Эм, эмийн үнийн мэдээллийн сан

КОЛДАКМИН (COLDACMIN)

Хүүхэд хүрэхгүй газарт хадгална.

Хэрэглэхийн өмнө зааврыг анхааралтай уншина уу.

Тоо болон чанарын найрлага:

Идэвхтэй бодис:

Парацетамол: 325 мг
Хлорфенирамины малеат: 4 мг
Туслах бодисууд: Буудайн цардуул, поливинил алкохол, сукроз, эритрозин, тартразин.

Эмийн хэлбэр:

Хатуу бүрээс.
Бүтээгдэхүүний ерөнхий шинж: Тунгалаг улаан – тунгалаг цагаан өнгөтэй, гадна талдаа “DHG” болон “PHARMA” гэсэн дардастай, дотроо цагаан, нил хүрэн ба шар өнгийн мөхлөг агуулсан хатуу капсул.

Эмчилгээнд хэрэглэх заалт:

Дараах шинж тэмдгүүдийг түр зуур намдаахад:

Толгой өвдөх, хамраас нус гоожих ба найтаах, багаахан өвдөлтүүд, хоолой өвдөх.
Халуун түр зуур намдаах.

Тугналт ба хэрэглэх заалт:

Насанд хүрэгсдэд:

1 - 2 бүрээсээр, өдөрт 2 - 3 удаа ууж хэрэглэнэ.
Эхлэх тун нь 1 бүрээс байх ёстой.

Хүүхэд > 6 насанд:

Насанд хүрэгсдийн хагас тунгаар.
Эсвэл эмчийн зааврын дагуу.

Хориглох заалт:

Идэвхтэй бодист буюу энэхүү эмийн аль нэгэн найрлаганд хэт мэдрэгшилт.
Парацетамол агуулдаг тул элэгний эсийн дутмагшил.
Хлорфенамины малеат агуулдаг тул:
- Хаалттай өнцөгт глаукомын эрсдэл,
- Шээсний сүв - түрүү булчирхайн эмгэгшилийн үед шээс хоригдох эрсдэл.
Хлорфенамины малеат агуулдаг тул энэхүү эмийг хөхүүл эхэд хэрэглэхийг зөвлөж үндсэндээ болохгүй.

Тусгай анхааруулга ба хэрэглээний болгоомжлол:

Өндөр буюу байнгын халууралттай байгаа, суперинфекцийн шинж тэмдгүүдийн илрэлтэй буюу шинж тэмдгүүд 5 хоногоос удаан илэрч байгаа тохиолдлуудад эмчилгээг эргэн үнэлэх хэрэгтэй.
Парацетамолын агууламжтай эм хэрэглэж байгаа өвчтөнд Стивенс-Жонсоны хам шинж (СЖХ), хучуур эдийн хорт үхжилт (ХЭХҮ) буюу Лайеллын хам шинж, цочмог тархмал экзантематоз бүхий пуспулоз (ЦТЭП) зэрэг арьсны урвалуудын ноцтой шинж тэмдгийг эмч эмчлүүлэгчид анхааруулах шаардлагатай.

Тусгай анхааруулга:

Хэрэглэж буй бусад эмийн найрлаганд парацетамол буюу хлорфенамины малеат байгаа эсэхийг магадлаж тун хэтрэлтийн эрсдэлээс зайлсхийх хэрэгтэй:

Насанд хүрэгсэд болон 50кг-с дээш жинтэй хүүхдэд парацетамолын зөвлөмжит хамгийн их тун, эмч зөвлөөгүй л бол парацетамолын нийт тунг хоногт 4 гр-с хэтрүүлж болохгүй.
Хлорфенамины малеатын хамгийн их тун нь тухай бүрдээ 4мг ба хоногт 16мг болно.

Хэрэглээний болгоомжлол:

Парацетамолын хамааралт:

Парацетамол болон түүний метаболитууд нь үндсэндээ шээсэнд тодорхойлогддог.
Бөөрний үйл ажиллагааны хүнд хэлбэрийн дутмагшилтай үед наанадаж 8 цагийн зайг барих хэрэгтэй.

