Эмийн бодисыг эмчилгээнд хэрэглэх заавар

Фромилид^® уно

Худалдааны нэр звание

Фромилид^® уно

Олон улсын буюу патентийн бус нэр

Кларитромицин

Эмийн хэлбэр

Удаан задралтат хальсан бүрхүүлтэй шахмал, 500 мг

Найрлага

Нэг шахмалын агууламж:

Идэвхтэй бодис – кларитромицин 500 мг,

Туслах бодис: натрийн алгинат, натрийн кальцийн алгинат, лактозын моногидрат, повидон, полисорбат 80, коллоид усгүй кремнийн диоксид, магнийн стеарат, тальк,

Бүхрхүүлийн найрлага: гипромеллоз, тальк, төмрийн шар исэл (III) (Е172), титаны диоксид (Е171), пропиленгликоль

Ерөнхий шинж

Дугуй хэлбэртэй, хоёр тал нь гүдгэр, бор-шаргал өнгөтэй, нэг талдаа «U» хэмээх тэмдэглээтэй, хальсан бүрхүүлтэй шахмал

Эмийн эмчилгээний бүлэг

Системийн аргаар хэрэглэхэд зориулсан бичил биетний эсрэг бэлдмэл.

Системийн аргаар хэрэглэхэд зориулсан бактерийн эсрэг бэлдмэл.

Макролид, линкозамид ба стрептограмины бүлэг.

Макролид. Кларитромицин.

АТС код J01FА09

Эм судлалын онцлог

Фармакокинетик

Удаат задралтат үйлдэлтэй кларитромицин шахмалын шимэгдэлт нь удаан байдаг боловч харин түргэн үйлдэлтэй шахмалтай харьцуулвал шимэгдэх тунгийн хэмжээ нь адил байдаг. Хамгийн өндөр концентрацидаа хүрэн хугацаа нь урт байдаг ба хоногт 500 мг тунгаар хэрэглэхэд энэхүү хугацаа нь ойролцоогоор кларитромицинд 7,5 цаг байдаг бол түүний метаболит болох 14-гидроксикларитромицинд 7,7 цаг байдаг. Удаан задралтат шахмалыг хэрэглэх үед хамгийн өндөр концентраци нь түргэн үйлдэлтэй шахмалтай харьцуулвал нилээд бага байдаг.

3 дахь өдөртөө тэнцвэртэй концентрацидаа хүрдэг. Удаан задралтат шахмалын биохүрэхүй нь өлөн үедээ хэрэглэхэд 30%-р бага байдаг тул удаан задралтат кларитромициныг өвчтөн хоол идэх үедээ хэрэглэх нь зүйтэй.

Кларитромицины концентраци нь бие махбодын эдэд сийвэнгийнхээсээ 10 дахин их байдаг. Уушги (8,8 мг/кг), гүйлсэн булчирхай (1,6 мг/кг), арьсан бүрхэвч, хамрын салст бүрхэвч, шүлс, уушгины цулцангийн эс, цэр ба дунд чихний хөндийд өндөр концентрациар тодорхойлогддог.

Кларитромицины цусны сийвэнгийн уурагтай холбогдолт бага бөгөөд эргэх шинж чанартай байдаг.

Кларитромицин нь элгэнд хувирч хамгийн багадаа 7 метаболит үүсгэдэг бөгөөд тэдгээрээс хамгийн ач холбогдолтой нь 14-гидроксикларитромицин болно.

500 мг тунгаар нэг удаа ууж хэрэглэсний дараа хагас ялгаралтын хугацаа нь для кларитромицины хувьд 5,5 цаг байх ба 14-гидроксикларитромициний хувьд 9,3 цаг байдаг.  

Кларитромицины 40% орчим нь шээсээр, 30%-с илүү хэсэг нь өтгөнөөр гадагшилдаг.

Өндөр настай өвчтөнд

Бөөрний үйл ажиллагааны алдагдалтайгаас бусад тохиолдолд өндөр настанд тунг зохицуулах шаардлагагүй болох нь тогтоогдсон болно.

Фармакокинетикт нөлөөлөх эмгэгүүд

Кларитромициныг 200 мг тунгаар ууж хэрэглэхэд бөөрний үйл ажиллагааны хүнд хэлбэрийн дутмагшилтай өвчтөнийг эрүүл хүмүүстэй харьцуулвал хамгийн их концетраци хэмжээ болон зураглалд концетрацийн муруйн доодох талбай (AUC) нь ихсэж харин кларитромицины ялгарах хэмжээ багасаж байжээ. Эдгээр үр дүнгүүд нь бөөрний хүнд хэлбэрийн дутмагшилтай өвчтөнд тунг багасгах естой болохыг харуулж байна. Иймээс удаан задралтат шахмалын үйлдэл нь өвчтөнд зохимжгүй бөгөөд тухайлбал дээрх өвчтөнүүдэд  креатинины клиренс нь 0,5 мл/с (30 мл/мин) - с бага байдаг. Тийм өвчтөнд богино үйлдэлтэй кларитромицины шахмалын тунг хувь хүнд зохицуулан хэрэглэх шаардлагатай.

Фармакодинамик

Фромилид^® уно нь эритромицины уламжлалын хагас нийлэг макролидын бүлгийг уламжлал болно. Макролидууд нь рибосомын 50S субъединиц болох пептидил-трансферазын төвийн (P-талт) хэсэгт холбогдож уургийн нийлэгжилтийг саатуулдаг болно. Үүний улмаас бактерийн эсийн хэвийн үйл ажиллагаа нь саатдаг байна. Энэ нь хүний эсийн рибосомуудын бүтэц нь ихээхэн хэмжээгээр өөр өөр бүтэцтэй байдаг тул макролидууд нь түүний рибосомуудтай зарим талаар холбогддоггүй бөгөөд хүний биед макролидууд нь хорт нөлөө бага байдгийн шалтгаан болно.

Кларитромицинаас гадна түүний метатаболит болох  14-гидроксикларитромицин нь мөн идэвхтэй.  Haemophilus influenza бактерийн эсрэг кларитромицинээс 2 дахин их нөлөө үзүүлдэг. Макролидын үндсэн үйлдэл нь бактериостатик шинж чанартай байдаг. Макролидын үйлдэлд антибиотикийн тоо хэмжээ, бактерийн тоо хэмжээ ба өвөрмөц зарим нэгэн бактерийн амьдралын орчил багагүй нөлөөлдөг байна. Макролидын бүлгийн бусад бэлдмэлүүдтэй адил Фромилид^® уно нь дараах эмгэг төрөгчүүдэд тухайлвал Streptococcus pyogenes, Streptococcus pneumoniae ба Moraxella catarrhalis зэрэг эмгэг төрүүлэгчдэд бактерицид нөлөө үзүүлж болох магадлалтай. Судалгааны өнөөгийн байдлаар макролидуудын сийвэн дэх антибиотикийн концентраци нь бактерийг дарангуйлах хамгийн бага концентрациас илүү байгаа тохиолдолд макролидуудын үйлдлийн тодорхойлох хамгийн сайн үзүүлэлт болдог.

