Эм, эмийн үнийн мэдээллийн сан

Бэлдмэлийн худалдааны нэр : ОЗИД , OZID

Найрлага

1 бүрмэл нь :

Oмепразол …………………………………………………………………...20мг агуулна.

Эм судлалын үйлдэл:

Oмепразол нь ходоодны хүчлийн шүүрлийг багасгахдаа париеталын эсүүдэд протоныг шахдаг H”/К”, ATPase ферментүүдийн ялгарлыг дарангуйлах нарийн шалгуурт механизмын үйлдэлтэй . Oмепразол нь хүчлийн үйлдвэрлэлийн түлхцэнд нөлөөлэхгүйгээр ходоодны хүчлийн шүүрлийг хаах болон үелүүлдэг. Oмепразол нь ацетилхолины болон гистаминий ресепторт нөлөө үзүүлэхгүй.

Oмепразолийн үйлчилгээний эхэн үе нь ходоодны хүчлийн шүүрлийн хурдан ба буцах хяналт бөгөөд өдөрт нэг удаагийн тунгаар хэрэглэх үед ч явагдана. Oмепразол нь ходоод болон гэдсэнд түргэн шимэгддэг бөгөөд плазмийн оргил агууламж нь 1-3 цаг байна. Ихэнх Oмепразол нь плазмийн уурагт холбогддог ба дийлэнх нь метаболит хэлбэрээр шээстэй хамт ялгардаг.

Хэрэглэх заалт: Богино хугацааны эмчилгээнд:

Ходоод ба12 хуруу гэдэсний шархлаа өвчин
Ходоод ба улаан хоолойн сөөргөө
Шүүрэл эмгэгээр ихсэх, Золлингер-Эллисоны хам шинж

Эсрэг заалт:

Эмийн идэвхт бодист хэт мэдрэг байх

Анхааруулга :

Өвчний онош нь ходоодны шархны магадлалтай үед бэлдмэлийг эмчилгээнээс хасах шаардлагатай бөгөөд өвчний шинж тэмдгийг намдаах болон оношийг саатуулах хортой,
Oмепразолийг хоолны өмнө ууж хэрэглэнэ.
Капсулыг нээхгүй, зажлахгүй, бутлахгүй бүхлээр нь залгиж ууна.
Зайлшгүй шаардлагагүй бол жирэмсэн болон хөхүүл эмэгтэйчүүдхэрэглэхгүй.
Бөөрний үйл ажиллагааны өөрчлөлттэй болон настай хүмүүс хэрэглэх боломжтой.

Oмепразол нь настай хүмүүсд болон бөөрний үйл ажиллагаа муудсан хүмүүст сайн зохидог бөгөөд тусгайлсан тунгийн зохицуулалт шаардлагагүй.

Гаж нөлөө:

Арьсны тууралт загатнаа, ам хуурайших, толгой өвдөх, гүйлгэлт, өтгөн хатах, гэдэс дүүрэх шинж тэмдгүүд цөөн мэдээлэгдсэн.

Тун хэтрүүлэлт :

Тунг хэтрүүлсэн нөлөөний мэдээлэлгүй.

Амаар нэг удаагийн 160мг тун нь сайн зохисон.

Хэрэглэх тун :

Ходоод гэдэсний шарх эрози, улаан хоолойн өрөвсөл шархлаа:

-12 хуруу гэдэсний шархлаа өвчний үед 20мг тунгаар хоногт нэг удаа 2 долоо хоногийн турш хэрэглэнэ. Эмчилгээг үргэлжлүүлэх шаардлагатай бол 2 долоо хоногийн нэмэлт эмчилгээг хийнэ.

-Ходоод гэдэсний шарх эрози , улаан хоолойн өрөвсөл шархтай өвчтөнд 4 долоо хоногийн эмчилгээ хийнэ.

-Бусад эмчилгээнд үр дүн тааруу байсан өвчтөний хувьд хоногт 40мг тунгаар эмчлэх бөгөөд ихэвчлэн 4 долоо хоногийн дотор эдгэрэл явагдсан. Шаардлагатай үед эмчилгээг 4- 8 долоо хоногийн турш үргэлжлүүлнэ.

Золлингер-Эллисоны хам шинж

Эмчилгээний эхний тун нь хоногт нэг удаа 60мг байна. Тунг өвчтөн бүрт тохируулна. Хүнд хэлбэрийн өвчтөнд тунг эмчийн заалтаар 120 мг хүртэл ихэсгэнэ .

Хэрэв хоногийн тун 80 мг-с хэтэрвэл тунг 2 хувааж хэрэглэнэ. Эхний эмчилгээний тун нь 60 мг бөгөөд өлөн үедээ усаар даруулж ууна.