эмийн бэлдмэлийн эмнэлгийн хэрэглээний заавар

ЦЕЛЕБРЕКС^®

Худалдааны нэршил: Целебрекс^®

Патентын бус олон улсын нэршил: целекоксиб

Эмийн хэлбэр: бүрээс

Найрлага (1 бүрээсд):

Идэвхтэй бодис: целекоксиб - 100 мг, 200 мг.

Туслах бодис:

Бүрээс 100 мг, 200 мг:

лактоз моногидрат 149.7 мг/49.8 мг, натрийн лаурилсульфат 8.1 мг/8.1 мг, повидон К30  6.8 мг/6.7 мг, натрийн кроскармеллоз 2.7 мг/2.7 мг, магнийн стеарат 2.7 мг/2.7 мг; бүрээсд: титаны давхар исэл ойролцоогоор 1.7 мг, желатин ойролцоогоор 58,3 мг. 100 мг бүрээсийн бэх (хөх бэх SB-6018): шеллак 22-27%, этанол 33-38%, изопропанол 0,5-4%, бутанол 4-8%, пропиленгликоль 3-6%, усан аммиак 1-2%, будагч бодисын (Е132) суурин дээр хөнгөн цагааны хөхийн лак FD&C хөх #2 24-28%. 200 мг бүрээсийн бэх (шар бэх SB-3002): шеллак 22-27%, этанол 33-38 %, изопропанол 3-7%, бутанол 4-9%, пропиленгликоль 3-6%, усан аммиак 1-2%, шар төмрийн ислийн будаг (Е172) 18-22% тус тус агуулагдана.

Харагдах байдал

100мг бүрээсд: тунгалаг бус, цагаан буюу бараг цагаан өнгөтэй, хөх судал дээр нэг талдаа «100», эсрэг талд «7767» - гэсэн цагаан дардас бүхий хатуу царцмаган бүрээс.

200мг бүрээсд: тунгалаг бус, цагаан буюу бараг цагаан өнгөтэй, шар судал дээр нэг талдаа «200», эсрэг талд «7767» - гэсэн цагаан дардас бүхий хатуу царцмаган бүрээс.

Бүрээсийн агууламж: цагаан буюу бараг цагаан өнгийн мөхлөг.

Эмийн эмчилгээний бүлэг: стероид бус үрэвслийн эсрэг бэлдмэл (НПВП).

АТХ код: М01АН01

Эм судлалын шинж чанар

Фармакодинамик

Целекоксибын үрэвслийн эсрэг, халуун бууруулах, өвдөлт намдаах үйлдэл нь циклооксигеназ-2 (ЦОГ-2) ферментийг дарангуйлснаар үрэвслийн эсрэг простагландины (Pg) нийлэгжилтийг саатуулснаар үүснэ. Үрэвслийн хариу урвалын дүнд ЦОГ-2 идэвхжсэнээр простогландин ялангуяа простогландин Е2 нийлэгжин хуримтлагдах ба энэ үед үрэвслийн урвалын илрэл (хаван, өвдөлт) ихэсдэг. Целекоксиб нь эмчилгээний тунгаар хүний циклооксигеназ-1 (ЦОГ-1) ферментийг илэрхий дарангуйлдаггүй бөгөөд ЦОГ-1 идэвхжлийн үр дүнд нийлэгжих простогландинд нөлөөлөхгүй. Түүнчлэн эдэд явагдах ЦОГ-1 нь ходоод, гэдэс, тромбоцитод явагдах хэвийн үйл ажиллагаанд нөлөөлөхгүй.

Бөөрний үйл ажиллагаанд нөлөөлөх нь:

Целекоксиб бөөрөөр ялгарах PgE_2, 6-PgF₁ (простациклины метаболит)-н ялгаралтыг багасах ба харин цусан дах тромбоксан В_2, тромбоксаны метаболит 11-дегидро-тромбоксан В₂ (аль аль нь ЦОГ-1 бүтээгдэхүүнд) нөлөөлөхгүй. Целекоксиб нь настангууд болон бөөрний архаг дутагдалтай өвчтөний бөөрний түүдгэнцрийн шүүрүүлэх хурдыг (ТШХ) багасгадаггүй ба натрийн ялгаралтыг түр зуур багасгана. Үений үрэвсэлтэй өвчтөнд зүрхний дутагдал, артерийн гипертензи, захын хаван үүсэх давтамж ЦОГ-1 ба ЦОГ-2 ферментийн идэвхийг дарангуйлдаг сонгомол бус ЦОГ-ыг саатуулагч эм хэрэгдэж буй өвчтөнтэй адил байна. Уг үйлдэл нь шээс хөөх эм хэрэглээт өвчтөнд илүү илэрдэг. Артерийн даралт ихсэх болон зүрхний дутагдал үүсэх тохиолдлын давтамжийн ихсэлт ажиглагдаггүй боловч харин зах хязгаарын хаван хөнгөн явцтай байж аяндаа арилна.

Фармакокинетик

Шимэгдэлт:

Өлөн үед целекоксиб сайн шимэгдэх бөгөөд ойролцоогоор 2-3 цагийн дараа цусан дах концентраци (С_mах) хүрдэг. Бэлдмэлийг 200 мг тунгаар хэрэглэсний дараа С_mах - 705 нг/мл. Туйлын биохүрэхүй судлагдаагүй. 200 мг тунгаар өдөрт 2 удаа уухад С_mах, зураглалд концентрацийн муруйн доод талбай нь (AUC)  ойролцоо хамааралтай байх ба целекоксиб өндөр тунгаар хэрэглэхэд С_mах, AUC бага хамааралтай байна.

Тархалт

Цусны плазмын уурагтай холбогдолт тунгаас хамаарахгүйгээр ойролцоогоор 97%, целекоксиб цусны эритроциттой холбогдохгүй. Целекоксиб цус тархины хориг нэвтэрдэг.