Бактерийн эсрэг нөлөөлөх үйлдэл

Фромилид^® уно нь  олон тооны клиникийн ач холбогдол бүхий агаартан, агааргүйтэн ба факультатив агааргүйтэн, бусад бактериуд бактерии (микоплазмууд, уреаплазмууд, хламидууд, легионеллууд) ба  атипик микобактерийн эсрэг бактериостатик ба бактерицид нөлөө үзүүлдэг.

Хүснэгт 1 Кларитромицинд мэдрэг бактериуд

Кларитромицины бактерийн мэдрэг чанар нь үндсэн шингэлэх аргад суурилсан стандарт ажилбарын тусламжтайгаар (NCCLS) тодорхойлогддог. Хэрэв БДХБК ≤ 2 µг/мл байвал кларитромицинд мэдрэг ба хэрэв БДХБК МПК ≥ 8 µг/мл байвал кларитромицинд бактери тэсвэртэй байна хэмээн тооцдог. Стрептококкууд түүний дотор Streptococcus pneumoniae-н тухайд БДХБК ≤ 0,25 µг/мл хүрээнд байвал мэдрэг, БДХБК ≥ 1,0 µг/мл байвал тэсвэртэй. Haemophilus influenzae хувьд БДХБК ≤ 8 µг/мл хүрээнд байвал мэдрэг, БДХБК ≥ 32 µг/мл байвал тэсвэртэй хэмээн тооцдог.

Хэрэглэх заалт

• амьсгалын дээд замын халдварууд (тонзиллофарингит, цочмог синусит)
• амьсгалын доод замын халдварууд (бактерийн шалтгаант цочмог бронхит, архаг бронхит ба уушгины үрэвслийн сэдрэл)
• арьс ба зөөлөн эдийн халдварууд

Хэрэглэх арга ба тун

Фромилид уно бэлдмэлийг насанд хүрэгсэд ба 12- с дээш насны өсвөр үеийнхэнд хэрэглэдэг.

 Бактерийн эсрэг нөлөөт бэлдмэлүүдийг хэрэглэхдээ албан ёсны зөвлөмжийг баримтлах шаардлагтай.

Хэрэглэх тун

Насанд хүрэгчид ба 12-с дээш насны хүүхдэд ерөнхийдөө  500 мг тунтай шахмалыг 24 цагаар хэрэглэдэг. Ихээхэн хүнд хэлбэрийн халдварын эмчилгээнд хоногийн тунг ихэсгэн 500 мг тунтай 2 шахмалыг 24 цагаар хэрэглэнэ.

Эмчилгээний үргэлжлэх хугацаа ерөнхийдөө 6-14 хоног байдаг.

12 хүртэлх насны хүүхдэд

6 сараас 12 нас хүртэлх хүүхдэд кларитромициныг суспензи хэлбэрээр уулгаж эмнэлзүйн судалгаа явуулсан. Иймээс 12 хүртэлх насны хүүхдэд Фромилид^® ууж хэрэглэх суспензи бэлдэхэд зориулсан хэлбэрээр хэрэглэх нь зүйтэй.

Бөөрний үйл ажиллагааны дутмагшилтай өвчтөнд

Креатинины клиренс нь 30 мл/мин-с бага байвал кларитромицины тунг 2 дахин багасгаж жишээ нь 250 мг тунгаар хоногт 1 удаа хэрэглэх ба хүнд хэлбэрийн халдварын үед 250 мг тунгаар хоногт 2 удаа хэрэглэнэ.

Эдгээр өвчтөнд эмчилгээг 14 хоногоос илүү хугацаагаар хэрэглэж болохгүй. Удаан задралтат шахмалыг буталж зажилж хэрэглэж болохгүй. Хэрэв хоногийн 500 мг тунгаас  багасгаж болохгүй бол  энэхүү хэлбэрийн шахмалыг хэрэглэхгүй (Хориглох заалтыг үзнэ үү)

Хэрэглэх арга

Ууж хэрэглэнэ. Шахмалыг бутлаж зажилж хэрэглэж болохгүй. Бэлдмэлийг хооллох үедээ хэрэглэнэ.

Гаж нөлөө

Түгээмэл( ≥1/10):

• дотор муухайрах, хоолны дуршил буурах, хэвлийгээр өвдөх, бөөлжих, суулгах, амтны мэдрэмж өөрчлөгдөх
• толгой өвдөх

Цөөвтөр( ≥1/1000 -<1/100):

• стоматит, глоссит, үнэрлэх мэдрэхүй өөрчлөгдөх
• чонон хөрвөс

Ховор( ≥1/10 000 -<1/1000):

• хэл ба шүдний өнгө өөрчлөгдөх
• тромбоцитопени
• гипогликеми (ерөнхийдөө цусан дахь сахар бууруулах бэлдмэл хэрэглэж байгаа тохиолдолд)

Маш ховор( <1/10 000):

• панкреатит, псевдомембранозот колит
• Стивенс-Жонсоны хам шинж, хучуур эдийн хорт үхжилт (Лайеллийн хам шинж)

• анафилакси

• толгой эргэх, парестези, нойргүйтэх, хар дарах, депресси, ухаан санаа будангуйрах, айх мэдрэмж төрөх, галлюцинаци, сэтгэцийн хариу урвал өөрчлөгдөх ба таталт үүсэх

• чих шуугих, сонсгол түр алдагдах

• Элэгний ферментүүдийн иэвхжил ихсэх, холестатик шарлалт (эдгээр нөлөө нь маш ноцтой байж болох ч ерөнхийдөө түр зуурын шинжтэй байдаг ба зарим дагалдөх эмгэгтэй өвчтөнд тухайлбал бусад эм хэрэглэж байгаа зэрэг тохиолдолд үхлийн аюултай элэгний дутмагшил үүсч байсан нь мэдээлэгдсэн).
• Креатинины түвшин ихсэх, бөөрний завсрын эдийн үрэвсэл, бөөрний дутмагшил
• артралги, миалги

• QT зай уртсах, ховдлын тахикарди, пируэт тахикарди.

Ноцтой гаж нөлөө илэрсэн тохиолдолд эмчилгээг зогсоох хэрэгтэй.

Кларитромициныг колхицинтэй хамт хэрэглэхэд ялангуяа өндөр настан, түүний дотор бөөрний үйл ажиллагааны дутагшилтай өвчтөнд колхицины хоруу чанар үүсч байсан тохиолдол бий (түүний дотор үхлээр төгссөн ч бий).

Хориглох заалт

• макролидын бүлгийн антибиотикууд ба бэлдмэлийн найрлага дахь аль нэг бодист хэт мэдрэгшил нэмэгдсэн үед
• элэгний үйл ажилллагааны хүнд хэлбэрийн дутмагшилтай үед
• цизаприд, пимозид, терфенадин, астемизол буюу харга мөөгөнцөрийн алкалоидтай хамт хэрэглэж байгаа тохиолдолд
• порфири
•  фруктозод удамшлын гаралтай тэсвэргүй байх, мальабсорбцийн хам шинж, глюкоз-галактоз буюу сахароз-изомальтозын дутмагшил
• бөөрний дутмагшил (кретинины клиренс 30 мл/мин-с бага үед)
• ранолазин, статин, тикагрелор, колхицин зэрэг бэлдмэлүүдтэй хамт хэрэглэх тохиолдолд
• QT зай уртсах хам шинжтэй өвчтөнд
• гипокалиеми
• жирэмсэн ба хөхүүл үед  зэрэг тохиолдолд хэрэглэхийг хориглоно.

