Стероид бус үрэвслийн эсрэг эмийн бэлдмэл

Целеби капсул

Найрлага: Нэг капсулд дараах найрлага агуулагдана.

100 мг капсулд:       Целекоксиб  100 мг

200 мг капсулд: Целекоксиб 200 мг

Хэрэглэх заалт

Целекоксибийг насанд хүрэгсдийн остеоартрит, ревматоид артрит, анкилозийн спондилитийн үед өвдөлт намдаах шинж тэмдгийн эмчилгээний зорилгоор хэрэглэнэ.

Сонгомол үйлдэлтэй cyclooxygenase-2 (COX-2)-ийн дарангуйлагчийг эмчилгээнд хэрэглэхдээ өвчтөний биемахбодийн хувийн онцлог эсрдэлийг харгалзан үзнэ.

Тугналт, хэрэглэх арга

1.    Тугналт

Целекоксибийг өндөр тунгаар удаан хугацаагаар эмчилгээнд хэрэглэх явцад зүрх-судасны системийн талаас гаж нөлөө гарах эрсдэлтэй тул аль болох бага тунгаар богино хугацаагаар эмчилгээнд хэрэглэнэ. Энэхүү эмийн бэлдмэлийг өвчтөний эмчилгээнд хэрэглэх хэрэгцээ шаардлага болон өвчтөний зовиур шаналгаа багасах, эмчилгээнд үр дүн өгч байгаа зэргийг хянах ялангуяа остеоартритийн үед тодорхой үечлэлтэй хянаж үнэлнэ.

1)    Хоногийн ердийн тун нь 200 мг-аар өдөрт 1 удаа ууж хэрэглэх эсвэл 200 мг –ийг 2 удаа хувааж  ууж хэрэглэх болно.  Хэрэв өвчтөний зовиур өвдөлт намжихгүй бол 200 мг тунгаар хоногт 2 удаа уулгаж эмчилгээнд хэрэглэхэд эмчилгээний үр дүн сайн байдаг. 2 долоо хоногийн эмчилгээний дараа эмчилгээний үр дүн хангалтгүй байвал эмчилгээний өөр хувилбарыг сонгох шаардлагатай.

2)    Ревматойд артрит

Эмчилгээний эхлэх тунг 200 мг-ийг хоногт 2 хувааж хэрэглэхээр заана. Цаашид тунг 200 мг-аар хоногт 2 удаа болгож нэмж болно.  2 долоо хоногийн эмчилгээний дараа эмчилгээний үр дүн хангалтгүй байвал эмчилгээний өөр хувилбарыг сонгох шаардлагатай.

3)    Анкилозийн спондилит

Хоногийн ердийн тун нь 200 мг-аар өдөрт 1 удаа ууж хэрэглэх эсвэл 200 мг –ийг 2 удаа хувааж  ууж хэрэглэж болно.  Зарим өвчтөнүүдэд өвчний шинж тэмдэг арилахгүй бол 400 мг-аар хоногт 1 удаа эсвэл энэ тунг 2 хувааж ууж хэрэглэхээр эмчилгээнд зөвлөнө. 2 долоо хоногийн эмчилгээний дараа эмчилгээний үр дүн хангалтгүй байвал эмчилгээний өөр хувилбарыг сонгох шаардлагатай.

Эмчилгээний дээд тун хоногт 400 мг-аас хэтрэх ёсгүй.

2.    Өвөрмөц тохиолдолд хэрэглэх тун, арга

1)    Өндөр настан (>65 нас)

Харьцангуй нас өндөр бус  хүмүүст хоногт 200 мг-аар эмчилгээг эхэлнэ. Хэрэв шаардлагатай гэж үзвэл тунг 200мг-р хоногт 2 удаа болгож өсгөж болно. 50 кг-аас бага жинтэй өндөр настнуудын эмчилгээнд болгоомжтой хэрэглэнэ.

2)    Хүүхдэд хэрэглэх нь

Целекоксибийг хүүхдийн эмчилгээнд хэрэглэхгүй.

3)    CYP2C9-ийг дутуу боловсруулах эмгэгтэй өвтөнүүд

CYP2C9-ийг дутуу боловсруулдаг бодисийн солилцооны эмгэг нь генотипийн шинжилгээгээр тогтоогдсон эсвэл өмнө нь ийм байх магадлалтай нь өвчний явцад мэдэгдсэн өвчтөнүүдэд Целекоксибийг эмчилгээнд болгоомжтой хэрэглэнэ. Энэ тохиолдолд тунгын хэмжээнээс хамаарч гаж нөлөө илэрнэ. Эдгээр өвчтөнүүдэд эмчилгээний хамгийн бага тунг 2 хувааж хэрэглэнэ.

