ВитВКейр (VitBCare)

Витамин В комплекс тарилга

Зөвхөн жороор олгоно.

Эмийн бэлдмэлийг хэрэглэхээс өмнө савлагаан доторх эм хэрэглэх зааврыг бүрэн уншаарай.

Савлагаан доторх эм хэрэглэх зааврыг хадгалаарай. Танд түүнийг дахин унших шаардлага гарч болно.
Хэрэв танд ямар нэгэн нэмэлт асуулт байвал эмчлэгч эмч эсвэл эм зүйчид хандана.
Уг бэлдмэлийг зөвхөн танд зориулж бичсэн. Шинж тэмдэг нь таныхтай адил байсан ч бусдад дамжуулж болохгүй. Учир нь тэдэнд хортой нөлөө үзүүлж болно.
Хэрэв ямар нэгэн гаж нөлөө хүнд явцтай болбол эсвэл уг савлагаан доторх эм хэрэглэх зааварт тэмдэглэгдээгүй ямар нэгэн гаж нөлөө илэрвэл эмчлэгч эмч эсвэл эм зүйчид мэдэгдээрэй.

Савлагаан доторх эм хэрэглэх зааварт

ВитВКейр Витамин В комплекс тарилга гэж юу вэ? Түүнийг юунд хэрэглэдэг вэ?
ВитВКейр Витамин В комплекс тарилгыг хэрэглэхээс өмнө та юу анхаарах вэ?
ВитВКейр Витамин В комплекс тарилгыг яаж хэрэглэх вэ?
Илэрч болох гаж нөлөө
ВитВКейр Витамин В комплекс тарилгыг яаж хадгалах вэ?
Нэмэлт мэдээлэл

ВитВКейр Витамин В комплекс тарилга гэж юу вэ? Түүнийг юунд хэрэглэдэг вэ?

ВитВКейр нь бүх В бүлгийн витаминуудын нэгдэл юм. В витамины бүрдэлд агуулагдах витаминууд нь өсөлт, хөгжил болон биеийн бусад олон үйл ажиллагаанд зайлшгүй шаардагддаг.

Тэд мөн бие махбод дахь химийн урвалыг зохицуулдаг фермент, уургийн идэвхэд гол үүрэг гүйцэтгэдэг бөгөөд энэ нь хоол хүнсийг энерги болгон хувиргахад чухал үүрэг гүйцэтгэдэг.

В бүлгийн витаминууд нь мэдрэлийн системийг дэмжих, эсийн хэвийн үйл ажиллагаа, бодисын солилцоог нэмэгдүүлэх зэрэгт чухал үүрэг гүйцэтгэнэ.

ВитВКейр бэлдмэлийг ихэвчлэн ядаргаа, арьсны үрэвсэл, сэтгэл гутрал, хайрст үлд, цус багадалтыг эмчлэхэд ашигладаг ба ууж хэрэглэдэг витаминыг хэрэглэх эсвэл шингээхэд хүндрэлтэй байгаа хүмүүст тустай.

В12 тарилга нь энерги ба бодисын солилцоог нэмэгдүүлэхэд тусалдаг ба түүний гаж нөлөө нь жин багасах юм!

В12-ийн тарилгыг тогтмол дасгал хөдөлгөөн, илчлэгийн хязгаарлалттай хослуулан хэрэглэвэл хүмүүст жингээ хурдан багасгахад тусалдаг.

ВитВКейр Витамин В комплекс тарилгыг хэрэглэхээс өмнө та юу анхаарах вэ?

ВитВКейр бэлдмэлийг дараах өвчтөнд хэрэглэхийг цээрлэнэ.

Цусан дахь калийн хэмжээ бага хүмүүс
Удамшлын гаралтай Леберийн нүдний мэдрэлийн эмгэг
Ходоодны хатангиршилт үрэвсэл гэж нэрлэдэг ходоодны үрэвсэл
Ходоодоо бүрэн авхуулсан өгүүлэмжтэй хүмүүс

Эмийн харилцан үйлчлэл

Ихэнх тохиолдолд витамин В нь бусад эмүүдтэй сөрөг харилцан үйлчлэлд ордоггүй. Гэсэн хэдий ч зарим эм нь В витамины дутагдлыг нэмэгдүүлж болно.

Хэрэв та дараах бэлдмэлийн аль нэгийг хэрэглэж байгаа бол ВитВКейр бэлдмэлийг хэрэглэхээсээ өмнө эмчлэгч эмчтэйгээ зөвлөх хэрэгтэй.

анисиндион
бортезомиб
капецитабин
цефтибутен
цефалексин
цефрадин
холестирамин
колесевелам
колестипол
дикумарол
фторурацил
мараликсибат
одевиксибат
орлистат
пафолацианин
севеламер
варфарин

Жирэмсэн ба хөхүүл үе

ВитВКейр бэлдмэлийг жирэмсэн ба хөхүүл үед хэрэглэж болно. В витамин нь жирэмсэн эсвэл хөхүүл эмэгтэйчүүдэд онцгой ач холбогдолтой. Эдгээр витамин нь ургийн тархины хөгжлийг дэмжих ба тэдгээр нь төрөлхийн гаж хөгжил үүсэх эрсдэлийг бууруулдаг.

