EPIAO тарилгын эмийн заавар

Хүний рекомбинант эритропоэтин тарилга

Энэхүү зааврыг болгоомжтой уншиж эмчийн зааврын дагуу хэрэглэнэ үү. [Бүтээгдэхүүний нэр]

Олон улсын нэршил: Хүний рекомбинант эритропоэтин тарилга

Худалдааны нэршил: EPIAO

[Найрлага]

Фармакологийн идэвхитэй найрлага: хүний рекомбинант эритропоэтин (r-HuEPO)             (r-HuEPO ген агуулсан CHO эсээс өсгөвөрлөсөн ба ялгах, цэвэршүүлэх зэрэг олон шатыг дамжсан).

2000/ 3000/ 4000/ 10,000 IU/мл -ийн дүүргэлтэд: хүний сийвэнгийн альбумин, натри хлорид, натри цитрат, нимбэгний хүчлийн моногидрат (citric acid Monohydrate).

36,000 IU/флакон -ын дүүргэлтэд: полисорбат 20, натри хлорид, натри цитрат, нимбэгний хүчлийн моногидрат (citric acid Monohydrate), гистидин гидрохлорид моногидрат.

[Тодорхойлолт]

EPIAO нь өнгөгүй, тунгалаг шингэн бөгөөд урьдчилан соруулсан тариур болон нэг удаагийн флаконтай байна.

[ Хэрэглэх заалт]

EPIAO -ийг дараах тохиолдолд хэрэглэнэ:

1.    Бөөрний архаг дутагдлын шалтгаант цус багадалт; гемодиализтай болон гемодиализгүй.

2.    Мэс заслын үед  аллоген улаан эс сэлбэх шаардлагыг бууруулах зорилгоор.

3.    Миелойд бус хорт хавдартай өвчтөнүүдэд хорт хавдрын улмаас хийгдэж буй хими эмчилгээтэй холбоотой үүсэх цус багадалтын эмчилгээнд хэрэглэнэ.

[Хориглох заалт]

Төмөр эсвэл фолийн хүчил дутагдлын шалтгаант, цус задралын шалтгаант, хоол боловсруулах замын цус алдалтын шалтгаант гэх мэт бусад шалтгаант цус багадалтын эмчилгээнд EPIAO  -ийг хэрэглэхгүй.

[Тунгийн хэлбэр ]

EPIAO нь урьдчилан соруулсан тариур болон нэг удаагын флакон бүхий байна.  1 мл EPIAO уусмал бүр нь 2000 IU, 3000 IU, 4000 IU, 10,000 IU нэгж r-HuEPO агуулдаг. 36,000 IU/мл хүчтэй нь зөвхөн нэг удаагын флаконтай байна. Үүнийг хорт хавдрын хими эмчилгээний шалтгаант цус багадалтын үед 7 хоногт 1 удаагын давтамжтай хэрэглэнэ.

[Тун болон хэрэглэх заалт ]

Тун

1.    Бөөрний дутагдлын шалтгаант цус багадалт: EPIAO -ийг эмчийн шууд хяналтан дор хэрэглэнэ. Венийн судсаар эсвэл арьсан дор тарьж хэрэглэж болох ба 7 хоногт 1 удаа эсвэл 2-3 удаа хувааж хэрэглэж болно. Тунг өвчтөний гемоглобины концентраци, нас болон бусад холбоот хүчин зүйлээс хамаарч тохируулна. Дараах тунгийн схемийг зөвөлдөг:

Эхний тун:

Долоо хоногт хуваасан тун: зөвлөж буй эхний тун нь гемодиализ хийлгэж буй өвчтөнүүдэд 100-150 IU/кг долоо хоногт, гемодиализ хийгдээгүй өвчтөнд 75-100 IU/кг тунгаар долоо хоногт хэрэглэнэ. Хэрвээ 4 долоо хоногын дараа гематокритын долоо хоногын нэмэгдэл 0.5% -аас бага байвал долоо хоногын тунг 15-30 IU/кг тунгаар нэмэгдүүлж болно. Нэмэгдүүлэх тунгийн дээд хязгаар нь 30IU/кг/долоо хоног байна. Гематокритын нэмэгдэх зорилтот хувь нь 30-33% байх боловч 36% -ийг давуулахгүй байх хэрэгтэй.