4)    Элэгний гэмтэл

Сийвэн дэх Альбуминий хэмжээ 25-35г/л болж буурсан  хүндэвтэр элэгний эмгэгтэй өвчтөнүүдэд хоногийн тунг таллаж хэрэглэнэ. Элэгний хатууралтай өвчтөнүүдэд Целекоксибийг эмчилгээнд хэрэглэж байсан туршлага бага болно.

5)    Бөөрний эмгэг

Хүндэвтэр болон дунд зэргийн бөөрний эмгэгтэй өвчтөнүүдэд Целекоксибийг эмчилгээнд хэрэглэж байсан туршлага бага бөгөөд эдгээр өвчтөнүүдэд болгоомжтой хэрэглэнэ.

Хэрэглэх арга

Амаар ууж хэрэглэнэ.

Целекоксибийг хоолтой хамт эсвэл хоолноос хамааралгүй ууж хэрэглэнэ. Амаар ууж хэрэглэх боломжгүй, залгих чадваргүй өвчтөнүүдэд капсулыг задалж доторхи агууламжийг алимны шүүс, будааны зутан, тараг болон бананы нухшанд хийж уулгана. Энэ тохиолдолд капсул доторхи агууламжийг халбаганд хийж өрөөний температурт бүлээсгэсэн алимний шүүс, будааны зутан, тараг болон бананы нухшанд хийж уулгаад 240 мл усаар даруулна. Задалж алимний шүүс, будааны зутан, тараганд найруулсан эмийг хөргөгчинд буюу 2-8 хэмд 6 цаг хүртэл хадгалж хэрэглэж болно. Бананы нухшанд найруулсан эмийг хөргөгчинд хадгалж хэрэглэх боломжгүй бөгөөд найруулсны дараа шууд хэрэглэх шаардлагатай.

Хориглох заалт

Эмийн идэвхитэй найрлага болон бусад дагалдах найрлаганд орсон бодист хэт мэдрэг байх үед  хэрэглэхийг хориглоно.

-          Капсулийн найрлага: Лактоз гидрат, Натрийн лаурил   сульфат, повидон, натрийн кармелоз, магнийн стеарат.

-          Капсулийн бүрхүүлийн найрлага: Желатин, титаны диоксид, натрийн лаурил сульфат.

Сульфонамидад мэдрэг өвчтөнүүдэд хэрэглэхийг хориглоно.

Ходоодны шархлаа сэдэрсэн болон ходоод-гэдэсний замаас цус алдаж байгаа тохиолдолд хэрэглэхийг хориглоно.

Өмнө нь Ацетилсалицилийн хүчил, COX-2 болон бусад үрэвслийн эсрэг стеройдийн бус бэлдмэлүүдийг хэрэглэсний дараа багтраа өвчин, хамрийн салстын цочмог үрэвсэл, хамрын ургацаг, судас-мэдрэлийн гаралтай хаван, арьсны харшлын тууралт зэрэг харшлын урвал илэрч байсан өвчний түүхтэй өвчтөнүүдэд хэрэглэхийг хориглоно.

Жирэмсэн эсвэл жирэмсэн байх магадлалтай эхэд хэрэглэхийг хориглоно. 2 төрлийн амьтны урагт Целекоксиб нь ургын хөгжлийг дарангуйлдаг нь эмнэлзүйн туршилтаар тогтоогдсон. Жирэмсэн эхэд үзүүлэх эрсдэл нь тогтоогдоогүй боловч эрсдлийг үгүйсгэхгүй.

Хөхүүл эхэд хэрэглэхгүй.

Элэгний хүнд хэлбэрийн алдагдал, сийвэн дэх альбуминий хэмжээ >25г/л-ээс бага Чайлд-Пу-н үнэлгээгээр ≥ 10 онооноос бага тохиолдолд хэрэглэхийг хориглоно.

Бүдүүн гэдэсний үрэвсэл, зүрхний агчил бүхий дутагдал (NYHA-II-IV)-ын үед хэрэглэхийг хориглоно.

Креатининий клийрэнс 30 мл/мин–аас бага бөөрний дутагдалтай өвчтөнүүдэд хэрэглэхийг хориглоно. 

Зүрхний шигдээс, захын судасны эмгэг болон тархиний судасны эмгэгүүдийн үед хэрэглэхийг хориглоно.

