Эм, эмийн үнийн мэдээллийн сан

ПАНЛОК

PANLOC

тарилгын нунтаг

Найрлага:

Пантопразол...........................40мг

Эм судлалын үйлдэл:

Пантопразол нь бензимидазолын уламжлал ба ходоодны париеталь эсийн протоны шахуурганд өвөрмөцөөр нөлөөлөн ходоодны хүчил ялгаралтыг хориглодог. Пантопразол нь ходоодны хүчил үүсдэг эцсийн шат болох устөрөгч кали АТФ-аза энзимийг хориглох бөгөөд париеталь эсийн хүчиллэг орчинг идэвхтэй хэлбэрт хувиргадаг. Дарангуйлагдах энэ процесс нь тунгийн хэмжээнээс хамаардаг. Пантопразолоор эмчлэхэд ходоодны хүчиллэг чанар багасаж гастрины хэмжээ ихэсдэг. Гастрины ихсэлт нь буцаж эргэн хэвдээ орох ба учир нь Пантопразол нь хүлээн авагч эсийн төгсгөл хэсэг дээр энзимтэй холбогддог. Пантопразол нь ходоодны хүчлийн ялгаралтанд нөлөөлөхдөө бусад бодисуудад нөлөөлөхгүй (ацетилхолин, гистамин, гастрин) Амаар хэрэглэх болон судсаар хэрэглэх нь адил үйлдэлтэй.

Хэрэглэх заалт:

Пантопразолыг судсаар тарьж хэрэглэх заалт:

• Улаан хоолойн сөөргөөт өвчний дунд болон хүнд зэргийн хэлбэр

• Золлингер-Эллиссоны хам шинжээс шалтгаалсан эмгэг шүүрэл ихэссэн эсвэл бусад эмгэг

Хэрэглэх арга тун:

• Ходоод улаан хоолойн сөөргөө өвчин нь улаан хоолойн шархлаат үрэвсэлтэй хавсарч байсан өгүүлэмжтэй өвчтөн: Насанд хүрэгсэд пантопразолыг 40мг тунгаар өдөрт нэг удаа судсанд дуслаар 7-10 хоног тарьж хэрэглэнэ.

• Золлингер-Эллисоны хам шинжийн үед: Насанд хүрэгсэд 80мг тунгаар хоногийн тунг 2 хувааж 12 цагаар судсанд тарина. Хувь хүний хүчиллэгийн байдалд тулгуурлан эмийн тунгийн давтамжийг тохируулна.

Хэрэглэх заавар: Уусмалыг бэлтгэхдээ хуурай бодис агуулсан туншил дээр 10мл натри хлоридын физиологийн уусмал хийж тарилгын уусмалыг бэлтгэнэ. Уг уусмалыг шууд эсвэл 5%-ын 100мл глюкозын уусмал ба натрийн хлоридын уусмалаар шингэлж хэрэглэж болно. Бэлдсэн уусмалыг 12 цагийн дотор хэрэглэнэ. Микробиологийн байдлаас шалтгаалан бэлдмэлийг даруй хэрэглэх хэрэгтэй. Хэрвээ уусмалыг яаралтай хэрэглээгүй бол 25°С-аас дээшгүй хэмд 12 цагаас илүү хугацаагаар хадгалахгүй.

Хориглох заалт: Бэлдмэлд хэт мэдрэг хүмүүст хэрэглэхийг хориглоно.

Анхааруулга ба болгоомжлол:

• Пантопразолыг зөвхөн ууж хэрэглэх боломжгүй тохиолдолд л судсанд тарьж хэрэглэнэ.

• Пантопразолыг мэдрэлийн гаралтай хоол боловсруулах замын хөнгөн явцтай зовиурын эмчилгээнд хэрэглэхгүй.

• Рефлюкс эзофагитийн оношлогоо ньдурангийн шинжилгээгээр батлагдсан байх

• Өндөр настангууд эсвэл бөөрний үйл ажиллагааны өөрчлөлттэй өвчтөнд пантопразолын хоногийн тунг 40мг-с хэтрүүлж болохгүй.

• Хүнд явцтай элэгний дутагдалтай өвчтөнд пантопразолын хоногийн тунг 20мг хүртэл бууруулж тарина. Эмчилгээний явцад элэгний ферментийн түвшинг хянах шаардлагатай. Хэрвээ элэгний фермент ихэсвэл эмчилгээг зогсооно.

• Хүүхдэд эмчилгээнд хэрэглэсэн тухай туршлага байхгүй.

• Пантопразолыг жирэмсэн эмэгтэйд хэрэглэсэн тухай хангалттай мэдээлэл байхгүй.

