ЭМНЭЛГИЙН ЗОРИУЛАЛТААР ЭМ ХЭРЭГЛЭХ ЗААВАР

Максиктам^®-АФ

Бүртгэлийн дугаар:

Худалдааны нэршил: Максиктам^®-АФ

Олон улсын патентын бус эсвэл бүлгийн нэршил: Цефепим + [Сульбактам]

Эмийн хэлбэр: венийн судсанд болон булчинд тарих уусмал бэлтгэх зориулалттай нунтаг.

Найрлага:

нэг флаконд агуулагдах найрлага:

Үйлчлэгч бодис:

цефепимийн гидрохлоридийн моногидрат 1189,2 мг* 1000,0 мг цефепимд тооцоолсон дундаж

(L-аргининтай цефепимийн гидрохлоридын моногидратын хольц) 1839,2 мг*,

натрийн сульбактам 1094,2 мг* 1000,0 мг сульбактамд тооцсон дүн

Туслах бодис: L-аргинин 650 мг*.

* Флакон дахь цефепимийн гидрохлоридийн моногидрат болон натрийн сульбактамын бодит агууламж нь цефепимийн гидрохлоридийн моногидрат болон натрийн сульбактамын субстанци дахь үйлчлэгч бодис болон усны агууламжаас хамаарна.

Дүрслэл: цагаан болон бага зэрэг шаргал туяатай бичил талст нунтаг

Эмийн эмчилгээний бүлэг: антибиотик-цефалоспорин + бета-лактамазыг хориглогч.

АТХ код: [J01DЕ].

Фармакологийн шинж чанар:

Фармакодинамик

Цефепим - цефалоспорины бүлгийн нянгийн эсрэг үйлдэлтэй IV үеийн эмийн бэлдмэл. Бичил биетний эсийн ханын нийлэгжилтийг зогсоож бактерицид үйлдэл үзүүлдэг. Цефепим антибиотикийн үйлдлийн бай молекул нь пенициллин холбогч уургууд (ПХУ) болдог бөгөөд уг антибиотик нь грам сөрөг нянгуудын ПХУ3-т хамгийн их, ПХУ2-т арай бага, ПХУ1а болон ПХУ1b-д дунд зэргийн авцаал чанар үзүүлдэг.  Грам эерэг болон грам сөрөг нянгуудын хувьд өргөн хүрээний үйлдэл үзүүлдэг бөгөөд бусад бүлгийн антибиотикуудтай солбицсон тэсвэржилт үзүүлдэггүй. Сульбактам нь өргөн тархсан бета-лактамазын эгнээний үр эргэх саатуулагч болдог ба эмнэлзүйн ач холбогдол бүхий нянгийн эсрэг идэвхи үзүүлдэггүй (Neisseria spp. ба Acinetobacter spp.-аас бусад). Тэсвэртэй нянгууд пенициллин болон цефалоспориныг задлах үйл явцыг сульбактам саатуулах чадвартай байгааг тэсвэржилттэй бичил биетний омог ашиглаж хийсэн судалгааны үед сульбактам пенициллин болон цефалоспоринтай илэрхий синергист үйлдэл үзүүлж байгаагаар батлагдсан. Түүнээс гадна сульбактам нь хэд хэдэн пенициллин холбох уургуудтай харилцан үйлчилдэг тул цефепим-сульбактам гэсэн хослол мэдрэг нянгийн омгуудад нь дан цефепим хэрэглэсэнээс илүү үр дүнтэй байдаг. Сульбактам болон цефепимийн хослол нь цефепимд мэдрэгээс бүх бичил биетнээс гадна түүнд тэсвэртэй нянгуудад ч идэвхитэй үйлчилдэг.

Цефепим+сульбактам дараах тохиолдолд идэвхитэй:

Грам эерэг агаартан нянгууд:

Staphylococcus aureus (бета-лактамаза нийлэгжүүлэгч омгуудыг оруулна);  Staphylococcus epidermidis (бета-лактамаза нийлэгжүүлэгч омгуудыг оруулна); Staphylococcus hominis, Staphylococcus saprophyticus; Streptococcus pyogenes (А бүлгийн стрептококкууд) зэрэг Staphylococcus spp. омгийн бусад нянгууд, Streptococcus agalactiae (В бүлгийн стрептококкууд); Streptococcus pneumoniae (пенициллинд завсрын тэсвэржилттэй омгуудыг оруулаад - дарангуйлах хамгийн бага концентраци 0,1-1мкг/мл хүртэл), бусад бета-гемолитик Streptococcus spp. (C, G, F бүлэг), Streptococcus bovis (D бүлэг), Streptococcus spp. Viridans-ын бүлгүүд.

Анхааруулга: Enterococcus spp. болон метициллинд тэсвэртэй стафилококкууд цефепим зэрэг ихэнх цефалоспорины бүлгийн антибиотикуудад тэсвэртэй.