Онцгой болгоомжлол болон анхааруулга

1.    Хоол боловсруулах замд үзүүлэх нөлөө

Хоол боловсруулах дээд болон доод замын эмгэгүүд тухайлбал: цоорол, шархлаа, цус алдалт үүсч өвчтөн амь насаа алдах эрсдэл нь Целекоксиб эмчилгээний үед тохиолдож байсан. Целекоксибийг хэрэглэх явцад хоол боловсруулах замын эмгэг үүсэх магадлалтай өндөр настан, бусад төрлийн үрэвслийн эсрэг стеройд бус бэлдмэл хавсарч хэрэглэж байгаа өвчтөнүүд, ацетилсалицилийн хүчил, глюкокортикоид, архи хэрэглэж байгаа өвчтөнүүд болон өмнө нь хоол боловсруулах замын эмгэг, шархлаа, цус алдалт үүсч байсан өвчний түүхтэй өвчтөнүүдэд болгоомжтой хэрэлэхийг онцгойлон зөвлөнө. Целекоксибийг ацетилсалицилийн хүчилтэй хавсарч хэрэглэж байх явцад тухайлбал: ацетилсалицилийн хүчлийн бага тунтай ч хавсарч хэрэглэсэн тохиолдолд ходоод–гэдэсний замын шархлаа болон бусад эмгэгүүд үүсэх эрсдэл өндөр байдаг. Гэхдээ COX2 дарангуйлагч+Ацетилсалицилийн хүчил болон стеройдын бус үрэвслийн эсрэг бэлдмэл+Ацетилсалицилийн хүчил гэсэн 2 төрлийн эмчилгээг удаан хугацаагаар хэрэглэхэд  ходоод–гэдэсний замд илрэх гаж нөлөөг харьцуулахад аюулгүйн талаас онцын их ялгаагүй болох нь судалгаагаар тогтоогдоогүй.

2.    Үрэвслийн эсрэг стеройд бус бэлдмэлтэй хавсарч хэрэглэх нь

Целекоксибийг аспириний бус үрэвслийн эсрэг стеройд бус бэлдмэлтэй (NSAIDS)  хавсарч хэрэглэхээс зайлсхийнэ.

3.    Зүрх-судасны системд үзүүлэх нөлөө

Аденоматозийн полип (Sporadic adenomatous polyps) өвчний үед Целекоксибийг удаан хугацаагаар 200 мг болон 400 мг тунгаар эмчилгээнд хэрэглэхэд зүрхний миокардийн шигдээс гэх мэт зүрхний ноцтой эмгэг үүсэх тохиолдол хяналтын бүлгийн өвчтөнүүдтэй харьцуулахад өндөр байсан. Зүрх–судасны эмгэг үүсэх эрсдэл нь тун болон эмчилгээний үргэлжлэх хугацаанаас хамаарах тул аль болох бага тунгаар богино хугацаанд эмчилгээг зөвлөнө. Шинж тэмдгийн эмчилгээ шаардлагатай өвчтөнүүдэд ялангуяа остеоартритийн үед хэрэглэхдээ өвчтөний хэрэгцээ болон эмчилгээний хариу урвалыг тодорхой давтамжаар дахин үнэлэх шаардлагатай. Зүрх–судасны эмгэг үүсэх эрсдэлтэй тухайлбал : даралт ихсэх, цусан дахь өөх тосны хэмжээ их, чихрийн шижин, архаг тамхичин зэрэг өвчтөнүүдэд Целекоксибийг эмчилгээнд хэрэглэхдээ болгоомжтой бодож тунгаасны дараа шийднэ. COX2 дарангуйлагч бэлдмэлийг зүрх–судасны тромб–эмболийн эмгэгүүдийн үед Ацетилсалицилийн хүчлийн оронд орлуулж хэрэглэхгүй. Целекоксиб нь тромбоцитийн бөөгнөрлийн эсрэг үйлдэлтэй нь тогтоогдоогүй бөгөөд тромбоцитийн бөөгнөрлийн эсрэг цус шингэлэх бэлдмэлийн эмчилгээг зогсоохгүй.

4.    Биед шингэн баригдах, хавагнах

Целекоксиб нь бусад простогландиний синтезийг дарангуйлдаг эмүүдийн адил биед шингэнийг барих, хаван үүсгэх үйлдэлтэй. Түүнчлэн, Целекоксибийг зүрхний дутагдал, зүүн ховдлын үйл ажиллагааны алдагдал, даралт ихсэх эмгэг, өмнө нь хавантай өвчтөнүүдэд болгоомжтой хэрэглэнэ.  Простогландинийг дарангуйлагч нь бөөрний үйл ажиллагаанд нөлөөлөх, биед шингэн хуримтуулах, хавах үүсгэх үйлдэлтэй тул энэ төрлийн бэлдмэлүүд тухайлбал Целекоксибийг дээр дурьдсан өвтөнүүдэд болгоомжтой хэрэглэнэ. Шээс хөөх бэлдмэл хэрэглэж байгаа өвчтөнүүдэд хавсарч хэрэглэвэл биеийн шингэний хэмжээ багасч гиповолеми үүсэх эрсдэлтэй тул болгоомжтой хэрэглэнэ.