Эмийн харилцан нөлөөлөл

Дараах бэлдмэлүүдэд тухайлвал эмийн харилцан нөлөөллийн хүнд хэлбэрийн ул мөр үүсэх магадтайн улмаас хамт хэрэглэхийг хатуу хориглоно:

Цизаприд, пимозид, астемизол, терфенадин

Кларитромицинтэй хамт хэрэглэхэд цусны сийвэнд цизапридын түвшин ихэсдэг. Үүний улмаас QT зай уртсах ба зүрхний хэм алдалт илэрдэг. Тухайлбал ховдлын тахикарди, ховдлын фибриляци ба трепетани-мерцани үүсдэг.

Кларитромициныг пимозидтай хамт хэрэглэх үед гаж нөлөө илэрч байсан нь мэдээлэгдсэн (Хориглох заалт хэсэгт үзнэ үү).

Макролидууд нь терфенадины хувиралтыг өөрчилдгийн улмаас цусны сийвэнд түүний концентраци нэмэгдэж QT зай уртсах ба зүрхний хэм алдалт, түүний дотор ховдлын тахикарди, ховдлын фибрилляци ба трепетани-мерцани үүсдэг (Хориглох заалт хэсэгт үзнэ үү).

Сайн дурын 14 хүнд хийсэн судалгаагаар кларитромицинтэй терфенадиныг хамт хэрэглэхэд  бодисын солилцооны хүчиллэг метаболитын түвшин 2-3 дахин ихсэж QT зай уртасдаг боловч энэ нь эмнэлзүйн аяч холбогдолгүй байжээ.

Астемизолтай бусад макролидуудыг хамт хэрэглэхэд гаж нөлөө үүсч байсан нь тэмдэглэгдсэн.

Эрготамин/дигидроэрготамин

Зах зээлийн дараах судалгаагаар кларитромицин ба эрготамин буюу дигидроэрготаминыг хамт хэрэглэхэд цочмог эрготизмын шинж тэмдэг, тухайлвал судас агших ба эд, бүх мөчдийн ишеми үүсдэг бөгөөд энэхүү өөрчлөлт нь төв мэдрэлийн системийг ч хамардаг байна. Кларитромициныг дээр дурдсан эмүүдтэй хамт хэрэглэх нь хориотой (Хориглох заалт хэсэгт үзнэ үү).

ГМГ-КоА-редуктазын ингибитор (статинууд)

Кларитромициныг ловастатин буюу симвастатинтай хамт хэрэглэхийг хориглодог (Хориглох заалт хэсэгт үзнэ үү) бөгөөд эдгээр статинууд нь үндсэндээ CYP3A4 ферментийн нөлөөгөөр хувирдаг бөгөөд  цусны сийвэнд кларитромицины нөлөөгөр эдгээр эмийн концентраци ихсэж үүний улмаас миопати, мөн рабдомиолиз үүсэх эрсдэл нэмэгддэг. Кларитромициныг статинуудтай хамт хэрэглэсэн өвчтөнд рабдомиолиз үүсч байсан тухай мэдээлэгдсэн. Кларитромициныг зайлшгүй хэрэглэх шаардлагтай бол ловастатин буюу симвастатиныг ээлж эмчилгээний туршид түр зогсоох шаардлагатай.

Кларитромициныг статинтэй хамт хэрэглэхдээ ихээхэн болгоомжтой хандах хэрэгтэй. Зайлшгүй хэрэглэх шаардлагатай тохиолдолд тогтоогдсон хамгийн бага тунгаар хэрэглэхийг зөвлөдөг. Хувиралт нь CYP3A ферментээс хамаардаггүй статинуудын (тухайлвал, флувастатин) хамт хэрэглээг нарийвлан авч үзэж болно. Өвчтөнд миопатийн шинж тэмдэг илэрч байгаа эсэхийг сайтар хянаж байх шаардлагатай.

Бусад эмийн бэлдмэлүүд кларитромицины фармакокинект нөлөөлөх нь:

CYP3A-ийн индукторууд болох эмийн бэлдмэлүүд нь (тухайлвал, рифампицин, фенитоин, карбамазепин, фенобарбитал, алтан цэгцүүхэйн бэлдмэлүүд) кларитромицины хувиралтыг өдөөнө. Энэ нь кларитромицины субтерапевтик концентрацид хүргэж, түүний үйлдлийг багасгэж болзошгүй. Түүнээс гадна CYP3A-ийн индукторын сийвэнгийн концентрацийг хянаж байх шаардлагатай бөгөөд учир нь кларитромицин CYP3A  ферментийг саатуулах нөлөө нь ихэсдэг (CYP3A4-ийн индукторын эм хэргэлэх заавраас харна уу).

Рифабутин ба кларитромицинтэй  хамт хэрэглэвэл рифабутины концентраци ихсэх ба сийвэнд кларитромицины концентраци багасаж увеит үүсэх эрсдэл нэмэгддэг.

Дараах эмийн бэлдмэлүүд цусан дахь кларитромицины концентрацид нөлөөлдөг болох нь тогтоогдсон ба үүний улмаас тунг өөрчлөх эсвэл сэлгээ эмчилгээ хэрэглэх шаардлага гарч болох юм:

Эфавиренз, невирапин, рифампицин, рифабутин ба рифапентин

Р450 цитохромын системийн изоферментийн хүчтэй индукторууд болох эфавиренз, невирапин, рифампицин, рифабутин ба рифапентин зэрэг эмүүд нь кларитромицины хувиралтыг түргэсгэж, цусны сийвэн дэх түүний концентрацийг багасгадаг харин микробиологийн идэвхтэй метаболит болох 14-ОН-кларитромицины концентрацийг ихэсгэдэг. Кларитромициныг Р450 цитохром системийн изоферментийн индукторуудтай хамт хэрэглэвэл кларитромицин ба  ба 14-ОН-кларитромицины микробиологийн идэвхжил нь төрөл бүрийн бактерид янз бүр байх тул эмчилгээний хүлээгдэж байгаа үр дүнд хүрэхгүй байх магадлалтай.

Этравирин

Этравиринтэй хамт хэрэглэвэл кларитромицины концентраци багасаж харин түүний идэвхтэй метаболит болох 14-ОН-кларитромицины концентраци ихэсдэг. 14-ОН-кларитромицин нь  Mycobacterium avium complex (MAC) халдварт нөлөөлөх идэвх нь бага байдаг тул MAC халдварт өөр сэлгээ эмчилгээг сонгон хэрэглэх нь зүйтэй.

