Эмийн бэлдмэлийн эмнэлгийн хэрэглээний заавар

Нимесил^®

Худалдааны нэршил

Нимесил^®

Патентлагдаагүй олон улсын нэршил

Нимесулид

Эмийн хэлбэр

Дотуур хэрэглэх хөвмөл бэлтгэхэд зориулагдсан мөхлөг 2 г

Найрлага

1 багцад

Идэвхтэй бодис -  нимесулид 100 мг

Туслах бодис:  макрогол цетостеарилын эфир, сахароза, мальтодекстрин, усгүйжүүлсэн нимбэгний хүчил, жүржийн үнэрт.

Ерөнхий шинж

Жүржийн үнэрт цайвар шаргал өнгийн мөхлөгөн нунтаг. Нэг багцан дах бэлдмэлийг 100 мл усанд 1 минутын турш хутган уусгана.  Бэлтгэсэн уусмал бодисын хэсгүүд бүхий цагаан, цайвар шаргал өнгөтэй болно. 

Эмэн эмчилгээний бүлэг

Стероид бус үрэвсэлийн эсрэг бэлдмэл. Нимесулид.

АТС код: М01AX17

Эм судлалын шинж чанар

Фармакокинетик

Нимесулид ууж хэрэглэхэл сайн уусна. Нимесулид 100 мг нэг удаагийн тунгаар ууснаас 2-3 цагийн дараа сийвэн дэх тунгийн хэмжээ 3 – 4 мг/л. Тахирмагын доор талбай (AUC)  20 – 35 мг цаг/л. Нимесулид 100 мг тунгаар өдөрт нэг эсвэл хоёр удаа нийт 7 долоо хоног хэрэглэхэд фармакокинетикт өөрчлөлт илрэхгүй. Нимесулидын уурагтай холбогдолт 97,5%.

Нимесулид элгэнд цитохромын P450 (CYP) 2C9 изоферментийн нөлөөнд идэвхтэй метаболит болон хувиралд орно. Иймд нимесулидыг дээрх изоферментэд нөлөөт эмийн бэлдмэлтэй хамт хэрэглэх бол эмийн харилцан үйлчлэлийг тооцох ёстой.  Үндсэн метаболит нь эм судлалын идэвхтэй парагидрокси-уламжлалын нимесулид юм. Цусны эргэлтэн дэх метаболитын хэмжээ (ойролцоогоор 0,8 цагт) нимесулидын шимэгдсэн хэмжээнээс бага хэмжээгээр оршино. Сийвэнд зөвхөн үндсэн метаболит гидроксинимесулид агуулагдана. Энэ метаболит бараг бүрэн холбоот хэлбэрээр байна. Хагас задралын хугацаа 3,2 - 6 цаг.

Нимесулид бие махбодоос шээсээр гадагшилна (нийт тунгийн ойролцоогоор 50%). 1 – 3 % хувираагүй хэлбэрээр ялгарна. Гидроксинимесулид – үндсэн метаболит, зөвхөн глюкуронит хэлбэрээр оршино. Нийт хэрэглэсэн тунгийн 29 % хувиралд орж өтгөнөөр гадагшилна.

Нимесулидын фармакокинетик өндөр настанд нэг удаагийн болон давтан хэрэглээнд өөрчлөлт ажиглагдахгүй.

Богино хугацааны туршилт судалгаанд дунд зэргийн бөөрний дутагдалтай (креатинины клиренс 30 - 80 мл/мин) өвчтөн болон  эрүүл сайн дурынханд хэрэглэн судлахад  нимесулидын дээд хэмжээ, сийвэн дэх метаболит эрүүл сайн дурынханаас өвчтөнд ихгүй байсан. Тахирмагын доорх талбай "Концентраци - цаг" (AUC), хагас задралын хугацаа (t1/2 beta) бөөрний дутагдалтай өвчтөнд  50% өндөр байсан гэхдээ нимесулид хэрэглэж буй эрүүл хүнд фармакокинетикийн хүрээ ажиглагдахгүй. Давтан хэрэглээнд хуримтлал үүсээгүй. Нимесулидыг бөөрний дутагдалтай өвчтөнд хэрэглэхийг хориглоно.