5.    Даралт ихсэх

Бусад үрэвслийн эсрэг стеройд бус бэлдмэлүүдийн адил Целекоксибийн үед шинээр даралт ихсэх эсвэл даралт ихсэх эмгэг хүндрэх магадлалтай тул зүрх-судасны хүндрэл үүсгэх эрсдэлтэй.

Целекоксибийг эмчилгээнд хэрэглэхээс өмнө болон эмчилгээний явцад цусны даралтыг тогтмол хянах шаардлагатай.

6.    Элэг, бөөрөнд үзүүлэх нөлөө

Элэг, бөөрний үйл ажиллагаа буурсан ялангуяа зүрхний үйл ажиллагааны дутагдал илэрсэн  өндөр настан өвчтөнүүдийг биеийн байдлыг тогтмол хянана. Үрэвслийн эсрэг стеройд бус бэлдмэлүүд нь (NSAIDs) , тухайлбал Целекоксиб нь бөөр гэмтээх үйлдэлтэй. Эмнэлзүйн судалгаагаар Целекоксиб нь бусад үрэвслийн эсрэг стеройд бус бэлдмэлүүдийн (NSAIDs) адил бөөр гэмтээх үйлдэлтэй нь тогтоогдсон. Бөөрний дутагдал, зүрхний дутагдал,элэгний үйл ажиллагаа алдагдсан өвчтөнүүд, шээс хөөх бэлдмэл болон АСЕ дарангуйлагч, Ангиотензин II рецепторын антагонист, өндөр настан өвчтөнүүдэд бөөр гэмтэх эрсдэл өндөр болно. Эдгээр өвчтөнүүдэд Целекоксибийг эмчилгээнд хэрэглэж байх явцад өвчтөний биеийн байдлыг анхааралтай хянана. Целекоксиб эмчилгээний явцад өвчтөний амь насанд аюултай, үхэлд хүргэх элэгний хүнд хэлбэрийн эмгэг,цахилгаан явцтай элэгний үрэвсэл, элэгний некроз, элэгний дутагдал үүссэн, үүнээс шалтгаалж өвчтөний амь нас эрсдэх, элэг шижлүүлэн суулгах шаардлага гарсан тохиолдлууд мэдээлэгдсэн байна. Дээрхи хүнд хэлбэрийн элэгний эмгэгүүд нь Целекоксибаар эмчилгээ эхэлснээс хойш1 сарын дараа үүсч байсан байна.        

Эмчилгээний явцад дээр дурьдсан хүндрэлүүд илэрвэл яаралтай арга хэмжээ авах бөгөөд Целекоксиб эмчилгээг зогсооно.

7.    CYP2D6-г дарангуйлах нь

Целекоксиб нь CYP2D6-г дарангуйлдаг. Целекоксиб нь энэхүү ферментийг хүчтэй дарангуйлахгүй ч CYP2D6-р задардаг эмийн бэлдмэлүүдийн тунг багасгах шаардлагатай.

8.    CYP2С9-ийг муу боловсруулдаг өвчтөнүүд

CYP2С9-ийг муу боловсруулдаг өвчтөнүүдэд Целекоксибийг болгоомжтой хэрэглэнэ.

9.    Арьсны харшил болон биеийн ерөнхий хэт мэдрэгшил

Амь насанд аюултай арьсны харшил, эксфолиатив дерматит, Стивен-Жонсоны хамшинж, хоруу чанартай эпидермал некролиз зэрэг эмгэгүүд маш ховор тохиолдоно. Өвчтөнүүдэд дээрхи хүндрэлүүд үүсэх эрсдэл нь Целекоксиб эмчилгээ эхэлсэн эхлэл үед өндөр байх бөгөөд эмчилгээ эхэлснээс хойшхи эхний 1 сард голдуу тохиолдоно.Түүнчлэн, Целекоксиб эмчилгээний явцад анафилакси, ангиоедема, эмийн харшлын тууралт-эозинофиль-системийн өөрчлөлт (DRESS) зэрэг харшлын урвалууд тохиолдож байсан. Сульфонамидийн харшил эсвэл бусад эмийн харшилтай өвчтөнүүдэд хэт мэдрэг урвал үүсэх эрсдэл өндөр болно. Арьсны тууралт, салст бүрхүүл үрэвсэж хуурах болон бусад харшлын урвал илэрвэл Целекоксиб эмчилгээг зогсооно.

10. Ерөнхий болгоомжлол

Целекоксиб нь халуурах, үрэвсэл зэрэг эмгэгүүдийн илрэлийг нуун дарагдуулах боломжтой.