Хувирал

Целекоксиб элгэнд гидроксилжих, исэлдэх, хэсэгчилж глюкуронжих замаар хувиралд орно. Хувирал нь үндсэндээ цитохром Р450 CYP2C9 («Эмийн харилцан үйлчлэл» хэсгийг үзнэ үү) оролцоотой явагдана. Цусан дах метаболитууд ЦОГ-1, ЦОГ2 ферментийг дарангуйлах эм судлалын идэвхгүй байна. Ферментийн идэвхийг багасгадаг удашлын полиморфизмтой, ялангуяа гомозигот CYP2C9*3 полиморфизмтой хүмүүсд цитохром Р450 CYP2C9 идэвх багасдаг.

Ялгарал

Целекоксиб элгэнд хувиралд орж метболит хэлбэрээр гэдсээр, бөөрөөр метаболит хэлбэрээр (57 %, 27 %), тунгийн 1% хувираагүй хэлбэрээр гадагшилна. Давтан хэрэглээнд хагас ялгаралын хугацаа 8-12 цаг, клиренс ойролцоогоор 500 мл/мин байна. Бэлдмэлийн цсны плазм дах тэнцвэрт концентраци нь түүнийг давтан хэрэглэх үед 5 дах хоногт хүрдэг. Фармакокинетикийн үндсэн үзүүлэлтийн (AUC, C_max, хагас ялгаралын хугацаа) өөрчлөгдөх боломж ойролцоогоор 30% байна. Тархалтын дундаж эзлэхүүн нь тэнцвэрт байдлын үед 70кг жинтэй насанд хүрсэн залуу хүнд 500л байдаг бөгөөд энэ нь целекоксиб эдэд өргөн хүрээгээр тархдагийг харуулдаг.

Хүнсний зүйлтэй хамт хэрэглэхэд

Целекоксибыг тослог хоол хүнстэй хамт хэрэглэхэд түүний цусан дах концентраци дээд хэмжээнд С_mах хүрэх хугацаа ойролцоогоор 4 цагаар уртсан бүрэн шимэгдэлт 20%-р нэмэгдэнэ.

Тусгай бүлэг өвчтөн:

Настангууд:

65-с дээш насны өвчтөнд бэлдмэлийн C_max, AUC-н дундаж үзүүлэлт 1.5-2 дахин ихэсдэг бөгөөд энэ нь наснаас бус биеийн жин өөрчлөгдсөнтэй холбоотой (настангуудын биеийн дундаж жин залуу хүмүүсээс бага байдаг ба уг шалтгаанаар бусад тэнцвэрт байдлын үед тэдгээрт бэлдмэлийн концентраци илүү өндөрт хүрдэг). Энэ шалтгааны улмаас настай эмэгтэйчүүдийн цусан дахь целекоксибын концентраци настай эрчүүдийнхээс илүү өндөр байдаг. Дээрх фармакокинетикийн онцлогоос хамаарч тунг тохируулах шаардлагагүй. Гэхдээ 50кг-с бага жинтэй настай өвчтөнд эмчилгээг хамгийн бага эмчилгээний тунгаар эхэлнэ.

Арьсны өнгө:

Целекоксибын зураглалд концентрацийн муруйн доод талбай нь өнгөт арьстнуудад цагаан арьстнуудаас ойролцоогоор 40%-р их байна. Үүний шалтгаан болон эмнэл зүйн ач холбогдол нь тодорхойгүй.

Элэгний үйл ажиллагааны өөрчлөлт:

Хөнгөн явцтай элэгний дутагдалтай өвчтөний цусан дах целекоксибын концентраци бага зэрэг өөрчлөгддөг.

Дунд зэргийн явцтай элэгний дутагдалтай (Чайлд-Фью-н ангилалаар А бүлэг) өвчтөний цусан дах целекоксибын концентраци бараг 2 дахин ихсэж болно.

Бөөрний үйл ажиллагааны өөрчлөлт

Насны өөрчлөлттэй холбоотойгоор бөөрний түүдгэнцрийн шүүрүүлэх хурд ТШХ > 65 мл/мин/1.73м², багассан өндөр настай өвчтөн болон бөөрний түүдгэнцрийн шүүрүүлэх хурд 35-60мл/мин/1,73м² тэнцүү байгаа өвчтөнд целекоксибын фармакокинетик өөрчлөгдөхгүй. Цусан дахь креатинины агууламж (креатинины клиренс) ба целекоксибын клиренсын хооронд илэрхий уялдаа холбоо ажиглагддаггүй. Хүнд явцтай бөөрний дутагдлын үед целекоксибын клиренс өөрчлөгддөггүй. Учир нь түүний гадагшлах гол зам нь элгэнд идэвхгүй метаболит болон хувирах юм.

Хэрэглэх заалт

Остеоартроз, хэрлэгийн үений үрэвсэл, хөдөлгөөн хязгаарлагдсан спондилитийн шинж тэмдэгийн эмчилгээнд хэрэглэнэ.

Түүнчлэн өвдөлтийн хам шинж (нурууны, яс булчингийн хагалгааны дараах болон бусад өвдөлт)

Анхдагч дисменорей үед хэрэглэнэ.  

Хориглох заалт

• Целекоксиб эсвэл түүний найрлага дах аль нэг нэгдэлд хэт мэдрэг
• Сульфонамидад өвөрмөцөөр мэдрэг ихэссэн
• Ацетилсалицилын хүчил, стероид бус үрэвслийн эсрэг бусад эм (СБҮЭБ), ЦОГ-г саатуулагч бусад эмүүд зохидоггүй (ялангуяа өгүүлэмжтэй) хүмүүс болон гуурсан хоолойн багтраа, хамар, хамрын ойролцоох хөндийн дахилтат полипоз бүрэн, бүрэн бусаар хавсарсан
• Гол ба титэм судас холбох мэс заслын дараа
• Ходоод, дээрх гэдэсний салст бүрхүүлийн идэвхтэй улайлтат шархлаат гэмтэл эсвэл ходоод, дээрх гэдэсний шархлаа өвчний хурцдалын үе ба ходоод гэдэсний цус алдалт
• Гэдэсний үрэвсэлт өвчний (Кроны өвчин, бүдүүн гэдэсний шархлаат үрэвсэл) хурцдал үе
• Зүрхний архаг дутагдал (NYHA үйл ажиллагааны ангилалаар II - IV).
• Эмнэл зүйгээр батлагдсан зүрхний бах, захын артерийн судасны өвчин, тархины судасны эмгэгийн илрэлийн үе
• Цус алдалтын цус харвалт
• Тархины аалзавч доорх цус харвалт
• Жирэмсэн ба хөхүүл үе (“Жирэмсэн, хөхүүл үеийн хэрэглээ” хэсгийг үзнэ үү)
• Хүнд явцтай элэгний дутагдал (хэрэглэсэн туршлага байхгүй)
• Хүнд явцтай бөөрний дутагдал (КК 30мл/мин-с бага), бөөрний давшилтат явцтай өвчин, батлагдсан гиперкалиеми (хэрэглэсэн туршлага байхгүй)
• 18 хүртэлх насны хүүхэд (хэрэглэсэн туршлага байхгүй)

