Хэрэглэх заавар
Эмийг эмчилгээнд хэрэглэх заавар
Линкас нэмэх
Худалдааны нэр - Линкас нэмэх
Линкас нэмэх нь Бүрэлдэхүүнд нь орж байгаа бүх бодисуудыг сайтар судалсны үндсэн дээр янз бүрийн шалтгаанаар үүссэн цэртэй ханиалгын үед эмчилгээний зорилгоор хэрэглэх болсон.
Бэлдмэлийн найрлагад орж буй идэвхтэй бодис нь зөвхөн эмийн ургамалаас гаргаж авсан экстракт бөгөөд нийлмэл аргаар гаргаж авсан ямар нэгэн химийн бодис агуулаагүй болно.
Линкас нэмэх нь зохимжтой тэнцвэржүүлсэн, үр дүн сайтай бэлдмэл бөгөөд сайтар сонгосон шилмэл ургамлаар бэлдсэн, цэртэй ханиалгын үед өргөн хэрэглэнэ.
Линкас нэмэх нь уушигны архаг бөглөрөлтөт өвчнүүд (багтраа, гуурсан хоолойн архаг үрэвсэл, тамхины мэнгэр ханиалга), хатгаа, хамрын дайвар хөндийн үрэвсэл, сүрьеэ, амьсгалын дээд замын вирусын халдвар зэргийн үед үүссэн цэртэй ханиалгын үед хэрэглэнэ.
Линкас нэмэх нь чихэрлэг, тааламжтай амттай, бүх насны хүмүүс хэрэглэж болно.
Найрлага:
10 мл сиропт агуулагдах экстрактууд: шар жимст чэсэнцэр паслен 30 мг, бадьян 50 мг, гуурт адхатода-70 мг, нүцгэн чихэр өвс-15 мг, ердийн базилик-30 мг, өргөн навчит корди-10 мг, урт чинжүү-10 мг, эмийн Алтей 15 мг
Туслах бодис: сахароз, усгүй нимбэгний хүчил, аммони хлорид, метилпарабен, пропилпарабен, пропилленгликоль, эвкалилтын тос, гааны ургамалын тос, бохинд таатай үнэр оруулагч
Идэвхтэй бодисуудын үндсэн шинж чанар
Фармакалогийн шинж чанар:
Линкас нэмэх нь цэр ховхлох, цэр шингэлэх, үрэвслийн эсрэг үйлчилгээ үзүүлнэ. Өтгөн цэрийг задалж, амьсгалын замаар гадагшлуулна. Үрэвслийг багасгана, зөөлрүүлэх үйлчлэл үзүүлнэ.
Линкас нэмэх нь био идэвхт бодис нь амьсгалын замын үрэвссэн гадаргууд хамгаалалтын нимгэн давхарга үүсгэж, удаан хугацааны турш цэрийг ховхолсноор өвчтөнд цэртэй холбоотой үүссэн тааламжгүй мэдрэмжийг багасгаж тайвшруулна.
Линкас нэмэх нь төвөнх гуурсан хоолойн салст бүрхэвчинд халдварын эсрэг хэсэг газрын үйлчлэл үзүүлнэ. Эмгэг төрөгч бактерууд нэвтэрч орохоос хамгаалж, хэсэг газрын халдварын эсрэг нөлөө үзүүлнэ.
| Найрлага | Үйлчлэл |
| Шар жимст Чэсэнцэр паслен | Цэр ховхлох, цэрний эсрэг, халуун бууруулах |
| Гуурст адхатода | Цэр ховхлох, цэр шингэлэх, халуун бууруулах, гуурсан хоолой өргөсгөх |
| Нүцгэн чихэр өвс | Цэр ховхлох, үрэвслийн эсрэг |
| Ердийн базилик | Цэр ховхлох, хавангийн эсрэг |
| Өргөн навчит Корди | Цэр шингэлэх, цэрний эсрэг |
| Урт чинжүү | Цэр ховхло, цэр шингэлэх |
| Эмийн алтей | Гуурсан хоолой өргөсгөх, ханиалгын эсрэг |
| бадьян | Цэр шингэлэх, халуун бууруулах, гуурсан хоолой өргөсгөх |
Хэрэглэх заавар:
- Ханиад харшлын шалтгаант ханиалга, тамхины мэнгэр ханиалга
- Гуурсан хоолойн багтраа өвчин, гуурсан хоолойн үрэвсэл, уушигны үрэвсэл, сүрьегийн улмаас үүссэн цэртэй ханиалга
- Амьсгалын дээд замын халдвар залгиур, цагаан мөгөөрсөн хоолой, гүйлсэн булчирхайн үрэвслүүд
Хэрэглэх тун:
Насанд хүрэгсэд: 1 хоолны халбага (10мл ) - аар өдөрт 3 удаа
6-18 настай хүүхэд: Эмчийн бичсэн жорын дагуу хэрэглэнэ.
Гаж нөлөө:
Урьд нь илэрч байгаагүй. Гэхдээ харшлын урвал илэрч болно.
Эсрэг заалт:
Найрлаганд нь байгаа эмийн бодист хэт мэдрэг хүмүүс хэрэглэхгүй.
Анхаарах зүйлс:
Сахароз агуулах учир чихрийн шижин өвчтэй болон илчлэг багатай хоолны дэглэм баримталж байгаа хүмүүс болгоомжтой хэрэглэнэ.
Бусад эмийн бодистой харилцан үйлчилгээ:
Ханиадын эсрэг /түүнчлэн цэрний ялгаралт багасгадаг/ эм, эмийн бодистой нэгэн зэрэг хэрэглэхгүй байх
Савлалт:
Хуванцар таглаа бүхий флакон нь хуван шар өнгөтэй, 120 мл сироп агуулна.
Хадгалах нөхцөл:
25 градусаа дээшгүй температурт, хуурай газар хадгална. Хүүхдээс хол байлгана.Хэрэглэхийн өмнө савыг сайтар сэгсэрнэ.
Хадгалах хугацаа: 3 жил. Хугацаа дууссан бол хэрэглэж болохгүй.
Эмийн сан эмчийн жоргүйгээр олгоно.
Үйлдвэрлэгч:
Хербион Пакистан Прайвет Лимитед
Коранги үйлдвэрлэлийн бүс 30/28
Карачи, Пакистан
www. herbion.com