Флуконазол

Флуконазолыг 200 мг тунгаар өдөр бүр, кларитромициныг 500 мг тунгаар өдөрт 2 удаа нийт 21 сайн дурынханд хамт хэрэглэсэн судалгаанд кларитромицины (C_min) тэнцвэртэй хамгийн бага концентрацийн дундаж утга нь 33% -р ихсэж мөн зураглалд фармакокинетикийн муруйн доорх талбай (AUC) 18%-р ихсэж байжээ. Дээрх байдлаар хавсруулан хэрэглэхэд идэвхтэй метаболит болох 14-ОН-кларитромицины концентрацийн тэнцвэржилтэнд ач холбогдолтойгоор нөлөөлөөгүй байна. Кларитромициныг флуконазолтай хамт хэрэглэхэд тунг зохицуулах шаардлагагүй.

Ритонавир

Фармакокинетикийн судалгаа нь ритонавирыг 200 мг тунгаар 8 цагаар, кларитромициныг 500 мг тунгаар 12 цагаар хэрэглэн судлахад кларитромицины хувиралтыг мэдэгдэхүйц дарангуйлж байсан. Ритонавиртай хамт хэрэглэхэд кларитромицины C_max 31%-р, C_min 182%-р ихсэж байсан ба харин AUC 77% -р ихсэж байжээ. Харин 14-ОН-кларитромицины  үүсэлт нь бүрэн дарангулагдаж байсан нь тэмдэглэгдсэн.

Кларитромицин нь эмчилгээний өргөн хүрээт диапазонтай тул бөөрний үйл ажиллагааны алдагдалгүй өвчтөнд тунг зохицуулах шаардлагагүй. Нөгөөтэйгүүр, бөөрний үйл ажиллагааны дутмагшилтай өвчтөнд дараах хувилбараар тунг зохицуулж болно: КК 30-60 мл/мин үед кларитромицины тунг 50% багасгаж хэрэглэх ба КК 30 мл/мин –с бага үед кларитромицины тунг 75% багасгаж хэрэглэнэ. Кларитромициныг хоногт 1 г- дээш тунгаар хэрэглэж байгаа тохиолдолд ритонавирыг хамт хэрэглэхгүй.

Дээрхийн нэгэн адилаар ритонавирыг фармакокинетикийг хүчжүүлэгч болгон ДОХ-протеаз саатуулагчид, тухайлвал атазанавир  ба саквинавиртай хамт хэрэглэх тохиолдолд бөөрний үйл ажиллагааны дутмагшилтай өвчтөнд тунг зохицуулах шаардлагатай (Доор дурдагдсан Хоёр чиглэлт эмийн харилцан нөлөөлөл хэсгийг харна уу).

Кларитромицин бусад эмийн фармакокинетикт нөлөлөх нь:

CYP3A хамааралт харилцан нөлөөлөл

CYP3A изоферментийг илт саатуулагч кларитромициныг CYP3A оролцоотойгоор хувирдаг бэлдмэлүүдтэй хамт хэрэглэвэл цусны сийвэнд эдгээр бэлдмэлийн концентраци ихсэж юуны түрүүнд эмчилгээний үйлдэл нь хүчжин, эмчилгээний нөлөө уртасдаг тул гаж урвал үүсэх эрсдэл нь нэмэгддэг.

Кларитромициныг CYP3A субстрат болох эмийн бэлдмэлүүдтэй ( ялангуяа аюулгүйн хүрээ явцуутай бэлдмэлүүд (жишээлвэл, карбамазепин) ба/буюу тухайн изоферментээр хүчтэй хувирдаг эмүүд) хамт эмчилгээнд хэрэглэж байгаа өвчтөнд онцгой болгоомжтой хандах хэрэгтэй.

CYP3A изоферментийн нөлөөгөөр анхдагч хувиралд ордог эмүүдийг кларитромицинтэй хамт хэрэглэхдээ эмийн бэлдмэлүүдийн сийвэнгийн концентрацийг нягт хянан тун зохицуулалт хийх шаардлага гарч болох юм.

CYP3A изоферментийн нөлөөгөр хувирдаг нь тогтоогдсон (буюу таамаглагдаж байгаа) дараах эмийн бэлдмэлүүд буюу бүлэг эмийн бэлдмэлүүд: алпразолам, астемизол, карбамазепин, цилостазол, цизаприд, циклоспорин, дизопирамид, харга мөөгөнцөрийн алкалоидууд, ловастатин, метилпреднизолон, мидазолам, омепразол, ууж хэрэглэдэг антикоагулянтууд (жишээ нь, варфарин, «Тусгай анхааруулга» хэсэг үзнэ үү), пимозид, хинидин, рифабутин, силденафил, симвастатин, сиролимус, такролимус, терфенадин, триазолам ба винбластин. P450 цитохром изоферментийн нөлөөгөөр хувирдаг фенитоин, теофиллин ба вальпроатууд зэрэг бэлдмэлүүдтэй дээрх механизмтай төстэйгөөр харилцан нөлөөлөл үүсгэдэг болох нь тэмдэглэгдсэн.

Зүрхний хэм алдалтын эсрэг бэлдмэлүүд

Зах зээлийн дараах судалгаагаар кларитромициныг хинидин буюу дизопирамидтай хамт хэрэглэхэд "пируэт" хэлбэрийн зүрхний ховдлын тахикарди үүсч байсан нь бодитойгоор мэдээлэгдсэн. Кларитромициныг эдгэээр эмийн бэлдмэлүүдтэй хамт хэрэглэх үед QT зайг уртасгах нөлөө үүсч байгаа эсэхийг ЭКГ-р хянаж байхыг зөвлөдөг. Кларитромицины эмчилгээний хугацаанд хинидин ба дизопирамидын цусны сийвэн дэх концентрацийг хянаж байх шаардлагатай.

Зах зээлийн дараах судалгаагаар кларитромициныг дизопирамидтай хамт хэрэглэхэд гипогликеми үүсч байсан тухай бодитойгоор мэдээлэгдсэн. Иймээс кларитромициныг дизопирамидтай хамт хэрэглэхэд үед цусан дахь глюкозын хэмжээг хянаж байхыг зөвлөдөг.

Цусан дахь сахар бууруулдаг ууж хэрэглэх бэлдмэлүүд/инсулин

Кларитромициныг цусан дахь сахар бууруулдаг ууж хэрэглэх эмүүд тухайлвал натеглинид, репаглинидтай (CYP3A изоферментийг саатуулагч) хамт хэрэглэвэл цусан дахь сахар багасаж болохыг сайтар хянаж байх шаардлагатай.

Омепразол

Кларитромициныг (500 мг-аар 8 цагаар) эрүүл сайн дурынханд омепразолтой 40 мг-аар өдөр бүр хавсруулан хэрэглэж туршсан. Кларитромицин ба омепразолыг хавсруулсан хэрэглэх үед омепразолын сийвэн дэхь тогтвортой концентраци нь ихсэж байжээ (C_max, AUC_0-24, ба  T_1/2 үзүүлэлт нь дээрхи дарааллаар 30%, 89% ба 34%, ихсэж байжээ). Ходоодны дундаж рН нь 24 цагийн туршид омепразолыг хэрэглэж байгаа үед 5,2 байсан ба  кларитромицинтэй хавсруулан хэрэглэхэд 5,7 болж байжээ.