Фармакодинамика

Нимесулид стероид бус үрэвсэлийн эсрэг бэлдмэл нь простогландины нийлэгжилтэнд чухал үүрэгтэй циклооксигеназа ферментийг хориглосноор халуун бууруулах, өвдөлт намдаах үйлдэл үзүүлнэ.

Хэрэглэх заалт

1. Хурц өвдөлтийн эмчилгээ
2. Остеоартритын өвдөлтийн хам шинжийн шинж тэмдэгийн эмчилгээ
3. сарын тэмдэгийн алдагдлын анхдагч эмчилгээнд

Нимесулидыг зөвхөн хоёрдугаар эгнээний эмээр хэрэглэнэ.  

Нимесулидыг эмчилгээнд өвчтөний эрсдэлийг үнэлсэн байх ёстой.

Тун, хэрэглэх арга

Эмчилгээний үед гаж нөлөөний илрэлийг багасгахын тулд эмчилгээний үйлдэл үзүүлэх хамгийн бага тунгаар хэрэглэнэ. Эмчилгээг үргэлжлүүлэх дээд хугацаа 15 хоног.

Насанд хүрсэн өвчтөнд:

1 багцыг (100 мг нимесулид) өдөрт 2 удаа хоолны дараа ууна.

Өндөр настай өвчтөн: өндөр настаны хоногийн тунгийн зохицуулга байхгүй.

Бөөрний үйл ажиллагааны алдагдалтай өвчтөнд: бөөрний үйл ажиллагааны дунд, хүнд (креатинин клиренс 30 - 80 мл/мин) зэргийн алдагдалтай өвчтөний фармакокинетикийн мэдээлэл дээр үндэслэн тунг зохицуулна.

Гаж нөлөө

Ерөнхий тэмдэглэл

Эмнэл зүй болон тархварын судалгааны дүнд цөөн тооны стероид бус үрэвсэлийн эсрэг бэлдмэлүүд (өндөр тунгаар удаан хугацаанд хэрэглэхэд), артерийн бөглөрөлт эмгэг үүсгэх эрсдэлтэй (жишээ нь зүрхний булчингийн шигдээс, инсульт) гэж үздэг.

Мөн стероид бус үрэвслийн эсрэг бэлдмэлийн эмчилгээний хариу урвал хаван, артерийн даралт ихдэлт, зүрхний дутагдал үүсгэж болно.

Ховор тохиолдолд СБҮЭБ-д арьсны ноцтой гаж нөлөө болон цэврүүтэх,  Стивенс–Джонсоны хам шинж, эпидермийн хордлогот үхжил үүснэ.

Ихэнх тохиолдолд СБҮЭБ-н хэрэглээнд ходоод гэдэсний замд гаж нөлөө илэрнэ. Ходоодны шархлаа, цоорол эсвэл ходоод гэдэсний замаас цус алдах, өндөр настай хүнд заримдаа амь насанд аюултай шинжүүд үүсч болно. Эмчилгээний дараа дараах гаж нөлөө  дотор муухайрах, бөөлжих, суулгах, гэдэс дүүрэх, өтгөн хатах, диспепси, гэдэс өвдөх, цустай бөөлжих, амны хөндийн шархлаат үрэвсэл, колит, Кроны өвчин илэрсэн. Ходоод үрэвсэх байнга ажиглагдана.

Эмнэл зүйн дараах хяналтад судалгааны* (7800 өвчтөн хамруулсан) үр дүнгийн мэдээлэлийг үндэслэн гаж нөлөөний илрэлийг харуулав. Илрэлийн давтамжаар ангилсан: маш элбэг (≥ l/10); элбэг (≥ l/100, < l/10), заримдаа (≥ l/l,000, < l/100); ховор  (≥ l/10,000, < l/l,000); маш ховор (< l/10,000), тусгаарлагдсан тохиолдол.