Хлорфенамин малеатын хамааралт:

Хлорфенамин малеатыг дараах тохиолдлуудад болгоомжтой хэрэглэх ёстой. Үүнд:

Өндөр настанд:

Байрлалаас хамааралт даралт уналт үүсэмтгий ба толгой эргэх болон тайвшруулах нөлөөнд мэдрэмтгий,
Архаг өтгөн хаталт (гэдэс саажих эрсдэлтэй),
Түрүү булчирхай томорсон байж болзошгүй;

Элэг ба бөөрний үйл ажиллагааны хүнд хэлбэрийн дутмагшилтай үед хуримтлал үүсгэх эрсдэлтэй.

Эмчилгээний хугацаанд алкохолтой ундаа буюу алкохол агуулсан эм хэрэглэхийг зөвлөдөггүй.

Туслах бодисууд:

Хэрэв та гэдэсний эмгэгтэй бол энэхүү эм нь буудайн цардуул агуулдаг хэдий ч зөвхөн глютен маш бага түвшний агууламжтай бөгөөд сөрөг нөлөө үүсгэх магадлал маш багатай.
Сукроз: фруктоз үл тэвчлийн ховор тохиолдох төрөлхийн эмгэг болох глюкоз-галактозын шимэгдэлт дутагдлын буюу сукроз-изомальтазын дутмагшилтай өвчтөн энэхүү эмийг хэрэглэж болохгүй.
Тартразин: харшлын урвалууд үүсгэж болзошгүй.

Жирэмсэн ба хөхүүл үеийн хэрэглээ:

Жирэмсэн үед:

Жирэмсэн эмэгтэйд хийсэн тархварзүйн судалгаагаар парацетамол нь зөвлөмжит тунгаараа сөрөг нөлөө үзүүлээгүй байна, гэхдээ өвчтөн үүний хэрэглээтэй холбоотой эмчийн зөвлөмжийг дагаж мөрдөх хэрэгтэй.
Жирэмсэн үед хлорфенамины малеат хэрэглэсэн тухай хангалттай мэдээлэл байхгүй.
Хүнд ноцтой эрсдэлтэй эсэх нь тодорхойгүй.
Жирэмсний гуравдугаар 3н сард хэрэглэх нь нярай буюу шинэ төрсөн болон дутуу төрсөн нярайд урвал үүсгэж болох юм.
Эмч зайлшгүй шаардлагатай хэмээн зөвлөөгүй л бол жирэмсэн үед хэрэглэж болохгүй.

Хөхүүл эхэд:

Парацетамол хөхний сүүгээр ялгардаг боловч харин зөвлөмжит тунгаар хэрэглэхэд эмнэлзүйн ач холбогдолтой хэмжээгээр ялгарахгүй:
Хэвлэгдсэн мэдээллээс үзвэл хөхүүл үед хориглох заалтгүй болно.
Хлорфенамины малеат болон гистамины эсрэг бусад эмүүд хөхний сүүг саатуулах бөгөөд хөхний сүүгээр ялгарч болох юм.
Эмч зайлшгүй шаардлагатай хэмээн зөвлөөгүй л бол хөхүүл үед хэрэглэж болохгүй.

Жолоо барих ба машин техниктэй ажиллах чадварт үзүүлэх нөлөө:

Хлорфенамин нь холинолитик үйлдэлтэй тул нойрмоглох, толгой эргэх, хараа бүрэлзэх ба сэтгэц-хөдөлгөөний саатал үүсгэж болох тул өвчтөний жолоо барих болон машин техниктэй ажиллах чадварт ноцтой нөлөөлж болно.

ХАРИЛЦАН НӨЛӨӨЛӨЛ

Парацетамолын хамааралт:

Парацетамол нь глюкоз оксидаз-пероксидазын аргаар цусны глюкоз тодорхойлох шинжилгээнд нөлөөлж глюкоз хэвийн бус өндөр концентрацитай байгаа мэтээр хуурамч үр дүн илрэхэд хүргэж болох юм.
Парацетамол нь фосфотунгстийн хүчлийн аргаар цусан дахь шээсний хүчлийн хэмжээ тодорхойлох шинжилгээг өөрчилж болзошгүй.

