Курефен сироп

(Дексибупрофен)

            Найрлага: 1 уутанд (6мл):

Идэвхтэй бодис:

Дексибупрофен (КР) 72мг

Тогтворжуулагч бодис: Натрийн бензоат  (КР) 0.30мг

Метил Парагидроксибензоат (КР)   0.18мг

Пропил Парагидроксибензоат(КР) 0.12мг  

Дүрслэл

Хөнгөн цагаан цаасан уутанд савласан цагаан буюу цайвар шаргал өнгийн гүзээлзгэнийн амттай, сироп.

Үйлдлийн үр нөлөө:

Амьсгалын дээд замын цочмог халдварын үед халуун бууруулах үйлдэл үзүүлнэ.

Хэрэглэх арга, тун

6 сар  болон түүнээс дээш сартай хүүхдэд 0.4-0.6 мл/кг (5-7 мг/кг дексибупрофен) тунгаар  1 удаа хэрэглэх ба шаардлагатай бол 4-6 цагийн зайтай хэрэглэх бөгөөд хоногт 4-с олон удаа хэрэглэж болохгүй (28мг/кг).

30 кг хүртлэх жинтэй хүүхдэд хэрэглэх хоногийн  дээд тун нь 25 мл (300мг дексибупрофен) байна.

                                                   Биеийн жин (кг) х (5-7мг)/кг

Нэг (мл) тунгийн тооцоолол: ------------------------------------

                                                            12мг/мл  

Бэлдмэлийн 1 удаагийн тунг дараах хүснэгтэнд үзүүлсний дагуу нас болон биеийн жинд тоооцож (хэрэв тодорхой бол биеийн жингээр нь тооцох нь илүү тохиромжтой) хэрэглэж болно.

Амьсгалын дээд замын цочмог халдварын улмаас халуурсан (38^°С-аас дээш) хүүхдэд (N=252) бэлдмэлийг 5 мг/кг, 7мг/кг-аар бэлдмэлийг хэрэглэсэн эмнэл зүйн судалгаагаар 7мг/кг тунгаар  хэрэглэсэн бүлгийн хүүхдийн халуун 5 мг/кг-аар хэрэглэсэн бүлгийнхээс илүү буурах хандлагатай байсан боловч энэ нь статистикын хувьд ач холбогдолгүй байсан байна.

Хэрэглэх үеийн болгоомжлол

2. Дараах өвчтэй хүмүүст хэрэглэхийг хориглоно:

1)    Идэгдмэл  шархлаатай өвчтөн

2)    Цусны хүнд явцтай эмгэгтэй өвчтөн

3)    Элэгний хүнд явцтай эмгэгтэй өвчтөн

4)    Бөөрний хүнд хэлбэрийн эмгэгтэй өвчтөн

5)    Зүрхний хүнд хэлбэрийн дутагдалтай өвчтөн

6)    Хүнд явцтай цусны даралт ихсэх өвчтэй хүмүүс

7)    Бэлдмэлийн найрлага дахь бүрэлдэхүүн хэсгүүдэд хэт мэдрэг өвчтөн

8)    Бронхийн багтраатай буюу багтрааны өгүүлэмжтэй өвчтөн

9)    Аспирин болон стеройд бус үрэвслийн эсрэг бусад бэлдмэл (СБҮЭБ) хэрэглэсний улмаас багтраа, тууралт, харшлын урвал илэрсэн өгүүлэмжтэй өвчтөн (ЦОГ-2 саатуулагчийг оруулаад) (эдгээр өвчтөнд СБҮЭБ хэрэглэсний дараа амь насанд аюултай анафилаксийн урвал илэрсэн цөөн тохиолдлын талаар мэдээлэгдсэн байдаг)

10)  Титэм судас холбох хагалгаа (CABG)-ны өмнөх болон дараах өвчин намдаах эмчилгээнд тус тус хэрэглэхгүй.

 3. Дараах хүмүүст болгоомжтой хэрэглэнэ:

1)    Идэгдмэл шархлааны өгүүлэмжтэй өвчтөн

2)    Цусны эмгэгтэй болон түүний өгүүлэмжтэй өвчтөн

3)    Цус алдах хандлагатай өвчтөн (тромбоцитын үйл ажиллагааны чанарын өөрчлөлт үүсгэж  болно)

