Магнес шах (Magnes tab)

Жоргүй олгодог эм

[Онцлог шинж]

• Булчингийн агчлын үед нөлөөлнө.

Мэдрэлийн системд нөлөөлдөг кальцийн адилаар магни нь булчингийн агчил болон  мэдрэлийн тогтворгүй байдлыг хөнгөвчлөх ба мэдрэлийн витамин гэж нэрлэгддэг пиридоксинтой хамт хэрэглэдэг.

• Нистагм болон гарын салганах шинжийг арилгана.

Ядарсны улмаас зовхи татвалзах, архинд донтох үед илэрдэг гар салганах шинж, цэвэршилтийн үеийн хэт мэдрэгшил, нойргүйдэл, сэтгэл түгшил зэргийг арилгана.

[Найрлага] Шахмал бүрд:

• Үйлчлэгч бодис:

Магнийн лактат гидрат 470мг (48мг магни)

Пиридоксины гидрохлорид 5мг

[Дүрслэл]

Гонзгой хэлбэртэй, шар өнгөтэй, гэдсэнд уусдаг нимгэн бүрхүүлтэй шахмал.

[Хэрэглэх заалт]

Магнесийг дараах өвчний үед хэрэглэнэ.

• Магнийн дутагдлын улмаас үүссэн агчил
• Сэтгэл түгшлийн улмаас үүссэн таталт

[Хэрэглэх арга, тун]

• Магнийн дутагдлын улмаас үүссэн агчил: 2 шахмалаар хоногт 3 удаа хэрэглэнэ.
• Сэтгэл түгшлийн улмаас үүссэн таталт: 2 шахмалаар хоногт 2 удаа хэрэглэнэ.

[Цээрлэлт]

• Бөөрний хүнд явцтай дутагдал
• Хинидин хэрэглэж байгаа хүмүүс
• Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүс
• 12 сараас доош насны хүүхэд

[Гаж нөлөө]

Дараах тохиолдолд бэлдмэлийг хэрэглэхээ зогсоож уг эм хэрэглэх зааврын хамт эмч, эм зүйч, шүдний эмчтэй зөвлөнө.

1. Хаван
2. Хэвлийгээр өвдөх
3. Асистол, төв мэдрэлийн системийн үйл ажиллагаа багасах

[Эмийн харилцан үйлчлэл]

Магнесийг хэрэглэж байгаа үед буюу түүнийг хэрэглэсний дараа эсвэл өмнө нь дараах бэлдмэлийг хэрэглэхгүй.

1. Фосфат, кальцийн давс (магнийн шимэгдэлтэнд нөлөөлнө)
2. Тетрациклины ууж хэрэглэдэг бэлдмэл
3. Леводопа (пиридоксин леводопа-ын үйлдлийг сулруулна.)

[Хадгалалт ба харьцах]

1. Хүүхэд хүрэхээргүй газар хадгална.
2. Сэрүүн газар гэрлээс хамгаалж хадгална.
3. Бэлдмэлийн чанарыг хадгалах, буруу хэрэглэгдэхээс сэргийлэх зорилгоор савлалтыг сольж болохгүй.

[Зориулалт]

Гэрийн стандарт

[Савлалт]

10шахмал/блистер, 10 блистер/хайрцаг

[Хадгалалт]

Хуурай сэрүү газар (30°С-с доош), гэрлээс хамгаалж, сайтар тагласан саванд хадгална.

[Хүчинтэй хугацаа]

Үйлдвэрлэснээс хойш 3 жил.