Силденафил, тадалафил и варденафил

Эдгээр фосфодиэстеразын саатуулагч нь элгэнд хувирдаг ба хувиралт нь CYP3A ферментийн нөлөөгөөр заримдаг хувиралд ордог. Энэ үед кларитромицин байгаа нөхцөлд CYP3A ферментийн үйлдэл нь саатуулагдаж болзошгүй. Кларитромициныг силденафил, тадалафил ба варденафил зэрэг эмүүдтэй хавсруулан хэрэглэхэд фосфодиэстераз ферментийг саатуулах үйлдэл нь хүчиждэг. Эдгээр бэлдмэлүүдийг кларитромицинтэй хавсруулан хэрэглэхэд силденафил, тадалафил и варденафилын тунг багасгах нь зүйтэй.

Теофиллин, карбамазепин

Эмнэлзүйн клиник судалгаагаар теофиллин ба карбамазепиныг  кларитромицинтэй хавсруулан хэрэглэхэд дээрх эмүүдийн цусны сийвэн дэхь концентраци үл мэдэг гэхдээ статистик ач холбогдолтойгоор (p< 0,05) ихэсдэг болох нь судалгааны үр дүнгээс харагдсан. Тиймээс тунг багасгаж хэрэглэх шаардлага гарч болох юм.

Толтеродин

Толтеродин нь 2D6 изоформ цитохром Р450 (CYP2D6) тусламжтайгаар анхдагч хувиралд ордог. CYP2D6 фермент байхгүй хүн амд CYP3A ферментийн нөлөөгөөр хувирдаг байна. CYP3A фермент дарангуйлагдсан энэхүү хүн амд толтеродины цусны сийвэн дэх концентраци нь ач холбогдол бүхий хэмжээгээр илүү ихэсдэг байна. CYP2D6 фермент бага байдаг хүн амд CYP3A ферментээр хувирах тул кларитромицины нэгэн адилаар толтеродины тунг багасгаж хэрэглэх шаардлага гарч болзошгүй.

Триазолбензодиазепинүүд (Жишээ нь алпразолам, мидазолам, триазолам)

Кларитромициныг шахмал хэлбэрээр (500 мг-аар хоногт 2 удаа) мидазоламтай хавсруулан хэрэглэхэд мидазоламын AUC нь  ихэссэн ба мидазоламыг венийн судсанд тарьж хэрэглэхэд 2 дахин, ууж хэрэглэхэд 7 дахин ихэсэж байжээ. Кларитромициныг мидазоламтай хавсруулан хэрэглэхээс зайлсхийх шаардлагатай. Хэрвээ кларитромицинтэй мидазоламтай венийн судсаар тарьж хэрэглэж байгаа тохиолдолд хэрэглэх тунг маш анхааралтай нарийн тохируулан хэрэглэх шаардлагатай. Триазолам ба алпразоламыг оролцуулаад CYP3A ферментийн нөлөөгөөр хувирдаг бусад бензодиазепинүүдийг дээрхийн нэгэн адилаар анхааралтай хянаж хэрэглэх нь зүйтэй. CYP3A-аас хамааралгүй бензодиазепинүүдийг (темазепам, нитразепам, лоразепам) кларитромицинтэй хавсруулан хэрэглэхэд эмнэлзүйн ач холбогдол бүхий харилцан нөлөөлөл үүсгэх магадлал багатай.

Зах зээлийн дараах эмийн харилцан нөлөөлөл ба төв мэдрэлийн талаас илрэх гаж нөлөө (нойрмоглох ба оюун ухаан будангуйрах) кларитромицин ба триазоламыг хамт хэрэглэхэд үүсч байсан тухай мэдээлэгдсэн. Энэ тохиолдолд төв мэдрэлийн системд нөлөөлөх эм судлалын  үйлдэл хүчжиж болохыг тооцон өвчтний биеийн байдлыг сайтар хянаж байвал зохино.

Бусад эмийн харилцан нөлөөлөл:

Аминогликозидууд

Кларитромициныг сонсгол хордуулах бусад эмийн бэлдмэлтэй, ялангуяа аминогликозидуудтай («тусгай анхааруулга» хэсэгт үзнэ үү) хавсруулан хэрэглэх шаардлага гарвал ихээхэн болгоомжтой хандахыг зөвлөдөг.

Колхицин

Колхицин нь CYP3A-ийн субстрат болох ба Р-гликопротеид (Pgp)-ыг зөөгч уураг болох юм. Кларитромицин ба бусад макролидууд CYP3A ба Pgp-ыг саатуулагч болдог нь илэрхий байдаг болно.

Кларитромицин ба колхициныг хавсруулан хэрэглэхэд кларитромицин нь CYP3A, Pgp-ийг саатуулдагын улмаас кохицины үйлдэл хүчижэхэд хүргэж болзошгүй.

Колхицины хордлогын эмнэлзүйн шинж тэмдгүүд үүсч байгаа эсэхийг хянаж байх хэрэгтэй («тусгай анхааруулга» хэсэгт үзнэ үү).

Дигоксин

Дигоксин нь Р-гликопротеида (Pgp) уургыг зөөгчдөд субстрат болно гэдгийг таамагладаг. Кларитромицин нь Pgp-ийг саатуулдаг болох нь тодорхой болно. Кларитромицин ба дигоксиныг хавсруулан хэрэглэхэд кларитромицин нь Pgp-ийг саатуулдагын улмаас дигоксины үйлдэл хүчижэхэд хүргэж болзошгүй. Зах зээлийн дараах судалгаагаар кларитромициныг дигоксинтой хавсруулан хэрэглэж байгаа өвчтний цусны сийвэн дэх концентраци ихэсдэг болохыг ажиглан мэдээлсэн болно. Зарим өвчтөнд үхлийн аюултай ноцтой хэм алдалтыг оруулаад дигоксины хордлогын шинж тэмдэг үүсч байжээ. Кларитромициныг хавсруулан хэрэглэж байгаа өвчтний цусны сийвэн дэх дигоксины концентрацииг нарийн хянаж байх хэрэгтэй.

Зидовудин

ДОХ-оор халдварлагдсан насанд хүрсэн өвчтөнд кларитромициныг зидовудинтэй хамт ууж хэрэглэхэд зидовудины тэнцвэртэй концентраци нь багасаж болзошгүй. Кларитромицин нь ууж хэрэглэж байгаа зидовудины шимэгдэлтэнд нөлөөлдөг тул кларитромицин ба зидовудиныг өөр хооронд нь 4 цагийн зайтай хэрэглэх замаар тэдгээрийн харилцан нөлөөллөөс ач холбогдол бүхий хэмжээгээр зайлсхийх боломжтой. Харин ДОХ халдвартай хүүхдэд кларитромициныг суспенз хэлбэрээр зидовудиныг дидезоксиинозинтэй хавсруулан хэрэглэхэд дээрхтэй төстэй харилцан нөлөөлөл ажиглагдаагүй болно. Кларитромициныг венийн судсаар тарьж хэрэглэхэд дээрхтэй төстэй харилцан нөлөөлөл үүсэх магадлал багатай.    