Хориглох заалт

1. нимесулид болон найрлага дах бусад нэгдэлд хэт мэдрэг бол
2. өмнө нь ацетилсалицилын хүчил, стероид бус үрэвслийн эсрэг бусад бэлдмэлүүдийн хэрэглээнд гиперэрги урвал (жишээ нь гуурсан хоолойн агчил, ринит, чонон хөрвөс) илэрсэн
3. өмнө нь нимесулид хэрэглэхэд элэг хордох шинж илэрсэн
4. элэг хордуулах бэлдмэл хэрэглэж буй бол
5. архичин, мансууруулах бодисын хамааралт
6. өмнө СБҮЭБ-тэй холбоотой ходоод гэдэсний замаас цус алдаж байсан
7. ходоод арван хоёр хуруу гэдэсний шархлаа түүний сэдрэл үе, ходоод гэдэсний замын цоорол, цус алдалттай
8. тархинд цус алдалт, бусад цус харвалтууд, цусархагын өгүүлэмжтэй
9. цусны бүлэгнэлт алдагдсан хүнд эмгэг
10. зүрхний хүнд дутагдал
11. бөөрний хүнд дутагдал (креатинины клиренс < 30 мл/ мин)
12. элэгний дутагдал
13. томуугийн шинж тэмдэг илэрсэн өвчтөн
14. 18 хүртэлх насны хүүхэд
15. Жирэмсэн, хөхүүл үед бэлдмэлийг хэрэглэхийг хориглоно.

Эмийн харилцан нөлөө

Стероид бус үрэвслийн эсрэг бусад бэлдмэлүүд (СБҮЭБ)

Нимесулид агуулсан эмийн бэлдмэлүүд, стероид бус үрэвслийн эсрэг бэлдмэлүүд, ацетилсалицилын хүчлийг үрэвслийн эсрэг тунгаар  (өдөрт нэг удаа ≥1 г эсвэл хоногийн нийт тун  ≥3 г) хамт хэрэглэхийг хориглоно.

Кортикостероидууд: ходоод гэдэсний замаас цус алдах эрсдлийг нэмэгдүүлнэ.

Антикоагулянтууд

Антикоагулянтууд:   СБҮЭБ-д антикоагулянтууд ялангуяа варфарин, ацетилсалицилын хүчлийн үйлдлийг хүчжүүлнэ. Ингэснээр цус гоожих эрсдэлтэй тул цус бүлэгнэлтийн алдагдалтай өвчтөнд хамт хэрэглэхгүй. Хэрэв хавсарсан эмчилгээг зогсоох боломжгүй бол цусны үзүүлэлтийн хяналтыг сайтар хийх шаардлагатай.

Тромбозын эсрэг бэлдмэл, серотонин дахин шингээлтийг сонгомолоор дарангуйлагчид (SSRIs):

Тромбозын эсрэг бэлдмэл, серотонин дахин шингээлтийг сонгомолоор дарангуйлагчид (SSRIs) бэлдмэлүүд ходоод гэдэсний замаас цус алдах эрсдлийг ихэсгэнэ.

Кортикостероидууд

Кортикостероидууд, тромбозын эсрэг бэлдмэл, серотонин дахин шингээлтийг сонгомолоор дарангуйлагч (SSRIs) бэлдмэлүүд ходоод гэдэсний замаас цус алдах эрсдлийг ихэсгэнэ.

Шээс хөөх, ангиотензин-хувиргагч фермент хориглогч, ангиотензин II (АIIА) антагонист:

СБҮЭБ нь шээс хөөх, даралт бууруулах зарим бэлдмэлүүдийн  (жишээ нь, бета-блокатор,  АХФ хориглогч) үйлдлийг бууруулна. Бөөрний үйл ажиллагаа алдагдсан цөөн тооны өвчтөнд (жишээ нь шингэн хязгаарлагдсан, бөөрий үйл ажиллагаа алдагдсан өндөр настанд) АХФ хориглогч, ангиотензин II антагонист, ЦОГ дарангуйлагч хамт хэрэглэснээр цаашид бөөрний үйл ажиллагаа буурах шалтгаан болно.  АХФ хориглогч, АIIА , нимесулидыг хамт маш болгоомжтой хэрэглэх нь зүйтэй. Иймээс дээрх хослолыг өндөр настанд маш болгоожтой хэрэглэнэ. Өвчтөн шингэнийг хангалттай хэрэглэнэ. Энэхүү хослолыг хэрэглэх явцад бөөрний үйл ажиллагааг үе үе хянаж байх ёстой.