Долоо хоногт 1 удаа хэрэглэх дэглэм: зөвлөж буй тун нь гемодиализ хийгдэж байгаа эсвэл хийгдээгүй өвчтөнүүдэд 10,000 IU/долоо хоног.

Барих тун:

Долоо хоногт хуваасан тун: гематокритын нэмэгдэл 30-33% болсон эсвэл гемоглобины хэмжээ 100-110 г/дл хүрсэн бол тунг эхний тунгийн 3/2 болгон тохируулна. Гематокритыг 2-4 долоо хоног тутам үзэж хэт их хэмжээний эритропоэз үүсэхээс сэргийлэх ба гематокрит болон гемоглобины хэмжээг хангалттай түвшинд барина.

Долоо хоногт 1 удаагын тун: гематокрит болон гемоглобин дээр дурдсан бай хэмжээнд хүрсэн бол тунгийн давтамжийг бууруулж болно. (2 долоо хоног тутамд 1 удаа г.м). гематокрит болон гемоглобины хэмжээнээс хамаарч дахин тохируулж болно.

2.    Мэс ажилбар хийгдэх өвчтөнд: гемоглобины хэмжээ 100-130 г/Л хооронд байгаа төлөвлөгөөт мэс заслын өвчтөнд EPIAO -ийг 150 IU/кг тунгаар долоо хоногт 3 удаа хэрэглэж болох ба мэс заслаас 10 өдрийн өмнө эхэлж, мэс заслын дараа 4 дэх өдөр хүртэл хэрэглэнэ. EPIAO нь мэс заслын үед болон дараа цус багадалтыг бууруулах, цус сэлбэх шаардлагыг бууруулах, мэс заслын дараах цус багадалтыг эмчилэх үр нөлөө үзүүлнэ. Төмрийн дутагдал үүсэхээс сэргийлж төмрийн бэлдмэлийг хавсруулан хэрэглэж болно.

3.    Хорт хавдрын хими эмчилгээний шалтгаант цус багадалт: дотоод суурин EPO -ийн хэмжээ 200 mu/ml -с их байгаа өвчтөнд EPIAO эмчилгээ хийхийг зөвлөхгүй. EPO  -ийн суурин түвшин ихтэй өвчтөнүүдтэй харьцуулахад багатай өвчтөнүүдэд илүү үр дүн үзүүлдэг.

Долоо хоногт хуваасан тун: зөвлөж буй эхний тун нь 150 IU/кг -р долоо хоногт 3 удаа арьсан дор тарих юм. 8 долоо хоногын эмчилгээний дараа гематокрит хангалттай өсөхгүй эсвэл цус сэлбэх шаардлага буурахгүй бол тунг 200 IU/кг цр долоо хоногт 3 удаа арьсан дор тарих болгож нэмэгдүүлж болно. Хэрвээ гематокрит 40% -ийг давсан бол гематокрит 36% болтол EPIAO -ийг хэрэглэхгүй. Эмчилгээг дахиж хийх болон хүссэн гематокритын

хэмжээг барих бол EPIAO -ийн тунг 25%-аар бууруулна. Хэрвээ эхний тунгийн дараа гематокрит түргэн өсвөл (аль ч 2 долоо хоногын хугацаанд 4% -аас илүү ихсэх) тунг бууруулна.

Долоо хоногт 1 удаагын тун: гемоглобин эрэгтэйд <110 г/Л, эмэгтэйд <100 г/Л бол 36,000 IU EPIAO -ийг арьсан дор тарихыг зөвлөнө. Эмчилгээний үргэлжилэх хугацаа 8 долоо хоног байна. Хэрвээ гемоглобин 8 долоо хоногоос бага хугацаанд 120 г/Л хэмжээнд хүрвэл эмчилгээг зогсоох ба хэрвээ эрэгтэйд <110 г/Л, эмэгтэйд <100 г/Л болж буурвал эмчилгээг дахин хийнэ. Гемоглобины туйлын нэмэгдэл 2 долоо хоногын дотор 13 г/Л -ийг давбал тунг бууруулна.

