Эм, эмийн үнийн мэдээллийн сан

Brainact 1000

Citicoline

Injection

Брэйнакт 1000

Цитиколин

Тарилга

Найрлага:

1 мл тарилга бүрийн агууламж :

• Цитиколин (ЦДФ-Холин) .......................................................125 мг

Эм судлалын үйлдэл:

• Цитиколин нь тархи судасны эмгэгшилийн үед тархины цусан хангамж, болон хүчилтөрөгчийн хангамжийг нэмэгдүүлж танин мэдэхүй, ой тогтоолтыг сайжруулдаг.

Үйлдлийн механизм:

1. Цитиколин нь тархины баганын торлог байгууламжийн үйлдлийг сайжруулах бөгөөд ялангуяа танин мэдэхүй, ухамсар, ой тогтоолттой холбоотой торлог байгууламжийн өгсөх идэвхижүүлэх системийг идэвхижүүлдэг.

2. Цитиколин нь тархины пирамид систем ба хөдөлгөөнт үйл ажиллагааг идэвхижүүлдэг.

3. Цитиколин нь тархины хүчилтөрөгчийн хангамжийг нэмэгдүүлж, тархины бодисын солилцоог сайжруулна.

Хэрэглэх заалт:

• Тархи, толгойн гэмтэл болон тархины мэс засал, харвалт зэргээс шалтгаалсан танин мэдэхүйн алдагдал.

• Тархины цус харвалтаас шалтгаалсан тал саажилттай, өвчтөний дээд мөчдийн үйл ажиллагааг сэргээн засах зорилгоор

• Сүүлийн нэг жилд доод мөчдийн харьцангуй хөнгөн зэргийн саажилтын нөхөн сэргээлтэнд, дотор эрхтэний эмийн эмчилгээнд (тархины бодисын солилцоог нэмэгдүүлэх буюу тархины цусны эргэлтийг сайжруулах зорилгоор) хэрэглэж болно.

Хориглох заалт :

• Цитиколин болон бусад найрлаганд агуулагдах аль нэгэн бодист хэт мэдрэгшсэн өвчтөнд хэрэглэж болохгүй.

Анхааруулга ба болгоомжлол:

1. Цочмог тохиолдолд болон яаралтай нөхцөлд цитиколиныг гавлын хөндийн дотоод даралт бууруулах бэлдмэл буюу гипотерми үүсгэх зэрэг цус тогтоох зэрэг арга хэмжээтэй хавсарч хэрэглэх хэрэгтэй.

2. Хэрэв тархины цус алдалт зогсохгүй байгаа тохиолдолд цитиколиныг өндөр тунгаар (500мг-аас дээш) хэрэглэхээс зайлсхийх хэрэгтэй, учир нь тэрээр тархины цусны урсгалыг нэмэгдүүлж болзошгүй. Ийм тохиолдолд цитиколинийг бага тунгаар (100 мг-с 200 мг тунгаар өдөрт 2-3 удаа) хэрэглэх шаардлагатай болно.

3. Тариаг судсаар тарихдаа аль болох аажим тарина.

4. Өвчтөнг хэт мэдрэгшилтэй эсэхийг нягтлах хэрэгтэй.

5. Тархины цус харвалтын хурц үеийн танин мэдэхүй, ухамсарт байдал алдагдсан нөхцөлд цус харвалтын дараа цитиколинийг 2 долоо хоногийн дотор тарьж эхэлнэ.

Гаж урвалууд :

• Хэт мэдрэгшлийн урвал: тууралт гарах

• Сэтгэц, мэдрэлийн талаас: нойргүйдэх, толгой өвдөх, толгой эргэх, татах

• Ходоод гэдэсний талаас: дотор муухайрах, хоолны дуршил буурах

• Элэгний талаас: лабораторын шинжилгээнд элэгний үзүүлэлтүүд хэвийн бус болох

• Нүдний талаас: юмсыг хоёрлож харагдах

• Бусад: бие халуу оргих, даралт түр хугацаанд хэлбэлзэх болон бие сулрах

Тун болон хэрэглэх арга:

1. Тархины гэмтэл, тархины мэс заслын шалтгаант танин мэдэхүй, ухамсарт байдлын алдагдлын үед:

Ихэнхдээ 100 мг-с 500 мг тунгаар өдөрт 1- 2 удаа венийн судсанд дуслаар буюу венийн судсанд тарина.

2. Сэтгэц, мэдрэлийн эмгэгшилийн үед :

 Тархины цус харвалтын хурц үеийн танин мэдэхүй, урамсарт байдал алдагдсан үед :

 Ихэнхдээ цитиколиныг 1000мг тунгаар өдөрт нэг удаа венийн судсанд 2 долоо хоног дараалан тарина.

 Цус харвалтын шалтгаант тал саажилт үүссэн нөхцөлд :

Ихэнхдээ цитиколиныг 1000 мг тунгаар өдөрт нэг удаа венийн судсанд 4 долоо хоног дарааллан тарих ба хэрэв сайжралт ажиглагдвал үргэлжлүүлэн 4 хоног венийн судсанд тарина.

Савлалт:

Хайрцагт 5 туншил Брэйнакт 250 @ 2 мл

Хайрцагт 5 туншил Брэйнакт 500 @ 4 мл

Хайрцагт 5 туншил Брэйнакт 1000 @ 8 мл

Хадгалах нөхцөл :

25°С-с доош хэмд гэрлээс хамгаалж хадгална.

Зөвхөн эмчийн жороор олгоно.

Үйлдвэрлэгч

Dankos A Kalbe Company