4)    Элэгний эмгэгтэй буюу элэгний эмгэгийн өгүүлэмжтэй өвчтөн

5)    Бөөрний эмгэгтэй буюу бөөрний эмгэгийн өгүүлэмжтэй өвчтөн

6)    Зүрхний дутагдалтай өвчтөн

7)    Бэлдмэлийн найрлага дахь бүрэлдэхүүн хэсгүүдэд хэт мэдрэг өвчтөн

8)    Бронхын багтраатай буюу багтрааны өгүүлэмжтэй өвчтөн

9)    Аспирин болон стеройд бус бүтэцтэй үрэвсэлийн эсрэг бусад бэлдмэл (СБҮЭБ) хэрэглээд багтраа, тууралт, харшлын урвал илэрсэн өгүүлэмжтэй өвчтөн (ЦОГ-2 саатуулагчийг оруулаад) (эдгээр өвчтөнд СБҮЭБ хэрэглэсний дараа амь насанд аюултай хүнд явцтай анафилаксийн урвал илэрсэн цөөн тохиолдлын талаар дурдагдсан байдаг)

10) Титэм судас холбох хагалгаа (CABG)-ны өмнөх болон дараах өвчин намдаах эмчилгээ

     4. Дараах хүмүүст болгоомжтой хэрэглэнэ:

1.    Идэгдмэл шархлааны өгүүлэмжтэй өвчтөн

2.    Цусны эмгэгтэй болон түүний өгүүлэмжтэй өвчтөн

3.    Цус алдах хандлагатай өвчтөн (тромбоцитын үйл ажиллагааны чанарын өөрчлөлт үүсгэж  болно)

4.    Элэгний эмгэгтэй буюу элэгний эмгэгийн өгүүлэмжтэй өвчтөн

5.    Бөөрний эмгэгтэй буюу бөөрний эмгэгийн өгүүлэмжтэй өвчтөн

6.    Зүрхний дутагдалтай өвчтөн

7.    Цусны даралт өндөртэй өвчтөн

8.    Хэт мэдрэгшлийн өгүүлэмжтэй өвчтөн

9.    Системийн улаан чонон яр  ба холимог холбогч эдийн өвчин

10. Бүдүүн гэдэсний шархлаат үрэвсэлтэй өвчтөн

11. Кроны өвчтэй өвчтөн

12. Өндөр настан болон хүүхэд   

13. Ходоодны хавдартай өвчтөн

14. Зүрхний шигдээс болон цус харвалтаас сэргийлэх зорилгоор аспирин бага тунгаар хэрэглэж байгаа өвчтөн (энэхүү бэлдмэл нь аспирины үйлчилгээг бууруулах ба ходоод гэдэсний замын зүгээс ноцтой гаж нөлөө илрэх эрсдэлийг нэмэгдүүлнэ). Аспиринтай (ацетилсалицилийн хүчил) хамт  хэрэглэж байгаа үед  ибупрофен нь аспирины бага тунгаараа тромбоцитын бөөгнөрөмтгий чанарт үзүүлэх үйлдлийгдарангуйлдаг болох нь судалгаагаар тогтоогдсон байна. Энэ үйлдэл нь эмнэл зүйн хувьд тодорхойгүй боловч ибупрофенийг ерөнхийд нь удаан хугацаагаар хэрэглэхэд аспирины зүрх хамгаалах үйлдэлийг сулруулна. Дексибупрофены хувьд одоогоор нотлогдоогүй ч уг бэлдмэл болон бага тунтай аспирины харилцан үйлчлэл нь ибупрофентай адил гэж үзэж болно. 

4. Гаж нөлөө              

1)    Шок:Төдийлөн элбэг тохиолддоггүй боловч сайн ажиглах шаардлагатай, цээж хорсох, дагжих, амьгаадах, цусны даралт унах зэрэг  шинжүүд илэрвэл бэлдмэлийг хэрэглэхийг зогсоож, зохих арга хэмжээг авна.

2)    Цус: цус төлжилгүйдлийн ба цус задралын цус багадалт, агранулоцитик ангина,   тромбоцитийн тоо багасах, цусны ялтасын ажиллагаа алдагдах (удаан   хугацаагаар цус алдах), эозинофилийн тоо цөөрөх  гэх мэт цусны эмгэгүүд хааяа илэрч болох ба цусны шинжилгээгээр сайтар хянах шаардлагатай, ямар нэгэн эмгэг урвал илэрвэл бэлдмэлийг хэрэглэхийг  зогсооно.

3)    Хоол боловсруулах тогтолцоо: Идэгдмэл  шархлааны улмаас цус алдах, цоорох, шархлаат колит, өтгөн цустай гарах, нойр булчирхайн үрэвсэл хааяа тохиолдож болох ба энэ үед бэлдмэлийг хэрэглэхийг зогсооно. Мөн хоолны дуршил буурах, дотор муухайрах, бөөлжих, ходоод өвдөх, хоол боловсруулах үйл ажиллагаа хямрах,  суулгах буюу ходоод орчим зовиур илрэх зэрэг шинжүүд хааяа илрэх ба маш ховор тохиолдолд цангах, амны хөндийн салстын үрэвсэл, өтгөн хатах зэрэг шинжүүд ажиглагдаж болно.  