Фармакокинетикийн харилцан нөлөө: нимесулид бусад эмийн фармакокинетикт үзүүлэх нөлөө

Фуросемид

Эрүүл сайн дурынханд нимесулид хэрэглэхэд фуросемидын натри, кали ялгаруулан шээс хөөх үйлдлийг бууруулна.

Нимесулид, фуросемид хамт хэрэглэхэд тахирмагын доорх талбай (20%) "Концентраци - цаг" (AUC) буурах, фуросемидын бөөрний клиренс өөрчлөгдөхгүй хуримтлагдсан ялгаралтыг бууруулна.

Бөөр, зүрхний үйл ажиллагааны алдагдалтай өвчтөнд фуросемид, нимесулид-агуулсан бэлдмэлийг хамт болгоомжтой хэрэглэнэ.

Лити

СБҮЭБ литийн клиренсийг бууруулснаар сийвэн дэх литийн хэмжээг нэмэгдүүлэн хордлогыг ихэсгэнэ. Өвчтөнд Нимесил®, лити хэрэглэж байх үед цусан дах литийн хэмжээг хянана.

in vivo судалгаанд глибенкламид, теофилин, варфарин, дигоксин, циметидин, антацид бэлдмэлүүдтэй фармакокинетикийн харилцан нөлөө үүсгэнэ (жишээ нь, хөнгөн цагаан, магнийн гидроксидын хослол). Эмнэл зүйн ч холбогдол бүхий харилцан нөлөө үүсгэнэ.

Нимесулид CYP2C9 идэвхийг бууруулна. Нимесилом^® энэ ферментийн субстраттай хамт хэрэглэхэд бэлдмэлийн сийвэн дэх хэмжээг нэмэгдүүлнэ.

Нимесулидыг багадаа 24 цаг хүртэл эсвэл 24 цагаас бага хугацаанд метотрексатыг болгоомжтой хэрэглэх ба учир нь сийвэн дэх метотрексатын түвшин нэмэгдэн хордлогын нөлөө ихсэнэ. Бөөрний простогландин нөлөөт, простагландин нийлэгжилт дарангуйлагчид  нимесулидын нөлөөнд циклоспорины бөөр хордуулах үйлдэл нэмэгдэнэ.

Фармакокинетикийн харилцан нөлөө: бусад бэлдмэлүүдийн үйлдэл нимесулидын фармакокинетикт нөлөөлөх

in vitro судалгаанд нимесулид нь толбутамид, салицилын хүчил, вальпроевын хүчил нөлөөлнө. Эдгээр харилцан нөлөө цусны сийвэннд илрэх ч эмнэл зүйд ашиглагдах явцад өөрчлөлт илрээгүй.

Ерөнхий сэрэмжлүүлэг

Гаж нөлөө, өвчний шинж тэмдэгийг хянахын тулд хамгийн үр дүнтэй тунгаар богино хугацаанд хэрэглэнэ (ходоод гэдэс, зүрх судасны системийн зүгээс).

Шинж тэмдэгүүд ихэсвэл эмчилгээг зогсооно.

Өндөр настай элэг, бөөр, зүрх судасны үйл ажиллагааны өөрчлөлттэй өвчтөн СБҮЭБ-н хэрэглээнд ялангуяа ходоод гэдэсний замаас цус алдах, цоорох, зарим тохиолдолд үхэлд хүрэх  сөрөг урвалын илрэлийн давтамж ихсэнэ.

Иймээс эдгээр өвчтөнд эмнэл зүйн ажиглалтыг сайтар хийх ёстой.

Элэгний зүгээс гарах өөрчлөлт

Нимесулид агуулсан эмийн бэлдмэлийн хэрэглээнд ховор тохиолдох ноцтой урвал үхэлд хүргэх гаж нөлөөний илрэл  ховор.