Хэрэглэх заавар

Нэг удаагийн хэрэглээний флаконтай хэрэглэхдээ , асептик дүрмийг баримтла, ариун зүү, тариур хэрэглэ, шаардлагтай тунг соруулж авна. Урьдчилан соруулсан тариуртай хэлбэрийн үед тариурын хамгаалалтыг авсны дараа тарина.

[Гаж нөлөө]

1.    Түгээмэл урвалууд: толгой өвдөх, халуурах, ядарч сульдах шинж тэмдэг EPIAO эмчилгээний эхэнд заримдаа илэрч болно. Булчингийн өвдөлт болон үений өвдөлт ховор тохиолдолд илэрнэ. Дээрх зовиуруудын ихэнхийг шинж тэмдгийн эмчилгээгээр эмчилэх боломжтой ба эмчилгээг үргэлжилүүлэх боломжтой байдаг. Хэрвээ шинж тэмдэг байсаар байвал эмчилгээг зогсооно.

2.    Харшлын урвал: эмнэлзүйн туршилт судалгааны үед хүнд хэлбэрийн ноцтой харшлын болон анафилаксын урвал тэмдэглэгдээгүй. Арьсны тууралт болон чонон хөрвөс ховор тохиолдолд илэрч болох ба хөнгөн явцтай түр зуурын шинжтэй байдаг. Эмчилгээг эхлүүлэх дахих хийх өвчтөнүүдэд бүтэн тунг хэрэглэхээс өмнө бага тунгаар хэрэглэхийг зөвөлдөг. Өөрчлөлт бүрт тохирсон эмчилгээг хийх ба EPIAO хэрэглэхийг зогсоох хэрэгтэй.

3.    Зүрх-тархины судасны тогтолцоо: цусны даралт ихсэх, даралт ихсэлт хүндрэх, даралт ихсэлтийн энцефалопатийн улмаас толгой өвдөх болон уналт таталтын тохиолдол эмнэлзүйн туршилт судалгааны үед мэдээлэгдсэн. Тиймээс цусны даралт ихсэлтийг хянах, даралт бууруулах бэлдмэл хэрэглэх, EPIAO -ийн тунг тохируулах/зогсоох арга хэмжээнүүдийг авна.

4.    Цусны тогтолцоо: EPIAO -ийг хэрэглэхэд гематокрит нэмэгдэхийн хэрээр цусны зуурамтгай чанар нэмэгддэг. Тромбоз үүсэхээс сэргийлсэн шинжилгээнүүдийг хийнэ.

5.    Элэг: Алат болон асат ховор тохиолдолд нэмэгдэнэ.

6.    Хоол боловсруулах тогтолцоо: анорекси, дотор муухайрах, бөөлжих, гүйлгэх шинжүүд ховор тохиолдолд илэрч болно.

[Хориглох заалт]

Дараах өвчтөнүүдэд EPIAO -ийг хэрэглэх эсрэг заалттай байна:

1.    Хяналтгүй даралт ихсэлт

2.    Бүтээгдэхүүний найрлагад орсон бодис болон бусад хөхтөн амьтадын эсийн гаралтай бүтээгдэхүүн болон хүний сийвэнгийн альбуминд харшилтай бол.

3.    Хяналтгүй хавсарсан халдвар.

[Болгоомжлол]

Тусгай санамж:

1.    Бөөрний архаг дутагдалтай өвчтөнүүдэд хийгдсэн эмнэлзүйн туршилт судалгааны мэдээллээс үзэхэд гемоглобины хэмжээг 13 г/дл болон түүнээс дээш болгох зорилгоор эритропоэзыг өдөөх бэлдмэлүүдийг (ESAs) хэрэглэхэд нас баралт, зүрх судасны ноцтой хүндрэл, цус харвалтын эрсдэл их байдаг байна.

Гемоглобины түвшинг 10-12 г/дл байхаар тунг тохируулах шаардлагтай.