Хлорфенамин малеатын хамааралт

Тайвшруулах эмүүд:

Олон эмүүд ба бодисууд, тэдгээрийн төв мэдрэлийн системийг дарангуйлах үйлдлийг хүчжүүлж, сэргийлэх чадварыг багасгахыг тооцох хэрэгтэй.
Тэдгээр нь морфины уламжлалууд (өвдөлт намдаагчид, ханиалга намдаагчид ба орлуулах эмчилгээнүүд), нейролептикүүд, барбитуратууд, бензодиазепинууд, бензодиазепинээс бусад анксиолитикууд (жишээ нь: мепробамат), нойрсуулах эмүүд, тайвшруулагч антидепрессантууд (амитриптилин, доксепин, миансерин, миртазапин, тримипрамин), тайвшруулагч Н1-антигистаминууд, даралт бууруулах төвийн үйлдэлтэй эмүүд, баклофен ба талидомид зэрэг болно.

Зөвлөмжгүй хамааралт зүйлс

+ Алкохолын хэрэглээ:

Алкохол нь хлорфенамин малеатын тайвшруулах үйлдлийг хүчжүүлнэ. Анхаарал суларч жолоо барих болон осолтой техниктэй ажиллах чадварт нөлөөлөх эрсдэлтэй.

Алкохолтой ундаа болон алкохолын агууламжтай бусад эм хэрэглэхээс зайлсхийх хэрэгтэй.
Хавсруулах хэрэглээнээс болгоомжлох хэрэгтэй.

+ Ууж хэрэглэдэг антикоагулянтууд:

Хэрэв парацетамолыг наанадаж 4 өдөр дээд тунгаар (өдөрт 4гр) хэрэглэсэн бол ууж хэрэглэдэг антикоагулянтуудын үйлдэл хүчжих эрсдэлтэй бөгөөд цус алдалтын эрсдэл үүснэ.

Олон улсын тэнцвэржүүлсэн харьцааг (INR) илүү ойрхон хянаж байх хэрэгтэй.
Парацетамол эмчилгээний хугацаанд болон түүнийг хэрэглэхээ зогсоосны дараа ууж хэрэглэдэг антикоагулянтуудын тунг зохицуулж болох юм.

ГАЖ НӨЛӨӨ

Парацетамол: Эмнэлзүйн туршилтын материалаас үзвэл гаж тохиолдлууд цөөхөн өвчтөнд ховор илэрсэн байна.

Зах зээлийн дараах өргөн цар хүрээт туршлагаас эмчилгээний/тэмдэглэгдсэн тунгаар хэрэглэх явцад илэрсэн мэдээллийн тохиолдлуудыг системийн ангиллын дагуу доор тэмдэглэв.

Эмнэлзүйн судалгааны хязгаарлагдмал өгөгдөхүүнээс үзвэл тэдгээр гаж тохиолдлуудын давтамж тодорхойгүй боломжийг мэдээллээс тогтоох боломжгүй байсан бөгөөд харин зах зээлийн дараах туршлага нь парацетамолын гаж урвалууд нь цөөн бөгөөд ноцтой урвалууд нь маш ховор болохыг илтгэж байгаа болно.

Цус ба тунгалгийн системийн эмгэгшилүүд: Тромбоцитопени, агранулоцитоз.

Дархлааны системийн эмгэгшилүүд: Анафилакси, судаслаг хаван ба Стивенс-Жонсоны хамшинж, хучуур эдийн хорт үхжилт зэргийг оролцуулаад арьсны хэт мэдрэгшилтийн урвалууд.

Амьсгалын зам, цээжний хэнгэрцэг ба голтын эмгэгшилүүд: Бронхспазм (парацетамолын улмаас бронхспазм үүсэх тохиолдол байсан бөгөөд тэр нь аспиринд буюу стероид бус үрэвслийн эсрэг эмүүдийн астмын мэдрэгшилттэй илүү хамааралтай байх магадлалтай).

Элэг-цөсний эмгэгшилүүд: Элэгний үйл ажиллагааны алдагдал.

Хлорфенирамин:

Эмнэлзүйн туршилтаар илэрсэн түгээмэл (тохиолдол субьектийн 1% - <10%) ба маш түгээмэл (тохиолдол субьектийн ≥ 10%) хэмээн тооцсон гаж урвалуудыг доорх хуудсанд тэмдэглэв.
Бусад гаж урвалуудын давтамж нь зах зээлийн дараах хэрэглээний үед тодорхойгүй байсан болно.

Цус ба тунгалгийн системийн эмгэгшилүүд: Давтамж тодорхойгүй: цус задралт цус багадалт, цусны дүрст элементүүд өөрчлөгдөх.

Дархлааны системийн эмгэгшилүүд: Давтамж тодорхойгүй: харшлын урвал, судаслаг хавах, анафилаксийн урвалууд.