Фенитоин и вальпроат

Аяндаа мэдээлэгдсэн буюу кларитромициныг оролцуулаад CYP3A-ыг саатуулагчтай харилцан нөлөөлөл үүсгэж байсан тухай хэвлэлийн мэдээллийг тооцвол зарим эмийн бэлдмэлүүд CYP3A ферментээр хувирдаггүй хэмээн тооцогддог (жишээ нь, фенитоин ба вальпроат).  Эдгээр эмийн бэлдмэлийг кларитромицинтэй хамт хэрэглэж байгаа үедээ тэдгээрийн цусны сийвэн дэх концентрацийг тодорхойлон хянаж байхыг зөвлөдөг. Ерөнхийдөө тэдгээрийн эмийн сийвэн дэх концентраци ихсэж байсан тухай мэдээлэгдсэн.

Эмийн хоёр чиглэлт харилцан нөлөөлөл:

Атазанавир

Кларитромицин ба атазанавир нь CYP3A ферментийг саатуулагч ба субстрат болох юм. Тэдгээрийн харилцан нөлөөлөл нь 2 чиглэлтэй байдаг болох нь тогтоогдсон. Кларитромициныг (500 мг тунгаар хоногт 2 удаа) ба атазанавирыг (400 мг тунгаар хоногт 1 удаа) хавсруулан хэрэглэхэд кларитромицины нөлөө 2 дахин ихсэж 14-ОН-кларитромицины нөлөө  70% багасдаг ба харин атазанавирын AUC 28% ихэсдэг байна. Кларитромицин нь эмчилгээний хүрээ өргөн учир бөөрний үйл ажиллагаа хэвийн өвчтөнд тунг багасгах шаардлагатай. Бөөрний үйл ажиллагааны дунд зэргийн дутмагшилтай (КК 30-60 мл/мин) өвчтөнд кларитромицины тунг 50% багасгах хэрэгтэй. КК 30 мл/мин-с бага үед кларитромицины тунг 75% багасгах хэрэгтэй. Протеазыг саатуулагч эмүүдтэй кларитромицины тунг хоногт 1000 мг-аас илүү тунгаар хэрэглэж болохгүй.

Кальцийн сувгийг хориглогчид

Кларитромициныг CYP3A4 изоферментийн нөлөөгөөр хувирдаг кальцийн сувгийг хориглогчидтой (жишээ нь, верапамил, амлодипин, дилтиазем) хавсруулан хэрэглэх тохиолдолд цусны даралт багасах бодит эрсдэлтэй тул сайтар хянаж байх шаардлагатай. Кларитромицины болон кальцийн суваг хориглогчидыг хамт хэрэглэсэн тохиолдолд дээрх 2 эмийн аль альных нь сийвэнгийн концентраци ихсэж болдог. Кларитромицин ба верапамилыг хамт хэрэглэж байгаа тохиолдолд цусны даралт багасах, брадиаритм ба лактоацидоз үүсэж байсан нь ажиглагдсан.

Итраконазол

Кларитромицин ба итраконазол нь CYP3A-ийг саатуулагч ба субстрат болох тул тэдгээр нь өөр хоорондоо 2 чиглэлт харилцан нөлөөлөл үүсгэж болох юм. Кларитромицин ба итраконазолыг хамт хэрэглэж байгаа өвчтөнд эдгээр бэлдмэлүүдийн эм судлалын үйлдлийн үргэлжлэх хугацаа нэмэгдэх буюу үйлдлийн хүч нэмэгдэж болохыг сайтар хянаж байх хэрэгтэй.

Саквинавир

Кларитромицин ба саквинавир CYP3A-ийг саатуулагч ба субстрат болох тул тэдгээр нь өөр хоорондоо 2 чиглэлт харилцан нөлөөлөл үүсгэж болох юм. Кларитромициныг (500 мг тунгаар хоногт 2 удаа) ба саквинавирыг (зөөлөн желатин капсултай хэлбэрээр 1200 мг тунгаар хоногт 3 удаа) сайн дурын эрүүл хүмүүст хэрэглэхэд саквинавирын AUC и C_max нь дээрх дарааллаар 177% и 187%-аар ихсэж байжээ. Харин кларитромицины AUC и C_max –ын утга нь кларитромициныг дангаар нь хэрэглэж байгаа үеийнхээс ойролцоогоор 40%-с дээш ихсэж байсан ажээ. Эдгээр 2 бэлдмэлүүдийг богино хугацаагаар бага тунгаар хавсруулан хэрэглэхдээ тунг зохицуулах шаардлагагүй. Саквинавирыг зөөлөн капсултай хэлбэрээр эмийн харилцан нөлөөллийн судалгааны үр дүн нь саквинавирыг хатуу желатин капсултай хэлбэрээр хэрэглэсэн үр дүнтэй тэр болгон адил байдаггүй. Саквинавирыг дан эмчилгээнд хэрэглэсэн эмийн харилцан нөлөөллийн үр дүн нь саквинавир/ритонавир эмчилгээнд хамт хэрэглэсэн үр дүнтэй тэр болгон адил биш байдаг. Саквинавирыг ритонавиртэй хавсруулан хэрэглэхдээ ритонавир кларитромицины үйлдэлд илэрхий нөлөөлдөг болохыг тооцох хэрэгтэй.

Тусгай анхааруулга

Бөөрний хүнд хэлбэрийн дутмагшилтай хүнд болгоомжтой хэрэглэх хэрэгтэй («Хэрэглэх арга ба тун» хэмээх хэсэгт үзнэ үү).

Кларитромицин нь үндсэндээ элэг цөсний замаар гадагшилдаг. Тиймээс уг антибиотикийг элэгний дутмагшилтай өвчтөнд ихээхэн болгоомжтой хэрэглэх хэрэгтэй. Мөн түүнчлэн бөөрний үйл ажиллагааны дунд зэргээс хүнд хэлбэрийн дутмагшилтай өвчтөнд кларитромициныг маш болгоомжтой хэрэглэх ёстой.

Уг эмийг хэрэглэх үед элэгний үйл ажиллагааны дутагдал үүсэж үхлээр төгсөж байсан тухай мэдээлэгдсэн (« Гаж нөлөө »гэсэн хэсэгт үзнэ үү). Зарим өвчтөнд урьд нь элэгний бодит эмгэгтэй буюу элэг хордуулах бусад эмийн бэлдмэл хэрэглэсэн байж болохыг анхаарах нь зүйтэй.

Хэрэв өвчтөнд элэгний эмгэгшилийн шинж тэмдэг тухайлбал хоолны дуршил буурах, шарлалт үүсэх, шээс бараан өнгөтэй гарах, арьс загатнах буюу хэвлийгээр эмзэглэх зэрэг шинж тэмдэг үүсвэл эмчилгээг зогсоон эмчид хандан зөвлөгөө авах хэрэгтэй.

Макролидуудыг оролцуулаад бусад бүх антибиотикуудыг хэрэглэх үед бүдүүн гэдэсны хуурамч бүрхүүлт үрэвсэл болон эмгэг нь хөнгөн хэлбэрээсээ амь насанд аюултай болох хүртлээ хүндэрч байсан тухай мэдээлэгдсэн.

Кларитромициныг оролцуулаад бактерийн эсрэг бүх эмүүдийг хэрэглэх үед Clostridium difficile хамааралт суулгалт үүсэж  байсан бөгөөд эмгэгийн явц нь суулгалтын хөнгөн хэлбэрээсээ үхлийн аюултай колит үүсэж байсан нь мэдээлэгдсэн.

