Монголын Уламжлалт эмийн бүтээгдэхүүний хэрэглэх заавар

Худалдааны нэр: Чацаргана-5 

Эмийн хэлбэр: Талхан эм.

Найрлага: Чацаргана, рүда, жүр үр, чихэр өвс, үзэм  гэсэн 5 найрлагатай.

Тун хэмжээ: 1 гр-аар уут.

Эмчилгээний бүлэг: Уушгины өвчинд хэрэглэх эмийн бүлэг.

Эмчилгээний үйлдэл: Халууныг арилгаж, цэрийг ховхлон ханиахыг зогсооно.

Хэрэглэх заалт: Уушгины хуучирсан халуун, амьсгал давчдах, хямарсан халуун, уушгины өгөр цус, хоолойд цэр тогтож ханиалгах зэргийг дарна.

Хэрэглэх арга: 1 граммаар өдөрт 1-2 удаа буцалсан бүлээн усаар  даруулж  ууна.

Хориглох заалт: Найрлагын бүрэлдэхүүнд орсон ургамлуудад хэт мэдрэг бол хэрэглэхийг хориглоно. Жирэмсэн болон хөхүүл эх, бага насны хүүхдэд хэрэглэхгүй.

Гаж нөлөө: Одоогоор энэ эмийн гаж нөлөөний талаар мэдээлэлгүй байна.

Эмийн харилцан нөлөөлөл: Ижил үйлдэлтэй эмтэй хавсруулан хэрэглэхгүй. Найрлаганд орсон аль нэгэн бодисыг агуулсан өөр эмтэй, найрлага давхцуулан хэрэглэж болохгүй.

Анхааруулга: Хоолой сэрвэгнэх, ханиалгах, тууралт гарах  зэрэг харшлын шинж тэмдэг илэрвэл яаралтай эмчид хандана уу.

Хүчинтэй хугацаа: Үйлдвэрлэсэн өдрөөс хойш Чацаргана-5  эмийг 3 жил хадгална.

Хадгалах нөхцөл: Агааржуулалт сайтай, сэрүүн хуурай орчинд нарны шууд тусгалаас хол, үйлдвэрийн өөрийн сав баглаа боодолтой нь хүүхэд хүрэхээргүй ба харахааргүй газарт хадгална.

Олгох нөхцөл: Чацаргана-5  талх эмийг эмчийн зааврын дагуу эмчилгээний хугацаа, тунг тохируулан эмийн сангаас олгоно.

Савлалт: Чацаргана-5  эмийг 1 граммаар 15 ширхэг савласан.

Үйлдвэрлэгч: “Одь тан” уламжлалт эмийн үйлдвэр.

Эх сурвалж: Чойжамц маарамба  “Маш гайхамшигт хуримын сан-Онцар гадон”