Бөөрний архаг дутагдалтай өвчтөнүүдэд хийгдсэн эмнэлзүйн туршилт судалгааны мэдээллээс үзэхэд гемоглобины хэмжээг 13 г/дл болон түүнээс дээш болгох зорилгоор эритропоэзыг өдөөх бэлдмэлүүдийг (ESAs) хэрэглэхэд нас баралт, зүрх судасны ноцтой хүндрэл, цус харвалтын эрсдэл их байдаг байна. Бөөрний архаг дутагдалтай болон ESAs эмчилгээний хариуд гемоглобины хариу урвал хангалтгүй өвчтөнүүд зүрх судасны хүндрэл болон нас баралтын хүндрэл бусад өвчтөнүүдтэй харьцуулахад их байна. Хорт хавдартай өвчтөнүүдэд хийгдсэн судалгаагаар ESAs  нь нас баралт болон зүрх судасны ноцтой хүндрэлийн эрсдэлийг нэмэгдүүлдэг. Дээрх хүндрэлүүдэд зүрхний булчингийн шигдээс, цус харвалт, зүрхний дутагдал, гемодиализын судасны хүрцийн тромбоз ордог. 2 долоо хоногоос дээш хугацаанд гемоглобины ихсэх хурд >1 г/дл байх нь дээрх эрсдэлийг үүсгэдэг.

2.    Хорт хавдартай өвчтөнүүдэд хийгдсэн эмнэлзүйн туршилт судалгааны мэдээллээс үзэхэд ESAs нь нийт амьдрах магадлылыг богиносгох ба хөхний өмөн, жижиг эсийн гаралтай уушгины хорт хавдар, толгой хүзүүний хорт хавдар, лимфойд хавдар, умайн хүзүүний хорт хавдартай өвчтөнүүдэд хийсэн зарим эмнэлзүйн судалгаагаар хавлрын явц эсвэл дахилт нэмэгдэх эрсдэлийг нэмэгдүүлж байсан.

Дээрх эрсдэлүүдийг бууруулахын тулд, ялангуяа зүрхний болон тромбозын хүндрэлээс сэргийлэхийн тулд улаан эсийн сэлбэлт хийгдэхээс сэргийлэх хамгийн бага тунгаар хэрэглэх шаардлагтай.

Миелойд дарангуйлах хими эмчилгээний улмаас үүссэн цус багадалтын эмчилгээнд л ESA -ийг хэрэглэнэ.

Миейлод дарангуйлах эмчилгээг эмчилэх зорилгоор хийгдэж байгаа өвчтөнүүдэд ESAs хэрэглэх заалтгүй.

3.    Мэс ажилбартай өвчтөнүүдэд хийгдсэн эмнэлзүйн туршил судалгааны дүнгээс үзэхэд урьдчилан сэргийлэх зорилгоор антизоагуляцийн эмчилгээ хийгдээгүй өвчтөнүүдэд хүний рекомбинант эритропоэтин нь гүний венийн тромбозын эрсдэлийг нэмэгдүүлдэг байна. Гүний венийн тромбозоос урьдчилан сэргийлэх эмчилгээний асуудлыг хэлэлцэнэ.

4.    Цэвэр улаан эсийн аплази (PRCA) болон бусад цитопенитэй болон үгүй хүнд хэлбэрийн цус багадалт эритропоэтины саармагжуулагч эсрэгбиетэй холбоотой байдаг гэсэн мэдээлэл байдаг. Энэ нь ялангуяа бөөрний архаг дутагдалтай өвчтөнүүд арьсан дор ESAs тариулж байгаа тохиолдолд илүүтэй үүссэн мэдээлэл байна. Мөн элэгний С вирүсийн эмчилгээнд интерферон болон рибавирин хэрэглэж байгаа өвчтөнүүдэд PRCA илэрсэн мэдээлэл байна. EPIAO  эмчилгээний дүнд гэнэт ухаан алдах, хүнд хэлбэрийн цус багадалт илрэх, ретикулоцитын тоо бага байгаа өвчтөнүүдэд эритропоэтины эсрэг саармагжуулагч эсрэгбие үүсэх зэрэг эмчилгээний үр нөлөөг алдагдуулдж байгаа шалтгааны бодно. Хэрвээ эритропоэтины эсрэг эсрэгбиетэй холбоотой цус багадалт сэжиглэгдэж байвал ESAs  эмчилгээг зогсооно. Эсрэг хамааралт цус багадалт

тогтоогдсон өвчтөнүүд эмчилгээг бүрэн зогсооно. Эсрэгбие солбицох урвалд орох боломжтой учир бусад ESAs  бэлдмэлүүдийг сольж хэрэглэхгүй.