11. Амаар ууж хэрэглэх антикоагулянт буюу цус шингэлэх эмүүдтэй хавсарч хэрэглэх нь

Варфаринтай хавсарч хэрэглэсэн тохиолдолд амь насанд аюултай цус алдалт үүсэх магадлалтай. Энэ тохиолдолд протромбиний хугацаа уртасдаг. Ийм учраас варфарин/коумариний төрлийн эмүүдтэй хавсарч хэрэглэх явцад Целекоксиб эмчилгээ эхэлсэн болон тунг сольсон үед протромбиний хугацааг анхааралтай хянана. Цус шингэлэх бэлдмэлүүдийг үрэвслийн эсрэг стеройд бус эмүүдтэй хавсарч хэрэглэх тохиолдолд цус алдах эрсдэл өндөрсөнө. Целекоксибийг варфарин болон орчин үеийн бусад цус шингэлэх бэлдмэлүүд жишээлбэл: апиксабан, дабигатран, ривароксабан зэрэг эмүүдтэй хавсарч хэрэглэхдээ болгоомжтой хэрэглэнэ.

12. Бусад дагалдах найрлага

Целекоксибийн 100 мг , 200 мг бэлдмэлд лактоз агуулагдана. Удамшлын ховор эмгэгүүд болох галактозыг боловсруулдаггүй, лактозод тэсвэргүй байдал, Лапп лактозын дутмагшил, глюкоз–галактозыг шимэгдүүлдэггүй өвчтөнүүдэд Целекоксибийг эмчилгээнд хэрэглэхгүй.

Эмийн харилцан үйлчлэл болон бусад харилцан үйлчлэл

1.    Фармакодинамикийн харилцан үйлчлэл

1)    Цус шингэлэх бэлдмэлүүд

Варфарин болон бусад цус шингэлэх эмүүдтэй хавсарч хэрэглэж байх явцад цус алдах эрсдэл өндөр тул эмчилгээний эхний хэдэн өдөр болон тун сольсны дараа цус бүлэгнэлтийг тогтмол хянана. Өвчтөний протромбиний хугацааг эмчилгээ эхэлсэн эхний өдрүүд болон тун сольсны дараа хянах шаардлагатай. Өндөр настай өвчтөнүүдэд, варфарин хавсарч хэрэглэж байгаа өвчтөнүүдэд  протромбиний хугацаа ихсэж цус алдах, амь насад заналхийлэл үүсэх тохиолдол тэмдэглэгдсэн.

2)    Даралт буулгах бэлдмэлүүд

Целекоксиб нь АСЕ дарангуйлагч, ангиотензин II рецепторын антагонист, шээс хөөх бэлдмэлүүд, бета блокеруудын даралт буулгах үйлдлийг бууруулдаг. Бөөрний хөнгөн хэлбэрийн эмгэгтэй өвчтөнүүдэд Үрэвслийн эсрэг стеройд бус бэлдмэл, Целекоксибийг даралт буулгах бэлдмэлүүд болох АСЕ дарангуйлагч, ангиотензин II рецепторын антагонист, шээс хөөх бэлдмэлүүдтэй хавсарч хэрэглэхэд бөөрний хурц дутагдал үүсэх магадлалтай бөгөөд энэхүү хүндрэл нь засрах боломжтой. Гэхдээ өндөр настнуудад дээрхи эмчилгээг болгоомжтой хийнэ. Даралт буулгах эмчилгээг хавсарч хэрэглэж эхэлсэн үед болон хавсарсан эмчилгээг зогсоосны дараа бөөрний үйл ажиллагааг хянах шаардлагатай бөгөөд өвчтөнд шингэн сайн сэлбэх шаардлагатай. I болон II зэргийн даралт ихсэх эмгэгтэй  өвчтөнүүдэд Лизиноприл эмчилгээг 28 өдрийн турш эмчилгээнд  200 мг Целекоксибтай хавсарч хэрэглэн эмнэлзүйн судалгаа хийхэд  хяналтын бүлгийн өвчтөнүүдтэй харьцуулахад өдрийн дундаж систол, диастолын даралтыг 24 цагын турш амбулаторийн нөхцөлд хянахад дээрхи хавсарсан эмчилгээнээс шалтгаалсан илэрхий өөрчлөлт илрээгүй. 200 мг Целекоксибийг эмчилгээнд хэрэглэж байсан өвчтөнүүдийн 48% -д нь Лизиноприлээс шалтгаалж даралт өөрчлөгдөөгүй. Дээрхи 48% өвчтөнүүдэд эмчилгээний сүүлийн өдөр  цусны даралтыг бугуйнд хэмжиж үзэхэд диастолын даралт 90mmHg эсвэл 10%-иар л ихэссэн үр дүн гарсан нь хяналтын бүлгийн өвчтөнүүдийн 27% -тай харьцуулахад илэрхий ялгаатай болно.