Нимесил^® бэлдмэлийн эмчилгээний явцад элэгний гэмтлийн шинж төст шинж тэмдэг мэдрэгдэх (жишээ нь анорекси, дотор муухайрах, бөөлжих, гэдэс өвдөх, ядрах, шээс хар гарах) эсвэл өвчтөнд лабораторид элэгний үйл ажиллагааны хэвийн үзүүлэлт  алдагдвал эмийг зогсооно. Нимесулидыг ийм төрлийн өвчтөнд дахин хэрэглэхийг хориглоно. Ихэнх тохиолдолд дараа элэг гэмтэх шинж үзүүлнэ.

Нимесил^®  хэрэглэж буй өвчтөн өөр төрлийн өвчин намдаах эм хэрэглэхээс татгалзана. Нимесил^®, СБҮЭБ, ЦОГ2 хориглогчид хамт хэрэглэхээс зайлсхийнэ.

Нимесулид хэрэглэж буй өвчтөнд томуу төст шинж илэрвэл эмийн хэрэглээг зогсооно.

Ходоод гэдэсний зүгээс илрэх өөрчлөлт:

Бүх СБҮЭБ-н хэрэглээнд ходоод гэдэсний замын ноцтой эмгэгийн анхдагч шинж тэмдэг болон ходоод гэдэсний замын шарх үүсэх түүнээс цус алдах, аминд аюултай шинж тэмдэгийн өгүүлэмжтэй эсэхийг анхаарна.  Ходоод гэдэсний шарх үүсэх түүнээс цус алдах эрсдэл өндөр настанд СБҮЭБ хэрэглэхэд ихсэнэ. Эдгээр өвчтөнд эмийн хэрэглээг зохих тунгаар хэрэглэх нь зүйтэй. Эдгээр өвчтөнд, цааш аспирин бусад бэлдмэлүүдийг маш бага тунгаар, ходоод гэдэсний замаас илрэх гаж нөлөөг бууруулахын тулд хамгаалах бэлдмэлүүдтэй (жишээ нь, мизопростол протоны шахуурга хориглогч) хамт хэрэглэнэ.

Өндөр настанд ходоод гэдэсний замд ноцтой гэмтэл хэвийн бус шинж тэмдэг илэрдэг талаар мэдээлэгдсэн (ялангуяа ходоод гэдэснээс цус алдах). Энэ нь эмчилгээний эхний шатанд маш чухал юм.  

Өвчтөний өгүүлэмжээс үл хамааран ходоод гэдэсний замд шархлаа, цоорол үүсэх цус алдах анхны шинж тэмдэгүүд илэрдэг. Хэрэв ходоод гэдэсний замд шархлаа үүсэх цус алдах шинж үүсвэл нимесулидын эмчилгээг нэн даруй зогсооно. Нимесулидыг ходоод гэдэсний замын эмгэгийн өгүүлэмжтэй өвчтөнд болгоомжтой хэрэглэнэ (ходоодны шарх, ходоод гэдэсний цус алдалт, өвөрмөц бус шархлаалт колит, Кроны өвчин).

Ууж хэрэглэдэг кортикостероидууд цус алдалт, шархлааны эрсдлийг нэмэгдүүлэх тул өвчтөнд антикоагулянт варфарин, серотонин сонгомолоор хориглогчид, тромбозын эсрэг аспирин зэрэг бэлдмэлүүдтэй хамт тун болгоомжтой хэрэглэнэ.

Нимесил^® хэрэглэж буй өвчтөнд ходоод гэдэсний шархлаа, цус алдалт илэрвэл эмийн хэрэглээг зогсооно.

            СБҮЭБ-г ходоод гэдэсний эмгэгийн өгүүлэмжтэй өвчтөнд (өвөрмөц бус шархлаат колит, Кроны өвчин) өвчнийг сэдрээж болох тул болгоомжтой хэрэглэх нь зүйтэй.

Арьсны зүгээс илрэх өөрчлөлт

Ховор тохиолдолд СБҮЭБ-н хэрэглээнд арьсны ноцтой урвалууд, аминд аюултай шинжүүд үүсч болно. Ялангуяа эксфолиатив дерматит, Стивенс – Джонсоны хам шинж, эпидермийн хордлогот үхжил үүснэ. Ажиглалтаар арьсны ноцтой эмгэгүүд эмчилгээний эхэнд үүсдэг.  Нимесил^® хэрэглээг арьсны тууралт, салстын гэмтэл, эсвэл харшлын урвалын бусад шинж тэмдэгийн эхлэл үед зогсооно.