Бактерийн эсрэг бэлдмэлүүдийн эмийн эмчилгээ нь гэдэсний хэвийн флоруудыг өөрчилж C.difficile-ийн хэт өсөлтөнд хүргэж болзошгүй.

Антибиотик эмчилгээний дараа үүсэж байгаа бүх тохиолдолд Clostridium difficile хамааралт суулгалт байж болохыг анхаарах хэрэгтэй.

Clostridium difficile хамааралт суулгалт нь бактерийн эсрэг эмчилгээ хийлгэснээс хойших 2 сарын дараа ч үүсэж болох нь мэдээлэгдсэн байдаг тул асуумжид сайтар анхааран дүн шинжилгээ хийх хэрэгтэй. Тиймээс дээрх шинж тэмдэг илэрвэл хэрэглэх заалтаас хамаарахгүйгээр кларитромицин эмчилгээг зогсоох хэрэгтэй. Бичил биетний шинжилгээг хийлгэн аль тохирох эмчилгээг эхлэх зүйтэй. Гэдэсний гүрвэлзэх хөдөлгөөнийг саатуулагч эмийн бэлдмэл хэрэглэхээс зайлсхийх ёстой.

Зах зээлийн дараах судалгаагаар кларитромицин ба колхициныг хамт хэрэглэхэд ялангуяа өндөр настанд түүний дотор бөөрний үйл ажиллагааны дутмагшилтай өвчтөнд колхицины хордлого үүсч байсан нь мэдээлэгдсэн. Зарим тохиолдолд өвчтөн үхлээр төгсөж байсан нь бүртгэгдсэн («Эмийн харилцан нөлөөлөл »хэсэгт үзнэ үү). Ер нь кларитромицин ба колхициныг хамт хэрэглэх нь хориглох заалттай («Хориглох заалт» хэмээх хэсэгт үзнэ үү). Кларитромицин ба триазолбензодиазепинууд жишээ нь триазолам, мидазолам («Эмийн харилцан нөлөөлөл »хэсэгт үзнэ үү) хамт хэрэглэхдээ ихээхэн болгоомжтой хандах хэрэгтэй.

Кларитромициныг сонсгол хордуулах бусад эмүүдтэй ялангуяа аминогликозидуудтай хамт хэрэглэхтэй онцгой болгоомжтой хэрэглэх хэрэгтэй. Эмчилгээний үед ба эмчилгээний дараа сонсголын ба тэнцвэрийн үйл ажиллагааг сайтар хянаж байх шаардлагатай.

Зүрх судасны талаас илрэх өөрчөлт

Макролид эмчилгээний үед түүний дотор кларитрkмициныг хэрэглэж байх үед зүрхний хэм алдалт ба ховдлын тахикарди «пируэт» хэлбэрээр үүсгэх эрсдэлийг нэмэгдүүлдэг ба миокардын реполяризаци уртсах болон QТ зай уртсах зэрэг өөрчлөлтүүд ажиглагддаг. Дараах тохиолдолууд нь ховдлын хэм алдалт (ховдлын тахикарди «пируэт»хэлбэрээр үүсэхийг оролцуулаад) үүсэх эрсдэлийг нэмэгдүүлдэг тул дараах нөхцөлд кларитормициныг маш болгоомжтой хэрэглэх ёстой. Үүнд:

• Зүрхний цус дутагдах эмгэгтэй, зүрхний хүнд хэлбэрийн дутагмагшилтай, импульс дамжуулалтын өөрчлөлттэй буюу эмнэлзүйн ач холбогдол бүхий брадикардитай өвчтөн
• Ус-электролитын тэнцвэр алдагдсан өвчтөн (жишээ нь, гипомагниеми). Кларитромициныг гипокалиемитэй өвчтөнд хэрэглэдэггүй
• QT зайг уртасгах нөлөө бүхий аль нэгэн эмтэй хамт хэрэглэж болохгүй
• Кларитромициныг астемизол, цисаприд, пимозид ба терфенадинтай хамт хэрэглэх хориотой.
• Кларитромициныг төрөлхийн болон олдмол QT зай уртассан өвчтөн болон ховдлын хэм алдалт үүсэж байсан өгүүлэмжтэй өвчтөнд хэрэглэхгүй.

Тархварзүйн судалгаагаар макролид эмчилгээний үед зүрх-судасны тааламжгүй эрсдэлт ул мөр үүсэх нь харьцангуй шинж чанартай янз бүр байдаг. Ховор тохиолдолд богино хугацаагаар аритми, зүрхний миокардийн шигдээс ба зүрх-судасны амь насанд аюултай ул мөр тухайлбал кларитромициныг оруулаад макролидуудын хэрэглээтэй холбоотой үүсдэг болох нь ажиглагдсан.

Уушигны үрэвсэл

Streptococcus pneumoniae нь макролидуудад бодтой тэсвэржилттэй байж болох учраас кларитромициныг эмнэлэгээс гадуурх уушгины өвчний эмчилгээнд хэрэглэхдээ бактерийн мэдрэгшилийн сорилыг тавьж сонгох нь чухал. Эмнэлгийн уушигны үрэвсэлд кларитромициныг бусад аль тохирох  антибиотиктой хавсруулан хэрэглэх.

Арьсны ба зөөлөн эдийн дунд зэргийн халдварын үед:

Эдгээр халдварууд нь Staphylococcus aureus ба Streptococcus pyogenes зэрэг бактериар олонтаа үүсгэгддэг бөгөөд тэдгээр нь макролидэд тэсвэржсэн байж болзошгүй тиймээс мэдрэг чанарын тест хийж эмээ сонгох нь зүйтэй. Бета-лактамын антибиотикуудыг хэрэглэх боломжгүй үед (жишээ нь, харшилтай) гарааны эмчилгээнд бусад антибиотикууд тухайлбал клиндамициныг хэрэглэж болох юм. Орчин үед арьсны ба зөөлөн эдийн халдварын эмчилгээнд пенициллины бүлгийн эмийг хэрэглэх боломжгүй тохиолдолд зөвхөн макролидуудыг сонгодог бөгөөд тухайлбал Corynebacterium minutissimum ба acne vulgaris и erysipelas бактериудаар үүсгэгдсэн халдваруудын үед хэрэглэнэ.  Кларитромицин эмчилгээний үед хүнд хэлбэрийн цочмог хэт мэдрэгшилийн урвалууд тухайлбал анафилакси, Стивенс-Жонсоны хам шинж, хучуур эдийн хорт үхжилт зэрэг гаж урвалууд илэрвэл кларитромицин эмчилгээг яаралтай зогсоон аль тохирох эмчилгээг шууд эхлэх хэрэгтэй.

Кларитромициныг CYP3А4 ферментийн индукторуудтай хамт хэрэглэх бол ихээхэн болгоомжтой хандах хэрэгтэй. («Эмийн харилцан нөлөөлөл» хэсгээс үзнэ үү).