Болгоомжлол

Целебрекс^® бэлдмэлийг дараах нөхцөлд болгоомжтой хэрэглэнэ: ходоод гэдэсний замын эмгэгүүд (ходоод дээрх гэдэсний шархлаат эмгэгүүд, шархлаат колит, Кроны өвчин, цус алдалтын өгүүлэмжтэй), Helicobacter pylori халдвар; антикоагулянтууд (варфарин), антиагрегант (ацетилсалицилыг хүчил, клопидогрел), ууж хэрэглэдэг глюкокортикостероидууд (преднизолон), шээс хөөх эмүүд, серотониний мэдрэлийн төгсгөлд эргэн орохыг сонгомлоор саатуулагч эмүүд (циталопрам, флуоксетин, пароксетин, сертралин), дигоксинтой хамт хэрэглэх; шингэн баригдсан, хаван; дунд зэргийн явцтай элэгний үйл ажиллагааны дутагдал («Онцгой анхааруулга» үзнэ үү), элэгний порфири; бөөрний архаг дутагдал (КК 30-60 мл/мин); эргэлдэх цусны эзлэхүүн их хэмжээгээр багасах (ялангуяа мэс заслын дараа ); зүрх судасны системийн өвчин,  артерийн гипертензи («Онцгой анхааруулга» үзнэ үү); тархины судасны эмгэгүүд; дислипидеми/гиперлипидеми; чихрийн шижин; захын артерийн эмгэгүүд; изофермент CYP2C9 дарангуйлагчидтай нэг дор хэрэглэх; эмийн хувирал аажим явагддаг эсвэл ийм байж болох өвчтөнд; СБҮЭБ урт хугацаанд хэрэглэсэн; хүнд явцтай бусад өвчлөлтэй; өндөр настай өвчтөнгүүд (ялангуяа шээс хөөх эм хэрэглээт, биеийн жин багатай); тамхичин, сүрьеэ өвчтэй, архинд донтогсод багтана.

Жирэмсэн, хөхүүл үеийн хэрэглээ

Целекоксибыг жирэмсэн эмэгтэйд хэрэглэсэн хангалттай туршилт байхгүй. Жирэмсэн үед Целебрекс^® хэрэглээний эрсдэл тогтоогдоогүй боловч үгүйсгэж болохгүй юм.

Целекоксиб зэрэг СБҮЭБ хэрэглэх үед үйлдлийн механизмтай нь холбоотойгоор зарим эмэгтэйн өндгөвчинд өөрчлөлт үүсч улмаар нөхөн үржихүйн үйл ажиллагаа нь өөрчлөгдөх буюу эсвэл жирэмсэн үеийн хүндрэлийн шалтгаан болж болно. Жирэмслэхээр төлөвлөж буй эмэгтэй болон үргүйдлийн улмаас үзлэг шинжилгээ хийлгэж буй эмэгтэйчүүдэд стероид бус үрэвслийн эсрэг эм, ялангуяа целекоксиб эмчилгээг зогсоох эсэхийг анхаарах хэрэгтэй.

Целекоксиб нь простогландины нийлэгжилтийг саатуулагч эмийн бүлэгт хамаарах учир түүнийг жирэмсэн үед болон ялангуяа жирэмсэний III дахь гурван сард хэрэглэхэд умайн агшилтын сулрал, артерийн цорго цагаас өмнө хаагдах эмгэг үүсгэж болно. Простогландины нийлэгжилтийг саатуулах эмийг жирэмсний эрт үед хэрэглэвэл жирэмсний явцад сөргөөр нөлөөлж болно.

^{Целбрекс} бэлдмэдийг жирэмсэн, хөхүүл үе хэрэглэхийг хориглоно (Хориглох заалт үзнэ үү). Жирэмсэний II – III гурван сард СБҮЭБ хэрэглэснээр ургийн бөөрний үйл ажиллагаа буурахад хүргэх, ургийн шингэний эзлэхүүн буурах шинж үүсгэж болзошгүй. Ургийн ус багасах нь эмчилгээг эхлэхэд удалгүй ажиглагддаг.  Целекоксби хэрэглээт хэрэглээт жирэмсэн эмэгтэйн ураг орчмын шингэний эзлэхүүнийг сайтар хянаж байх ёстой.

Целекоксиб хөхний сүүгээр ялгардаг талаарх мэдээлэл хязгаарлагдмал. Судалгаагаар бэлдмэл хөхний сүүнд маш бага концентрацаар агууллагддаг болох нь тогтоогдсон. Хөхөөр хооллож буй хүүхдэд сөрөг нөлөө үзүүлж болох эрсдэлтэйг анхаарах ба бэлдмэлийг эхэд үзүүлэх Целебрекс^® эмчилгээний ач холбогдолыг тооцон хөхөөр хоололт болон целекоксибын эмчилгээний алиныг зогсоох эсэхийг шийднэ.

Тун, хэрэглэх арга

Бэлдмэлийг хоололт үл хамааран усаар даруулж зажлалгүйгээр ууна.

Целебрекс^® бэлдмэлийн тун болон эмчилгээний үргэлжлэх хугацааг нэмэгдүүлснээс зүрх судасны системийн хүндрэл үүсэх эрсдэл ихсэж болзошгүй тул түүнийг эмчилгээний хамгийн бага тунгаар ээлж эмчилгээний богино хугацаагаар хэрэглэнэ.