Грам сөрөг агаартан нянгууд:

Acinetobacter calcoaceticus (дэд омог anitratus, lwofii); Acinetobacter baumannii, Aeromonas hydrophila; Capnocytophaga spp.; Citrobacter diversus, Citrobacter freundii, Campylobacter jejuni; Enterobacter spp. зэрэг Citrobacter spp., Enterobacter cloacae, Enterobacter aerogenes, Enterobacter sakazakii; Escherichia coli; Gardnerella vaginalis; Haemophilus ducreyi; Haemophilus influenzaе зэрэг (бета-лактамаза нийлэгжүүлэгч омгууд); Haemophilus parainfluenzae; Hafnia alvei; Klebsiella pneumoniae, Klebsiella oxytoca, Klebsiella ozaenae зэрэг Klebsiella spp.; Legionella spp.; Morganella morganii; Moraxella catarrhalis (Branhamella catarrhalis) (бета-лактамаза нийлэгжүүлэгч омгуудыг оруулаад); Neisseria gonorrhoeae (бета-лактамаза нийлэгжүүлэгч омгуудыг оруулаад); Neisseria meningitidis; Pantoea agglomerans (өмнө нь танигдсан Enterobacter agglomerans зэрэг); Proteus mirabilis, Proteus vulgaris зэрэг Proteus spp.; Providencia rettgeri, Providencia stuartii зэрэг Providencia spp.; Pseudomonas aeruginosa, Pseudomonas putida, Pseudomonas stutzeri; Salmonella spp. зэрэг Pseudomonas spp.; Serratia marcescens, Serratia liquefaciens; Shigella spp. зэрэг Serratia spp.; Yersinia enterocolitica.

Анхааруулга: Xanthomonas maltophilia болон Pseudomonas maltophilia гэж өмнө нь танигдсан Stenotrophomonas maltophilia-ийн олон омгуудын хувьд цефепим идэвхигүй байдаг.

Агааргүйтэн нянгууд:

Bacteroides spp.; Clostridium perfringens; Fusobacterium spp.; Mobiluncus spp.; Peptostreptococcus spp.; Prevotella melaninogenica (Bacteroides melaninogenicus гэж танигдсан); Veillonella spp.

Анхааруулга: Bacteroides fragilis болон Clostridium difficile-ийн хувьд цефепим идэвхигүй.

Фармакокинетик

Цефепимийн биохүртэхүй 100% байдаг. Цефепимийг венийн судсанд дуслаар болон булчинд тарьсан даруйд болон 1-2 цагийн дараа сийвэнгийн хамгийн дээд концентрацид байв. Булчинд 500мг, 1г болон 2г дуслаар тарьсаны дараа хамгийн дээд концентраци (C_max) 13.9, 29.6, 57.5мкг/мл тус бүр хүрч байсан бол венийн судсанд тарьсаны дараа 500 мг, 1 г болон  2 г – 39.1, 81.7 ба 163.9 мкг/мл тус тус хүрч байв.

Цефепимийн эмчилгээний концентраци нь хүний дараах биологийн шингэн болон эдэд тодорхойлогддог: шээс, цөс, гялтангийн шингэн, идээт үрэвслийн шингэн, гуурсан хоолойн салст бүрхүүл, цэр, түрүү булчирхайн шүүрэл, мухар олгой болон цөсний хүүдийнд тодорхойлогдсон.

Цефепим цусны сийвэнгийн уургуудтай холбогдох чадвар дунджаар 16,4% байдаг ба цусны сийвэнгийн цефепимийн концентрациас хамаардаггүй.

Цефепим N-метилпирролидинд хувирч энэ нь N-метилпирролидиний исэлд амархан хувирдаг.

Цефепим үндсэндээ бөөрөөр, түүдгэнцэрийн фильтрацийн замаар ялгардаг (бөөрний клиренс дунджаар 110мл/мин байна). Тарьсан цефепимийн дүрс хувираагүй хэлбэр шээсэнд ойролцоогоор 85% тодорхойлогдох ба 1% хүртэл N-метилпирролидин, ойролцоогоор 6.8% N-метилпирролидиний исэл, ойролцоогоор 2.5,% нь цефепимийн эпимер ялгардаг.

250мг-аас 2г хүртэл цефепимийн биемахбодоос хагас ялгарлын хугацаа (Т_1/2) ойролцоогоор 2 цаг байдаг. Нийт клиренс ойролцоогоор 120мл/мин байдаг. Эрүүл сайн дурын хүмүүст цефепимийг венийн судсанд 2г тунгаар 8 цаг тутамд, 9 өдрийн турш хэрэглэхэд хуримтлал ажиглагдаагүй байна.

Сульбактамын венийн судсанд 1г хэрэглэсэний дараа C_max  236,8 мкг/мл байсан бол булчинд 500мг хэрэглэхэд 19мкг/мл болж байв. Сульбактам цөс, цөсний хүүдий, арьс, мухар олгой, фаллопийн гуурс, өндгөвч, умай зэрэг өөр өөр эд болон шингэнд сайн тархдаг.

Сульбактамын нийт тунгийн ойролцоогоор 84% нь бөөрөөр ялгардаг. Сульбактамын Т1/2 ойролцоогоор 1 цаг байдаг.

Бөөрний үйл ажиллагааны алдагдалтай өвчтөнд

Цефепимийн Т_1/2 бөөрний дутагдлын үед нэмэгддэг ба энэ үед нийт клиренс болон креатининий клиренсийн хооронд шугаман хамаарал ажиглагддаг. Диализ шаардлагатай бөөрний хүнд хэлбэрийн үйл ажиллагааны алдагдлын үед гемодиализ хийлгэж байгаа үед хагас ялгарлын хугацаа дунджаар 13 цаг, тасралтгүй үргэлжлэх хэвлийн шингэний диализын үед 19 цаг байдаг.