4)    Арьс: Стивенс-Жонсоны хам шинж (арьс салст харшлын хам шинж) эсвэл Лайеллийн хам шинж (эпидермийн хордлогот үхжил)  ховор   тохиолдолд  илэрч болох ба энэ үед бэлдмэлийн хэрэглэхийг зогсооно.

5)    Элэг ба гэдэс: Шарлалт, GOT, GPT,AL-P ихсэх зэрэг өөрчлөлт хааяа илэрч болно.

6)    Хэт мэдрэгшил: Ховор тохиолдолд багтрааны хөдлөл, чонон хөрвөс, намарс, ягаан  толбо туурах, хааяа бэлцрүү туурах зэрэг шинж илэрч болох ба ийм  тохиолдолд бэлдмэлийг хэрэглэхийг зогсооно.

7)    Мэдрэхүйн эрхтэний тогтолцоо: Хараа муудах, нүд бүрэлзэх зэрэг харааны эмгэгүүд ховор  илэрч болох ба ийм тохиолдолд   эмчилгээг үргэлжлүүлэхгүй. Чих шуугих зэрэг сонсголын эрхтэний эмгэг, амтлах мэдрэхүй өөрчлөгдөх шинж мөн илэрч болно.

8)    Сэтгэц болон мэдрэлийн тогтолцоо:  Асептик менингитийн тохиолдол цөөн бүртгэгдсэн байдаг тул толгой хүчтэй өвдөх, дотор муухайрах,бөөлжих, нойргүйдэх, хүзүү хөших, халуурах, ухаан санаа өөрчлөгдөх зэрэг шинжүүд илэрвэл эмчилгээг зогсоож эмчид хандах хэрэгтэй ба ялангуяа аутоиммуны өвчтэй хүмүүст болгоомжтой хэрэглэнэ.

9)    Цусны эргэлтийн эрхтэн, тогтолцоо: Даралт ихсэх, унах, зүрх дэлсэх зэрэг шинжүүд хааяа илэрч болно.

10) Бөөр: Зүрхний цочмог дутагдал цөөн тохиолдолд илэрч болох тул ялгарах шээсний хэмжээ багасах, цустай шээх, шээсээр уураг ялгарах, мочевин, цусан дахь креатинины хэмжээ нэмэгдэх, цусан дахь калийн хэмжээ ихсэх зэрэг шинж илэрвэл эмчилгээг зогсоож шаардлагатай арга хэмжээг авна. Шээсний ялгаралт багасаж, тулам болтол хавагнах, амьсгаадах, тамирдах шинж илэрч болно.

11) Зүрх судасны тогтолцоо: Зүрхний дутагдалтай хүмүүст уушгины цочмог хаван үүсэх эрсдэл ихсэнэ.

12) Бусад: хааяа зовхи хавагнах ба гуниглах, халуурах, хамраас цус гарах зэрэг шинж маш ховор илэрч болно.

13) Солонгост хийгдсэн худалдаанд гарсны дараах судалгааны үр дүн – 645 ба 469 өвчтөнд тус бүр 4 жилийн хугацаанд  хийсэн худалдаанд гарсны дараах судалгаагаар дараах үр дүн гарсан байна:

A) 645 өвчтөнд хийсэн худалдаанд гарсны дараах судалгаагаар 0.61% (4/654 өвчтөн, 4 тохиолдол)-д нь шалтгаан үр дагаврын хамааралгүй гаж нөлөө илэрсэн байна. Гуниглах, нүүр хавагнах, хоол боловсруулах үйл ажиллагаа хямрах, бэлцрүү туурсан тохиолдол 0.15% (1/654 өвчтөн, 1 тохиолдол) илэрсэн байна. Эдгээр гаж нөлөөний тохиолдлын 0,46%  (3/654 өвчтөн, 3 тохиолдол)-ыг уг бэлдмэлтэй шалтгаан үр дагаврын холбоотой болохыг үгүйсгэхгүй ба гуниглах, нүүр хавагнах, хоол боловсруулах үйл ажиллагаа хямрах тохиолдол 0.15% (1/654 өвчтөн, 1 тохиолдол) илэрсэн байна.  Гэнэтийн  гаж нөлөө  болох гуниглах, шинж 0.15% (1/654 өвчтөн, 1 тохиолдол) илэрсэн байна. Солонгост сайн дурынханд хийгдсэн худалдаанд гарсны дараах судалгаагаар анафилаксийн шокын 1 ба тууралт гарсан 1 тохиолдол хүн амын тодорхой бус хэсэгт мэдээлэгдсэн тул гаж нөлөөний давтамж болон шалтгаан үр дагаврын холбоог үнэлэхэд хүндрэлтэй байсан байна.