• Пантопразолыг тархмал хэлбэрийн ходоодны шарх эсвэл улаан хоолойн хавдар байгаа эсэхийг тодруулсаны дараа хэрэглэх ба эсвэл шинж тэмдэгүүд хуурамчаар дарагдаж онош төөрөлдөх талтай.

• Пантопразол нь хөхний сүүгээр ялгардаг эсэх нь тодорхойгүй байгаа.

• Машин техниктэй харьцдаг хүмүүст ямар нэг нөлөө үзүүлдэг эсэх нь тодорхойгүй байгаа.

Эмийн харилцан үйлчлэл:

• Пантопразол P450 цитохром системээр дамжин бодисын солилцоонд оролцдог.

• Теофиллин, кисаприд, антипурин, коффейн, карбамазепин, диазепам, диклофенак, напроксен, пироксикам, дигоксин, этанол, глибурид ууж хэрэглэдэг, жирэмслэлтээс хамгаалах эм (левоноргестрел, этинелэстрадиол), метопролол, нифедипин, фенитоин, варфарин, (доор бичсэнийг харах) мидазолам, кларитромицин, метронидазол эсвэл амоксициллин зэрэг эмтэй хавсарч хэрэглэхэд тунг тохируулах шаардага үүсэхгүй.

• Протоны шахуургыг хориглогч бүлгийн эмүүд буюу Пантопразолыг варфаринтай хамт хэрэглэхэд INR ба протромбины хугацаа ихэсдэг нь ажиглагдсан. Өвчтөнд INR, протромбины хугацаа ихэсэх нь хэвийн бус цус алдалт үүсгэж үхэлд ч хүргэх талтай. Протоны шахуургыг хориглогч эмүүдийг варфаринтай хамт хэрэглэж байгаа өвчтөнд INR, протромбины хугацааг байнга хянаж байх шаардлагатай.

• Ходоодны хүчил саармагжуулах эмтэй хамт хэрэглэхэд харилцан нөлөөлөл үзүүлэхгүй.

Гаж нөлөө:

• Цус ба лимфийн системд: маш ховор тохиолдолд лейкопени, тромбоцитопени илэрч болзошгүй.

• Хоол боловсруулах системд: Хэвлийн дээд хэсгээр хөндүүрлэх, суулгах, өтгөн хатах, гэдэс дүүрэх, ховор тохиолдолд дотор муухайрах, бөөлжих, ам хатах

• Ерөнхий болон хэсэг газрын үйлдлийн талаас: Маш ховор тохиолдолд тромбофлебит, захын хаван илэрч болзошгүй.

• Элэг цөсний талаас: маш ховор тохиолдолд элэгний эс гэмтэж элэгний дутагдалтай болон дутагдалгүй шарлалт үүсэх

• Дархлалын системд: ховор тохиолдолд анафлаксийн урвал эсвэл анафилаксийн шок

• Лабораторийн үзүүлэлтээс: ховор тохиолдолд элэгний ферментүүд ихсэх (трансаминаз, гамма-GT), цусан дахь триглицеридийн хэмжээ ихсэх, биеийн температур нэмэгдэх

• Булчин араг ясны талаас: Ховор тохиолдолд үе өвдөх, маш ховор тохиолдолд булчин өвдөх

• Мэдрэлийн системийн талаас: толгой өвдөх, ховор тохиолдолд толгой эргэх, хараа өөрчлөгдөх,

• Сэтгэц: Маш ховор тохиолдолд сэтгэл гутрах

• Бөөр шээс ялгаруулах замаас: Маш ховор тохиолдолд бөөрний завсрын эдийн үрэвсэл

• Арьс болон арьсан доорх эдийн талаас: Ховор тохиолдолд арьсны тууралт, маш ховор тохиолдолд чонон хөрвөс, судасны гаралтай хаван, Стивен-Джонсоны хам шинж, олон төрөлт эритема, гэрэлд мэдрэгших гэх мэт

Тун хэтрэлт:

• Хүн дээр тун хэтэрсэний шинж тэмдэг бүртгэгдээгүй.

• Бэлдмэлийг 240мг хүртэл тунгаар 2 минутын турш судсанд тарьж хэрэглэхэд тэсвэржилт чанар хэвийн байдаг. Хэрэв тун хэтрэлтийн хордлогын шинж ажиглагдвал хордлого тайлах стандарт эмчилгээ хийнэ.

Хадгалалт: 25°С-ээс доош хэмд хуурай сэрүүн нөхцөлд гэрлээс хамгаалан хадгална.

Савлалт: Хайрцагтаа 1 туншил 40 мг идэвхтэй бодис агуулсан

Зөвхөн эмчийн жороор олгоно.

Үйлдвэрлэгч: PT. Otto Pharmaceutical Industries-PT.Pertiwi Agung, Indonesia