Бөөрний зүгээс илрэх өөрчлөлт

Нимесил^® бөөрний үйл ажиллагааг бууруулах тул бөөр, зүрхний үйл ажиллагаа алдагдалтай өвчтөнд болгоомжтой хэрэглэнэ. Дээрх тохиолдолд эмийн хэрэглээг зогсооно.

Үр тогтоолтонд үзүүлэх нөлөө

Нимесулидын хэрэглээнд эмэгтэйд үр тогтоох чадвар буурч болох тул жирэмслэхээр төлөвлөж буй эмэгтэйд хэрэглэхгүй. Үргүйдлийн шинжилгээг хийлгэх шаардлагатай эмэгтэйд Нимесила^® хэрэглэх шаардлагатай эсэхийг тооцно.

Нимесил^® сахароз агуулна. Иймд бэлдмэлийг удмын ховор эмгэг фруктоз үл тэвчил, глюкоз-галактозын мальабсорбци, сахарaз-изомальтазын дутагдалтай хүнд хэрэглэхгүй.

Зүрх судас, тархины судасны системийн зүгээс илрэх өөрчлөлт:

Артерийн гипертензитэй, дунд бага зэргийн зүрхний дутагдалын өгүүлэмжтэй, цаашилбал шингэн хуримтлагдах, хавагнасан өвчтөнд СБҮЭБ-н хэрэглээг эмчтэй зөвлөлдөх шаардагатай.

Эмнэл зүй, тархвар зүйн судалгаагаар СБҮЭБ бэлдмэлүүдийг өндөр тунгаар удаан хугацаанд хэрэглэснээр артерийн тромбо үүсгэх эрсдэл нэмэгдэнэ гэж мэдээлсэн (жишээ нь, зүрхний булчингийн шигдээс, инсульт).    Нимесулидын эмчилгээнд эдгээр эрсдэл үүсэх хангалттай мэдээлэл байхгүй байна.

Нимесулид хэрэглээний дараа өвчтөнд артерийн гипертензи, зүрхний цочмог дутагдал, зүрхний ишеми, захын артерийн эмгэг, тархины цусны эмгэгийн хяналтыг хийх шаардлагатай. Эмчилгээг эхлэхийн өмнө зүрх судасны талаас илрэх шинж тэмдэгийг анхааралтай авч үзнэ (жишээ нь, артерийн гипертони, гиперлипидеми, чихрийн шижин, тамхичин).

Нимесулид тромбоцитын үйл ажиллагаанд нөлөөлж болох тул цусархаг диатезтай өвчтөнд болгоомжтой хэрэглэнэ.  Нимесил^® зүрх судасны эмгэгтэй өвчтөнд  ацетилсалицилын хүчлийг оролж чадахгүй.

Жирэмсэн, хөхүүл үе

Жирэмсэн

Простогландины нийлэгжилтийг дарангуйлах нь жирэмсэн үе, урагт сөргөөр нөлөөлж болно. Тархвар зүйн судалгааны дүнд жирэмсний эхний саруудад простогландины нийлэгжилтийг дарангуйлах бэлдмэлийг хэрэглэснээр ураг аяндаа зулбах эрсдэл нэмэгдэх, урагт зүрхний порок, гастрошизис үүснэ. Зүрх судасы системийн гажиг үүсэх үнэмлэхүй эрсдэл 1% - 1,5%. Энэ нь өндөр тун, удаан хэрэглээний дүнд эрсдэл ихсэнэ. Жирэмсний бүх хугацаанд нимесулид хэрэглэж болохгүй.  

Жирэмсний гурав дах гурван сард простогландины нийлэгжилтийг дарангуйлах бэлдмэлийг хэрэглэхэд:

1. Ургийн хөгжилд нөлөөлөх:

• Уушиг, зүрх хоруулах (артерийн цоорхой эрт битүүрэх, уушигны артерийн гипертензи);
• Бөөрний үйл ажиллагаа алдагдах, бөөрний үйл ажиллагааны өөрчлөлт даамжирсаар ус багасах;

2. Жирэмсний төгсгөлд эх, урагт:

• Цус алдалт ихсэх, бага тунгаар хэрэглэхэд агрегацийн эсрэг үйлдэл үүсэх;
• Умайн үйл ажиллагааг дарангуйлж төрөлт удаашируулах.