Бөөрний үйл ажиллагааны алдагдлын үед биемахбодоос ялгарах сульбактамын нийт клиренс болон креатининий тооцоолсон клиренсийн хооронд өндөр хамаарал тогтоогдсон. Бөөрний дутагдлын төгсгөлийн шатанд байгаа өвчтөнд сульбактамын Т1/2 илэрхий уртассан (9.7 цаг хүртэл) байв. Гемодиализын дүнд хагас ялгарлын хугацаа, нийт клиренс болон тархалтын эзэлхүүн илэрхий өөрчлөгдөж байв.

Бөөрний үйл ажиллагааны алдагдалтай үед эмийн бэлдмэлийн тунг өөрчлөх шаардлагатай.

Элэгний үйл ажиллагааны алдагдалтай өвчтөнд

Элэгний үйл ажиллагааны алдагдалтай хүмүүст цефепим болон сульбактамын фармакокинетик өөрчлөгддөггүй. Ийм өвчтөнд эмийн тунг тохируулах шаардлагагүй.

65-аас дээш насны өвчтөн

65-аас дээш насны ахимаг настай сайн дурынханд 1г цефепимийг нэг удаа венийн судсанд тарихад залуу хүмүүстэй харьцуулахад “концентраци-хугацаа” тахирмагийн доод талбай (AUC) ихсэх болон бөөрний клиренс буурч байгаа нь ажиглагдсан. Бөөрний үйл ажиллагаа алдагдсан настай хүмүүст эмийн тунг тохируулах шаардлагатай. Бөөрний үйл ажиллагааны алдагдалтай настай хүмүүст сульбактамын фармакокинетикийг судалсан байна. Залуу хүмүүстэй харьцуулахад настай хүмүүст Т1/2 уртассан, клиренс буурсан, сульбактамын тархалтын эзэлхүүн ихэссэн байв.

Хүүхдэд

2 сараас 11 настай хүүхдэд нэг удаа 50мг/кг тунг венийн судсанд эсвэл булчинд тарьсаны дараа, мөн цефепимийг давтан тарьсаны дараа (48-аас дээш цагийн хугацаанд 8-12 цаг тутамд) цефепимийн фармакокинетикийг судалсан байна. Нэг удаа венийн судсанд тарьсаны дараа нийт клиренс 3,3мл/мин/кг, тархалтын эзэлхүүн 0,3л/кг байв.  Биеэс хагас ялгарах хугацаа дунджаар 1,7 цаг байв. Бөөрөөр ялгарч буй цефепимийн 60,4% нь дүрс хувираагүй хэлбэрээр ялгарч байсан ба бөөрний клиренс дунджаар 2,0 мл/мин/кг байв. Олон удаа, венийн судсанд тарьж хэрэглэсэний дараа цусны сийвэн дэх цефепимийн концентраци тэнцвэрт байдалд, фармакокинетикийн бусад үзүүлэлтүүд нэг удаагийн хэрэглээний дараахаас ялгагдахгүй байв.

Биеийн жинг тооцохгүйгээр өвчтөний нас ба хүйс нийт клиренс болон тархалтын эзэлхүүнд нөлөөлөхгүй байв.

Булчинд тарьж хэрэглэсэний дараа тэнцвэрт байдал дахь цусны сийвэнгийн цефепимийн Смах дунджаар 68мкг/мл байсан ба ойролцоогоор 0,75 цагийн дараа энэ түвшинд хүрч байсан. Булчинд тарьснаас 8 цагийн дараа цефепимийн цусны сийвэнгийн концентраци дунджаар 6мкг/мл байв. Булчинд тарьсаны дараа цефепимийн туйлын биохүртэхүй ойролцоогоор 82% байв.

Бактерийн гаралтай менингиттэй хүүхдийн тархи нугасны шингэн (ТНШ) болон цусны сийвэнгийн цефепимийн концентраци

** өвчтөний нас: 3,1 сараас - 12 нас. Венийн судсанд 5-20 минутын хугацаанд 8 цаг тутамд цефепимийг тарих тун 50мг/кг байна. Эмийн эмчилгээг хийгээд 2 эсвэл 3 дахь хоногт цусны сийвэн болон ТНШ-ий концентрацийг тодорхойлсон.

Хүүхдэд хийсэн судалгаагаар насанд хүрэгсэдтэй харьцуулахад сульбактамын фармакокинетикт илэрхий ялгаа ажиглагдаагүй. Дундаж Т1/2 нь 0,91-1,42 ц байв.