В витамин нь энергийн түвшинг зохицуулах, дотор муухайралтыг хөнгөвчлөх, манас таталтын урьдал үе үүсэх эрсдэлийг бууруулахад тусалж болно.

Жолоо барих ба машин механизмтай ажиллах үед

ВитВКейр бэлдмэл нь таны жолоо барих эсвэл машин механизмтай ажиллах чадварт нөлөөлөхгүй.

Анхааруулга ба болгоомжлол

Хэрэв та уг бэлдмэлд болон бусад ямар нэгэн бэлдмэлд харшилтай бол витамин В комплексыг хэрэглэхийн өмнө эмчлэгч эмчтэйгээ ярилцах хэрэгтэй. Бүтээгдэхүүн нь хэт их хэмжээний зарим идэвхгүй бүрэлдэхүүн хэсгүүд агуулж болох ба эдгээр нь ноцтой харшлын урвал үүсгэж болно.

ВитВКейр бэлдмэлийг хэрэглэх үед маш ноцтой харшлын урвал илрэх нь ховор байна. Гэвч хэрэв танд харшлын ноцтой урвалын ямар нэгэн шинж ажиглагдвал яаралтай эмнэлгийн тусламжид хандах хэрэгтэй. Ийм шинжид тууралт гарах, загатнах/хавагнах (ялангуяа нүүр/хэл/хоолой), толгой хүчтэй эргэх, амьсгалахад хүндрэлтэй болох шинж орно. Энэ нь илэрч болох гаж нөлөөний бүрэн жагсаалт биш.

ВитВКейр Витамин В комплекс тарилгыг яаж хэрэглэх вэ?

Булчинд эсвэл судсанд тарьж хэрэглэнэ.

Хэрэглэх бүрдээ 1 ампулыг (2мл) эсвэл эмчийн зааврын дагуу хэрэглэнэ.

Тунг мартаж өнгөрөөх

Хэрэв та ВитВКейр тогтмол хуваарийн дагуу хэрэглэх бөгөөд тунг мартаж өнгөрөөсөн бол түүнийг санасан даруйдаа хэрэглэнэ.

Хэрэв дараагийн тунг хэрэглэх хугацаа ойр байвал мартаж өнгөрөөсөн тунг алгасна.

Дараагийн тунг ердийн хугацаанд нь хэрэглэнэ. Мартаж өнгөрөөсөн тунг нөхөхийн тулд тунг давхарлаж хэрэглэхгүй.

Тун хэтрэлт

Витамин В бэлдмэлийг маш их тунгаар хэтрүүлэн хэрэглэх нь элэгний гэмтэл, шарлалт, ходоодны шархлаа үүсэх шалтгаан болно.

Түүнчлэн нүүр ба цээжний хэсэгт загатнах болон бадайрах, халуун оргих, маш хүчтэй толгой эргэх зэрэг “Ниацины улайлт” гэж нэрлэгддэг ердийн гаж нөлөө илэрдэг.

Хэрэв хэн нэг нь тун хэтрүүлэн хэрэглэсэн болон ухаан алдах, амьсгалахад хүндрэлтэй болох зэрэг ноцтой шинж илэрвэл эмчлэгч эмчдээ яаралтай мэдэгдэх хэрэгтэй.

Илэрч болох гаж нөлөө

Ходоодны хөнгөн хэлбэрийн хямрал эсвэл улайх шинж илэрч болно. Эдгээр шинж нь түр зуурын шинжтэй байдаг бөгөөд таны бие махбод уг бүтээгдэхүүнд дасан зохицоход арилдаг.

Хэрэв доорх жагсаалтад байгаа гаж нөлөөний аль нэг нь ноцтой болох эсвэл уг савлагаан доторх эм хэрэглэх зааварт тэмдэглэгдээгүй гаж нөлөө илэрвэл эмчлэгч эмч эсвэл эм зүйчид мэдэгдэх хэрэгтэй.

Тарьсан хэсэг улайх, өвдөх
Бага зэргийн суулгалт
Бүх бие хавагнах эсвэл загатнах мэдрэмж
Цусан дахь сахарын хэмжээ өндөр болох
Бөөлжих
Арьс улайх

ВитВКейр Витамин В комплекс тарилгыг яаж хадгалах вэ?

Хүүхэд үзэж хүрэхээргүй газар хадгална.
25°С-аас (77°F) дээш хэмд хадгалж болохгүй. Үйлдвэрийн савлагаанд нь гэрлээс хамгаалж хадгална.
Савлагаан дээр заасан хүчинтэй хугацаа дууссанаас хойш ВитВКейр бэлдмэлийг хэрэглэж болохгүй.
Бүтээгдэхүүнийг хэрэглэхийн өмнө харж шалгах хэрэгтэй. Ямар нэгэн хатуу хэсэг ажиглагдах эсвэл өнгө өөрчлөгдсөн бол ВитВКейр бэлдмэлийг хэрэглэхгүй.