Б) 469 өвчтөнг хамруулсан худалдаанд гарсны  дараах судалгаагаар  шалтгаан үр дагаврын холбоо хамааралгүй гаж нөлөө 1.07% (5/469 өвчтөн, 5 тохиолдол) илэрсэн дүн гарсан байна. 085% (4/469 өвчтөн, 4 тохиолдол) суулгалт, 0,21% (1/469 өвчтөн, 1 тохиолдол) бөөлжих шинж илэрсэн. Ноцтой болон гэнэтийн гаж нөлөөний тохиолдол илрээгүй байна.

5. Ерөнхий анхааруулга

1)    Бэлдмэлийг хэрэглэхийн өмнө уг бэлдмэл болон бусад эмчилгээний гарч болох эрсдэл болон давуу талыг анхаарах шаардлагатай. Бэлдмэлийг өвчтөн бүрт эмчилгээний зорилгоор хамгийн богино хугацаагаар, хамгийн бага эмчилгээний тунгаар хэрэглэнэ.

2)    Үрэвслийн эсрэг ба өвдөлт намдаах эмийн эмчилгээ нь шалтгааныг бус шинж тэмдгийг эмчилдэг болохын анхаарах шаардлагатай (шинж тэмдгийн эмчилгээ).

3)    Бэлдмэлийг архаг өвчний эмчилгээнд хэрэглэхдээ дараах зүйлийг анхаарах шаардлагатай:

·         Бэлдмэлийг удаан хугацаагаар хэрэглэж  буй өвчтөнд эмнэл зүйн үзлэг шинжилгээ (шээс, цусны дэлгэрэнгүй, физиохимийн шинжилгээ, элэгний үйл ажиллагааны шинжилгээ зэрэг) тогтмол хийж хэвийн бус гарсан тохиолдолд өөрчлөлтийг бууруулахад чиглэсэн тохирсон арга хэмжээ авах ба эмчилгээг зогсооно. Цусны бүлэгнэлт (цус шингэлэгч хэрэглэж байгаа үед), калийн бэлдмэл хэрэглэж байгаа үед цусан дахь кали, шаардлагатай үед литийн концентрацийг тодорхойлох шинжилгээг хийнэ. Хэрэв элэг болон бөөрний эмгэгийн эмнэл зүйн шинж илрэх (эозинофили, тууралт гарах), элэг бөөрний үйл ажиллагааны шинжилгээгээр  өмнө нь байсан хэвийн бус үзүүлэлтүүд хэвээр үргэлжлэх буюу эсвэл нэмэгдэх хандлагатай бол эмчилгээг зогсооно.

·         Эмийн эмчилгээнээс бусад өөр эмчилгээг анхаарна.  

4)     Бэлдмэлийг цочмог өвчний эмчилгээнд хэрэглэж байгаа үед дараах зүйлсийг анхаарах шаардлагатай.

·         Бэлдмэлийг хэрэглэхдээ цочмог үрэвсэл, өвдөлт, халууралтын явцыг анхаарна.

·         Ижил үйлчилгээтэй эмийг удаан хугацаанд хэрэглэхээс зайлсхийнэ.

·         Хэрэв шалтгааны эсрэг эмчилгээ байгаа бол түүнийг хийнэ.

·         Эмчилгээ удаан хугацаагаар үргэлжилж байгаа бол бэлдмэлийг 5 хоног хэрэглэнэ

5)     Өвчтөний биеийн байдлыг сайтар хянаж гаж нөлөө илэрч буй эсэхийг ажиглах шаардлагатай. Биеийн хэм огцом буурах, тамирдах, их даарах зэрэг шинжүүд илэрч болно. Нярай болон хүүхэд, өндөр настай хүмүүс, тамирдуулдаг халуун өндөртэй өвчний үед бэлдмэлийг хэрэглэсний дараа өвчтөний биеийн байдлыг сайтар хянах шаардлагатай.

6)     Бэлдмэлийн фармакологийн шинжээс хамаарч  үрэвслийн бусад шинжүүдийг далдалдаг тул халдварын бус нөхцөлд болон өвдөлттэй халдварын хүндрэлийн оношлогоонд цаг алдаж болзошгүй. Хэрэв бэлдмэлийг халдварын шалтгаантай үрэвслийн эмчилгээнд хэрэглэж байгаа бол тохирсон бактерийн эсрэг бэлдмэлийг хамт болгоомжтой хэрэглэх ба сайн ажиглаж байх шаардлагатай.

