Эм, эмийн үнийн мэдээллийн сан

Хэрэглэх заавар

МЕТРОНИДАЗОЛ

Худалдааны нэршил:

Метронидазол

Эмийн хэлбэр:

Үтрээний лаа

Найрлага:

Идэвхтэй бодис: метронидазол – 500 мг;

Туслах бодис: хатуу тос.

Эмэн эмчилгээний бүлэг: Эмэгтэйчүүдийн өвчлөлийн үед хэрэглэх халдваргүйжүүлэх, мөөгөнцрийн эсрэг бэлдмэл. Имидазолын уламжлал.

АТХ код: G01AF01

Хэрэглэх заалт:

Үтрээний трихомонад, бактерын вагиноз, өвөрмөц бус вагинит, үтрээний үрэвсэл, түүнд мэдрэг бичил биетнээр үүсгэгдсэн халдваруудын эмчилгээнд хэрэглэнэ.

Хориглох заалт:

Метронидазол эсвэл бусад нитроимидазолын уламжлалд мэдрэг; цусны өвчин, лейкопени (өгүүлэмжтэй); хөдөлгөөний баримжаа алдагдсан, ТМС-н эмгэг (ялангуяа эпилепси); элэгний дутагдал (өндөр тунгаар хэрэглэхгүй); жирэмсэн (I гурван сар), хөхүүл үе, 18 хүртэлх насны хүүхдэд хориглоно.

Болгоомжлол: жирэмсэн (II – III гурван сар).

Тун хэтрүүлэлт:

Шинж тэмдэгүүд: лейкопени, нейропати, атакси, бөөлжих.

Метронидазолын өвөрмөц антидот байхгүй тул шинж тэмдэгийн эмчилгээ хийнэ.

Бусад эмтэй харилцан нөлөө

Метронидазолыг шууд бус үйлдэлтэй антикоагулянтуудтай (варфарин) хамт хэрэгдэхэд тэдгээрийн элгэн дэх хувиралыг бууруулснаар протромбины хугацаа уртсан цус алдах эрсдэл бий болгоно. Иймээс ууж хэрэглэх антикоагулянтууд зогсоосноос 8 хоногийн дараа метронидазол хэрэглэх нь зүйтэй ба протромбины хугацаа, цусны ерөнхий шинжилгээг байнга хийх хэрэгтэй.

Мөн миорелаксантуудтай (векуроний бромид) хамт хэрэглэхгүй. Этанолтой хамт хэрэглэвэл дисульфирамын аналог үүснэ. Метронидазол, дисульфирам хамт хэрэглэвэл мэдрэлийн хам шинжүүд үүснэ (ухамсар доройтох, сэтгэцийн өөрчлөлтүүд).

Барбитуратууд (фенобарбитал) метронидазолын элгэн дэх идэвхгүйжилтийн хувирган үйлдлийг бууруулна.

Циметидинтэй хамт хэрэглэхэд метронидазолын цусны сийвэн дах агууламж өндөрсөн гаж нөлөө үүсэх эрсдэл нэмэгдэнэ.

Литийн бэлдмэлүүд сийвэн дэх агууламжийг нэмэгдүүлнэ.

Фторурацилтай хамт хэрэглэснээр фторурацилын бус хордлогыг нэмэгдүүлнэ.

Урьдчилан сэргийлэх арга хэмжээ

Удаан хугацаанд хэрэглэх бол цусны эсүүдийн хяналт тавих шаардлагатай. Хэрэв өвчтөнд лейкопени үүсвэл анхааралтай үргэлжлүүлэн эмчилгээний боломжит ашиг тусыг харьцуулах нь чухал юм. Метронидазолын эмчилгээг архаг, хурц мэдрэлийн эмгэгтэй хүнд өвчтөнд мэдрэлийн байдал муудаж болохыг санах хэрэгтэй.

Байнгын болон дэвшилтэт невропатитай өвчтөнүүдэд Метронидазол маш болгоомжтой хэрэглэх хэрэгтэй. Атакси толгой эргэх, хий юм харах, мэдрэлийн статус муудвал эмчилгээг зогсооно. Метронидазол троепонем хөдөлгөөний чадвартай тул Нельсоны туршилт хуурамч эерэг гарахад хүргэдэг. Метронидазолын эмчилгээний үед согтууруулах ундаа хэрэглэхэд тахикарди, бөөлжих, халуурах шинж үүсэх тул хориглоно.

Trichomonas vaginalis үүсгэгдсэн үтрээний үрэвслийн үед дахин халдварлагдахаас сэргийлж метронидазол дотуур уулгах замаар бэлгийн хамтрагчийг хамт эмчилнэ.

Жирэмсэн, хөхүүл үе:

Жирэмсний І гурван сар, хөхүүл үед хориглоно.

Жирэмсний ІІ, ІІІ гурван сард эхэд үзүүлэх эерэг нөлөө урагт үзүүлэх сөрөг нөлөөллөөс давсан тохиолдолд хэрэглэнэ.

Хүүхдийн хэрэглээ:

Эмийн бэлдмэлийг 18 хүртэлх насны хүүхдэд хориглоно.

Авто тээвэр, механизмтай ажиллах чадварт үзүүлэх нөлөө:

Мэдрэлийн системийн зүгээс гаж нөлөө илэрвэл тээврийн хэрэгсэл, механизмтай ажиллах чадварт сөрөг нөлөө үзүүлж болзошгүй.

Тун, хэрэглэх арга

Үтрээнд хийнэ.

Бэлдмэлийг эмчилгээнд зөвхөн насанд хүрэгчидэд хэрэглэнэ.

Метронидазол үтрээний лааг ихэвчлэн метронидазол шахмал хэлбэрээр нэмэлтээр ашиглана.

Үтрээний трихомонад. Өдөрт нэг ширхэг үтрээний лаа, нийт 10 өдөр хийнэ. Лааг үтрээний гүнд хийнэ. Эмчилгээнд метронидазол шахмалаар хамт ууж хэрэглэх ба 1 шахмал (250 мг) үргэлжлүүлэн 10 өдөр ууна.

Үтрээний өвөрмөц бус үрэвсэл. Үтрээний нэг ширхэг лааг үтрээний гүнд хийн нийт 7 хоног хэрэглэнэ.

Эмчилгээний үргэлжлэх дээд хугацаа 10 өдөр ба ээлж эмчилгээг 3-с багагүй жил үргэлжлүүлнэ.

Лааг хэрэглэх арга.

Лааг үтрээнд хийнэ. Лааны үйлдлийн идэвхийг бууруулахгүйн тулд хадгалалтыг нарийн баримтлах, мөн хувааж хэрэглэж болохгүй.

Гаж нөлөө:

Ходоод гэдэсний зүгээс: өрц орчим өвдөх, дотор муухайрах, бөөлжих, суулгах, амны салст үрэвсэх, амт өөрчлөгдөх, анорекси, онцгой тохиолдол нойр булчирхайн үрэвсэл үүсэх.

Арьс: тууралт, загатнаа, улайт, халуурах, мэдрэлийн судасны хаван, онцгой маш ховор тохолдолд анафилаксийн шок; ховор тохиололд цэврүүт тууралт гарна.

Төвийн болон захын мэдрэлийн системийн өөрчлөлт: захын мэдрэлийн эмгэг, толгой өвдөх, таталт, толгой эргэх, маш ховор тохиолдолд – энцефалопати (ухамсар доройтох), цочмогдуу тархины хам шинж (атакси, дизартри, арагш алхах, нистагм, салганах).