Бэлдмэлийн хэрэглээнд 400мг хоногийн дээд тунгаар үргэлжлүүлж болно.

Остеоартрозын шинж тэмдэгийн эмчилгээ: өдөрт 200мг тунгаар 1-2 удаа ууна.

Хэрлэгийн артритын шинж тэмдэгийн эмчилгээ: целекоксибын зөвшөөрөгдөх тун 100 ба 200 мг тунгаар өдөрт 2 удаа ууна.

Хөдөлгөөн хязгаарлагдсан спондилитын шинж тэмдэгийн эмчилгээнд: целекоксибын зөвшөөрөгдөх тун 200 мг  өдөрт 2 удаа ууна. Зарим өвчтөнд өдөрт 400мг тун үр дүнтэй байдаг.

Өвдөлтийн хам шинжийн эмчилгээ: эхлээд 400мг тунгаар хэрэглэн цааш шаардлагатай бол эхний өдөр 200мг-р нэмэгдүүлж болно. Дараагийн өдрүдэд шаардлагатай бол 200мг-р хоногт 2 удаа хэрэглэнэ.

Анхдагч дисменореи: эхлээд 400мг тунгаар хэрэглэн цааш шаардлагатай бол эхний өдөр 200мг-р нэмэгдүүлж болно. Дараагийн өдрүдэд шаардлагатай бол 200мг-р хоногт 2 удаа хэрэглэнэ.

Өндөр настанд: ердийн тунг тохируулах шаардлагагүй. 50кг-с доош биеийн жинтэй өвчтөнд эмчилгээний хамгийн бага тунгаар хэрэглэнэ.

Элэгний үйл ажиллагааны алдагдал: Хөнгөн явцтай элэгний дутагдалтай (Чайлд-Фью ангилал А бүлэг)  өвчтөнд тунг тохируулах шаардлагагүй. Дунд зэргийн явцтай элэгний дутагдалтай өвчтөнд (Чайлд-Фью ангилал В бүлэг) бэлдмэлийн эмчилгээний эхний тунг 2 дахин бууруулж хэрэглэнэ. Хүнд явцтай элэгний дутагдалтай (Чайлд-Фью ангилал С бүлэг) өвчтөнд бэлдмэлийг хэрэглэсэн туршлага байхгүй («Хориглох заалт» үзнэ үү).

Бөөрний үйл ажиллагааны өөрчлөлт: бөөрний үйл ажиллагааны хөнгөн, дунд зэргийн дутагдалтай өвчтөнд тунгийн тохируулга шаардлагагүй. Хүнд хэлбэрийн бөөрний дутагдалтай өвчтөнд бэлдмэлийг хэрэглэсэн туршлага байхгүй («Онцгой хэрэглээ», «Хориглох заалт»).

Флуконазолтой хамт хэрэглэх: Флуконазол (изофермент CYP2C9 саатуулагч) Целебрекс^® хамт хэрэглэх бол эхлэх тунг хоёр дахин бууруулах нь зүйтэй. Изофермент CYP2C9 саатуулах бусад бэлдмэлүүдтэй хамт болгоомжтой хэрэглэнэ.

Целебрекс^® эмийн хувирал аажим явагддаг эсвэл ийм байдалтай байж болзошгүй өвчтөнд цусан дах целекоксибын концентраци ихсэж болох тул болгоомжтой хэрэглэнэ. Энэ төрлийн өвчтөнд бэлдмэлийн эхний тунг 2 дахин бууруулж өгөх нь зүйтэй.

Гаж нөлөө

Давтамжийн үнэлгээний критери: маш элбэг ³ 10 %; элбэг ³1 % - <10 %; цөөн ³ 0,1 % -     < 1 %; ховор >0,01 % - < 0,1 %, маш ховор <0,01 %.

Зүрх судасны системд: элбэг - захын хаван, артерийн даралт ихсэх, артерийн даралт ихсэх эмгэгийн явц хүндрэхийг хамруулаад; цөөн - «нүүр улайх», зүрх дэлсэх; ховор – зүрхний архаг дутагдал, хэм алдалт, тахикарди, зүрхний булчингийн ишеми, шигдээс.

Ходоод гэдэсний замд: элбэг – хэвлий орчмоор өвдөх, суулгах, диспепси, гэдэс дүүрэх, бөөлжих; цөөн – шүдний өвчин (шүд авахуулсны дараах шүлний оромын үрэвсэл); ховор – ходоод дээрх гэдэсний шархлаа; маш ховор – ходоод цоорох, нойр булчирхайн үрэвсэл.

Мэдрэлийн системд: элбэг – толгой эргэх, нойргүйдэх; цөөн – тайван бус болох, булчингийн тонус ихсэх, нойрмоглох; ховор – ухаан балартах (солиорол).

Бөөр, шээс дамжуулах замд: элбэг – шээсний замын халдвар.

Амьсгалын эрхтэн системд: элбэг - бронхит, ханиалга, синусит, амьсгалын дээд замын халдвар; цөөн - фарингит, ринит.

Арьсны гадаргууд: элбэг – арьсны загатнаа (ялангуяа ерөнхий), арьсны туурал; цөөн – чонон хөрвөс, хөхрөх; ховор – үс халцрах.

Цус: цөөн – цус багадалт, хөхрөх; ховор - тромбоцитопени.

Дархлалын системд: ховор – судас мэдрэлийн хаван; маш ховор -  цэврүүт тууралт (цэврүүт дерматит).

Мэдрэхүйн эрхтэнд: цөөн – чих шуугих, нүд бүрэлзэх.

Элэг цөсний системд: цөөн - «элэгний» ферментийн идэвхжил нэмэгдэх (ялангуяа  аланинаминотрансфераз, аспартатаминотрансфераз).