7)     Хоол боловсруулах замын  зүгээс илрэх гаж нөлөө: Шархлаат өвчний буюу ходоод гэдэсний замаас цус алдаж байсан өгүүлэмжтэй өвчтөнд СБҮЭБ-ийг (уг бэлдмэлийг оруулаад) хэрэглэхдээ онцгой анхаарна. Идэгдмэл шархлаа болон ходоод гэдэсний замаас цус алдаж байсан өгүүлэмжтэй өвчтөнд СБҮЭБ-ийг хэрэглэх үед ходоод гэдэснээс цус алдах эрсдэл ийм эрсдэл хүчин зүйлгүй өвчтөнтэй харьцуулахад 10 дахин их байдаг байна. Хоол боловсруулах замаас цус алдах эрсдлийг нэмэгдүүлдэг бусад хүчин зүйлд кортикостеройд ба антикоагулянт эмтэй хамт хэрэглэх, СБҮЭБ-ийг удаан хугацаагаар хэрэглэх, архи уух,өндөр настай хүмүүс, биеийн ерөнхий байдал муу байх зэрэг орно. Хоол боловсруулах замын зүгээс илрэх нас баралтанд хүргэсэн гаж нөлөөний ихэнх нь настай хүмүүс болон бие султай өвчтөнд илэрсэн талаар мэдээлэгдсэн байдаг тул эдгээр өвчтөнд бэлдмэлийг хэрэглэхдээ онцгой анхаарах шаардлагатай.

8)    Цусны даралт ихдэх: СБҮЭБ (уг бэлдмэлийг оруулаад) нь цусны даралтыг ихэсгэх, гипертензийг гүнзгийрүүлэх ба улмаар зүрх судасны тогтолцооны талаас гаж нөлөө илрэх эрсдлийг нэмэгдүүлнэ.  Тиазидын бүлгийн болон гогцоонд нөлөөлдөг шээс хөөх эм хэрэглэж байгаа өвчтөнд СБҮЭБ хэрэглэвэл эдгээр бэлдмэлийн үйлдэл сулардаг. Цусны даралт ихэссэн өвчтөнд СБҮЭБ-ийг (уг бэлдмэлийг оруулаад) болгоомжтой хэрэглэнэ. Бэлдмэлийг хэрэглэж эхлэх болон хэрэглэх явцад цусны даралтыг байнга хянах шаардлагатай.

9)    Зүрхний зогсонгишилт дутагдал ба хаван: СБҮЭБ (уг бэлдмэлийг оруулаад) хэрэглэж буй өвчтөнд шингэн хуримтлагдах, хавагнах шинжүүд илэрдэг. Бэлдмэлийг шингэн хуримтлагддаг болон бөөрний дутагдалтай өвчтөнд болгоомжтой хэрэглэнэ.

10) СБҮЭБ-ийг удаан хугацаагаар хэрэглэх үед бөөрний хөхлөгийн үхжил болон бөөрний бусад эмгэгүүд илэрч болно.  Простагландин нь бөөрний цусны урсгалыг тогтвортой байлгахад чухал үүрэгтэй тул бөөрний дутагдалтай, бөөрний үйл ажиллагаа алдагдсан, элэгний дутагдал, шээс хөөх эм болон AХФ-ийг хориглогч бэлдмэл хэрэглэж байгаа өвчтөн, өндөр настай өвчтөнд зэрэгт онцгой болгоомжлох шаардлагатай. Эмчилгээг зогсооход эмчилгээний өмнөх байдалдаа  эргээд орно.

11)  Бөөрний хүнд явцтай эмгэг: Хүнд явцтай бөөрний эмгэгтэй өвчтөнд бэлдмэлийг хэрэглэсэн эмнэл зүйн хяналтат судалгаа хийгдээгүй байна. Иймээс хүнд явцтай бөөрний эмгэгтэй өвчтөнд бэлдмэлийг хэрэглэхгүй. Хэрэв хэрэглэх шаардлага гарвал өвчтөний бөөрний үйл ажиллагааг сайтар хянах хэрэгтэй.

12) СБҮЭБ (уг бэлдмэлийг оруулаад) нь элэгний үйл ажиллагааны үзүүлэлтийн түвшинг нэмэгдүүлдэг. Уг хэвийн бус түвшин улам дордох, эсвэл хэвээр үлдэх  ба эмчилгээ үргэлжлэх хугацаанд түр зуурынх ч  байж болно. СБҮЭБ (уг бэлдмэлийг оруулаад)-ийг хэрэглэх үед шарлах, хүнд явцтай үхэлд хүргэх гепатит, элэгний үхжил, элэгний дутагдал (зарим үед үхэдд хүргэх) зэрэг ноцтой хүндрэл цөөн тохиолдолд бүртгэгдсэн байна. Элэгний үйл ажиллагааны өөрчлөлтийн шинж илэрсэн болон элэгний үйл ажиллагааны шинжилгээний үзүүлэлт хэвийн бус гарсан өвчтөний элэгний үйл ажиллагаа улам муудаж буй эсэхийг хянах ба элэгний өвчний ерөнхий шинж буюу эмнэл зүйн шинж (эозинофилийн тоо нэмэгдэх, тууралт гарах гэх мэт) илэрвэл бэлдмэлийг зогсооно.