Хэрэглэх заалт

Цефепим + сульбактамд мэдрэг бичил биетнээр үүсгэгдсэн насанд хүрэгсдийн халдвар-үрэвсэлт өвчин:  

• хатгаа, гуурсан хоолойн үрэвсэл зэрэг амьсгалын доод замын өвчин;
• пиелонефрит зэргээр хүндэрсэн болон хүндрээгүй шээс дамжуулах замын халдвар,
• арьс, зөөлөн эдийн халдвар
• перитонит, цөсний замын халдвар зэрэг хэвлийн хөндийн халдвар,
• бага аарцгийн үрэвсэлт өвчнүүд
• үжил
• халууралт нейтропени
• мэс ажилбарын үед халдвараас сэргийлэх зорилгоор

Цефепим+сульбактамд мэдрэг бичил биетэнгүүдээр үүсгэгдсэн хүүхдийн халдвар-үрэвслийн өвчнүүд:

• уушигны хатгаа;
• шээс дамжуулах замын халдвар, пиелонефритээр хүндэрсэн болон хүндрээгүй;
• арьс, зөөлөн эдийн халдвар;
• үжил;
• халууралтат нейтропени;
• нянгийн гаралтай менингит.

Хориглох заалт

• Цефепим, цефалоспорин, пенициллин, бусад бета-лактамын антибиотикууд, аргинин, сульбактамд хэт мэдрэг байх
• 2 хүртэл сартай хүүхдэд.

Болгоомжтой хэрэглэх

Өвчний түүхэндээ хоол боловсруулах замын өвчнөөр өвдөж байсан (ялангуяа колит), бөөрний дутагдал (креатининий клиренс 50мл/мин хүртэл).

Жирэмсэн болон хөхүүл үеийн хэрэглээ

Жирэмсэн эмэгтэйчүүдэд тохирох, хяналтат эмнэлзүйн туршилт судалгаа хийгдэж байгаагүй. Ээжид эмчилгээний хүлээгдэж буй үр дүн урагт учирч болох эрсдэлээс илүү гэж үзсэн тохиолдолд л зөвхөн жирэмсэн эмэгтэйд хэрэглэж болно. Цефепим ба сульбактам эхийн хөхний сүүгээр гадагшилдаг. Ээжид эмчилгээний хүлээгдэж буй үр дүн хүүхдэд учирч болох эрсдэлээс илүү гэж үзсэн тохиолдолд л зөвхөн хөхүүл хүүхэдтэй эмэгтэйд хэрэглэж болно. Хөхүүл үед эмийн бэлдмэлийг хэрэглэх шаардлагатай үед хүүхдийг хөхөөр хооллох эсэхийг шийдвэрлэх хэрэгтэй.

Хэрэглэх арга ба тун

Бэлдмэлийг венийн судсанд болон булчинд тарьж хэрэглэнэ. Эмийн тун ба хэрэглэх арга зам нь үүсгэгчийн мэдрэг байдал, халдварын хүндийн зэрэг, бөөрний үйл ажиллагааны байдал болон өвчтөний биеийн ерөнхий байдлаас хамаарна.

Венийн судсанд тарих хүнд хэлбэрийн, амь насанд аюултай халдвартай, ялангуяа үжлийн шок болох аюултай өвчтөнд хэрэглэхийг зөвлөнө.

Эмийн бэлдмэлийг урсгалаар эсвэл дусал хэлбэрээр 30 минутаас багагүй хугацаанд хэрэглэж болно.

Булчинд тарьж хэрэглэх: цефепимд тооцоолсон 1г хүртэл тунг (уусгагчийн эзэлхүүн 3,0мл хүртэл) нэг удаагийн тарилга байдлаар хэрэглэж болно. Цефепимд тооцсон хамгийн их тун 2г-ыг (уусгагчийн эзэлхүүн 6,0мл хүртэл) хоёр өөр газарт 2 удаагийн тарилга байдлаар хэрэглэж болно.

Өвчтөний өвчлөл, биеийн жин, нас зэргээс хамаарсан тугнах зарчим нь цефепимд тооцоолсон байна!

Хүүхдэд зориулсан Максиктам®-АФ эмийн бэлдмэлийн тун насанд хүрэгсдийн өдрийн хамгийн дээд зөвлөх тунгаас хэтрэхгүй байх ёстой: цефепимд тооцоолсон тунгаар: 2г-аар венийн судсанд, 12 цаг тутамд тарина. Хүүхдэд булчинд эмийн бэлдмэлийг тарьсан туршлага бага байна.

Бөөрний үйл ажиллагаа хэвийн насанд хүрэгсэд ба 40кг-аас дээш жинтэй хүүхдэд

* цефепим+сульбактамыг 1:1 харьцаагаар хавсран хэрэглэж байгаа өвчтөнд цефепимийг нэмэлтээр хэрэглэх шаардлага үүсч болно.

Цефепимийн хоногт хэрэглэх зөвлөмжит тун нь 6г, сульбактамынх -4г байдаг.

Эмчилгээний үргэлжлэх хугацаа ихэвчлэн 7-10 хоног, хүнд хэлбэрийн халдварын үед эмчилгээний үргэлжлэх хугацаа илүү урт байж болно.  

Халууралтат нейтропенийн эмчилгээний үед эмчилгээний үргэлжлэх хугацаа ихэнхдээ 7 хоног, эсвэл нейтропени арилтал хэрэглэнэ.