3)    Циклоспорин, такролимус

Целекоксиб болон үрэвслийн эсрэг стеройд бус бэлдмэлүүдийг (NSAID’s) такролимус болон циклоспоринтай хавсарч хэрэглэхэд такролимус эсвэл циклоспориний бөөр гэмтээх үйлдэл нэмэгдэнэ. Целекоксибийг эдгээр эмүүдтэй хавсарч хэрэглэж байх явцад бөөрний үйл ажиллагааг хянах шаардлагатай.

4)    Ацетилсалицилийн хүчил болон Целекоксибийг бага тунгаар хавсарч хэрэглэх бөгөөд энэ нь зүрх-судасны эмгэгээс сэргийлэх зорилгоор ууж хэрэглэх орлуулах эмчилгээ болохгүй. Судалгаагаар Целекоксиб болон үрэвслийн эсрэг стеройд бус бэлдмэлүүдийг (NSAID’s) ацетилсалицилийн хүчлийн бага тунтай хавсарч хэрэглэхэд ходоод-гэдэсний замд шархлаа үүсэх болон хоол боловсруулах замд бусад эмгэг үүсэх эрсдэл нь Целекоксибийг дангаар хэрэглэснээс илүү болно.

2.    Фармакодинамик харилцан үйлчлэл

1)    Целекоксибийн бусад эмд үзүүлэх нөлөө

CYP2D6-г дарангуйлах нь

Целекоксиб нь CYP2D6-г дарангуйлагч. Целекоксибийг хавсарч хэрэглэхэд энэхүү ферментийн задалдаг эмийн бодисуудын сийвэн дэхь концентрацийн хэмжээ ихсэнэ.  CYP2D6-р задардаг эмүүдэд сэтгэл гутралын эсрэг эмүүд (tricyclics, SSRIs), нейролептикүүд, зүрхний хэм алдагдлын эсрэг эмийн бэлдмэлүүд орно. Целекоксиб эмчилгээг эхлэх, тунг нэмэх, эмчилгээг зогсоох тохиолдолд CYP2D6-р задардаг эмүүдийн тунг бууруулах, тунг тохируулах шаардлагатай. Целецоксибийг 200 мг тунгаар хоногт  2 удаа эмчилгээнд хэрэглэж байх явцад Декстрометорфан болон Метопрололын концентраци 2.6 болон 1.5 дахин тус тус ихэсдэг. Үүний шалтгаан нь Целекоксиб нь CYP2D6-р задардаг эмийн бэлдмэлүүдийн бодисийн солилцоо, задралыг CYP2D6-г дарангуйлах замаар сааруулдагт оршино.

CYP2C19-г дарангуйлах нь

Судалгаагаар Целекоксиб нь CYP2C19-н бодисийн солилцоог дарангуйлдаг нь тогтоогдсон. CYP2C19-р задардаг эмүүдэд Диазепам, Циталопрам, Имипрамин багтана.

Метотрексат

Ревмотойд артрит, үений үрэвслийн үед Целекоксибийг Метотрексаттай хавсарч хэрэглэхэд метотрексатийн фармакокоинетикт илэрхий нөлөөлдөггүй нь (сийвэн болон бөөрнөөс ялгарах) тогтоогдсон. Гэхдээ хавсарч хэрэглэж байх явцад Метотрексатын хоруу чанарыг хянах шаардлагатай.

Лити

Эрүүл хүнд Целекоксибийг 200 мг тунгаар хоногт 2 удаа, Литийг 450 мг тунгаар хоногт 2 удаа хавсарч хэрэглэхэд Литийн C_max 16%-иар, AUC нь 18%-иар ихэссэн байна. Түүнчлэн, Целекоксибийг эмчилгээнд хэрэглэж эхлэх болон эмчилгээнээс хасах үед Литийн эмчилгээг нарийн хянах шаардлагатай.

Амаар ууж хэрэглэх жирэмснээс хамгаалах бэлдмэлүүд

Целекоксиб нь амаар ууж хэрэглэх жирэмснээс хамгаалах бэлдмэлийн фармакокинетикт (1 мг Норэтистерон, 35 мкг Этинилэстрадиол) нөлөө үзүүлэхгүй нь судалгаагаар тогтоогдсон.

Глибенкламид/Толбутамин

Целекоксиб нь Глбенкламид болон толбутаминий фармакокинетикт нөлөөлөхгүй.

2)    Бусад эмүүд Целекоксибт нөлөөлөх нь

CYP2C9-н бодисийн солилцоо дутмаг, Целекоксибт системийн хэт мэдрэг өвчтөнүүдэд CYP2C19-г дарангуйлагч бэлдмэлүүд болох Флуконазолийг хавсарч хэрэглэхэд Целекоксибийн концентраци нэмэгдэнэ. Ийм учраас CYP2C9-н бодисийн солилцоо дутмаг өвчтөнүүдэд хавсарсан эмчилгээ хийхийг хориглоно.