13) СБҮЭБ (уг бэлдмэлийг оруулаад) хэрэглэх үед цус багадалт үүсэж болох ба энэ бүлгийн бэлдмэлийг удаан хугацаагаар хэрэглэх үед цус багадалтын шинж илэрвэл гемоглобин болон гематокритийн шинжилгээг хийх шаардлагатай. СБҮЭБ нь тромбоцитын бөөгнөрөмтгий чанарыг саатуулдаг болох нь тогтоогдсон бөгөөд зарим өвчтөний цус гоожилтын хугацааг уртасгадаг. Аспиринаас ялгаатай нь тромбоцитын үйл ажиллагаанд үзүүлэх бэлдмэлийн үйлдэл нь харьцангуй бага, үйлчлэх хугацаа нь богино, эргэх явцтай байдаг. Цусны бүлэгнэлтийн эмгэгтэй болон цусны бүлэгнэлтийн эсрэг эм хэрэглэж байгаа өвчтөн зэрэг тромбоцитын үйл ажиллагаанд сөргөөр нөлөөлж болох өвчтөнд бэлдмэлийг хэрэглэхдээ сайтар хянах шаардлагатай.

14) Анафилаксийн урвал: Бусад СБҮЭБ-ийн нэгэн адилаар бэлдмэлийг өмнө нь хэрэглэж байгаагүй өвчтөнд анафилаксийн урвал илэрч болно. Эдгээр хавсарсан шинжүүд хамрын уйланхайтай болон уйланхайгүй багтраатай өвчтөнд буюу эсвэл амь насанд аюултай хүнд явцтай бронхын агчилтай өвчтөнд аспирин болон бусад СБҮЭБ хэрэглэсний дараа илэрч болно. Хэрэв анафилаксийн урвал илэрвэл өвчтөнд эмнэлгийн яаралтай тусламж үзүүлэх шаардлагатай. 

15) Арьсны зүгээс илрэх урвал: Бэлдмэлийг хэрэглэх үед үхэлд ч хүргэж болох эксфолиатив дертатит, Стивенс-Жонсоны хам шинж, эпидермийн хордлогот үхжил зэрэг арьсны ноцтой гаж нөлөө илэрч болно. Эдгээр ноцтой шинжүүд ямар нэгэн анхааруулах шинж тэмдэггүйгээр илэрч болно.  Эдгээр шинж тэмдгийн ихэнх нь бэлдмэлийг хэрэглэснээс хойш 1 сарын дотор илэрнэ. Өвчтөн арьсан дээр илрэх ноцтой шинж тэмдэгүүдийн талаар мэдэж байх шаардлагатай ба анхны шинж тэмдэг, тууралт болон бусад хэт мэдрэгшлийн урвал илэрмэгц бэлдмэлийг хэрэглэхийг зогсоох шаардлагатай.

16) Зарим багтраатай өвчтөн аспиринд мэдрэг байж болно. Хэрэв аспиринд мэдрэг багтраатай өвчтөн аспирин хэрэглэвэл гуурсан хоолойн ноцтой агшилт илэрч үхэлд ч хүргэж болно. Аспиринд мэдрэг багтраатай өвчтөнд СБҮЭБ болон аспирины хооронд солбицсон урвал (гуурсан хоолойн агчил) илэрсэн тохиолдол бүртгэгдсэн байна. Иймээс уг бэлдмэлийг аспиринд мэдрэг өвчтөн хэрэглэхийг хориглоно.

17) Бэлдмэлийг кортикойдыг орлуулах зорилгоор буюу  кортикойд дутагдлын эмчилгээнд хэрэглэхгүй. Кортикостеройд бэлдмэлийг хэрэглэж буй өвчтөний эмчилгээг гэнэт зогсоовол кортикостеройд хамааралт  эмгэг  улам гүнзгийрч дордоно. Хэрэв бэлдмэлийг кортикостеройдыг удаан хугацаагаар хэрэглэсэн өвчтөнд хэрэглэх болвол тунг  аажмаар бууруулах хэрэгтэй.