Бусад: цөөн – хэт мэдрэгшил томуу төст хам шинж, санамсаргүй гэмтэл, нүүр хавагнах

Худалдаанд гарсны дараах ажиглалтаар илэрсэн гаж нөлөө

Эдгээр урвал нь хэдийгээр худалдаанд гарсны дараах ажиглалтын явцад илэрсэн боловч эдгээр гаж нөлөөг давтамжаар ангилсан: маш элбэг ³ 10 %; элбэг ³1 % - <10 %; цөөн ³0.1 % - < 1 %; ховор > 0.01 % - < 0.1 %, маш ховор <0.01 %, давтамж тодорхойгүй – илэрлийн давтамжийг тооцох боломжгүй.

Дархлалын системд: маш ховор – анафилаксийн урвал.

Мэдрэлийн системд: ховор – хий юм харах; маш ховор – тархинд цус харвах, асептик менингит, амтны мэдрэхүй алдах, ухаан балартах .

Харааны эрхтэнд: цөөн - конъюнктивит.

Судсанд: маш ховор -  васкулит.

Амьсгалын системд: ховор – уушигны артерийн тромбоэмболи, пневмонит.

Ходоод гэдэсний замд: ховор – ходоод гэдэснээс цус алдах.

Элэг цөсний системд: ховор - гепатит; маш ховор – элэгний дутагдалтүргэн үүсэлтэй элэгний үрэвсэл, элэгний үхжил («Онцгой анхааруулга», «Элэгний үйл ажиллагаанд нөлөөлөх» хэсгийг үзнэ үү), холестаз, цөс зогсонгишлийн гепатит, шарлалт.

Арьс, арьсан доорх эдэд: ховор – гэрэлд мэдрэгших урвал; маш ховор - Стивенс-Джонсоны хам шинж, олон хэлбэрт эритема, эпидермийн хордлогот үхжил, эозинофилтэй хавсарсан эмийн гаралтай тууралт ба системийн шинж (DRESS эсвэл хэт мэдрэгшлийн хам шинж), цочмог явцтай тархмал экзантем хэлбэрийн идээт цэврүүнцэр, эксфолиатив дерматит.

Бөөр, шээс дамжуулах системд: ховор – бөөрний цочмог дутагдал («Онцгой хэрэглээ», «Бөөрний үйл ажиллгаанд үзүүлэх нөлөө» үзнэ үү), гипонатриеми; маш ховор – бөөрний түүдгэнцэр, завсрын эдийн үрэвсэл, нефроз хам шинж, хамгийн бага өөрчлөлтийн хам шинж.

Нөхөн үржихүйн системд: ховор – сарын тэмдэгийн мөчлөг алдагдах; давтамж тодорхойгүй ^† - эмэгтэйчүүдийн нөхөн үржихүйн чадвар буурах («Жирэмсэн, хөхүүл үеийн хэрэглээ» хэсгийг үзнэ үү).

Системийн өөрчлөлт: цөөн – цээжээр өвдөх.

^†Жирэмслэхээр төлөвлөж буй эмэгтэйчүүдийг судалгаанд хамруулахгүй тул гаж нөлөөний давтамжийг тооцоонд тэдгээрийг хамруулахгүй.

Тун хэтэрсний улмаас илрэх гаж нөлөө

Тун хэтэрсэн эмнэлзүйн үзүүлэлт байхгүй. Бэлдмэлийг 1200г хүртлэх тунгаар 1 удаа, эсвэл 1200 мг хүртэлх тунгаар хоногт 2 удаа давтан хэрэглээнд эмнэл зүйн ач холбогдол бүхий гаж нөлөө илрээгүй. Тун хэтэрсэн үед тохирох дэмжих эмчилгээг явуулах шаардлагатай. Бэлдмэл цусны уурагтай их хэмжээгээр холбогддог учир диализ нь түүнийг биеэс гадагшлуулах оновчтой арга биш юм.

Эмийн харилцан нөлөө

Целекоксибыг CYP2С9 изофермент саатуулагчидтай хамт хэрэглэснээр түүний цусан дах концентрацийг нэмэгдүүлж болно. Энэ тохиолдолд целекоксибын тунг бууруулах шаардлага гарч болно.

CYP2С9 изофермент дэмжих рифампицин, карбамазепин, барбитуратуудтай целекоксиб хамт хэрэглэхэд түүний цусны плазм дах концентрацийг бууруулж болно. Энэ тохиолдолд целекоксибын тунг нэмэгдүүлэх нь зүйтэй.

Эмнэл зүйн фармакокинетик, in vitro шинжилгээнд целекоксиб нь CYP2D6 изоферментийн субстратын нөлөө үзүүлээгүй ч түүний идэвхийг дарангуйлдаг болохыг харуулсан. Иймээс in vivo орчинд CYP2D6 изоферментийн оролцоотой хувиралд орох эмийн бэлдмэлүүдтэй харилцан үйлчлэл үзүүлж болно.

Варфарин, бусад антикоагулянтууд: хамт хэрэглэх үед протромбины хугацаа ихсэж болно.

Флуконазол, кетоконазол: 200 мг флуконазол өдөрт нэг удаа хамт хэрэглэхэд цусны плазм дах целекоксибын кнцентрацийг 2 дахин ихэсгэнэ. Энэ нь флуконазол нь CYP2C9 изоферментээр дамжуулан целекоксибын хувиралыг дарангуйлсантай холбоотой. Флуконазол (изофермент CYP2C9 саатуулагчид) хэрэглэж буй өвчтөнд целекоксибын тунг 2 дахин багасгаж хэрэглэнэ («Тун, хэрэглэх арга» үзнэ үү). Кетоконазол (изофермент CYP3A4 саатуулагч) целекоксибын хувиралд эмнэл зүйн ач холбогдол бүхий үйлдэл үзүүлдэггүй.

Декстрометорфан, метопролол: целекоксибыг 200мг тунгаар хоногт 1 удаа хамт хэрэглэх үед декстрометорфан ба метопрололын (CYP2D6 изоферментийн субстрат) концентраци 2.6 ба 1.5 дахин тус тус ихэсдэг болох нь тогтоогдсон. Уг концентрацийн ихсэлт нь целекоксиб нь СҮР2D6 изоферментийн идэвхийг саатуулснаар уг изоферментээр хувиралд ордог бодисуудын хувирал дарангуйлагдсантай холбоотой. Иймээс целекоксибын эмчилгээг эхлэх үед СҮР2D6 озоферментээр хувиралд ордог бэлдмэлийн тунг багасгах хэрэгтэй. Харин целекоксибын эмчилгээ дууссаны дараа эдгээр бэлдмэлийн тунг ихэсгэнэ.