Бодисын солилцоо ба тэжээллэгийн эмгэгшилүүд: Давтамж тодорхойгүй: хоолны дуршил алдагдах.

Сэтгэцийн эмгэгшилүүд: Давтамж тодорхойгүй: ухаан балартах*, цочирдох*, цочромтгой болох*, хар дарах*, сэтгэлээр унах.

Мэдрэлийн системийн эмгэгшилүүд: Маш түгээмэл: ноомойрох, нойрмоглох.

Түгээмэл: анхаарал сарних, тэнцвэр алдагдах, толгой эргэх ба толгой өвдөх.

Нүдний эмгэгшилүүд: Түгээмэл: хараа бүрэлзэх.

Чих ба лабиринтийн эмгэгшилүүд: Давтамж тодорхойгүй: чих дүнгэнэх.

Зүрхний эмгэгшилүүд: Давтамж тодорхойгүй: зүрх дэлсэх, зүрхний хэм олшрох, зүрхний хэм алдагдах.

Судасны эмгэгшилүүд: Давтамж тодорхойгүй: даралт буурах.

Амьсгалын зам, цээжний хэнгэрцэг ба голтын эмгэгшилүүд: Давтамж тодорхойгүй: гуурсан хоолойн шүүрэл өтгөрөх.

Ходоод-гэдэсний эмгэгшилүүд: Түгээмэл: дотор муухайрах, ам хатах.

Давтамж тодорхойгүй: бөөлжих, хэвлийгээр өвдөх, суулгах ба хоолны шингэц хямрах.

Элэг-цөсний эмгэгшилүүд: Давтамж тодорхойгүй: гепатит, шарлалт.

Арьс ба арьсан доорх эдийн эмгэгшилүүд: Давтамж тодорхойгүй: зулгаралтат дерматит, тууралт чонон хөрвөс, гэрэлд хэт мэдрэгшилт.

Яс-булчин ба холбох эдийн эмгэгшилүүд: Давтамж тодорхойгүй: булчин татвалзах, булчин сулрах.

Бөөр ба шээсний замын эмгэгшилүүд: Давтамж тодорхойгүй: шээс хоригдох.

Ерөнхий эмгэгшилүүд ба эм хэрэглэсэн газарт илрэх өөрчлөлтүүд: Түгээмэл: ядрах.

Давтамж тодорхойгүй: цээж давчдах.

*хүүхэд ба өндөр настанд холинолитик мэдрэлийн нөлөө болон парадоксал цочрол илүүтэй илэрдэг (жишээ нь: эрчим ихсэх, тайван бус болох, мэдрэл цочирдол г.м.).

Эмийг хэрэглэх үед илэрсэн бүх тааламжгүй нөлөөг эмчдээ мэдэгдэх хэрэгтэй.

ТУН ХЭТРЭЛТ

Парацетамол:Насанд хүрэгсдэд парацетамолыг 10гр буюу түүнээс их тунгаар хэрэглэвэл элэг гэмтээх магадлалтай.

Хэрэв өвчтөн дараах эрсдэлт хүчин зүйлстэй бол парацетамолыг 5гр буюу түүнээс их тунгаар хэрэглэвэл элэгний гэмтэлд хүргэж болно. Үүнд: Хэрэв өвчтөн:

Карбамазедин, фенобарбитон, фенитоин, примидон, рифампицин, сиймхий Алтан цэгцүүхэй буюу бусад элэгний ферментийн өдөөгч эмийн удаан хугацааны эмчилгээтэй бол. ЭСВЭЛ
Алкохолыг зөвлөмжит хэмжээнээс байнга хэтрүүлэн хэрэглэдэг бол. ЭСВЭЛ
Хооллолтын эмгэгшил, уйланхайт фиброз, ХДХВ-н халдвар, өлсгөлөн болон, тураал зэргийн улмаас глютатионы уналттай байх магадлалтай бол зэрэг болно.