Ерөнхий санамж:

1.    Парэнтерал замаар ямар нэгэн биологийн бүтээгдэхүүнийг хэрэглэхдээ харшил болон бусад гаж урвал илрэхээс болгоомжлох шаардлагтай.

2.    Хэт их гематопоэз үүсэхээс сэргийлж гематокритыг тогтмол хянана. (эхний эмчилгээний фазад 7 хоногт 1 удаа ба барих фазад 7 хоногт 2 удаа үзнэ). Гематокрит 36% -с ихсэж болохгүй. Хэрвээ хэт их хэмжээний эритропоэз явагдвал EPIAO эмчилгээг зогсооно. 36,000 IU/тл тунг хэрэглэж байгаа үед мөн гемоглобиныг тогтмол хянах (1-2 долоо хоног тутам 1 удаа) ба хэрвээ гемоглобин 120 г/л -с ихэсвэл EPIAO эмчилгээг зогсооно.

3.    Порфирийн сэдрэл бөөрний архаг дутагдлын эмчилгээ хийгдэж байгаа өвчтөнүүдэд ховор тохиолдолд илэрдэг. Порфири бүхий өвчтөнүүдэд болгоомжтой хэрэглэнэ.

Эмчилгээний үед туйлын эсвэл үйл ажиллагааны төмрийн дутагдалт үүсэж болно. Ферритины түвшин хэвийн байх боловч трансферрины ханалт багатай үйл ажиллагааны төмрийн дутагдал нь ихсэж байгаа эритропоэзийн хангах төмрийн нөөцийг хангалттай гаргаж чадахгүй байгаатай холбоотой байдаг. Трансферрины ханалт багадаа 20% байх ба ферритин багадаа 100 нг/мл байдаг. Эмчилгээний өмнө болон үед өвчтөний транферрины ханалт (сийвэнгийн төмрийн хэмжээг төмөр холбох чадварт хуваах), сийвэнгийн ферритиний түвшин зэрэг өвчтөний төмрийн статусыг үнэлэх шаардлагтай. Бүх өвчтөнүүдэд трансферритины ханалтыг нэмэгдүүлэх зорилгоор  нэмэлтээр төмрийн бэлдмэл хэрэглэнэ. EPIAO эмчилгээ хийгдэж байгаа мэс заслын бүх өвчтөнүүдэд эритропоэзыг дэмжих болон төмрийн нөөц хомсрохоос сэргийлж нэмэлтээр төмрийн бэлдмэл хэрэглэнэ.

4.    Эмчилгээг эхлэхээс өмнө цусны даралтыг хангалттай хянах шаардлагтай. Эмчилгээний үед цусны даралт нэмэгдэх боломжтой. Гематокрит ихсэж байгаа эмчилгээний эхний фазад диализ хийгдэж байгаа өвчтөнүүдийн 25% нь даралт бууруулах эмчилгээ эхлүүлэх эсвэл эмчилгээг нэмэгдүүлэх шаардлагтай болдог. EPIAO эмчилгээ хийгдэж буй өвчтөнүүдэд цусны даралтыг нарийн, идэвхитэй аргаар хянах шаардлагтай. Өвчтөнүүдэд даралт бууруулах бэлдмэл болон хоол хүнсний хэрэглээний зөвөлгөө өгнө. Хэрвээ даралтыг бууруулахад хүндрэлтэй байвал EPIAO  эмчилгээг бууруулах эсвэл зогсоож гемоглобиныг бууруулар шаардлагтай болно.