6.    Эмийн харилцан үйлчлэл

1)    Бусад СБҮЭБ-тэй хамт хэрэглэвэл ходоод гэдэсний замын цус алдалт зэрэг ходоод гэдэсний зам (гэдэсний)-ын зүгээс гаж нөлөө илрэх эрсдлийг ихэсгэдэг учир бусад СБҮЭБ-тэй хамт хэрэглэж болохгүй.

2)    Глюкокортикоид болон архитай хамт хэрэглэвэл ходоод гэдэсний замын цус алдалт зэрэг ходоод гэдэсний зам (гэдэс)-ын гаж нөлөө илрэх эрсдэлтэй тул болгоомжтой хэрэглэнэ.

3)    Дигоксин ба фенитоинтэй хамт хэрэглэвэл цусан дахь концентраци нь ихсэж болох тул болгоомжтой хэрэглэнэ.

4)    Пробенецид ба сульфинпиразонтой хамт хэрэглэвэл үйлдэл нь суларч, дексибупрофений ялгарал удаашрах тул болгоомжтой хэрэглэнэ.

5)    Сульфонилмочевины бэлдмэлтэй хамт хэрэглэвэл глюкоз бууруулах үйлдэл нь нэмэгдэнэ.  

6)    Шээс хөөх болон даралт бууруулах эмтэй хамт хэрэглэвэл үйлдэл нь суларч болох тул болгоомжтой хэрэглэнэ.

7)    AХФ-ийг саатуулагч: СБҮЭБ  нь АХФ-ийг саатуулагчийн даралт бууруулах үйлдлийг сулруулдаг тул АХФ-ийг саатуулагчтай хамт хэрэглэх үедээ уг харилцан үйлчлэлийг анхаарах хэрэгтэй.

8)    Фуросемид:

1.    Эмнэл зүйн судалгаа болон худалдаанд гарсны дараах судалгаагаар бэлдмэл нь бөөрний простогландины нийлэгжилтийг саатуулснаар фуросемид ба тиазидын бүлгийн шээс хөөх эмүүдийн натри ялгаруулах үйлдлийг зарим өвчтөнд бууруулдаг болох нь тогтоогдсон. Эдгээр эмүүд болон СБҮЭБ-ийг хамт хэрэглэж байгаа үед бөөрний эмгэгийн ба бөөрний дутагдлын шинж илэрч буй эсэхийг сайтар хянах шаардлагатай.

2.    Фуросемидтэй хамт хэрэглэх үед үйлдэл нь буурч болох тул болгоомжтой хэрэглэнэ.

9)    Аспирин    

1)    Аспиринтай хамт хэрэглэх үед СБҮЭБ хэрэглэсэнтэй холбоотой зүрх судасны хүнд явцтай тромбоз үүсэх эрсдлийг багасгадаг талаар нотолгоо байдаггүй. Бусад СБҮЭБ-ийн нэгэн адилаар аспириныг уг бэлдмэлтэй хамт хэрэглэх үед ходоод гэдэсний (гэдэсний) замын зүгээс хүнд явцтай гаж нөлөө илрэх эрсдэл нэмэгдэж болох ба ерөнхийдөө эдгээр эмүүдийг хамт хэрэглэхийг зөвлөдөггүй.   

2)    Аспиринтэй хамт хэрэглэх үед уг бэлдмэл болон бусад СБҮЭБ-ийн үйлдэл буурдаг.   

10) Литийн бэлдмэл: СБҮЭБ нь цусан дахь литийн хэмжээг ихэсгэдэг ба бөөрөн дэх простагландины нийлэгжилтийг саатуулснаар литийн бөөрний клиренсийг бууруулдаг. СБҮЭБ ба литийг хамт хэрэглэх үед литийн хордлогын шинж илэрч буй эсэхийг сайтар хянаж байх шаардлагатай.

11) Метотрексат: СБҮЭБ-тэй хамт хэрэглэх үед метотрексатын бөөрний сувганцрын ялгаралт удааширч метотрексатын үхэлд хүргэж болох цус хордуулах нөлөө нэмэгдэх тул хавдрын эмчилгээнд өндөр тунгаар  метотрексат хэрэглэж байгаа үед бэлдмэлийг хамт хэрэглэхгүй, Метотрексатыг бага тунгаар хэрэглэж байгаа үед хамт болгоомжтой хэрэглэнэ.

12) Кумарины антикоагулянт (Варфарин гэх мэт):

1)Варфарин ба СБҮЭБ нь ходоод гэдэсний цус алдалтыг хүчжүүлдэг тул  варфарин ба СБҮЭБ-ийг хамт хэрэглэж байгаа өвчтөнд ходоод гэдэснээс цус алдах эрсдэл тэдгээрийн аль нэгийг хэрэглэсэн өвчтөнтэй харьцуулахад өндөр байдаг.

