэгний үйл ажиллагааны алдагдал ба шарлалт үүсч болзошгүй. Эмчилгээний явцад өвчтөнүүдийн биеийн байдлыг сайтар хянах хэрэгтэй. Хэрвээ ямар нэгэн өөрчлөлт илэрвэл эмчилгээг зогсоож, шаардлагатай арга хэмжээг авна.

 2) Бусад гаж нөлөө

    Хэрэв дараах гаж урвалуудаас илэрвэл тунг бууруулах эсвэл эмийн хэрэглээг зогсоох зэрэг шаардлагатай арга хэмжээг авах хэрэгтэй.

4. Өндөр настны хэрэглээ

Өндөр настай өвчтөнүүдийн физиологийн үйл ажиллагаа буурсан байдаг учир тунг тохируулахдаа болгоомжтой байх хэрэгтэй.

5. Жирэмсэн, төрсөн эсвэл хөхүүл үеийн хэрэглээ

1. Энэ эмийг жирэмсэн болон жирэмсэн байж болзошгүй эмэгтэйчүүд зөвхөн эмчилгээний үр нөлөө нь болзошгүй эрсдлээс давсан тохиолдолд хэрэглэнэ. [Жирэмсэн эмэгтэйчүүдийн хэрэглээний аюулгүй байдал тогтоогдоогүй. Амьтан (хархнууд) дээр хийгдсэн туршилтаар, энэ эмийн бэлдмэлийг өндөр тунгаар хэрэглэх нь ургийн ясжилтын хоцрогдол зэрэг өсөлт хөгжлийн хоцрогдолд хүргэдэг болох нь тогтоогдсон.]
2. Хөхүүл эмэгтэйчүүдэд уг эмийг хэрэглэхийг зөвлөхгүй. Уг эмийг зайлшгүй хэрэглэх шаардлага гарсан тохиолдолд, эмчилгээний үед хөхөөр хооллолтыг түр зогсоох хэрэгтэй [Хөхүүл эмэгтэйчүүдийн хэрэглээний аюулгүй байдал тогтоогдоогүй. Амьтан (хархнууд) дээр хийгдсэн туршилтаар хөхүүл хархнуудын хэрэглэсэн эмийн бэлдмэлийн 1/20 нь сүүгээр ялгаран шинэ төрсөн зулзагануудад  дамждаг болох нь тогтоогдсон. Амьтан (хархнууд) дээр хийгдсэн туршилтаар,  энэ эм нь хөхний сүүгээр ялгардаг болох нь тогтоогдсон].

6. Хүүхдийн хэрэглээ

Хүүхдэд энэ эмийг зөвлөх үед тун хэтрэлтээс урьдчилан сэргийлэх болон цусан дахь кальцийн түвшинг хянан тунг бага хэмжээнээс аажим нэмэгдүүлэх зэрэг арга хэмжээг авах шаардлагатай [Амьтан дээр хийгдсэн  туршилтаар ууж хэрэглэх үеийн цочмог хордлого нь залуу хархнуудад насанд хүрсэн хархнуудаас илүү  их ажиглагдаж байсан].

7. Хэрэглээтэй холбоотой болгоомжлол

Олгохтой холбоотой анхааруулга:

PTP (блистер) савлагаатай эмнүүдийг хэрэглэхдээ эмийг савлагаанаас хэрхэн авахыг эмчлүүлэгчдэд зааварлан зөвлөх хэрэгтэй [Хэрэв PTP савлагааг  залгисан бол хурц үзүүрүүд нь улаан хоолойн салстыг цоолон, голтын үрэвсэл зэрэг ноцтой хүндрэлүүд үүссэн гэж мэдээлэгдсэн.]

8. Бусад болгоомжлол

Гиперфосфатемитэй өвчтөнүүд уг бэлдмэлийг хэрэглэхдээ цусан дахь фосфорын хэмжээг бууруулах зорилгоор фосфат-холбогч эмийг хавсран хэрэглэх шаардлагатай.