Аль ч 2 долоо хоногын хугацаанд гемоглобин 1 г/дл-с ихээр өсвөл EPIAO эмчилгээг бууруулахыг зөвөлдөг. Учир нь гемоглобин хэт их хурдтай өсөх болон даралт ихсэх эмгэг сэдрэх нь холбоотой байдаг. Эмнэлзүйн илрэл бүхий ишемийн өөрчлөлт эсвэл зүрхний дутагдал бүхий бөөрний архаг дутагдалтай өвчтөнд EPIAO- ийн тунг гемоглобины тунг 10-12 г/дл байхаар болгоомжтой тохируулна.

5.    Уналт таталт эсвэл суурь цусны эмгэгтэй (хадуур эст цус багадалт, миелодиспластик хамшинж, хэт бүлэгнэлт бүхий эмгэгүүд г.м) өвчтөнүүдэд эмчилгээний аюулгүй байдал үр нөлөө толорхой бус байна. Эмчилгээний эхний 90 өдөрт уналт таталт нэмэгдэх боломжтой учир цусны даралт болон мэдрэлийн шинж тэмдгийг нарийн хянах шаардлагтай. Өвчтөнүүдэд жолоо барих эсвэл машин механизмтай ажиллахгүй байхыг зөвлөнө.

6.    Гемодиализын үед хиймэл бөөрний бүлэгнэлтээс сэргийлэхийн тулд гепарин хэрэглэж антикоагуляцийг нэмэгдүүлэх шаардлагтай байж болно. Бай гематокрит 30% -тай харьцуулахад 42% -ийн хэвийн гематокритыг зорьж байгаа, зүрхний ишемийн эмгэгтэй эсвэл зүрхний дутагдалтай өвчтөнүүдэд судасны тромбоз зэрэг тромбозын эрсдэл илүүтэй нэмэгддэг. Урьдал зүрхний эмгэгтэй өвчтөнүүдийг илүү нарийн хянах шаардлагтай.

7.    Зүрхний инфаркт, уушгины инфаркт, тархины инфаркт, харшилын асуумжтай, харшлын илрэлтэй өвчтөнүүдэд анхааралтай хандана.

8.    EPIAO -ийн үр нөлөөг фолийн хүчил болон витамин В12 -ийн дутагдал бууруулах боломжтой.

9.    EPIAO -ийн эмчилгээ нь сийвэнгийн калийн түвшинг бага зэрэг нэмэгдүүлдэг. Хоолны хэрэглээг засаж болно эсвэл гиперкалиеми үүссэн бол EPIAO -ийн тунг тохируулж болно.

10. Савалгааны гэмтэлтэй, уусмалд тунадастай бол хэрэглэхийг хориглоно. Энэ нь нэг удаагийн тариур болон флакон учир дахин хэрэглэхгүй.

11. Тамирчид болгоомжтой хэрэглэнэ.

[Жирэмсэн болон хөхүүл эхэд ]

Жирэмсэн болон хөхүүл эхэд аюулгүй байдлын мэдээлэл байхгүй. Эдгээр өвчтөнүүдэд эрсдэл болон ач холбогдлыг эмчлэг эмч бүрэн үнэлсний үндсэн дээр хэрэглэх эсэхийг шийднэ.

[Хүүхдийн хэрэглээ]

Дутуу нярай, нярай, нялх хүүхдэд авюулгүй байдлын мэдээлэл тодорхой бус. Эдгээр өвчтөнүүдэд эрсдэл болон ач холбогдлыг эмчлэг эмч бүрэн үнэлсний үндсэн дээр хэрэглэх эсэхийг шийднэ.

 [Ахмад настаны хэрэглээ]

Ахмад настанд цусны даралт болон гематокритыг сайтар хянах шаардлагтай ба тун, давтамжийг тухай бүрт тохируулна.

[Эмийн харилцан үйлчлэл]

Эмнэлзүйн туршилт судалгааны үед ямар нэгэн эмийн харилцан үйлчлэл тогтоогдоогүй.

[Тун хэтрэх]

Тун ихэдвэл

Олицитеми болон нас барах боломжтой зүрх судасны хүндрэл үүсэх боломжтой.