Метотрексат: целекоксиб, метотрексатын хооронд фармакокинетикийн эмнэл зүйн ач холбогдол бүхий харилцан нөлөө ажиглагдаагүй.

Ангиотензин хувиргагч ферментийг саатуулагч эм, ангиотензин II-н рецепторыг хориглогч, шээс хөөх эм, бета-адреноблокатор: простогландины нийлэгжилтийг саатуулснаар ангиотензин хувиргагч ферментийг саатуулагч эм, ангиотензин рецепторыг хориглогч, шээс хөөх эм, бета-адреноблокаторын даралт бууруулах үйлдлийг сулруулж болно. Иймээс эдгээр бэлдмэлийг хамт хэрэглэх үед уг харилцан үйлчлэлийг анхаарах хэрэгтэй.

Шингэн багасалттай өндөр настан (ялангуяа шээс хөөх хэрэглээт өндөр настан) эсвэл бөөрний үйл ажиллагааны алдагдал, СБҮЭБ ялангуяа сонгомол ЦОГ-2 саатуулагч, АХФ саатуулагчид, ангиотензин II-н антагонист, шээс хөөх эмүүдийг хамт хэрэглэснээр бөөрний үйл ажиллагаа бууруулах болон бөөрний цочмог дутагдал үүсгэж болзошгүй. Уг үйлдэл нь ихэвчлэн эргэн хэвэндээ ордог. Иймээс дээрх бэлдмэлүүдийг хамт болгоомжтой хэрэглэх шаардлагатай. Энэ тохиолдолд эхлээд шингэн сэлбэн дараа нь Целебрекс^® бэлдмэлийг хэрэглэнэ. Үүнээс гадна дээрх хослолыг хэрэглэж эхлэхдээ болон эмчилгээний үед үе үе бөөрний үйл ажиллагааг хянана.

Циклоспорин: Стероид бус үрэвслийн эсрэг эм нь бөөрний простогландины ийлэгжилтэнд нөлөөлдөг тул циклоспоринтой хамт хэрэглэх үед бөөр хордуулах нөлөө үүсэх эрсдэл нь ихсэж болно.

Шээс хөөх эм: СБҮЭБ хэрэглээт зарим өвчтөнд бөөрний простогландины нийлэгжилт багассаны улмаас фуросемид болон тиазидуудын натри хөөх үйлдэл суларч болох тул  целекоксибыг хэрэглэх  үүнийг анхаарах нь зүйтэй.

Ууж хэрэглэдэг жирэмслэлтээс хамгаалах эмүүд: Нийлмэл найрлагатай (1мг норэтистерон / 35мкг этинилэстрадиол) жирэмслэлтээс хамгаалах эмийн фармакокинетикт эмнэл зүйн ач холбогдол бүхий нөлөө үзүүлдэггүй.

Лити: Лити ба целекоксибыг хамт хэрэглэх үед цусан дах литийн концентраци 17%-р ихэсдэг. Иймээс литийн бэлдмэлийн эмчилгээ хийлгэж буй өвчтөнд целекоксибыг хэрэглэх эсвэл зогсооход нарийн хяналт шаардагдана.

Бусад СБҮЭБ: Целекоксибыг стероид бус үрэвслийн эсрэг бусад эмтэй хамт (ацетилсалицилын хүчил агуулаагүй) хэрэглэхээс зайлсхийнэ.

Лизиноприлын судалгааны үр дүн: Лизиноприл хэрэглэсэн 1 ба 2-р зэргийн артерийн гипертензитэй өвчтөнд хийсэн 28 хоногийн судалгаагаар целекоксибыг 200мг тунгаар өдөрт 2 удаа хамт хэрэглэхэд систолын болон диастолын дундаж даралт (артерийн даралтыг 24 цагийн хугацаанд хянасан үр дүн) плацебо бүлэгтэй харьцуулахад эмнэл зүйн ач холбогдол ихсээгүй болох нь тогтоогдсон байна. Целекоксибыг 200мг тунгаар хоногт 2 удаа хэрэглэсэн өвчтөний 48%-д нь плацебо бүлэгтэй (уг бүлэгт өвчтөний 27%-д нь үр дүн илрээгүй) харьцуулахад лизиноприлийн эмчилгээний үр дүн (үр дүнгийн шалгуур нь диастолын даралт нь 90мм муб их байх буюу эсвэл өмнөх түвшинтэй харьцуулахад диастолын даралт нь 10%-р ихсэх) илрээгүй байна.

Бусад бэлдмэлүүд: ходоодны хүчил саармагжуулах бэлдмэл (хөнгөн цагаан ба магни агуулсан), омепразол,  глибенкламид, фенитоин, толбутамидтай целекоксиб эмнэл зүйн ач холбогдол бүхий харилцан нөлөө үүсэлт ажиглагдаагүй.

Целекоксиб бага тунгаар хэрэглэж буй ацетилсалицилын хүчлийн тромбоцитын бөөгнөрөмтгий чанарыг багасгах үйлдэлд нөлөөлөхгүй. Тэрээр тромбоцитын үйл ажиллагаанд сул нөлөөлдөг учир түүнийг зүрх судасны өвчнөөс урьдчилан сэргийлэх зорилгоор хэрэглэж буй ацетилсалицилын хүчлийг орлоно гэж тооцож болохгүй.