CYP2C9-г дарангуйлагч болон эрчимжүүлэгчид

Целекоксиб нь CYP2C9-р задардаг тул Флуконазолыг эмчилгээнд хавсарч хэрэглэж байх явцад Целекоксибийг тал тунгаар хэрэглэнэ. Целекоксиб 200 мг, хоногт 1   удаа болон Флуконазол 200 мг хоногт 1 удаа тунгаар хавсарч эмчилж байх явцад Флуконазол нь CYP2C9-ийг дарангуйлагч тул Целекоксибийн C_max  60%-иар, AUC 130%-иар ихэснэ. Эсрэгээрээ CYP2C9-ийг эрчимжүүлэгч болох Рифампицин, Карбамазепин, Барбитуратыг хавсарч хэрэглэхэд Целекоксибийн сийвэн дэх концентраци буурна.

Кетоконазол, ходоодны шүүрэл бууруулах бэлдмэлүүд

Кетоконазол эсвэл ходоодны шүүрэл бууруулах бэлдмэлүүд нь Целекоксибийн фармакокинетикт нөлөөлдөг нь судалгаагаар тогтоогдоогүй.

3)    Хүүхдэд хэрэглэх нь

Целекоксибийн бусад эмийн харилцан үйлчлэлийн судалгааг зөвхөн насанд хүрэгсдэд хийсэн болно.

Үр тогтолт, жирэмслэлт болон хөхүүл эх

1.    Жирэмсэн эхэд хэрэглэх нь

Амьтан (харх, туулай) дээр хийсэн судалгаагаар урагт хоруу чанартай, ургийн хөгжлийг дарангуйлдаг нь тогтоогдсон. Простагландиний синтезийг дарангуйлах нь жирэмсэн эхэд муугаар нөлөөлнө. Тархвар зүйн судалгаагаар простагландиний синтезийг жирэмсний эрт үед дарангуйлах нь зулбах эрсдлийг нэмэгдүүлдэг гэж тогтоогдсон байна. Жирэмсэн эхэд үзүүлэх сөрөг нөлөө нь тогтоогдоогүй боловч эрсдлийг үгүйсгэхгүй. Целекоксиб болон бусад простагландиний синтезийг дарангуйлдаг эмүүд нь  жирэмсний сүүлийн 3 сард умайн хүчийг бууруулах, ургын ductus arteriosus-г эрт хаагдахад хүргэх сөрөг нөлөөтэй. Целекоксибийг жирэмсэн болон жирэмсэн байх магадлалтай эхэд хэрэглэхийг хориглоно. Эмчилгээний явцад жирэмсэлсэн тохиолдолд Целекоксибийг эмчилгээнээс хасна.

2.    Хөхүүл эхэд хэрэглэх нь

Целекоксиб нь хархны хөхний сүүнд сийвэнд байдаг концентрацитай ижил хэмжээгээр ялгардаг нь тогтоогдсон. Цөөн тооны эхэд хийсэн судалгаагаар Целекоксиб нь хөхний сүүтэй маш бага ялгардаг нь тогтоогдсон. Целекоксибийг эмчилгээнд ууж хэрэглэж байх явцад нярайг хөхөөр хооллохыг хориглоно.

3.    Үр тогтолт

Үйлдлийн механизмийг нь авч үзвэл Целекоксиб болон үрэвслийн эсрэг стеройд бус бэлдмэлүүд нь (NSAID’s) өндгөвчинд  фоликул салах процессийг удаашруулах, урьдчилан сэргийлэх үйлдэлтэй тул эмэгтэйчүүдэд үргүйдэл үүсгэх нөлөөтэй.

Машин жолоодох болон тоног төхөөрөмжин дээр ажиллаж байхад үзүүлэх нөлөө

Целекоксибийг уугаад машин барих үед толгой эргэх, нойрмоглодог өвчтөнүүд машин жолоодох, тоног төхөөрөмжин дээр ажиллахаас зайлсхийх шаардлагатай.

Гаж нөлөө

Гаж нөлөөг эрхтэн системээр нь ангилах бөгөөд доорхи эх үүсвэрээс авсан мэдээллээр 1-р хүснэгтэд тусгав.