[Фармакологи болон токсикологи]

Эритропоэтин нь бөөрнөөс ялгарч ясны чөмөгний эритройд прогенитор эсүүдийн ялгаран хөгжил, пролиферацийг өдөөдөг гликопротейн юм. Хүний рекомбинант эритропоэтины in vitro болон in vivo орчинд үзүүлэх биологийн үйлдэл нь байгалын дотоод эритропоэтинтай төстэй байдаг. фармакодинамикын судалгаануудаар EPIAO  нь CFU-E – ийн клон үүсэлтийг нэмэгдүүлэх ба улмаар бөөрний архаг дутагдалтай өвчтөнүүдийн цус багадалтын эмчилгээнд үр дүнтэй байдаг байна.

[Фармакокинетик]

Арьсан дор тарьж хэрэглэсний дараа шимэгдэлт удаан ядагддаг. Хэрэглэснээс хойш 2 цагийн дараа сийвэнгийн r-HuEPO  -ийн концентраци ихсэх ба 18 цагийн дараа хамгийн дээд концентраци үүсдэг. r-HuEPO  -ийн шимэгдэх өвөрмөц эрхтэн нь ясны чөмөг бөгөөд мөн элэг, бөөрөнд шимэгддэг. r-HuEPO   нь ерөнхийдөө элгэнд метаболизмд ордог. Амьтадад хийгдсэн судалгаагаар бөөр, ясны чөмөг, дэлүүнд бага хэмжээний r-HuEPO   -ийн метаболизм явагддагийг тогтоосон. r-HuEPO –р эмчилэгдэж буй цус багадалттай өвчтөнүүдэд задраагүй r-HuEPO   -ийн 10%-аас бага нь бөөрөө ялгардаг.

[Савалгаа]

36,000 IU/мл хэлбэр нь нэг удаагийн флаконтай эсвэл урьдчилан соруулсан тариуртай байна.

[Хадгалалт]

Тариур болон флаконыг 2⁰С-8⁰С хэмд хадгална. Гэрлээс хамгаалсан эх савалгаатай нь хадгална.

[Олгох хэлбэр]

Жороор

[Хадгалах хугацаа]

 2 жил

[Үйлдвэрлэгч]

Shenyang Sunshine Pharmaceutical Co., Ltd

No.3 A1, 10th Road, Shenyang Economy&Technology Development Zone, Shenyang 110027, P.R.China

[Дистрибютер]

China Sinopharm International Corporation 

No.4 Huixin Dongjie, Chao Yang District, Beijing, China

3.2.  Судалгааны дата

3.2.Р Эмийн бүтээгдэхүүн

3.2.Р.8. Тогтвортой байдал

3.2.Р.8.1. Тогтвортой байдлын талаарх дүгнэлт

Тогтвортой байдлын судалгаануудыг удаан хугацаанд болон хурдасгасан нөхцөлд урьдчилан соруулсан EPIAO бэлдмэлийн хэвтээ байрлалд хадгалж тогтвортой байдлыг тогтоох зорилгоор хийгдсэн.

Энэ судалгааг хийхийн тулд бүхий л тунгийн агуулмж бүхий 3 бүлгийг бэлдсэн. Дээрх 3 бүлгийн үйлдвэрлэлийн процесс, боловсруулалт, савалгаа нь худалдаан байгаа бэлдмэлтэй ижил явагдсан. Тогтвортой байдлыг харагдах байдал, рН, in vivo орчны идэвхижил болон ариун чанараар үнэлсэн.

Хүснэгт 3.2.Р.8-1: Урьдчилан соруулсан EPIAO тарилгийн тогтвортой байдлын техник үзүүлэлт.

Хүснэгт 3.2.Р.8-2: урьдчилан соруулсан тариур бүхий EPIAO бэлдмэлийн тогтвортой байдлын хөтөлбөр.