Эрүүл хүнд СБҮЭБ нь дигоксины фармакокинетикт нөлөөлөхгүй. Гэвч дигоксиныг индометацин болон ибупрофентой хамт хэрэглэхэд цусны сийвэн дэх дигоксины концентрацийн ихсэлт ажиглагддаг. Үүнийг цусны сийвэн дэх дигоксины концентрацийг ихэсгэдэг бусад бэлдмэлтэй хамт хэрэглэх үедээ анхаарах шаардлагатай. Целекоксиб болон дигоксины харилцан үйлчлэлийн талаарх мэдээлэл байхгүй. Целекоксибын зүрх сийдасны системд үзүүлэх бусад нөлөөг анхаарч дигоксинтой хамт болгоомжтой хэрэглэх хэрэгтэй. Энэ тохиолдолд гаж нөлөөг сайтар хянахыг зөвлөнө.

Целекоксиб элгэнд ихэвчлэн CYP2C9 изоферментийн тусламжтай хувиралд ордог. Иймээс CYP2C9 изоферментийг идэвхжүүлдэг барбитураттай хамт хэрэглэвэл целекоксибын цусны сийвэн дэх концентарци багасаж болно.

Oнцгой анхааруулга

Целебрекс^® бэлдмэл халуун бууруулах үйлдэлтэй учир халуурах шинжийн оношлогооны ач холбогдлыг багасгаж халдварын онош тавихад нөлөөлж болно.

Зүрх-судасны систем:

Целекоксиб нь бусад бүх коксибууд шиг зүрх судасны системийн зүгээс илрэх аюултай хүндрэлийн эрсдлийг ялангуяа бүлэн үүсэх, зүрхний булчингийн шигдээс, цус харвалт, үхэлд хүргэж болно. Уг хүндрэл урвал үүсэх эрсдлийг багасгах зорилгоор Целебрекс^® эмчилгээний бага тунгаар богино хугацааны ээлж эмчилгээг (эмчлэгч эмчийн зөвлөснөөр) хэрэглэнэ. Өвчтөнд зүрх судасны системийн зүгээс илэрч буй гаж нөлөөний талаар болон илэрсэн тохиолдолд авсан арга хэмжээний талаар зайлшгүй мэдээлэх хэрэгтэй.

Целекоксиб нь тромбоцитын үйл ажиллаганад сул нөлөөлдөг учир түүнийг бүлэнт бөглөрөлөөс урьдчилан сэргийлэх зорилгоор хэрэглэж буй ацетилсалицилын хүчлийг орлоно гэж тооцож болохгүй. Түүнчлэн үүнтэй холбоотойгоор бүлэнт бөглөрийн хүндрэл үүсэх эрсдэлтэй өвчтөнд тромбоцитын бөөгнөрөмтгий чанарыг саатуулах эмийн эмчилгээг зогсоож (ацетилсалицилын хүчил) болохгүй.

Бүх СБҮЭБК, целекоксиб артерийн даралтыг ихэсгэн зүрх судасны системийн зүгээс илрэх хүндрэлийн шалтгаан болнж болно. Артерийн даралт ихсэлттэй өвчтөнд СБҮЭБ ялангуяа целекоксибыг болгоомжтой хэрэглэнэ. Целекоксибын эмчилгээний эхэнд болон эмчилгээний бүхий л хугацаанд артерийн даралтыг хянана.

Ходоод гэдэсний замд үзүүлэх нөлөө

Целекоксиб хэрэглээт өвчтөнд ходоод гэдэсний замд цоорол үүсэх цус алдах шинж ажиглагдана. СБҮЭБ эмчилгээнд эдгээр хүндрэл үүсэх эрсдэл өндөр настан, зүрх судасны эмгэгтэй өвчтөн, ходоод гэдэсний шархлаа, цус алдалт, үрэвслийн хурцдалын өгүүлэмжтэй өвчтөнд өндөр байдаг. Ходоод гэдэсний замаас цус алдах бусад эрсдэлт хүчин зүйлд ууж хэрэглэх глюкокортикостероидууд, цусны бүлэгнэлтийг саатуулах эм (ацетилсалицилын хүчил) хамт хэрэглэх СБҮЭБ удаан хугацаанд хэрэглэх, тамхи татах, согтууруулах ундааны зүйлс уух нь багтана. Ходоод гэдэсний замд илрэх ноцтой гаж нөлөө нь бие сул, настай өвчтөнд зонхилон тохиолддог.

Ууж хэрэглэдэг антикоагулянтуудтай хамт хэрэглэх

СБҮЭБ-г ууж хэрэглэх антикоагулянтуудтай хамт хэрэглэснээр цус алдах эрсдэл нэмэгдэнэ. Эдгээр бэлдмэлийг хамт болгоомжтой хэрэглэх шаардлагатай. Ууж хэрэглэх антикоагулянтууд ялангуяа варфарин, кумарины уламжлалын антикоагулянтууд, шууд нөлөөт (жишээ нь апиксабан, дабигатран, ривароксабан) хамаарна.

Варфарин, түүнтэй төстэй бэлдмэл хамт хэрэглэж буй өвчтөнд хүнд явцтай цус алдалт (цөөн тохиолдолд нас барах) илэрсэн талаар тэмдэглэгдсэн байна. Протромбины хугацаа ихсэлт (олон улсын протромбины хугацаа (МНО)) уртасгадаг учир Целебрекс^® эмчилгээг эхлэх болон тунг өөрчлөх үед цусны бүлэгнэлтийг саатуулагч эмийн эмчилгээг хамт хийж байгаа үед цусны бүлэгнэлт саатуулах идэвхи МНО-г зайлшгүй хянана.

Шингэн хуримтлагдах, хаван

Простогландины нийлэгжилтийг хориглох бусд эмийн адил Целебрекс^® хэрэглээт зарим өвчтөнд шингэн хуримтлагдах, хавагнах шинж илэрч болох тул шингэн хуримтлагдах эрсдэл бүхий өвчтөнд болгоомжто хэрэглэнэ. Зүрхний дутагдалын өгүүлэмжтэй эсвэл артерийн даралт ихдэлтэй өвчтөнд нарийн хяналтан дор эмчилгээнд хэрэглэнэ.