Шинж тэмдгүүд:

Парацетамолын тун хэтрэлтийн эхний 24 цагт царай цонхийх, дотор муухайрах, бөөлжих, хоолны дуршил алдагдах ба хэвлийгээр өвдөх зэрэг шинж тэмдгүүд илэрнэ.
Хэрэглэснээс хойш 12-24 цагийн дараа элэгний гэмтэл илэрч болзошгүй.
Глюкозын солилцооны өөрчлөлт ба бодисын солилцооны ацидоз илэрч болох юм.
Хүнд хэлбэрийн хордлогын үед элэгний дутагдал даамжирч энфефалопати, цус алдалт, гипогликеми, тархины хаван илэрч болох ба үхлээр ч төгс болох юм.
Сүвээгээр өвдөх, гематури ба протеинури илэрвэл хэдийгээр хүнд хэлбэрийн элэгний гэмтэлгүй байлаа ч гэсэн сувганцарын цочмог дутагдал бүхий бөөрний цочмог дутагдал хэмээн хатуу таамаглах хэрэгтэй.
Зүрхний хэм алдалт ба нойр булчирхайн үрэвсэл илэрч байсан нь мэдээлэгдсэн байдаг.

Авах арга хэмжээ:

Парацетамолын тун хэтрэлтийн үед авах арга хэмжээнд яаралтай эмчилгээ чухал.
Эрт үеийн ноцтой шинж тэмдгүүд бүдэг байлаа ч гэсэн яаралтай эмнэлгийн тусламж үзүүлэхийн тулд өвчтөнг яаралтай эмнэлэгт хэвтүүлэх хэрэгтэй.
Шинж тэмдэг нь дотор муухайрах буюу бөөлжихөөр хязгаарлагдаж байж болох боловч энэ нь тун хэтрэлийн хүнд хөнгөнийг буюу эрхтний гэмтлийн эрсдэлийг тусгаж чадахгүй байж болох юм.
Авах арга хэмжээ нь батлагдсан эмчилгээний удирдамжийн дагуу явагдах ёстой бөгөөд Британы үндэсний лавлахын (BNF) тун хэтрэлтийн хэсгийг харах хэрэгтэй.
Хэрэв тун хэтэрснээс хойш 1 цагийн дотор байгаа бол эмчилгээнд идэвхжүүлсэн нүүрс хэрэглэх шаардлагатай.
Эм хэрэглэснээс хойш 4 цагийн дараа буюу түүнээс хойш парацетамолын сийвэнгийн концентрацийг хэмжих хэрэгтэй (эрт үеийн концентраци нь илэрхийлж чаддаггүй).
Парацетамол хэрэглэснээс хойш 24 цаг хүртэлх хугацаанд N-ацетилцистеинийг эмчилгээнд хэрэглэж болох бөгөөд гэхдээ хамгийн дээд хамгаалах үйлдэл нь хэрэглэснээс хойших 8 цаг хүртэлх хугацаа байдаг болно.
Энэхүү хугацаанаас хойш антидотын үр нөлөө нь огцом буурдаг.
Хэрэв өвчтөнд шаардлагатай бол N-ацетилцистеинийг тунгийн дэглэмийг нарийн тогтоогоод венийн судсанд тарьж хэрэглэх нь зүйтэй.
Хэрэв бөөлжилт ноцтой биш бөгөөд хөдөө буюу эмнэлгээс хол газар байгаа бол сэлгээ эмчилгээнд метионинийг ууж хэрэглэж болох юм.
Элэгний үйл ажиллагаа ноцтойгоор алдагдсан, парацетамол хэрэглэснээс хойш 24 цаг орчимд байгаа бол өвчтөнийг Хордлогын үндэсний мэдээлэлийн алба буюу элэгний сэхээний тасагт арга хэмжээ авах асуудлыг хэлэлцэх шаардлагатай.

Хлорфенирамин

Шинж тэмдгүүд ба илрэлүүд: Хлорфенамины үхлийн тооцсон тун нь биеийн нэг кг жинд 25-50мг болно.

Шинж тэмдгүүд ба илрэлүүд нь ноомойрох, төв мэдрэлийн системийн парадоксикал цочрол, хордлогот солиорол, амьсгал тасалдах, татах, холинолитик илрэлүүд, дистоник урвалууд ба зүрхний хэм алдалтыг оролцуулаад зүрх-судасны коллапс зэрэг болно.