Мэс заслын үед халдвараас сэргийлэх

Мэс засал хийхээс 60 минутын өмнө венийн судсанд дусал хэлбэрээр 4,0г эмийн бэлдмэлийг (2,0г цефепим) 30 минутын турш дуслаар хийнэ. Дусал дуусангуут өвчтөнд 500мг метронидазолыг венийн судсанд залгана. Метронидазолын уусмалыг түүнийг хэрэглэх зааврын дагуу бэлтгэнэ. Эм зүйн хувьд метронидазол болон цефепим үл нийцдэг тул нэг дор хольж болохгүй. Дуслын системийг метронидазолыг хэрэглэхийн өмнө угаах хэрэгтэй. Мэс ажилбар 12 цагаас урт хугацаагаар үргэлжилбэл эхний тунг хийснээс 12 цагийн дараа эхний тунтай ижил тунгаар цефепим + сулбактамыг хийгээд, дараа нь метронидазолыг тарина.

2 сартайгаас 40кг хүртэл жинтэй хүүхдэд

Шээс дамжуулах зам, арьс, зөөлөн эдийн халдвар, уушигны хатгааны үед цефепимийн зөвлөмжит тун 50мг/кг байх ба 12 цаг тутамд, 10 хоногийн турш тарина.

Халууралтат нейтропени, үжил, нянгийн гаралтай менингиттэй эмчилгээнд цефепим+сульбактамыг 1:1 харьцаагаар хэрэглэж буй өвчтөнд цефепимийг нэмэлтээр хэрэглэх шаардлага үүсч болно.

Хүүхдэд сульбактамын хоногийн хамгийн дээд тун 80мг/кг/хоног-оос хэтэрч болохгүй.

Бөөрний үйл ажиллагааны алдагдалтай өвчтөнд

Эмийн бэлдмэл бөөрөөр ялгарах хурд багассантай холбоотой түүнийг зүгшрүүлэх зорилгоор бөөрний үйл ажиллагааны алдагдалтай өвчтөнд цефепим болон сульбактамын тунг бууруулах шаардлагатай. Бөөрний үйл ажиллагааны алдагдлын зэрэг, халдварын хүндийн зэрэг, бичил биетний мэдрэг чанар зэргээс тугнах зарчим хамаарна. Бөөрний үйл ажиллагааны хөнгөн болон дунд зэргийн халдварын үед эмийн бэлдмэлийн эмчилгээний эхлэх тун бөөрний үйл ажиллагаа хэвийн хүмүүст хэрэглэхтэй ижил байна.

Креатининий клиренсээс хамаарсан (КК)  цефепимд тооцоолсон зөвлөмжит барих тунг дараах хүснэгтэнд харууллаа.

Сийвэнгийн креатининий концентрациас улбаалан эрэгтэй хүний креатининийн клиренсийг дараах томьёогоор тооцоолно:

                                                            Биеийн жин (кг) х (140 – нас)

Креатининий клиренс (мл / мин) = -------------------------------------------------------------

                                                           72 х ийлдсийн креатинин (мг / дл)

Эмэгтэй хүний креатининий клиренсийг энэхүү томьёогоор, гэхдээ эцсийн утгыг 0,85-аар үржүүлж гаргана.

* Гемодиализд орж байгаа өвчтөнийг дараах байдлаар цефепимийн тунг бууруулахыг зөвлөнө: халууралтат нейтропенигээс бусад халдварын үед  эмчилгээний эхний өдөр 1г, дараа нь 24 цаг тутамд 500мг, халууралтат нейтропенитэй тохиолдолд эмийн бэлдмэлийн тунг 24 цаг тутамд 1г хэрэглэнэ. Диализд орох өдрүүддээ гемодиализын төгсгөлд эмийн бэлдмэлийг хэрэглэнэ. Эмийн бэлдмэлийг аль болох өдөр бүр ижил цагт хэрэглэх хэрэгтэй.

Гемодиализын үед 3 цагийн дотор биемахбодоос тарьсан цефепимийн ойролцоогоор 68% нь гадагшилдаг.

Амбулаториор тасралтгүй хэвлийн диализ хийлгэж байгаа тохиолдолд эмийн бэлдмэлийг цефепимийн анхны зөвлөмжит тунгаар: 500мг, 1г эсвэл 2г-аар, халдварын хүндийн зэргээс хамаарч, тарианы хооронд 48 цагийн зайтайгаар хэрэглэнэ.

15-30 мл/мин креатининий клиренстэй өвчтөнд сульбактамын хоногийн дээд тун 2г (12 цаг тутамд 1г),  КК<15 мл/мин хүмүүст сульбактамын хоногийн дээд тун 1г (12 цаг тутамд 500мг) байна.

Бөөрний үйл ажиллагааны алдагдалтай хүүхдэд хэрэглэх нь

Бөөрний үйл ажиллагааны алдагдалтай хүүхдэд дээрх хүснэгтэнд үзүүлсэнчлэн тунг бууруулах эсвэл тариа хоорондын зайг уртасгахыг зөвлөнө.

Элэгний үйл ажиллагааны алдагдалтай өвчтөнд хэрэглэх нь

Элэгний үйл ажиллагааны алдагдалтай өвчтөнд тунг тохируулах шаардлагагүй.

Венийн судсанд эсвэл булчинд тарьж хэрэглэх уусмалыг бэлтгэх

Венийн судсанд эмийн бэлдмэлийг (2,0г) урсгаж тарихдаа 10мл тарианы ариутгасан ус, декстрозын 5% уусмал эсвэл 0,9% натрийн хлоридын уусмалд уусгаад 3-5 минутын турш тарина.