ГМГ-КоА-редуктазаг саатуулагчид (статинууд)

Кларитромициныг ловастатин буюу симвастатинтай хавсруулан хэрэглэх нь хориотой («Хориглох заалт»хэмээх хэсэгт үзнэ үү). Кларитромициныг бусад статинуудтай хамт хэрэглэх бол ихээхэн болгоомжтой хандах хэрэгтэй. Кларитромициныг статинтай хавсруулан хэрэглэсэн өвчтөнд рабдомиолиз үүсч байсан тухай мэдээлэгдсэн. Өвчтөнд миопатийн шинж тэмдгийн илрэл үүсч байгаа эсэхийг зайлшгүй хянаж байх шаардлагатай.  

Кларитромициныг статинтай хавсруулан хэрэглэх зайлшгүй шаардлага гарсан нөхцөлд статинийг зөвшөөрөгдсөн хамгийн баг тунгаар хэрэглэхийг зөвлөдөг болно. Статинуудыг CYP3A ферментийн метаболизмаас (жишээ нь, флувастатин) хамааралгүйгээр хэрэглэх боломжтой.

Цусны сахар бууруулах ууж хэрэглэдэг бэлдмэлүүднсулин

Кларитромициныг сахар бууруулах ууж хэрэглэдэг бэлдмэлүүд (тухайлвал, сульфонилмочевинууд г.м.) ба/буюу инсулинтэй хавсрууран хэрэглэвэл илэрхий гипогликеми үүсч болох юм. Энэ тохиолдолд цусан дахь глюкозын агууламжийг нягт хянаж байхыг зөвлөдөг («Эмийн харилцан нөлөөлөл» хэсэгт үзнэ үү).

Ууж хэрэглэх антикоагулянтууд

 Варфарин ба кларитромициныг хамт хэрэглэж байгаа үед ноцтойгоор цус алдалт үүсэх эрсдэлтэй бөгөөд Олон улсын тэнцвэржүүлсэн харьцаа (MHO: Международное нормализованное отношение) ач холбогдол бүхий хэмжээгээр ихэсдэг ба протромбины хугацаа ч мөн ихэсдэг байна («Эмийн харилцан нөлөөлөл» хэсэгт үзнэ үү). Кларитромициныг ууж хэрэглэх антикоагулянтуудтай хамт хэрэглэж байгай үед Олон улсын тэнцвэржүүлсэн харьцаа ба протромбины хугацааг нягт хянаж байх хэрэгтэй.

Бичил биетний эсрэг эмчилгээний аль ч бэлдмэл түүний дотор кларитромициныг Helicobacter pylori-гоор үүсгэгдсэн халдварын эмчилгээнд хэрэглэх нь бактерийн тэсвэржилт үүсэхэд хүргэж болох юм.

Бусад антибиотикуудын нэгэн адилаар удаан хугцагаар хэрэглэх нь мэдрэг бус бактери ба мөөгөнцөрүүдийн хэт өсөлтөнд хүргэж болзогүй. Хэрэв суперинфекци үүсвэл  кларитромицины хэрэглээг зогсоож аль тохирох эмчилгээг эхлэх хэрэгтэй.

Кларитромицин ба бусад макролидууд, мөн түүнчлэн линкомицин ба клиндамицины хооронд зөрмөл тэсвэржилт үүсч болох гэдэгт аанхаарлаа хандуулж байх хэрэгтэй.

Жирэмсэн ба хөхүүл үед

Эмч хүн кларитромициныг жирэмсэн эхэд ялангуяа эхний гурван сард ашиг ба эрсдэлийг сайтар харьцуулан үнэлэхгүйгээр хэрэглэж болохгүй.   

Кларитромицин жирэмсний хугацаанд хэрхэн хортойгоор нөлөөлж болох судалгаа хийгдээгүй байгаа болно. Хулгана, харх, туулай ба сармагчинд явуулсан үр дүн нь өөрчлөлттэй байгаа судалганаас үзвэл үр хөврөл-ураг хордуулах гаж нөлөө үүсгэхийг үгүйсгэж болохгүй биээ. Тиймээс, жирэмсэн үед ашиг ба эрсдэлийг  сайтар харьцуулан үнэлээгүйгээр хэрэглэж болохгүй.

Хөхүүл үед кларитромицин хор аюулгүй эсэх нь тогтоогдоогүй.  Кларитромицин нь хөхний сүүгээр ялгардаг тул энэхүү эмийг хэрэглэж буй хөхүүл эх хүүхдээ хөхөөр хооллож болохгүй.

Хүүхдийн хэрэглээ

12-с доош насны хүүхдэд Фромилидын 125 мг/5 мл тунтай ууж хэрэглэх суспензийг бэтгэх гранулыг зааврын дагуу бэлтгэн хэрэглэнэ.

Зарим туслах бодисын тухай чухал мэдээлэл

Фромилид^® уно нь лактоз агуулдаг. Ховор тохиолддог төрөлхийн галактозд тэсвэргүй өвчтөн буюу лактазын дутмагшилтай, эсвэл глюкозо-галактозын мальабсорбциийн хам шинжтэй өвчтөнд энэхүү бэлдмэлийг хэрэглэж болохгүй.

Фромилид^® Уно  бэлдмэлийн шахмад бүрд 12,85 мг натри агуулагддаг. Энэ нь шахмал бүрд 1 ммоль натри (23 мг)-с бага хэмжээгээр агуулагдаж байгаа тул энэхүү эмийг "натри үгүй" хэмээн тооцож болно.  

Фромилид Уно бэлдмэлийн 2 шахмалд 25,7 мг натри агуулагдах ба энэ нь ДЭМБ-н насанд хүрэгсдэд хоногт хэрэглэх хамгийн дээд тунтай (2 г) буюу 1,285% байх зөвлөмжтэй тохирч байгаа болно.

Жолоо барих болон осолтой техниктэй ажиллах чадварт тус эмийн бэлдмэлийн үзүүлэх нөлөө.

Энэхүү бэлдмэл жолоо барих болон бусад осолтой тениктэй ажиллах үеийн сэтгэц-хөдөлгөөний урвалын хурдад чадварт нөлөө үзүүлэхгүй.

Тун хэтрэлт

Шинж тэмдэг: бөөлжих, хэлийгээр өвдөх, толгой өвдөх ба ухаан санаа будангуйрах.

Эмчилгээ: ходоод угааж шинж тэмдгийн эмчилгээ хийнэ. Гемодиализ үр дүнгүй байдаг болно.

Савлалт

5 буюу 7 шахмалыг поливинилхлорид/поливинилдихлорид хальс, хөнгөн цагаан фольга-р хийсэн блистерт савлана.

1 буюу 2 блистерийг хэрэглэх зааврын хамт картон хайрцагт  савлана.

Хадгалах нөхцөл

25°С-аас доош хэмд өөрийн савлагаанд нь чийгшилтээс хамгаалж хадгална.

Хүүхэд хүрэхээргүй газарт хадгална!

Хүчинтэй хугацаа

3 жил.

Хүчинтэй хугацаа дууссанаас хойш хэрэглэж болохгүй.

Олгох нөхцөл

Жороор олгоно.

Үйлдвэлэгч

КРКА, д.д., Ново место, Словения, Шмарьешка цеста 6, 8501 Ново место, Словени