Эмчилгээ:

Шинж тэмдгийн ба дэмжих арга хэмжээ нь зүрхний, амьсгалын, бөөрний ба элэгний үйл ажиллагааг тусгайлан анхаарч, шингэний болон электролитийн тэнцвэрийг хангахад чиглэгдэнэ.
Хэрэв тун хэтрэлт нь ууж хэрэглэсний улмаас үүссэн бөгөөд саяхан үүссэн хийгээд хэрэглээний хориглох заалтгүй бол эмчилгээнд идэвхжүүлсэн нүүрс хэрэглэх нь зүйтэй (ууж хэрэглэснээс хойш нэг цагийн дотор эмчилгээнд хамгийн үр дүнтэй байдаг).
Даралт уналт ба зүрхний хэм алдалтыг яаралтай эмчлэх хэрэгтэй ба төв мэдрэлийн системийн гаралтай таталтын үед диазепамыг венийн судсанд тарьж хэрэглэж болох юм.
Хүнд хэлбэрийн тохиолдолд цус шүүх эмчилгээ хийж болох юм.

ФАРМАКОДИНАМИКИЙН ШИНЖ ЧАНАР

ATC код: N02B E51

Парацетамол халуун бууруулах өвдөлт намдаах үйлдэлтэй.

Үйлдлийн механизм нь аспириний адилаар простагландины нийлэгжилтийг саатуулдагтай хамааралтай хэмээдэг.
Тэрхүү саатуулалт нь сонгомол шинж чанартай илэрдэг.

Эмнэлзүйн үр дүн:

Шүдний өвдөлт намдаах хоёр судалгаагаар парацетамолыг 1000мг тунгаар хэрэглэсний дараа дунджаар 15 минутанд өвдөлт намдаж байсан нь тодорхойлогджээ.
Плацеботой харьцуулахад парацетамол нь 1000мг тунгаараа өвдөлтийг илүү намдааж байжээ.
Плацеботой харьцуулахад парацетамол нь 500мг тунгаараа ч өвдөлтийг илүү намдааж байсан нь тодорхойлогджээ.

Хлорфенамин нь гистамины Н1-рецепторын хүчтэй антагонист юм.

Антигистаминууд нь эдийн гистамины Н1-рецепторыг эргэх шинж чанартайгаар өрсөлдөн хориглож гистамины үйлдлийг саатуулдаг.
Хлорфенамин мөн холинолитик идэвхтэй.
Антигистаминууд нь гистамин, простагландинууд болон лейкотриенүүдийн ялгаралтаас сэргийлж, үрэвслийн медиаторуудын миграциас сэргийлнэ.
Хлорфенамин нь гистамины гилгэр булчинд ба хялгасан судасны нэвчилтэнд саатуулах нөлөө үзүүлдэг тул хаванг багасгах ба харшил ба анафилакси зэрэг хэт мэдрэгшилтийн урвалаас сэргийлэх үйлдэл үзүүлдэг.

Фармакокинетикийн шинж чанар

Парацетамол нь ходоод-гэдэсний замаас хурдан бөгөөд бараг бүрэн шимэгдэнэ.

Эмчилгээний тунгаар хэрэглэснээс хойш 30-60 минутанд сийвэнд оргил концентрацидаа хүрэх бөгөөд хагас элиминацийн хугацаа нь 1-4 цаг байдаг.
Парацетамол нь биеийн ихэнх шингэнүүдэд харьцангуй жигд тархана.
Эмийн сийвэнгийн уурагтай холбогдолт янз бүр байдаг ба цочмог хордолт үүсгэсэн концентрацийн үедээ 20-30% холбогдож болох юм.
Эмчилгээний тунгаар хэрэглэсний дараах эхний өдөрт шээсээр эм 90-100% буцаж гадагшилдаг.
Гэхдээ, парацетамол үндсэндээ хувираагүй хэлбэрээр ялгардаггүй бөгөөд бүхэлдээ элэгний конъюгацийн дараа ялгардаг байна.

Хлорфенамин ууж хэрэглэсний дараа ходоод-гэдэсний замаас амархан шимэгддэг.

Үйлдэл нь 30 минутын дотор эхэлж, 1-2 цагийн дотор оргилдоо хүрээд 4-6 цаг үргэлжилдэг.
Сийвэнгийн хагас элиминацийн хугацаа: 12-15 цаг.
Сийвэнгийн уурагтай ач холбогдол бүхий холбогдоно.
Энэхүү эм нь элгэнд ихээр идэвхгүйжин шээсээр метаболит хэлбэрээр ялгарна.
Хлорфенамин нь монодесметил ба дидесметилийн уламжлал болон хувирдаг.
Уусан тунгийн 22% нь хувиралгүйгээр шээсээр ялгарна.
Өтгөнд зөвхөн ул мөр төдий тодорхойлогдсон байна.