Венийн судсанд дуслаар хийх: бэлтгэсэн уусмалыг венийн судсанд тарих дуслын бусад шингэнд юүлээд (натрийн хлоридын 0,9%, 5% эсвэл 10%-ийн декстрозын уусмал, Рингер лактатын уусмал, 5% декстрозын уусмал ба 0,9% натрийн хлоридын уусмал, хамгийн дээд тун 40мг/мл) 30 минутаас доошгүй хугацаанд дуслаар тарина.

Булчинд тарих: эмийн бэлдмэлийг тарианы ариутгасан ус, 0,9%-ийн натрийн хлоридын уусмал, парабен эсвэл бензилийн спирттэй тарианы бактериостатик ус, 0,5 эсвэл 1%-ийн лидокаиний гидрохлоридын уусмалд (2,0-3,0мл) уусгаж бэлтгэнэ.

Бэлтгэсэн уусмалыг тасалгааны температурт 24 цагаас ихгүй хугацаанд, хөргөгчинд 48 цагийн турш хадгалж болно. Өнгө өөрчлөгдөх нь эмийн бэлдмэлийн идэвхид нөлөө үзүүлэхгүй.

Парентераль хэрэглэхэд зориулсан бусад эмийн бэлдмэлийн нэгэн адил бэлтгэсэн уусмалыг хэрэглэхийн өмнө харагдах механик хольц байгаа эсэхийг шалгана. Хэрэв байвал бэлтгэсэн хольцийг хэрэглэж болохгүй.

Гаж нөлөө

Халдварын болон шимэгчийн өвчин: амны хөндийн салстын мөөгөнцөр, үтрээний халдвар, мөөгөнцөр.

Дархлаа тогтолцооны талаас илрэх алдагдал: арьсны тууралт, эритема, чонон гүвдрүү, загатнаа, анафилаксийн урвал, эпидермисийн хордлогот үхжил, олон хэлбэршилт эритем, Стивенс-Жонсоны хамшинж, ангионевротик хаван.

Төв мэдрэлийн тогтолцооны талаас илрэх алдагдал: толгой өвдөх, таталт, захын мэдрэхүйн алдагдал, дисгевзи, толгой эргэх.

Зүрх судасны тогтолцооны талаас илрэх алдагдал: судас тэлэх, цус алдах.

Амсьгалын эрхтэн тогтолцоо, цээжний хэнхэрцэг, голтын эрхтний талаас илрэх алдагдал: амьсгаадалт.

Хоол боловсруулах эрхтэн тогтолцооны талаас илрэх алдагдал: суулгалт, дотор муухайрах, бөөлжих, колит (хуурамч сарьсат колитыг оруулна), хэвлийн өвдөлт, өтгөн хаталт, хоол боловсролтын алдагдал.

Бөөр, шээс дамжуулах тогтолцооны талаас илрэх алдагдал: бөөрний дутагдал, хордлогот нефропати.

Ерөнхий урвал ба хэсэг газрын хариу урвал: тарьсан газар флебит, тарьсан газар өвдөлт, халуун оргих, тарьсан газар үрэвсэх, жихүүдэс.

Бусад: бэлэг эрхтэн загатнах, амт өөрчлөгдөх, үтрээний үрэвсэл, эритем, цус задралгүйгээр Кумбсын сорил хуурамч эерэг гарах.

Лабораторийн шинжилгээний үзүүлэлтүүдийн талаас гарах өөрчлөлт: аланинаминотрансфераза, аспартатаминотрансфераза, шүлтлэг фосфатаза нийт билирубины идэвхи нэмэгдэх, цус багадалт, эозинофили, протромбины хугацаа эсвэл хэсэгчилсэн тромбопластины хугацаа уртсах, цусны шээгийн азотын хэмжээ ихсэх, сийвэнгийн креатининий хэмжээ ихсэх, тромбоцитопени, лейкопени болон нейтропени, апластик цус багадалт, цус задралын цус багадалт, агранулоцитоз.

Бүртгэлийн дараах ажиглалтын мэдээлэл: энцефалопати (ухамсарын алдагдал, ухаан самуурахыг оруулна, хий юм харах, сонсох, тэнэгрэл, ком), миоклонус, таталт, таталтгүй эпилепсийн уналт. Хэдийгээр ихэнх тохиолдол нь зөвлөмжит тунгаас илүү тунгаар цефепимийг хэрэглэсэн бөөрний дутагдалтай хүмүүст илэрч байсан ч гэсэн зарим тохиолдолд бөөрний дутагдлын хүндрэлийн зэргээс хамааруулан тун тохируулах арга хэмжээ авч байсан хүмүүст мэдрэл хордуулах нөлөө ажиглагдаж байсан байна.  

Тун хэтрэлт

Шинж тэмдэг: энцефалопати (ухаан самуурах, хийх юм харах, сонсох, тэнэгрэл, ком), миоклоник таталт, мэдрэл-булчингийн сэрэмтгий чанар нэмэгдэх.

Эмчилгээ: гемодиализ (ялангуяа бөөрний үйл ажиллагааны алдагдалтай өвчтөнд зөвлөмжит тунгаас ихээр хэтрүүлэн хэрэглэсэн тохиолдолд), барих эмчилгээ.