Нимесулид үр тогтолтыг бууруулдаг тул жирэмслэхээр төлөвлөж буй эмэгтэй хэрэглэхээс зайлсхийнэ. Жирэмслэхэд хүндрэлтэй болон үргүйдлийн шинжилгээ хийлгэж буй эмэгтэй нимесулидын хэрэглээг тооцох ёстой.

Хөхүүл үе

Нимесулид эхийн хөхний сүүгээр ялгардаг эсэхийг тогтоогдоогүй. Нимесил^® хөхүүл эхэд хэрэглэхийг хориглоно.

Эмийн бэлдмэлийн жолоо барих, механизмтай ажиллах чадварт үзүүлэх нөлөө

Нимесила^® хэрэглэсний дараа өвчтөнд толгой өвдөх, толгой эргэх, нойрмоглох шинжүүд илэрч болох тул жолоо барих, механизмтай ажиллахаас татгалзах хэрэгтэй.

Тун хэтрэлт

Шинж тэмдэг СБҮЭБ-н цочмог тун хэтрэлтийн үед илрэх шинж тэмдэг хязгаарлагдахгүй: апати, нойрмоглох, дотор муухайрах, бөөлжих, өрцөөр өвдөнө. Зохих эмчилгээнд эдгээр шинжүүд эргэн арилна. Ходоод гэдэснээс цус алдаж болно. Ховор тохиолдолд артерийн даралт ихсэх, бөөрний цочмог дутагдал, амьсгал дарангуйлагдах, комд орно. СБҮЭБ-г эмчилгээний тун болон тун хэтэрсэн аль ч тохиолдолд анафилакси төст урвал илрэнэ.

Эмчилгээ: СБҮЭБ-н тун хэтэрсэн үед шинж тэмдэгийн болон барих эмчилгээ хийнэ. Өвөрмөц антидот байхгүй. Нимесулид сийвэнгийн уурагтай холбогдолт өндөр (97,5% хүртэл) тул тун хэтэрсэн үед гемодиализ болон диализ үр дүн багатай. Тун хэтрэлтийн шинж тэмдэг эсвэл өндөр тунгаар хэрэглэснээс 4 цагийн дараа өвчтөнд: бөөлжүүлэх эсвэл идэвхжүүлсэн нүүрс (насанд хүрэгчидэд 60-100 гр),  осмос даралт үүсгэн суулгах бэлдмэл хэрэглэнэ. Мөн шээсний гаралтыг ихэсгэх, шээсний хүчил үүсэлтийн эсрэг  гемодиализ, гемоперфузи арга хэмжээ авах нь бэлдмэл өндөр хэмжээгээр уурагтай холбогддог тул үр дүн багатай. Элэг, бөөрний үйл ажиллагааны хяналтыг сайжруулна.

Савлалт

Цаасхөнгөн цагаанполиэтилен ниймэл материалтай уутанд мөхлөгийг 2 г-р дулаанд битүүмжилсэн.

9, 15, 30 ууттайг хэрэглэх зааврын хамт цаасан хайрцагт савласан.

Хагалалт

30°С ихгүй хэмд хадгална.   

Хүүхдээс хол хадгал!

Хадгалах хугацаа

3 жил

Хугацаа дууссан бэлдмэлийг хэрэглэхийг хорглоно!

Эмийн сангийн олгох нөхцөл

Жороор олгоно.

Бүртгэлийн зөвшөөрөл эзэмшигч

Лаборатори Гидотти С.п.А.

Виа Ливорнезе, 897

56010 Пиза

Ла Веттола, Италия

Үйлдвэрлэгч

Лабораториос Менарини С.А.

ул. Альфонсо ХII, 587

08918 Бадалона

Испания

Ханган нийлүүлэгч

БЕРЛИН-ХЕМИ АГ (МЕНАРИНИ ГРУПП)

Глиникер Вег 125

12489 Берлин, Германия