ФАРМАКОКИНЕТИК

Биотэнцэхүйн сорил:

1.  АЛЬФАКАЛЬЦИДОЛ 0.25 мкг БҮРЭЭС “ТОВА”

АЛЬФАКАЛЬЦИДОЛ 0.25мкг “ТОВА” тун бүхий 20 ширхэг бүрээсийг болон Хяналтын эмийг (5мкг альфакальцидол) насанд хүрсэн харьцангуй эрүүл эрэгтэй (n=20) хүмүүст өлөн үед нэг удаагийн тунгаар уулгаж, солибоцон турших арга судалгааны загвараар цусан дахь 1α, 25(OH)₂D* хэмжээг тус тус тодорхойлов.  Фармакокинетикийн үзүүлэлтүүдэд (AUC болон Cmax) статистик боловсруулалт хийсэн. Энэ боловсруулалтын үр дүн эдгээр эмүүд нь биотэнцэхүйц болохыг баталсан. (PAB/PCD Баримт №718, 1980 оны 5-р сарын 30-ны өдрийн мэдэгдэлд үндэслэв)¹⁾.

 (Тэмдэглэл) 5мкг тунгаар нэг удаа ууж хэрэглэхийг зөвшөөрөөгүй.  

  *1α, 25(OH)₂D: Альфакальцидолын идэвхтэй метаболит, 1α,

 25(OH)₂D₃ + Биологийн оригинал бодис, 1α, 25(OH)₂D₂

(Дундаж үзүүлэлт ± S.D., n=20)

AUC болон Cmax зэргийн ийлдэс дэх концентраци болон үзүүлэлтүүд нь биеийн шингэний дээж цуглуулах давтамж/хугацааг сонгох зэрэг нөхцөлөөс хамааран өөр байж болно.  

2. АЛЬФАКАЛЬЦИДОЛ 0.5µg  БҮРЭЭС “ТОВА”

АЛЬФАКАЛЬЦИДОЛ 0.5мкг “ТОВА” 10 ширхэг бүрээсийг болон Хяналтын эмийг (5мкг альфакальцидол) насанд хүрсэн харьцангуй эрүүл эрэгтэй (n=20) хүмүүст өлөн үед нэг удаагийн тунгаар уулгаж, солибоцон турших арга судалгааны загвараар цусан дахь 1α, 25(OH)₂D* хэмжээг тус тус тодорхойлов. Фармакокинетикийн үзүүлэлтүүдэд (AUC болон Cmax) статистик боловсруулалт хийсэн. Энэ боловсруулалтын үр дүн эдгээр эмүүд нь биотэнцэхүйц болохыг баталсан. (PAB/PCD Баримт №718, 1980 оны 5-р сарын 30-ны өдрийн мэдэгдэлд үндэслэв)²⁾.

 (Тэмдэглэл) 5мкг тунгаар нэг удаа ууж хэрэглэхийг зөвшөөрөөгүй.

  *1α, 25(OH)₂D: Альфакальцидолын идэвхтэй метаболит, 1α,

  25(OH)₂D₃ + Биологийн оригинал бодис, 1α, 25(OH)₂D₂

(Дундаж үзүүлэлт ± S.D., n=20)

AUC болон Cmax зэргийн ийлдэс дэх концентраци болон үзүүлэлтүүд нь биеийн шингэний дээж цуглуулах давтамж/хугацааг сонгох зэрэг нөхцөлөөс хамааран өөр байж болно.  

3. АЛЬФАКАЛЬЦИДОЛ 1мкг БҮРЭЭС “ТОВА”

АЛЬФАКАЛЬЦИДОЛ 1мкг “ТОВА” 5 ширхэг бүрээсийг болон Хяналтын эмийг (5мкг альфакальцидол) насанд хүрсэн харьцангуй эрүүл эрэгтэй (n=20) хүмүүст өлөн үед нэг удаагийн тунгаар уулгаж, солибоцон турших арга судалгааны загвараар цусан дахь 1α, 25(OH)₂D* хэмжээг тус тус тодорхойлов. Фармакокинетикийн үзүүлэлтүүдэд (AUC болон Cmax) статистик боловсруулалт хийсэн. Энэ боловсруулалтын үр дүн эдгээр эмүүд нь биотэнцэхүйц болохыг баталсан. (PAB/PCD Баримт №718, 1980 оны 5-р сарын 30-ны өдрийн мэдэгдэлд үндэслэв)³⁾.