Үр дүн

Хурдасгасан: Тогтовортой байдлын судалгаагаар EPIAO бэлдмэлийн урьдчилан соруулсан хэлбэр нь 6 сарын хугацаанд харагдах байдал хэвийн, рН үзүүлэлт 6.6-7.4 хооронд, in vivo идэвхижил 80-125%, 0 болон 6 сар дахь ариун байдлын сорилын техник үзүүлэлт хэвийн байсан. Тиймээс бэлдмэл нь хурдасгасан сорилын техник үзүүлэлтийг хангаж байна.

Удаан хугацааны:  тогтовортой байдлын судалгаагаар EPIAO бэлдмэлийн урьдчилан соруулсан хэлбэр нь 30 сарын хугацаанд харагдах байдал хэвийн, рН үзүүлэлт 6.6-7.4 хооронд, in vivo идэвхижил 80-125%, 0 болон 6 сар дахь ариун байдлын сорилын техник үзүүлэлт хэвийн байсан. Тиймээс бэлдмэл нь удаан хугацааны сорилын техник үзүүлэлтийг хангаж байна.

Хэлцэмж : Урьдчилан соруулсан хэлбэрийн EPIAO бэлдмэлийг 2-8⁰С -д удаан хугацааны сорилд оруулсан. Сорьцыг 30 сарын турш хэвтээ байрлалд хадгалж шинжилсэн. Харагдах байдал, рН, in vivo идэвхижлийн ямар нэгэн статтистикъ ач холбогдолтой ялгаа гараагүй.

Урьдчилан соруулсан хэлбэрийн EPIAO бэлдмэлийг 25±2⁰С/60%±5% RH нөхцөлд хурдасгасан сорилд оруулсан. Сорьцыг 6 сарын турш хэвтээ байрлалд хадгалж шинжилсэн. Харагдах байдал, рН, in vivo идэвхижлийн ямар нэгэн статтистикъ ач холбогдолтой ялгаа гараагүй.

Эдгээр үр дүнгээс үзэхэд хадгалах байрлал нь бүтээгдэхүүний тогтвортой байдалд нөлөөлөхгүй ба савалгааны битүүмжлэлийн систем нь удаан хугацаанд хадгалахад тохиромжтой байна.

Дүгнэлт: дээрх үр дүнгүүдээс үзэхэд EPIAO бэлдмэлийн урьдчилан соруулсан тариурт хэлбэрийн хадгалах хугацаа нь 2-8⁰С -д 24 сар байна.

3.2.Р.8.2. Батлагдсаны дараах тогтвортой байдлын протокол болон тогтвортой байдлын гүйцэтгэл

Бид удаан хугацааны сорилыг 30 сар, хурдасгасан сорилыг 6 сарын хугацаандп хийж гүйцэтгэсэн. Хадгалах хугацааг 2-8⁰С хэмд 24 сар гэж тогтоосон.

Худалдаан гарсны дараах тогтвортой байдлын судалгааг тунгийн хэлбэр бүрт багадаа жил бүр багадаа 1 удаа хийсэн. Үр дүн нь бүх хүлээн зөвшөөрөх шалгуурыг хангасан ба EPIAO бэлдмэлийг 2-8⁰С хэмд 24 сар хадгалах боломжтойг баталсан.

3.2.Р.8.3. Тогтвортой байдлын дата

3.2.Р.8.3.1. Хурдасгасан тогтвортой байдлын судалгааны дата

r-HuEPO тарилгын (10000 IU/ml) тогтвортой байдлын хурдасгасан судалгааны дата

N/D илрээгүй 

3.2.Р.8.3.2. Урт хугацааны тогтвортой байдлын судалгааны дата

r-HuEPO (10000 IU/ml) бэлдмэлийн удаан хугацааны тогтвортой байдлын судалгаа

17. Эцсийн бүтээгдэхүүний техник үзүүлэлт

EPIAO бэлдмэлийн техник үзүүлэлтийг одоогийн Британы Эмийн лавламжийн дагуу явуулсан. Доор үзүүлсэн Европын Эмийн Лавламжийн (Ph.Eur) шинж чанар нь Британы Эмийн Лавламжтай (BP) ижил төстэй юм.

Хүснэгт 1. Европ/Британы EPIAO бэлдмэлийн техник үзүүлэлт