Бөөрний үйл ажиллагаанд үзүүлэх нөлөө

СБҮЭБ, ялангуяа целекоксиб нь бөөрний үйл ажиллагаанд хортой нөлөө үзүүлж болно. Целекоксиб нь СБҮЭ бусад бэлдмэлүүдтэй харьцуулахад хортой нөлөө бага байдаг. Целебрекс^®-г бөөрний үйл ажиллагааны алдагдалтай, зүрхний дутагдалтай, элэгний үйл ажиллагаа алдагдсан, настай өвчтөнд болгоомжтой хэрэглэнэ. Эдгээр өвчтөнд бөөрний үйл ажиллагааг сайтар хянах нь зүйтэй («Тун, хэрэглэх арга» үзнэ үү).

Целебрекс^® бэлдмэлийг усгүйжил бүхий өвчтөнд болгоомжтой хэрэглэнэ. Энэ тохиолдолд эхлээд шингэн сэлбэж дараа нь Целебрекс^® эмчилгээг эхлүүлнэ.

Элэгний үйл ажиллагаанд үзүүлэх нөлөө

Целебрекс^® бэлдмэлийг элэгний хүнд хэлбэрийн дутагдалтай (Чайлд-Пью ангилал С бүлэг) өвчтөнд хэрэглэхгүй. Элэгний үйл ажиллагааны дунд зэргийн дутагдалтай (Чайлд-Пью ангилал В бүлэг) өвчтөнд Целебрекс^® эмчилгээний эхлэн тунг хоёр дахин бууруулна («Тун, хэрэглэх арга» үзнэ үү).

Зарим тохиолдолд элэгний зүгээс маш түргэн хугацаанд үүсэх элэгний үрэвсэл (заримдаа нас баралтаар төгсөх), элэгний үхжил, элэгний дутагдал (заримдаа нас баралт эсвэл элэг шилжүүлэн суулгах шаардлага гарах) үүснэ. Ихэнхдээ эдгээр урвалууд нь целекоксиб эмчилгээг эхлүүлснээс 1 сарын дараа үүснэ.

Элэгний үйл ажиллагааны өөрчлөлтийн шинж болон элэгний үйл ажиллагааны өөрчлөлт нь лабораторийн шинжилгээгээр илэрсэн өвчтөнд Целебрекс^® эмчилгээний үед элэгний зүгээс илүү хүнд явцтай хүндрэл үүсэх эсэхийг сайтар ажиглах ёстой.

Анафилаксийн урвал

Целебрекс^® бэлдмэлийн хэрэглээнд анафилаксийн урвал үүсэлт бүртгэгдсэн («Хориглох заалт» үзнэ үү).

Арьсны ноцтой урвалууд

Целекоксибын хэрэглээнд ховор тохиолдолд эозинофили, системийн шинж тэмдэгтэй эмийн урвал (DRESS-синдром), эксфолиатив дерматит, Стивенс-Джонсоны хам шинж, эпидермын хордлогот үхжил зэрэг заримдаа үхэлд хүргэх арьсны ноцтой урвалууд илэрдэг. Эдгээр гаж нөлөө нь эмчилгээний эхэнд ажиглагдах өндөр эрсдэлтэй бөгөөд эдгээрийн ихэнх нь эмчилгээний эхний сард эхэлдэг. Арьсны тууралт, салст бүрхүүлийн өөрчлөлт болон хэт мэдрэгшлийн бусад шинжүүд үүсвэл Целебрекс^® бэлдмэлийн хэрэглээг зогсооно.

Глюкокортикостероидын эмчилгээ

Целебрекс^® бэлдмэл глюкокортикостероидын дутагдал эсвэл глюкокортикостероид орлуулах зорилгоор хэрэглэхгүй.

Изофермент CYP2D6 үйл ажиллагааг дарангуйлах

Целекоксиб нь CYP2D6 изоферментийг дунд зэрэг дарангуйлдаг. Иймээс целекоксиб эмчилгээг эхлүүлэхэд  CYP2D6 изоферментийн хувиралд орох эмийн тунг багасган целекосибын эмчилгээ дууссаны дараа тунг нэмэгдүүлж болно («Эмийн харилцан нөлөө » уншина уу).

ЖОЛОО БАРИХ, МЕХАНИЗМТАЙ АЖИЛЛАХ ЧАДВАРТ ҮЗҮҮЛЭХ НӨЛӨӨ

Целекоксибын жолоо барих, механизмтай ажиллах чадварт үзүүлэх нөлөө судлагдаагүй. Гэхдээ фармакодинамикийн онцлог, аюулгүй байдлын ерөнхий шинжид нөлөө үзүүлэх эсэх нь эргэлзээтэй бөгөөд Целебрекс^® бэлдмэл нөлөөлж болно.

Бэлдмэлийг хэрэглэх үед толгой эргэх, жолоо барих, машин механизмтай ажиллах чадварт нөлөөлж болзошгүй бусад гаж нөлөө үүсч болзошгүй тул тээврийн хэрэгсэл жолоодох болон анхаарал төвлөрүүлэлт, этгэн бодох хурд шаардлагатай бусад ажилд болгоомжлох нь зүйтэй.

Савлалт

100 мг, 200 мг бүрээс хэлбэрээр үйлдвэрлэж 10 ширхэгээр хөнгөн цагаан фольгатай тусгай үүрэн блистерт гарган 1, 2, 3, 4, 5, 10 блистерийг хэрэглэх зааврын хамт цаасан хайрцагт савлаж гаргана.

Хадгалах нөхцөл

Хуурай, 15 - 30°С хэмд хадгална.

Хүүхэд хүрэхгүй газарт хадгална.

Хүчинтэй хугацаа

3 жил.

Хугацаа дууссан бэлдмэлийг хэрэглэхгүй.

Эмийн сангаас олгох нөхцөл

Жороор олгоно.

Хүүхэд хүрэхгүй газарт хадгална.

Үйлдвэрлэгч

«Пфайзер Мэнюфэкчуринг Дойчленд ГмбХ», ХБНГУ

Бетриебштатте Фрайбург, Моосвальдаллее 1, 79090 Фрайбург, ХБНГУ  

Бүртгэлийн гэрчилгээ эзэмшигч

Upjohn USA 1 LLC, АНУ

1209 Orange гудамж

Вилмингтон DE 19801, АНУ