 (Тэмдэглэл) 5мкг тунгаар нэг удаа ууж хэрэглэхийг зөвшөөрөөгүй.

  *1α, 25(OH)₂D: Альфакальцидолын идэвхтэй метаболит, 1α,

  25(OH)₂D₃ + Биологийн оригинал бодис, 1α, 25(OH)₂D₂

(Дундаж үзүүлэлт  ± S.D.,  n=20)

AUC болон Cmax зэргийн ийлдэс дэх концентраци болон үзүүлэлтүүд нь биеийн шингэний дээж цуглуулах давтамж/хугацааг сонгох зэрэг нөхцөлөөс хамааран өөр байж болно.  

ФИЗИК, ХИМИ

Бүтцийн томъёо:

Худалдааны бус нэршил: Альфакальцидол

Химийн нэршил:          (5Z, 7E)-9,10-Секохолеста-

                   5,7,10 (19)-триен-1α,3β-диол

Молекул томъёо:   C₂₇H₄₄O₂

Молекул жин:      400.64

Ерөнхий шинж:    Альфакальцидол нь цагаан талст эсвэл талст төст нунтаг. Метанол, этанол (99.5), хлороформ ба дихлорометанд сайн уусдаг, ацетон ба диэтилийн эфирт уусдаг, ус ба гександ практикийн хувьд уусдаггүй. Уг эм агаар ба гэрэлд мэдрэг.

Хайлах хэм:       137-142°C

                  (Эргокальциферолын хэмжүүр, JP)

ХАДГАЛАЛТЫН АНХААРУУЛГА

Тогтвортой байдлын сорил

Эцсийн байдлаар савлагдсан бэлдмэл нь түргэвчилсэн нөхцөлд (40°C, харьцангуй чийгшил 75%) 6 сар тогтвортой байх ба АЛЬФАКАЛЬЦИДОЛ 0.25мкг 0.5мкг, ба 1мкг БҮРЭЭС “ТОВА” нь ердийн нөхцөлд 3 жил тогтвортой байна⁴⁾⁵⁾⁶⁾.

САВЛАГАА

АЛЬФАКАЛЬЦИДОЛ 0.25мкг БҮРЭЭС “ТОВА”

  100 бүрээс, 1000 бүрээстэй хайрцаг (PTP)

АЛЬФАКАЛЬЦИДОЛ 0.5мкг БҮРЭЭС “ТОВА”

  100 бүрээс, 1000 бүрээстэй хайрцаг (PTP)

АЛЬФАКАЛЬЦИДОЛ 1мкг БҮРЭЭС “ТОВА”

  100 бүрээс, 1000 бүрээстэй хайрцаг (PTP)

ИШЛЭЛҮҮД

1) Towa Pharmaceutical Co.,Ltd. Дотоод баримт:

Биотэнцэхүйн сорил (0.25мкг бүрээс)

2) Towa Pharmaceutical Co.,Ltd. Дотоод баримт:

Биотэнцэхүйн сорил (0.5мкг бүрээс)

3) Towa Pharmaceutical Co., Ltd. Дотоод баримт:

Биотэнцэхүйн сорил (1мкг бүрээс)

4) Towa Pharmaceutical Co., Ltd. Дотоод баримт:

Тогтвортой байдлын сорил (0.25мкг бүрээс)

5) Towa Pharmaceutical Co., Ltd.  Дотоод баримт:

Тогтвортой байдлын сорил (0.5мкг бүрээс)

6) Towa Pharmaceutical Co., Ltd. Дотоод баримт:

Тогтвортой байдлын сорил ( 1мкг бүрээс)

Үйлдвэрлэгч ба түгээгч:

TOWA PHARMACEUTICAL CO., LTD.

2-11, Shinbashi-cho, Kadoma, Osaka 571-8580

Japan