Бусад эмийн бэлдмэлтэй харилцан үйлчлэл

Эмийн бэлдмэлийн уусмал нь метронидазол, ванкомицин, гентамицин, тобрамицин, нетилмицин зэрэг эмтэй эм зүйн хувь нийцэхгүй тул хольж болохгүй. Гэхдээ энэ эмийн бэлдмэлийг дээрх нянгийн эсрэг эмийн бэлдмэлүүдтэй хавсран хэрэглэх тохиолдолд эм бүрийг тус тусад нь тарьж болно.

Бактериостатик нянгийн эсрэг үйлдэлтэй бэлдмэлүүдийг хавсран хэрэглэхэд бета-лактамын антибиотикуудын үйлдлийг сулруулж болно.

Тусгай заалт

Бөөрний үйл ажиллагааны алдагдал үүсгэх эрсдэлт хүчин зүйлүүд нөлөөлж байгаа тохиолдолд бөөрөөр эмийн бэлдмэл ялгарах хурд буурсаныг зохицуулах зорилгоор цефепим болон сульбактамын тунг тохируулах шаардлагатай. Тугнах зарчим нь бөөрний дутагдлын зэрэг, халдварын хүндрэлийн зэрэг, бичил биетний мэдрэг байдал зэргээс хамаарна. Бөөрний үйл ажиллагааны хөнгөн болон дунд зэргийн алдагдлын үед бөөрний үйл ажиллагаа хэвийн хүмүүст хэрэглэдэг эмчилгээний эхний тунтай ижил байна. Настай, бөөрний үйл ажиллагааны алдагдалтай хүмүүст хортой гаж нөлөө илрэх эрсдэл өндөр байна.

Цефалоспорины бүлгийн бусад эмүүдиййн нэгэн адилаар цефепим хэрэглэж байгаа үед өвчтөнд энцефалопати (ихэнхдээ эргэх) (ухаан самуурах, хийх юм харах, сонсох, тэнэгрэл, ком), миоклонус, таталт (тухайлбал таталтгүй эпилепсийн уналт) болон/эсвэл бөөрний дутагдал  илэрч байсан байна. Ихэнх тохиолдол нь зөвлөмжит тунгаас их тунгаар хэрэглэсэн, бөөрний дутагдалтай  хүмүүст илэрч байв. Мэдрэл хордлогын шинж тэмдгүүд нь ихэнхдээ эмчилгээ зогсоох болон/эсвэл гемодиализ хийсний дараа арилж байсан ч, заримдаа нас баралтаар төгсөж байсан. Бөөрний үйл ажиллагааны алдагдалтай эсвэл цефепим ялгарах хурдыг удаашруулах эрсдэлт хүчин зүйлстэй хүмүүст тунг тохируулах шаардлагатай.

Эмчилгээ эхлэхийн өмнө өвчтөн цефепим, сульбактам болон бусад цефалоспорины антибиотикууд, пенициллин болон бусад бета-лактамын антибиотикуудад, мөн өөр төрлийн харилтай эсэхийг тодруулах хэрэгтэй.  Бета-лактамын бүх төрлийн антибиотикуудыг хэрэглэхэд хэт мэдрэгшлийн хүнд хэлбэрийн урвалууд илрэх тохиолдол бүртгэгдэж байсан ба, заримдаа үхлийн аюултай ч байв. Харшлын урвал илэрсэн тохиолдолд эмчилгээг зогсоож шаардагдах арга хэмжээг авна. Хүнд хэлбэрийн харшлын урвал илэрсэн тохиолдолд (жишээ нь анафилаксийн урвал) эмийн бэлдмэлийг тарьж байх үед эпинефрин болон бусад дэмжих эмчилгээ хийх шаардлага үүсч болзошгүй.

Цефалоспорины бүлгийн антибиотикууд нь зэсийн ионы ангижруулах урвал дээр үндэслэсэн шээсэнд глюкоз илрүүлэх сорилын (Бенедиктийн эсвэл Фелингийн уусмал, эсвэл Клининтестийн шахмалтай) хуурамч эерэг хариу гарах шалтгаан болж болзошгүй, харин ферментийн сорилд (глюкозоксидазатай) нөлөөлөхгүй. Үүнтэй холбоотой шээсэнд глюкоз илрүүлэхдээ глюкозоксидазатай ферментийн сорилыг хэрэглэхийг зөвлөнө.

Эмпирик эмчилгээг эхлүүлэхдээ үүсгэгч бичил биетний олдмол тэсвэржилтийг зайлшгүй анхаарах хэрэгтэй. Бичил биетний тэсвэржилтийн түвшин цаг хугацааны эрхээр болон газарзүйн бүс нутгаас хамаарч өөрчлөгдөж болно. Үүсгэгч бичил биетнийг тодорхойлох, цефепим+сульбактамд мэдрэг байдлыг үнэлэхэд тохирох шинжилгээнүүдийг хийх шаардлагатай. Энэ эмийн бэлдмэл нь грам эерэг болон грам сөрөг бичил биетнүүдэд үзүүлэх өргөн хүрээний нянгийн эсрэг үйлдэлтэй учраас үүсгэгч бичил биетнийг тодорхойлохоос өмнө дан эмчилгээ байдлаар хэрэглэж болно. Агаартан болон агааргүйтэн нянгийн хавсарсан халдварын эрсдэлтэй үед (ялангуяа цефепим+сульбактамд мэдрэг бус нянгууд байгаа тохиолдолд) үүсгэгчийг тодорхойлохоос өмнө агааргүйтэн нянд үйлчилдэг эмийн бэлдмэлүүдтэй хавсран эмчилгээг эхлүүлж болно.