2)  Кумарины бүлгийн бэлдмэлтэй хамт хэрэглэхэд үйлдлийг нь нэмэгдүүлдэг учир болгоомжтой хэрэглэнэ.

7. Жирэмсэн үеийн хэрэглээ

1)    Туршилтын амьтанд хийсэн судалгаагаар бодисын солилцоонд хортой нөлөөтэй (илүү өндөр тунд амьдрах чадвар болон суулгацын тоог дарангуйлах үйлдэл илэрсэн), халуун бууруулах, үрэвслийн эсрэг бусад эмүүдийн хувьд PEO  илэрсэн талаар мэдээлэгдсэн ба бэлдмэлийг жирэмсэн болон жирэмсэн байж болзошгүй  өвчтөнд хэрэглэж болохгүй.

2)    Жирэмсэн үед хэрэглэсэн эмнэл зүйн судалгаа байдаггүй.

Жирэмсний хожуу үед хэрэглэсэн харханд хийсэн судалгаагаар артерийн цорго агших шинж илэрч байсан байна. Бусад СБҮЭБ-ийн нэгэн адилаар уг бэлдмэлийг жирэмсний хожуу үед хэрэглэхэд ургийн артерийн цорго нарийсаж болох тул бэлдмэлийг ялангуяа жирэмсний хожуу үед хэрэглэхээс зайлсхийнэ.

3)    Харханд хийсэн туршилтаар СБҮЭБ нь простагландины нийлэгжилтийг саатуулдаг бусад эмийн бэлдмэлийн нэгэн адилаар дистоцийн тохиолдлыг ихэсгэсэн ба төрөлтийг удаашруулж гөлчгийний амьдрах чадварыг бууруулж байсан байна.    

8. Хөхүүл үеийн хэрэглээ

            Хөхний сүүнд нэвтэрдэг талаар мэдээлэгдсэн бөгөөд хөхөөр хооллодог хүүхдэд  хүнд явцтай гаж нөлөө үүсгэж болох тул хөхүүл эхэд хэрэглэхэд хэр чухал эсэхээс хамаарч хөхөөр хооллолт, эсвэл бэлдмэлийг хэрэглэхийг хориглоно.

9. Хүүхдэд хэрэглэх нь

    1) Нярай болон 6 хүртлэх сартай хүүхдэд бэлдмэлийг хэрэглэх үеийн  аюулгүй байдал болон эмчилгээний  үр дүн судлагдаагүй.

     2) 30кг хүртлэх жинтэй хүүхдэд хэрэглэх хоногийн тун 300 мг-аас хэтрэхгүй байна.

     3) Хүүхдэд хамгийн бага тунгаар болгоомжтой хэрэглэх ба гаж нөлөө  илэрч байгаа эсэхийг сайн анхаарна.

10.Өндөр настай хүмүүст хэрэглэх нь

            Өндөр настай хүмүүст гаж нөлөө илрэх магадлал илүү байдаг учир бага тунгаар эхэлж хэрэглэх ба хамгийн бага тунгаар хэрэглэн  гаж нөлөө илэрч буй эсэхийг байнга хянаж байх шаардлагатай (Ерөнхий анхааруулга хэсгээс үзнэ  үү).

11. Эмнэл зүйн үзүүлэлтэнд үзүүлэх нөлөө

Азот ба мочевин, трансаминаз, шүлтлэг фосфатаз нэмэгдэх, гемоглобин ба гематокритийн түвшин буурах, тромбоцитын бөөгнөрөлт задрах, цус гоожих хугацаа уртсах зэрэг шинж ховор тохиолдолд илэрнэ.

12.Тун хэтэрсэн үед авах арга хэмжээ

           Аль болох түргэн ходоод угаах ба бөөлжүүлнэ.

13.Хадгалалт болон харьцах үеийн анхааруулга

     1) Хүүхэд хүрэхээргүй газарт хадгална.

     2) Бэлдмэлийг өөр саванд сольж хэрэглэхэд ямар нэг андуурал гарч болох

     ба чанар нь алдагдаж болохыг анхаарна уу

·         Хадгалалт:

Тасалгааны буюу 15-25^°С  хэмд, гэрлээс хамгаалж, таглаж хадгална.

·         Хүчинтэй хугацаа

Савалгааны гадна талыг харна уу

Савлалт: 6 мл /уут

Үйлдвэрлэгч ба түгээгч

DAEWON  Daewon Pharm.Co.,Ltd

Төв байгууллага: 386,Cheonhodae-ro,Seongdong-gu,Seoul,Korea

Үйлдвэр: 24, Jeynkgongdan 1-gil,Hyangnam-eup, Hwaseong-si,Gyeonggi-do, Korea