КОЛДАВР

Ерөнхий шинж:

“0” гэсэн хэмжээтэй таглаа ба эх бие нь нил ягаан/цагаан өнгөтэй хатуу желатин капсул.

Найрлага:

Хатуу желатин капсул бүрийн агууламж:

• Цетиризин гидрохлорид BP5мг
• Фенилэфрин гидрохлорхид BP5мг
• Парацетамол BP325мг

Хоосон капсул нь зөвшөөрөгдсөн өнгөтэй байна.

Эмнэлзүйн эм судлалын онцлогууд:

• Фармакодинамик:
  
  
• Үйлдлийн механизм:

• Парацетамол нь циклооксигеназа хэмээн нэрлэгддэг бие махбодийн ферментийг хориглох үйлдэл үзүүлдэг. Цикло-оксигеназа нь өвдөлт, хаван болон үрэвслийг үүсгэдэг простагландиний нийлэгжилтэнд оролцдог фермент юм.
• Фенилэфрин нь хамрын салст бүрхэвчийн цусны судсыг нарийсган, хөндийг өргөсгөн агаар дамжуулалтыг сайжруулдаг. Ихэнхи симпатамиметикүүд нь адренорецепторыг шууд сэргээх үйлдэл үзүүлдэг байна..
• Цетиризин гидрохлорид нь тайвшруулах нөлөө үзүүлэлгүйгээр гистамины эсрэг нөлөөлдөг харшлын эсрэг хүчтэй үйлдэлтэй бэлдмэл юм. Тэрээр захын Н1 рецепторыг сонгомлоор дарангуйлах үйлдэл үзүүлдэг.
  
  

• Фармакокинетик:
  Парацетамол:
  Парацетамол нь ходоод гэдэсний замаас түргэн ба бүрэн шимэгддэг. Цусны сийвэн дэх хамгийн өндөр концентрацидаа хэрэглэснээс хойш 0.5-5 цагийн хооронд хүрдэг. Уг эм элгэнд хувирна. 90% нь шээсээр ялгардаг.
  
  
• Фенилэфрин:
  Фенилэфрин нь түргэн бөгөөд бүрэн шимэгддэг. Биологийн хагас ялгарлын хугацаа нь 2-3 цаг байдаг. Түүний дийлэнх нь бөөрөөр ялгардаг. Фэнилэфриний сийвэнгийн эмчилгээний концентраци нь 0.04-0.1мкг/мл байна.
  
  
• Цетиризин гидрохлорид:
  • Шимэгдэлт: Ууж хэрэглэх бөгөөд цетиризин нь хурдан шимэгддэг ба цусан дахь эмчилгээний хамгийн өндөр концентрацидаа /Тmах/ ойролцоогоор 1 цагийн дараа хүрдэг.
  • Тархалт: Ойролцоогоор 93% нь уурагтай холбогдоно.
  • Хувиралт: Цетиризин гидрохлорид нь шимэгдэлтийн үеийн хувиралд ихээхэн өртдөг. Тэрээр О-деалкилжих замаар бага зэрэг хувиралд орох бөгөөд энэхүү метаболит нь гистамины эсрэг үл мэдэг үйлдэл үзүүлдэг.
  • Ялгаралт: Цетиризин гидрохлорид нь үндсэндээ бөөрөөр (70%) хувираагүй багахан хэсэг нь (10%) өтгөнөөр ялгардаг байна. Түүний хагас элиминацийн хугацаа нь ойролцоогоор 8.3цаг байдаг.

Хэрэглэх заалт:

• Хамрын битүүрэлт болон дайвар хөндийн зогсонгишролтот хаванг арилгана.
  
  
• Хамар хоолойн болон амьсгалын дээд замын харшлын шинж тэмдгүүдийг арилгана.
  
  
• Дайвар хөндийн болон толгойн өвдөлтийг намдаана.
  
  
• Дайвар хөндийн үрэвсэл, гүйлсэн булчирхайн үрэвсэл ба дунд чихний үрэвслийн үед бактерийн эсрэг эмчилгээнд нэмэлтээр хэрэглэдэг.

Хориглох заалт:

• Бэлдмэлийн найрлаганд буй аль нэг бодисонд хэт мэдрэгшсэн өвчтөн.
• Хүнд хэлбэрийн артерийн даралт ихсэх эмгэгтэй өвчтөнд хэрэглэхгүй.

Жирэмсэн ба хөхүүл үед:

• Парацетамол нь зөвлөдөг тунгаараа хэрэглэхэд жирэмсэн үед хийгдсэн тархвар зүйн судалгаагаар ямар нэг сөрөг нөлөө үзүүлээгүй байна.
• Гэхдээ парацетамолыг хэрвээ эмч зайлшгүй шаардлагатай хэмээн зөвлөөгүй бол жирэмсэн үед хэрэглэхээс зайлсхийх хэрэгтэй.
• Парацетамол нь хөхний сүүгээр ялгардаг боловч эмнэлзүйн нөлөө үзүүлэхүйц хэмжээгээр ялгардаггүй. Судалгааны хэвлэгдсэн материалаас үзвэл уг эм хөхүүл эхэд хориглох заалтгүй байна.

Анхааруулга ба болгоомжлол:

• Хэт мэдрэгшлийн урвалууд ховор тохиолддог. Гэхдээ хэт мэдрэгшлийн урвал илэрвэл хэрэглээг зогсоох хэрэгтэй.
• Уг капсул нь парацетамол агуулдаг тул түүнийг агуулсан бусад бүтээгдэхүүнүүдтэй найрлага давхцуулан хэрэглэж болохгүй.
• Энэхүү бэлдмэлийг бөөр болон элэгний үйл ажиллагаа алдагдсан, чихрийн шижин, зүрх судасны эмгэгшил, эпилепситэй болон хаалттай өнцөгт глаукомтой өвчтөнд маш болгоомжтой хэрэглэх шаардлагатай.
• Колдавр капсул эмчилгээг хэрэглэж байгаа өвчтөнд машин техниктэй ажиллахгүй байхыг зөвлөх хэрэгтэй.

Эмийн харилцан нөлөөлөл:

Колдавр бэлдмэлийг моноамино оксидаза ферментийг хориглогчид, гурван цагирагт антидепресантууд, бетта адренорецепторт нөлөөлөх эмүүд болон метилдопа, резерпин ба “Veratrum”-ийн алколоидууд агуулсан бэлдмэлүүдтэй эмнэлзүйн ач холбогдол бүхий харилцан нөлөөлөл үүсгэдэг тул эдгээрийг хамт хэрэглэдэггүй болно.

Гаж урвалууд:

Толгой өвдөх, толгой эргэх, дотор муухайрах, зүрх дэлсэх, тайван бус болох, цээж хорсох болон аюулхай орчим өвдөх зэрэг гаж нөлөө илэрч болзошгүй.

Тун хэтрэлт ба эмчилгээ:

Парацетамолын тун хэтэрвэл элгийг гэмтээх аюултай.

Тун ба хэрэглэх арга:

• 1 капсулаар өдөрт 2 удаа хэрэглэнэ.
• Хэрэглэх арга: Ууж хэрэглэнэ

Хадгалах нөхцөл:

• Сэрүүн ба хуурай газарт хадгална.
• Эмийг хүүхэд хүрэхгүй газар хадгална.

Савлалт:

10x1x10 Капсулаар блистэрт цаасан хайрцагт савлагдана.

Хүчинтэй хугацаа: 3 жил.