Үүсгэгчийг илрүүлж, антибиотикт мэдрэг чанарыг тодорхойлсны дараа шинжилгээний хариутай уялдуулан эмчилгээг эхлүүлэх хэрэгтэй.

Нянгийн эсрэг бусад бэлдмэлийг хэрэглэхийн нэгэн адил цефепим+сульбактам эмчилгээний үр дүнд мэдрэг бус микрофлорын колон ургаж болно. Эмчилгээний явцад супер халдвар үүсвэл зохих арга хэмжээ зайлшгүй авах хэрэгтэй.

Clostridium difficile холбоот суулгалт

Нянгийн эсрэг өргөн хүрээний бараг бүх бэлдмэлүүдийг хэрэглэхэд Clostridium difficile (СDAD - Clostridium difficile-associated diarrhea) холбоот суулгалт үүсч болох ба энэ суулгалт нь хөнгөн, хүнд, амь насанд аюултай аль ч хэлбэрээр илэрч болно.

Эмийн бэлдмэлээр эмчилж байх үед суулгалт үүсвэл зайлшгүй СDAD оношийг баталгаажуулах хэрэгтэй. Өвчтөнийг сайтар ажиглаж СDAD үүссэн эсэхийг багажийн шинжилгээгээр сайтар хянах хэрэгтэй, учир нь нянгийн эсрэг эмийн бэлдмэл хэрэглээд зогсоосноос 2 сарын дараа СDAD тохиолдол бүртгэгдэж байжээ. СDAD онош сэжиглэгдсэн эсвэл батлагдсан тохиолдолд Clostridium difficile устгах эмчилгээнээс бусад нянгийн эсрэг эмийн бэлдмэлийн эмчилгээг зогсоох шаардлагатай. Гэдэсний гүрвэлзэх хөдөлгөөнийг саатуулдаг эмийн бэлдмэлийн хэрэглээг энэ тохиолдолд хориглоно.

Авто тээврийн хэрэгсэл жолоодох, машин механизм ажиллуулахад нөлөөлөх нөлөө

Эмчилгээний явцад төв мэдрэлийн тогтолцооны талаас гаж нөлөө илэрч болзошгүй учраас өндөр анхаарал, сэтгэц, оюуны үйлийн хурдтай ажиллагаа шаардсан аюултай үйл ажиллагаа эрхлэхээс зайлсхийх хэрэгтэй.

Эмийн хэлбэр

Венийн судсанд эсвэл булчинд тарьж хэрэглэх уусмал бэлтгэх зориулалттай нунтаг, 1000мг + 1000мг.

1000 мг + 1000 мг үйлчлэгч бодис агуулсан бэлдмэлийг 20мл багтаамжтай, 1-р гидролитик ангийн тунгалаг шилэн флаконд савлан, эмнэлгийн резин бөглөө, гадуур нь хөнгөн цагаан таглаагаар эсвэл хавсарсан таглаагаар (хуванцар хамгаалагч тагтай хөнгөн цагаан таглаа) битүүмжлэн тагласан байна.  

Нэг ширхэг эмийн бэлдмэлтэй флаконыг эмнэлгийн зориулалтаар эм хэрэглэх зааврын хамтаар хатуу цаасан хайрцагт савласан байна.

Стационарт зориулсан савлалт:

10-50 ширхэг эм савласан флаконыг ижил тооны эмийн бэлдмэлийг эмнэлгийн зориулалтаар хэрэглэх зааврын хамтаар хатуу цаасан хайрцагт савласан байна.

Хадгалах нөхцөл

Харанхуй, 25 °С-ээс ихгүй хэмтэй газар хадгална.

Хүүхдийн гар хүрэхээргүй газар хадгална.

Хүчинтэй хугацаа

3 жил. Савлалтан дээр заасан хугацаа хэтэрсэн тохиолдолд хэрэглэж болохгүй.

Эмийн сангаас олгох нөхцөл

Жороор олгоно

Үйлдвэрлэгч

ООО «Рузфарма», ОХУ.

143132, Москва муж., Рузский дүүрэг, г.п. Тучково, Комсомольская гудамж, 12-р байр, стр. 1.

Бүртгэлийн гэрчилгээ эзэмшигч

ООО «АлФарма», ОХУ.

127247, Москва хот, вн.тер.г. муниципальный округ Восточное Дегунино, ш. Дмитровское, б. 100, к. 2, давхар , өрөө. 4541R4

Утас: +7 (495) 744-30-00

Хэрэглэгчдийн санал хүсэлтийг хүлээн авах байгууллага

Хязгаарлагдмал хариуцлагатай  нийгэмлэг «АГЕНТСТВО ПО ФАРМАКОНАДЗОРУ «ФАРМКОМПЛАЕНС».

117186, Москва хот, Нагорная гудамж 15-8-р байр, пом. I, оф. 61. 

Утас.: + 7 495 142 24 87

Гар утас.: + 7 901 369 45 95

e-mail: pv@farmakonadzor.com