Ø  12 долоо хоногийн хугацаагаар 100 мг-аас 850 мг хүртэл хоногийн тунгаар  Целекоксибийг эмчилгээнд хэрэглэж Плацебо болон Идэвхитэй хяналтын эмнэлзүйн 12 судалгааг хийж үзэхэд  Остеоартрит, ревматоид артритаар өвчилсөн өвчтөнүүдэд илрэх гаж нөлөөний давтамж нь Плацебо бүлэгтэй харьцуулахад 0,01% болон түүнээс илүү давтамжтай байсан. Нэмэлт судалгаагаар, сонгомол бус үйлдэлтэй үрэвслийн эсрэг стеройд бус бэлдмэлийг сонгож 7400 үений үрэвсэлтэй өвчтөнүүдэд 800 мг хүртэл хоногийн тунгаар Целекоксибийг эмчилгээнд хэрэглэж, 2300 өвчтөнд 1 жил болон түүнээс дээш хугацаагаар эмчилгээг хийж харьцуулсан судалгаа хийсэн.  Энэ тохиолдолд ревматойд артрит, болон остеоартрит эмгэгтэй өвчтөнүүдэд илрэх гаж нөлөө нь Хүснэгт 1-д тусгасан гаж нөлөөнүүдтэй адил байсан.

Ø  Ургацагаас сэргийлэх зорилгоор Целекоксибийг 400 мг/хоног тунгаар 3 жил хүртэл удаан хугацаагаар эмчилгээнд хэрэглэхэд илрэх гаж нөлөө нь плацебо бүлэгтэй харьцуулахад өндөр байгаа тохиолдлууд (Целекоксибийг эмчилгээнд Аденомагаас урьдчилан сэргийлэх, Шулуун гэдэсний тархмал ургацагаас сэргийлэх зорилгоор эмчилгээнд хэрэглэсэн туршилт, тархмал ургацагаас сэргийлэх зорилгоор эмчилгээнд хэрэглэж байх явцад зүрх-судасны системд эрсдэл үүсэхгүй, аюулгүй байдал)

Ø  70 сая гаруй өвчтөнүүдэд тодорхой хугацаагаар Целекоксибийг эмчилгээнд хэрэглэж зах зээлд нэвтрүүлсний дараахь судалгаа хийж гаж нөлөөг бүртгэсэн (янз бүрийн тун, хугацаа, хэрэглэх заалтаар). Гарсан гаж нөлөөнүүдийг зах зээлд   нэвтрүүлсний дараахь     гаж нөлөөний мэдээлэлд бүртгэж авч туршилтын тоог гаж нөлөөг үнэлэх зорилгоор хэлэлцэж дүгнэсэн. Давтамжийг 38,102 өвчтөнүүдэд илрэх гаж нөлөөг мета анализыг үндэслэж үнэлсэн.

Хүснэгт 1

Целекоксибийн эмнэлзүйн туршилт болон ажиглалтаар илэрсэн гаж нөлөө

(MedDra preferred terms)

 Шулуун гэдэсний хоргүй ургацаг , тархмал ургацгаас (APC – Adenoma Prevention with Celecoxib and PreSAP-Prevention of Colorectal Sporadic Adenomatous Polyps)  сэргийлэх зорилгоор Целекоксибийг 400 мг/хоног тунгаар 3 жил хүртэл удаан хугацаагаар эмчилгээнд хэрэглэж гаж нөлөөг судлахад зүрхний шигдээс үүсэх давтамж плацебо бүлэгтэй харьцуулбал 1000 өвчтөнд 7,6 тохиолдол байсан нь элбэг бус гаж нөлөө гэж тодорхойлогдсон. Түүнчлэн тархинд цус харвах гаж нөлөө илрээгүй.

Тун хэтрэх

Тун хэтэрсэн тохиолдол бүртгэгдээгүй. Эрүүл хүнд өдөрт 1200 мг-аар нэг удаа эсвэл 1200 мг-р өдөрт 2 удаа 9 хоногийн турш уулгаж хэрэглэхэд  гаж нөлөө илрээгүй. Тун хэтэрсэн тохиолдолд эмнэлгийн тусламж яаралтай үзүүлэх шаардлагатай. Энэ үед ходоод угаах, өвчтөний биеийн ерөнхий байдлыг хянах, шаардлагатай үед бусад шинж тэмдгийн эмчилгээ хийх хүртэл арга хэмжээ авна. Целекоксиб нь уурагтай хялбар холбогдох тул диализ эмчилгээ хийх нь үр дүнгүй байдаг.

Хадгалах нөхцөл

15-30 хэмд таглаатай хадгална.

Хадгалах хугацаа

Үйлдвэрлэснээс хойш 36 сар хадгална.

Савлагаа

30 эсвэл 100 капсулаар бортгон саванд савласан. Түүнчлэн, 10 капсул нь 10 блистер бөгөөд 1 хайрцганд 10 блистерээр савлагдсан.

Үйлдвэрлэгч:

Nexpharm Korea Co.,Ltd

168-41, Osongsaenmyeong 4-ro, Osong-eup,Heungdeok-gu, Cheongju-si, Chungcheongbuk-do, Korea.